ಪೊಣ್ಣು

ಟವರ್ ಏರ್ದ್ ಭಗ್ನ ಪ್ರೇಮಿನ ಹೈ ಡ್ರಾಮ : ಪೊಣ್ಣು ಬತ್ತಿಬೊಕ್ಕ ತಿರ್ತ್ ಬತ್ತಿನ ಆಣ್

ಕುಡ್ಲ , ಎಪ್ರಿಲ್ 18: ಭಗ್ನಪ್ರೇಮಿಯೋರಿ ಟವರ್ ಏರ್ದ್ ಹೈಡ್ರಾಮಾ ಸೃಷ್ಟಿ ಮಲ್ತಿನ ಘಟನೆ ಪೇಂಟೆದ ಅಡ್ಯಾರ್ ದ ಕೈತಲ್ ನಡತುಂಡು.
ಪೇಂಟೆದ ಅಡ್ಯಾರ್ ನಿವಾಸಿ ಸುಧೀರ್ ಪನ್ಪಿನಾಯೆ ಹೈಡ್ರಾಮಾ ಮಲ್ತ್ ಅವಾಂತರ ಸೃಷ್ಟಿ ಮಲ್ದೆ . ಸುಧೀರ್ ಅಡ್ಯಾರ್‌ ಡೇ ಬಸ್ ಕ್ಲೀನರ್ ಆದ್ ಬೇಲೆ ಮಲ್ತೊಂದು ಉಲ್ಲೆರ್.

ಇಂಬೇ ಫರಂಗಿಪೇಟೆದ ಮಾರಿಪಳ್ಳದ ಪೊಣ್ಣನ್ ಮೋಕೆ ಮಲ್ತೊಂದು ಇತ್ತೆ . ಆಂಡ ಉಂದು ಒಂಜಿ ಕಡೆತ ಮೋಕೆ ಆಯಿನೆರ್ದಾವರ , ಆಲ್ ಆಯೆನ್ ದೂರ ದೀಯೊಂದು ಇತ್ತಲ್ ಆಂಡ ಭಗ್ನಪ್ರೇಮಿ ಸುಧೀರ್ ಮಾತ್ರ ಅಲೆನ್ ಮೋಕೆ ಮಲ್ಪೊಡೆ ಪಂದ್ ಪಿರ ಬೂರ್ದು ಇತ್ತೆ.
ಭಗ್ನಪ್ರೇಮಿ ಸುಧೀರ್ ಕಿರಿಕಿರಿ ತಡೆಯರೇ ಆವಂದೆ ಪೊಣ್ಣು ಬಂಟ್ವಾಳ ಪೊಲೀಸ್ ಠಾಣೆಡ್ ಆಯೆನ ವಿರುದ್ಧ ದೂರು ಕೊರ್ದು ಇತ್ತಲ್. ನೆರ್ದ್ ಬೇಜಾರ್ ಆದ್ ಆಯೆ ಟವರ್ ದ ಮಿತ್ತ್ ಪೋದು ಆತ್ಮಹತ್ಯೆ ಮಲ್ಪ್ವೆ ಪಂದ್ ಅವಾಂತರ ಸೃಷ್ಟಿ ಮಲ್ದೆ.

ಆಂಬುಲೆನ್ಸ್ ಡ್ ಬತ್ತ್ ದ್ ಪರೀಕ್ಷೆ ಬರೆಯಿನ ಬೊಲ್ತೆರ್ದ ಪೊಣ್ಣು

ಕುಡ್ಲ : ಕುಡ್ಲದ ಬೊಲ್ತೆರ್ ಡ್ ಸ್ಕೂಟರ್ ರ್ದ್ ಬೂರ್ದು ಗಾಯ ಆಯಿನ ಪೊಣ್ಣು ಒರ್ತಿ ಆಂಬುಲೆನ್ಸ್ ಡ್ ಪರೀಕ್ಷಾ ಕೇಂದ್ರಗ್ ಪೋದು , ಕುಡೊಂಜಿ ಕಲ್ಪಾರ್ಥಿನ ಸಾಕಾರೊಡು ಪರೀಕ್ಷೆ ಬರೆತಲ್ . ಬೊಲ್ತೆರ್ದ
ಲಾಯಿಲ ಸೈಂಟ್ ಮೇರಿಸ್ ಆಂಗ್ಲ ಮಾಧ್ಯಮ ಶಾಲೆದ ಎಸ್ಸೆಸೆಲ್ಸಿ ವಿದ್ಯಾರ್ಥಿನಿ ತನ್ವಿ ಪನ್ಪಿನ ಪೊಣ್ಣು ಕಡೆತ ವಿಜ್ಞಾನ ಪರೀಕ್ಷೆ ಬರೆಯರೇ ವಾಣಿ ಕಾಲೇಜಿಗ್ ಅಪ್ಪೆನ ಒಟ್ಟುಗು ಸ್ಕೂಟರ್ ಡ್ ಪೋವೊಂದು ಉಪ್ಪುನಗ ಲಾಯಿಲದ ಪುತ್ರಬೈಲು ಅಂಗನವಾಡಿದ ಎದುರು ತರೆ ತಿರ್ಗ್ ದ್ ಬೂ ರ್ದು ಇತ್ತೆರ್.

ಅಪಘಾತರ್ದ್ ಅಪ್ಪೆ ಮಮತಾಗ್ ಒವ್ವೆ ರೀತಿದ ಪೆಟ್ಟ್ ಅತಿಜಿ ಕಲ್ಪಾರ್ಥಿ ಗ್ ಎಲ್ಯ ಗಾಯ ಆದ್ ಇತ್ತುಂಡು ಅಪಗನೆ ಅಲೆನ್ ಉಜಿರೆದ ಬೆನಕ ಆಸ್ಪತ್ರೆಗ್ ದಾಖಲ್ ಮಲ್ತ್ ವೈದ್ಯೆರ್ ಚಿಕಿತ್ಸೆ ಕೊರ್ತೆರ್ .

ಐರ್ದ್ ಬೊಕ್ಕ ಶಾಲಾ ಆಡಳಿತ ಮಂಡಳಿಗ್ ಕರೆ ಮಲ್ತಿನ ಅಪ್ಪೆ ಘಟನೆಯ ಬಗ್ಗೆ ಮಾಹಿತಿ ಕೊರ್ತೆರ್ . ಅಪಗನೆ ಸ್ಪಂದನೆ ಕೊರಿನ ಆಡಳಿತ ಮಂಡಳಿದಕುಲು ಆಸ್ಪತ್ರೆಗ್ ಪೋದು ಪೊನ್ನನ ಅರೋಗ್ಯ ತೂಯೆರ್ . ಅಲೆಗ್ ಪರೀಕ್ಷೆ ಬರೆಯಾರೇ ಆವಂದೆ ಉಪ್ಪುನೆರ್ದಾವರ ಅವ್ವೆ ಶಾಲೆದ ಕುಡೊಂಜಿ ಪೊಣ್ಣನ ದಾಖಲೆ ಕೊರ್ದು ಪರೀಕ್ಷೆ ಬರೆಯರೇ ಅನುವು ಮಲ್ತ್ ಕೊರಿಯೆರ್.