ದೊಂದಿ ಬೊಲ್ಪುಡ್ ನಡಪುನ ರಾಶಿಪೂಜೆಡ್ 20000 ಜನ ಸೇರುನ ನಿರೀಕ್ಷೆ
ಮಲ್ಪೆ : ಫೆ:4 ಶಂಕರನಾರಾಯಣ ದೇವಸ್ಥಾನಡ್ ಫೆ. 4 ತಾರೀಖ್ ಗ್ ಲೋಕ ಕಲ್ಯಾಣಾರ್ಥವಾದ್ ನಡಪುನ ಅಪರೂಪದ ದೊಂದಿ ಬೊಲ್ಪುದ ರಾಶಿಪೂಜೆಗ್ ಸಮಿತಿರ್ದ್ ಸಕಲ ತಯಾರ್ ನಡತುದುಂಡು.
ಉತ್ಸವಗ್ ಬರ್ಪಿನ ಭಕ್ತೆರೆಗ್ ಮಾತಾ ವ್ಯವಸ್ಥೆನ್ ಮಲ್ದೆರ್. ದೇವೆರ್ನ ದರ್ಶನ, ಪಾರ್ಕಿಂಗ್, ಶೌಚಾಲಯದ ವ್ಯವಸ್ಥೆನ್ ವ್ಯವಸ್ಥಿತವಾದ್ ಮಲ್ದೆರ್ . ಅನ್ನ ಪ್ರಸಾದಗ್ ವಿಶಾಲವಾಯಿನ ಚಪ್ಪರನ್ ಪಾರ್ದೆರ್ .
ದೇವಸ್ಥಾನದ ತಂತ್ರಿ, ವೇ|ಮೂ| ಪುತ್ತೂರು ಹಯವದನ ತಂತ್ರಿಲು ಬೊಕ್ಕ ಋತ್ವಿಜೆರ್ನೊಟ್ಟಿಗೆ ಆಗಮೋಕ್ತ ವಿಧಿ ವಿಧಾನಗದೊಟ್ಟುಗು ಫೆ. 4ರ ಸೂರ್ಯೋದಯಾರ್ದ್ ಫೆ.5 ಸೂರ್ಯೋದಯ ಮುಟ ನಡಪರೆ ಉಂಡು.ಕಾಂಡೆ ರಾಶಿಪೂಜಾ ಕಲಶಾಧಿವಾಸ, ಅಧಿವಾಸ ಯಾಗ, ಸಂಕಲ್ಪ ಭಾರತೀ ಪೂಜೆ, ಆರೂರು ಶ್ರೀ ವಿಷ್ಣುಮೂರ್ತಿ ಸಂಕೀರ್ತನೆ ತಂಡರ್ದ್ ದೇವರ ನಾಮ ಸಂಕೀರ್ತನೆ ರಾಶಿ ಪೂಜೆ ಸುರು , ಮಧ್ಯಾಹ್ನ 12 ಗಂಟೆಗ್ ಮಹಾಪೂಜೆಯಾದ್ ಮಹಾ ಅನ್ನ ಸಂತರ್ಪಣೆ ನಡಪರೆ ಉಂಡು.ಫೆ. 5 ಕ್ಕ್ ಕಾಂಡೆ ಉದ್ಯಾಪನಾ ಬಲಿ, ಪ್ರಸನ್ನ ಪೂಜೆ, ಪ್ರಸಾದ ವಿತರಣೆ ಆಯರೇ ಉಂಡು.ಸಾಂಸ್ಕೃತಿಕ ಅಂಗವಾದ್ ಫೆ. 4 ತಾರೀಖ್ ಗ್ ಮಧ್ಯಾಹ್ನ ರೋಹಿತ್ ಮಲ್ಪೆ ಬೊಕ್ಕ ಕೂಟರ್ದ್ ಭಾವಯಾನ ಸುಗಮ ಪ್ರಾರಂಭ, 6.56ಕ್ ಮಕರ ಲಗ್ನಡ್ ಸಂಗೀತ, ರಾತ್ರಿ 7.30ರ್ದ್ ಹಟ್ಟಿಯಂಗಡಿ ಮೇಳರ್ದ್ ಕಾಲಮಿತಿ ಯಕ್ಷಗಾನ ಬಯಲಾಟ ನಡಪರೆ ಉಂಡು .
ಮಧ್ಯಾಹ್ನ ಬೊಕ್ಕ ರಾತ್ರಿ ಅನ್ನಪ್ರಸಾದನಡಪರೆ ಉಂಡು ನೆಕ್ಕ್ ಸುಮಾರ್ 20ಸಾರರ್ದ್ ಜಾಸ್ತಿ ಜನ ಭಕ್ತೆರ್ ರಾಶಿ ಪೂಜಾ ಕಾರ್ಯಕ್ರಮಡ್ ಪಾಲ್ ಪಡೆಯುನ ನಿರೀಕ್ಷೆ ಉಂಡು ಪಂದ್ ದೇವಳದ ವ್ಯವಸ್ಥಾಪನ ಸಮಿತಿ ಗುರ್ಕಾರ್ಲಾಯಿನ ಪ್ರಕಾಶ್ ಜಿ. ಕೊಡವೂರು ಅಂಚನೇ ರಾಶಿ ಪೂಜಾ ಮಹೋತ್ಸವ ಸೇವಾ ಸಮಿತಿ ಗುರ್ಕಾರ್ಲಾಯಿನ ಸಾಧು ಸಾಲ್ಯಾನ್ ತೆರಿಪಾದೆರ್.