ನಿಧಿ ಸಮರ್ಪಣಾ ಅಭಿಯಾನ

ಅಯೋಧ್ಯೆ ರಾಮ ಮಂದಿರ ನಿರ್ಮಾಣ ನಿಧಿ ಸಮರ್ಪಣಾ ಅಭಿಯಾನ ಕಜ್ಜೊ ಸನ್ಯಾಸಿಮಠ ದೇವಸ್ಥಾನೊಡ್ ಸುರು

Jan 17, 2021

ಅಯೋಧ್ಯೆ ರಾಮ ಮಂದಿರ ನಿರ್ಮಾಣೊಗ್ ಆಯೋಜನೆ ಮಲ್ದಿನ ನಿಧಿ ಸಮರ್ಪಣಾ ಅಭಿಯಾನ ಕಜ್ಜೊ ಸನ್ಯಾಸಿಮಠ ದೇವಸ್ಥಾನೊಡ್ ಪೂಜೆ ಮಲ್ತುದ್ ಸುರು ಆಂಡು.

ಬಡಾನಿಡಿಯೂರು ವಸತಿದ ವತಿಡ್ದ್ ನಡತಿನ ಈ ಕಜ್ಜೊಡ್ ಶ್ರೀ ದುರ್ಗಾ ಪರಮೇಶ್ವರಿ ಅಮ್ಮನವರ ದೇವಸ್ಥಾನ ಸನ್ಯಾಸಿಮಠ ಬಡಾನಿಡಿಯೂರುದ ಅಧ್ಯಕ್ಷೆರಾಯಿನ ಪ್ರಸಾದ್ ರಾಜ್ ಕಾಂಚಾನ್,ಕಾರ್ಯದರ್ಶಿ ಸಚಿನ್ ಕೋಟ್ಯಾನ್,ಬಡಾನಿಡಿಯೂರು ವಸತಿ ರಾಕೇಶ್, ಬೊಕ್ಕ ಬಡಾನಿಡಿಯೂರುದ ಪ್ರಮುಖೆರ್ ಉಪಸ್ಥಿತರಿತ್ತೆರ್..

ರಾಮಮಂದಿರ ಟ್ರಸ್ಟ್ ದ ಸೊತ್ತು ಅತ್ತ್,ಇಡೀ ದೇಶದ ಸೊತ್ತು – ಪೇಜಾವರ ಶ್ರೀ

Dec 20, 2020

ಅಯೋಧ್ಯೆಡ್ ಶ್ರೀ ರಾಮಮಂದಿರದ ನಿರ್ಮಾಣೊಗ್ ಒಡಿಪುದ ಗ್ರಾಮ ಗ್ರಾಮೊಡ್ ನಿಧಿ ಸಮರ್ಪಣಾ ಅಭಿಯಾನ ನಡಪರೆಗುಂಡ್..ನೆತ್ತ ವತಿಡ್ದ್ ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನೊಡ್ ನಡತಿನ ಪೂರ್ವ ಭಾವಿ ಸಭೆಟ್ ಪೇಜಾವರ ಮಠದ ಶ್ರೀ ಕುಲು ಪಾತೆರ್ದ್ ರಾಮಮಂದಿರ ಟ್ರಸ್ಟ್ ದ ಸೊತ್ತು ಅತ್ತ್,ಇಡೀ ದೇಶದ ಸೊತ್ತು.ಏರ್ ಮಾತಾ ರಾಮದೇವೆರೆನ್ ನಂಬುವೆರಾ ಅಕಲ್ನ ಸೊತ್ತು.ಅಭಿವೃದ್ಧಿ ಮಲ್ಪುನ ಜಬಾದಾರಿ ಮಾತ್ರ ಟ್ರಸ್ಟ್ ದವ್ವ್ ಪಂಡುದ್ ಪಂಡೆರ್.ನಮ್ಮ ಮಾತೆರ್ನ ರಾಮಮಂದಿರ ಆವೊಡಾಂಡ ರಾಮಭಕ್ತೆರ್ನ ಮಾತೆರ್ನ ಸಹಕಾರ ಬೋಡು.ಐಕ್ ಮಾತೆರ್ಲ ಕೈಜೋಡಿಸಾಂಡ ಮಾತ್ರ ಪೊರ್ಲುದ ರಾಮಮಂದಿರ ಅವರೆಗ್ ಸಾಧ್ಯ ಪಂಡೆರ್.ವಿಶ್ವ ಹಿಂದೂ ಪರಿಷತ್ ದ ಕಾರ್ಯಕರ್ತೆರ್ ಇಲ್ಲ ಇಲ್ಲಗ್ ರಶೀದಿ ಪಸೊಂದ್ ಬರ್ಪೆರ್ ನಿಕಲ್ಡ ಆಪಿನಾತ್ ಸಹಕಾರ ಮಲ್ಪುಲೆ ಪಂಡುದ್ ಈ ಪೊರ್ತುಡ್ ಬಿನ್ನಪ ಮಲ್ತೆರ್.

ವೇದಿಕೆಡ್ ರಾಷ್ಟ್ರೀಯ ಸ್ವಯಂ ಸೇವಾ ಸಂಘದ ನಗರ ಸಂಘ ಸಂಚಾಲಕೆರಾಯಿನ ರಾಮಚಂದ್ರ ಸನಿಲ್,ಕೊಡವೂರು ಕೇಂದ್ರ ಪ್ರಮುಖ್ ಚಂದ್ರಕಾಂತ್,ಕೊಡವೂರು ವಸತಿ ಪ್ರಮುಖ್ ರಾಜೇಶ್ ಖಾನಂಗಿ,ವಾಸುದೇವ ಭಟ್ ಉಪಸ್ಥಿತರಿತ್ತೆರ್.