ತುಳು ಸಾಹಿತ್ಯ

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಸದಸ್ಯ ನಿಟ್ಟೆ ಶಶಿಧರ ಶೆಟ್ರೆನ ಶ್ರದ್ಧಾಂಜಲಿ ಸಭೆ: ನಿಟ್ಟೆ ಶಶಿಧರ ಶೆಟ್ರೆನ ಸಾಧನೆ ದಾಖಲೀಕರ ಆವಡ್ : ಡಾ. ಧರ್ಮಾ

Jun 6, 2022

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಸದಸ್ಯ ನಿಟ್ಟೆ ಶಶಿಧರ ಶೆಟ್ರೆನ ಶ್ರದ್ಧಾಂಜಲಿ ಸಭೆ:
ನಿಟ್ಟೆ ಶಶಿಧರ ಶೆಟ್ರೆನ ಸಾಧನೆ ದಾಖಲೀಕರ ಆವಡ್ : ಡಾ. ಧರ್ಮಾ

ಕುಡ್ಲ :ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಸದಸ್ಯೆರಾದ್ , ತುಳು ಸಂಘಟನೆ, ಸಮಾಜ ಸೇವೆ, ಸಾಂಸ್ಕೃತಿಕವಾದ್ ಬೊಕ್ಕ ಯಶಸ್ವಿ ಉದ್ಯಮಿಯಾದ್ ಗುರ್ತಿಸಾವೊಂದು ಆದರ್ಶ ವ್ಯಕ್ತಿತ್ವಡ್ ಪ್ರೇರಣಾ ನರಮಾನಿಯಾದ್ ನಮ್ಮೊಟ್ಟುಗು ಒರಿ ಆದ್ ಇತ್ತಿನ ಮೆರ್ನ ಜೀವನದ ಸಾಧನೆದೊಟ್ಟುಗು ಅನುಭವಲ ಬರವುದ ಮುಖೇನ ನನ ದುಂಬುದ ಪೀಳಿಗೆಗ್ ಬೊಲ್ಪಾವಡ್ ಪಂದ್ ಕುಡ್ಲ ವಿಶ್ವವಿದ್ಯಾನಿಲಯ ರಿಜಿಸ್ಟ್ರಾರರ್ ಡಾ. ಧರ್ಮ ಪಂಡೆರ್ .

ಮೇರ್ ಕುಡ್ಲದ ಉರ್ವ ಸ್ಟೋರ್‌ದ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸಿರಿ ಚಾವಡಿಡ್ ನಡತಿನ ಅಕಾಡೆಮಿದ ಸದಸ್ಯೆ ನಿಟ್ಟೆ ಶಶಿಧರ ಶೆಟ್ರೆನ ನುಡಿ ಪುರ್ಪ ಶ್ರದ್ಧಾಂಜಲಿ ಸಭೆಟ್ ತನ್ನ ನುಡಿ ನಮನ ಸಂದೈತ ಮಲ್ತೆರ್ .
ಅಖಿಲ ಭಾರತ ತುಳು ಒಕ್ಕೂಟದ ಗುರ್ಕಾರ್ಲಾಯಿನ ಧರ್ಮಪಾಲ್ ದೇವಾಡಿಗ ಪಾತೆರ್ದ್ , ನಿಟ್ಟೆ ಶಶಿಧರ ಶೆಟ್ರೆನ ಸಂಘಟನಾತ್ಮಕ ಸಾಮರ್ಥ್ಯರ್ದ್ ಇನಿ ಒಕ್ಕೂಟ ವಿಶ್ವ ಮಾನ್ಯತೆ ಪಡೆತುಂಡು .

ಆರ್ನ ಅನುಪಸ್ಥಿ ನನ ದುಂಬುಲ ನಮಕ್ ನೆಂಪು ಆಪುಂಡು ಆರ್ನ ಭಾಷಾಭಿಮಾನ ನನೊರಿಯಾಗ್ ಪ್ರೇರಣೆಯಾಯೆರೆ ಉಂಡು ಆರ್ನ ಪುದರ್ ಶಾಶ್ವತವಾದ್ ಒರಿಯುನoಚಿನ ಕಾರ್ಯ ನಮರ್ದ್ ಆವೊಡು ಪಂದ್ ಪಂಡೆರ್.

