ಪಾಲೆತ್ತಾಡಿ

ಬೊಂಬಾಯಿದ ಪತ್ರಕರ್ತೆರಾಯಿನ ಪಾಲೆತ್ತಾಡಿ ಮೆರೆಗ್ ಕುಡ್ಲಡ್ ಮಾನದಿಗೆ

ಕುಡ್ಲ : ನವಂಬರ್ 1ಕ್ಕ್ ಬೆಂಗ್ಳೂರುಡು ನಡತಿನ ರಾಜ್ಯೋತ್ಸವ ಲೇಸ್ ಡ್ 2021 ನೇ ಸಾಲ್ ದ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪಡೆಯಿನ ಮುಂಬಯಿ ‘ಕರ್ನಾಟಕ ಮಲ್ಲ’ ಕನ್ನಡ ದೈನಿಕದ ಸಂಪಾದಕ ಚಂದ್ರಶೇಖರ ಪಾಲೆತ್ತಾಡಿ ಮೆರೆಗ್ ಇಂಚೋಗು ಕುಡ್ಲಡ್ ಮಾನದಿಗೆ ಮಲ್ತೆರ್.

ಪೇಂಟೆದ ಖಾಸಗಿ ಸುದ್ದಿವಾಹಿನಿದ ಕಚೇರಿಡ್ ಲೀಲಾಕ್ಷ ಬಿ.ಕರ್ಕೇರ ಮೇರ್ ಪಾಲೆತ್ತಾಡಿ ಮೆರೆಗ್ ಶಾಲು ಪಾರ್ದ್ , ಸ್ಮರಣಿಕೆ ಕೊರ್ದು ಮಾನದಿಗೆ ಮಲ್ತೆರ್.ಈ ಪೊರ್ತುಡು ಮುಲುಂಡ್ ಫ್ರೆಂಡ್ಸ್ ಗುರ್ಕಾರ್ಲಾಯಿನ ಸುರೇಶ್ ಶೆಟ್ಟಿ ಯೆಯ್ಯಾಡಿ, ನಮನ ಫ್ರೆಂಡ್ಸ್ ಸ್ಥಾಪಕ ಪ್ರಭಾಕರ್ ಬೆಳುವಾಯಿ, ವಾಸ್ತುತಜ್ಞ ನವೀನ್ ಚಂದ್ರ ಸನಿಲ್, ಕರ್ನಾಟಕ ಮಲ್ಲ ಪತ್ರಿಕಾ ಬಳಗದ ನವೀನ್ ಕೆ. ಇನ್ನ ಮತ್ತುಬೊಕ್ಕ ಬೊಕ್ಕಪಟ್ಣ ದಿನೇಶ್ ಕುಲಾಲ್ ಪಾಲ್ ಪಡೆದಿತ್ತೆರ್.