ನ್ಯಾಯವಾದಿ

ಪುತ್ತೂರುದ ನ್ಯಾಯವಾದಿ ವಿದ್ಯಾ ಎ.ಎಸ್. ಸಿವಿಲ್ ನ್ಯಾಯಾಧೀಶೆರಾದ್ ನೇಮಕ

ಪುತ್ತೂರು, ಫೆ. 28. ‌ಕರ್ನಾಟಕ ಉಚ್ಚ ನ್ಯಾಯಾಲಯದ 2020ನೇ ಸಿವಿಲ್ ಜಡ್ಜ್ ನ್ಯಾಯಾಧೀಶರ ಪರೀಕ್ಷೆಡ್ ಉತ್ತೀರ್ಣರಾದ್ ಫೆ. 25 ತಾರೀಖ್ ಗ್ ಬತ್ತಿನ ಅಧಿಸೂಚನೆದ ಪ್ರಕಾರ ಪುತ್ತೂರುದ ನ್ಯಾಯವಾದಿ ವಿದ್ಯಾ ಎ.ಎಸ್. ಮೇರ್ ಸಿವಿಲ್ ನ್ಯಾಯಾಧೀಶೆರಾದ್ ನೇಮಕ ಆತೆರ್.

ಕರ್ನಾಟಕ ಉಚ್ಛ ನ್ಯಾಯಾಲಯದ ಅಧೀನಡ್ ಸಿವಿಲ್ ನ್ಯಾಯಾಧೀಶೆರ್ನ ನೇಮಕಾತಿ ಕಮಿಟಿದಕುಲು ಕರಿನ ನವೆಂಬರ್ ತಿಂಗೊಲ್ ಡ್ ಸಿವಿಲ್ ಜಡ್ಜ್ ಹುದ್ದೆಗ್ ಲಿಖಿತ ಸ್ಪರ್ಧಾತ್ಮಕ ಪರೀಕ್ಷೆ ನಡಪಾದ್ ಇತ್ತೆರ್ . ಐಟ್ ತೇರ್ಗಡೆ ಆಯಿನಕ್ಲೆಗ್ ಉಂದುವೇ ತಿಂಗೊಲ್ ಸಂದರ್ಶನನ್ ಲಾ ಅಟ್ಟನೆ ಮಲ್ತಿತ್ತೆರ್. ಈ ರಡ್ಡೆಟ್ಟ್ ಲಾ ತೇರ್ಗಡೆ ಆಯಿನ ವಿದ್ಯಾ ಸಿವಿಲ್ ನ್ಯಾಯಾಧೀಶೆರಾದ್ ನೇರ ನೇಮಕಾತಿ ಆತೆರ್ . ವಿದ್ಯಾ ಎ.ಎಸ್ ಒಳಮೊಗ್ರು ಗ್ರಾಮದ ಪರ್ಪುಂಜದ ಶಿವಕುಮಾರ್ ಅಂಚನೇ ಪಾರ್ವತಿ ದಂಪತಿನ ಪುತ್ರಿ.