ಈ ಪೊರ್ತುಡು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲಾಯಿನ ದಯಾನಂದ ಜಿ. ಕತ್ತಲ್‌ಸಾರ್ ಪ್ರಸ್ತಾವನೆ ಮಲ್ತ್ , ಅಕಾಡೆಮಿದ ಸದಸ್ಯೆರ್ ಮಾತ್ರ ಅತ್ತ್ ಪೆರಿಯ ಅಣ್ಣೆ ಆದ್ ಭಾವನಾತ್ಮಕ ಉಪ್ಪುನ ಸಹೃದಯತೆದ ಪ್ರತೀಕವಾದ್ ಶಶಿಧರ ಶೆಟ್ರ್ ನಮ್ಮ ಒಟ್ಟುಗು ಇತ್ತೆರ್ ಆರ್ನ ಆತ್ಮ ಸುತ್ತಮುತ್ತ ನಮ್ಮೊಟ್ಟುಗು ಉಪ್ಪುಂಡು ಪನ್ಪಿ ನಂಬಿಕೆ ಉಂಡು ಆರ್ನ ಜೀವನಗಾಥೆನ್ ಬೂಕುದ ರೊಪೊಡು ಅಂಚನೆ ಪ್ರತೀ ವರ್ಷ ಅರೆನ್ ನೆಂಪು ಮಲ್ಪುನ ಬೇಲೆ ಗ್ ಮಾತೆರ್ನಲ ಸಾಕಾರ ಬೋಡು ಪಂದ್ ಪಂಡೆರ್.
ಸಭೆಟ್ ನುಡಿ ನಮನನ್ ಲಯನ್ಸ್ ಜಿಲ್ಲಾ ಗವರ್ನರ್ ವಸಂತಕುಮಾರ್ ಶೆಟ್ಟಿ, ತುಳು ಒಕ್ಕೂಟದ ಗುರ್ಕಾರ್ಲಾಯಿನ ದಾಮೋದರ ನಿಸರ್ಗ, ಅಕಾಡೆಮಿದ ಮಾಜಿ ಗುರ್ಕಾರ್ಲಾಯಿನ ಎ.ಸಿ.ಭಂಡಾರಿ, ತುಳು ರಕ್ಷಣಾ ವೇದಿಕೆದ ಗುರ್ಕಾರ್ಲಾಯಿನ ಯೋಗೀಶ್ ಶೆಟ್ಟಿ ಜೆಪ್ಪು, ಸಂಸ್ಕಾರ ಭಾರತಿದ ರಾಜ್ಯ ಪ್ರಭಾರಿ ಚಂದ್ರಶೇಖರ ಶೆಟ್ಟಿ, ಪದವಿನಂಗಡಿ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ ಗುರ್ಕಾರ್ಲಾಯಿನ ಪ್ರಶಾಂತ್ ಪೈ, ತುಳು ಕಲಾವಿದರ ಒಕ್ಕೂಟದ ಪ್ರಧಾನ ಕಾರ್ಯದರ್ಶಿ ಲಕ್ಷ್ಮಣ್‌ಕುಮಾರ್ ಮಲ್ಲೂರು, ಕುಡ್ಲ ಲಯನ್ಸ್ ಕ್ಲಬ್‌ನ ಗುರ್ಕಾರ್ಲಾಯಿನ ಸತೀಶ್ ರೈ, ಅಕಾಡೆಮಿದ ಸದಸ್ಯೆರಾಯಿನ ಡಾ. ಆಕಾಶ್ ರಾಜ್ ಜೈನ್, ನಾಗೇಶ್ ಕುಲಾಲ್, ಶಶಿಧರ ಶೆಟ್ರೆನ ಮಗಲ್ ಶ್ರಾವ್ಯ ಪಾತೆರಿಯೆರ್ .

