ಕುಡ್ಲಡ್ ದೊರಿಯೊಂದಿಪ್ಪುನ ಬಸ೯, ನನಲಾ ರಡ್ಡ್ ದಿನ ರೆಡ್ ಅಲರ್ಟ್ !
ಕುಡ್ಲಡ್ ದೊರಿಯೊಂದಿಪ್ಪುನ ಬಸ೯, ನನಲಾ ರಡ್ಡ್ ದಿನ ರೆಡ್ ಅಲರ್ಟ್ !
ಕುಡ್ಲ: ಪುಲ್ಯ ಕಾಂಡೆರ್ದೇ ಸುರುವಾಯಿನ ಬಸ೯ ಅರೆಗಳಿಗೆಲ ಬುಡಂದೆ ದೊರಿಯೊಂದುಂಡು. ಕುಡ್ಲಡ್ ಬಸ೯ದ ಆಭ೯ಟೆ ದಿನೋರ್ದು ದಿನೊಕು ಜೋರಾವೊಂದುಂಡು. ನನಲಾ ರಡ್ಡ್ ದಿನ ರೆಡ್ ಅಲರ್ಟ್ ಘೋಷಣೆ ಮಲ್ತ್ ನ ಹವಾಮಾನ ಇಲಾಖೆ ಪ್ರವಾಸಿಲೆಗ್ ಕಡಲ್ ದ ಬರಿಕ್ ಪೋಯೆರ ಬಲ್ಲಿಂದ್ ಎಚ್ಚರಿಕೆ ಕೊರ್ತೆರ್.
ಇನಿ ಊರೊರ್ಮೆ ವರಮಹಾಲಕ್ಷ್ಮಿ ಪೂಜೆದ ಗೌಜಿ . ದೇವಸ್ಥಾನೊಲೆಗ್ ಪೋದು ಪೂಜೆ ಮಲ್ಪಾವುನಕ್ಲೆನ ಸಂಖ್ಯೆಲಾ ದಿಂಜ ಉಂಡು. ಬಸೊ೯ದ ಆಭ೯ಟೆ ಜೋರಾದ್ ಇಪ್ಪುನೆದ್ರಾದ್ ಪಟ್ಟೊನೊಲೆಡ್ ಟ್ರಾಫಿಕ್ ಜಾಮ್ ಆತ್ಂಡ್.
ಬಸೊ೯ದ ಅವಾಂತರರ್ದಾದ್ ಕೋಡೆ ಬಯ್ಯಗ್ 6-30 ಕ್ಕ್ ಬೆಂಗಳೂರು ರ್ದ್ ಕುಡ್ಲಗ್ ಬರೊಡಾಯಿನ ವಿಮಾನೊನ್ ಬೆಂಗಳೂರು ಗೇ ತಿರ್ಗಾತೆರ್. ಅಂಚನೇ 6-35ಗ್ ದುಬೈ ರ್ದ್ ಕುಡ್ಲ ಗ್ ಬರೊಡಾಯಿನ ವಿಮಾನೊನ್ ಕೊಚ್ಚಿನ್ ವಿಮಾನ ನಿಲ್ದಾಣೊಡು ಜಪ್ಪುಡಾತೆರ್ ಪಂಡ್ ತ್ ವಿಮಾನ ಮೂಲೊಲೆರ್ದ್ ತೆರಿದ್ ಬತ್ತ್ಂಡ್.
ಸುಳ್ಯಡ್ ಬುಡಂದೆ ದೊರಿಯೊಂದಿಪ್ಪುನ ಬಸ೯ ದಕ್ಷಿಣ ಕನ್ನಡ ಜಿಲ್ಲೆಡ್ ಬಾರೀ ಅವಾಂತರ ಮಲ್ತೊಂದುಂಡು. ಕತ್ತಲೆ ತೂನಗ ಇತ್ತ್ ನ ಅಂಗಡಿ, ಇಲ್ಲ್ ನ್ ಬೊಲ್ಪಾನಗ ನೆಲಸಮ ಮಲ್ತ್ಂಡ್. ಅಂದ್, ಈ ಸರ್ತಿದ ಬಸೊ೯ ದಕ್ಷಿಣ ಕನ್ನಡ ಜಿಲೆಡ್ ಪಿರಾವು ಏಪೊಲಾ ನಡಪಂದಿನ ಘಟನೆಲೆನ್ ನಡಪಾವೊಂದುಂಡು.ಸುಳ್ಯ ತಾಲೂಕುದ ನಾಲ್ ಗ್ರಾಮೊಲೆಡ್ ಮೇಘಾಸ್ಪೋಟ ಆವೊಂದುಂಡು. ಹರಿಹರ, ಕೊಲ್ಲಮೊಗ್ರು, ಬಾಳುಗೋಡು ಬೊಕ್ಕ ಕಲ್ಮಕಾರ್ ಡ್ ಮಸ್ತ್ ಹಾನಿ ಆತ್ಂಡ್.