ಅಕಾಡೆಮಿದ ಸದಸ್ಯೆರಾಯಿನ ಲೀಲಾಕ್ಷ ಕರ್ಕೇರ, ರಿಜಿಸ್ಟ್ರಾರರ್ ಕವಿತಾ, ಮೂಲ್ಕಿ ವಿಜಯಾ ಕಾಲೇಜಿನ ಆಡಳಿತ ಮಂಡಳಿದ ಮಾಜಿ ಗುರ್ಕಾರ್ಲಾಯಿನ ಶಮಿನಾ ಆಳ್ವಾ, ಕುಡ್ಲ ಲಯನ್ಸ್ ಕ್ಲಬ್‌ದ ಕಾರ್ಯದರ್ಶಿ ಸುಪ್ರೀತಾ ಜಿ. ಶೆಟ್ಟಿ, ಉಪಾಧ್ಯಕ್ಷ ಗುರುಪ್ರಸಾದ್ ಆಳ್ವಾ, ಯಕ್ಷಗಾನ ಸಂಘಟಕ ರವಿ ಅಲೆವೂರಾಯ, ಪೆರಿಯ ಸಾಹಿತಿ ಮುದ್ದು ಮೂಡುಬೆಳ್ಳೆ, ಡಾ. ರವೀಶ್ ಪರವ, ಜಾರ್ಜ್, ಮೊಯ್ದನ್ ಕುಂಜ್ಞ, ಯುವ ತುಳು ಸಂಘಟನೆಯ ರೋಶನ್, ಜೈ ತುಳುನಾಡು ಸಂಘಟನೆದ ಪ್ರಮುಖೆರ್ ಪಾಲ್ ಪಡೆದಿತ್ತೆರ್ .

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯ ರವಿ ಪಿ. ಎಂ. ಸೊಲ್ಮೆ ಸಂದೈತ ಮಲ್ತೆರ್ , , ಪತ್ರಕರ್ತ ನರೇಂದ್ರ ಕೆರೆಕಾಡು ಲೇಸ್ ನಡಪಾದ್ ಕೊರಿಯೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಸುಳ್ಯ ತಾಲೂಕು ತುಳು ಸಾಹಿತ್ಯ ಸಮ್ಮೇಳನ ಬೊಕ್ಕ ಕೃಷಿ ಮೇಳ – 2021

Apr 9, 2021

ಸುಳ್ಯ, ಎಪ್ರಿಲ್ 09: ಓಡಿಯೂರು ಶ್ರೀಲೆನ ಷಷ್ಟಬ್ಧ ಸಂಭ್ರಮ ಸುಳ್ಯ ತಾಲೂಕು ಸಮಿತಿ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಕುಡ್ಲ, ತುಡರ್ ತುಳು ಕೂಟ ಸುಳ್ಯ ಬೊಕ್ಕ ಕಳಂಜ ಬಾಲ ಪ್ರಾಕೃ.ಪ.ಸಹಕಾರಿ ಸಂಘ ನಿ.ಜ್ಞಾನ ವಾಹಿನಿ ಪ್ರಾದೇಶಿಕ ಸಮಿತಿ ಸುಳ್ಯ ಮೊಕ್ಲೆನ ಕೂಡುಕೂಟೊಡು ದಿವಂಗತ ಕೋಟೆ ವಸಂತ ಕುಮಾರ್ (ಚಾವಡಿ)ಡ್ ಸುಳ್ಯ ತಾಲೂಕು ತುಳು ಸಾಹಿತ್ಯ ಸಮ್ಮೇಳನ ಬೊಕ್ಕ ಕೃಷಿ ಮೇಳ – 2021 ಲೇಸ್ ತೇದಿ ಪಗ್ಗು 6 ಪೋಪುನಾನಿ , 19-04-2021 ಸೋಮಾರ ಕಾಂಡೆ 9-30 ಗಂಟೆರ್ದ್ ಬಜನಿ ದಿ| ರಾಮಯ್ಯ ರೈ ಸಭಾಂಗಣ ಕೋಟೆ ಮುಂಡುಗಾರು ಶಾಲೆ ಕಳಂಜ, ಸುಳ್ಯ ತಾಲೂಕು ಡು ನಡಪರೆ ಉಂಡು.

ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕರ್ನಾಟಕ ತುಳು ಸಾಹಿತ್ಯ ಅಕಾಡಮಿದ ಸಿರಿಚಾವಡಿಡ್ ಉಚಿತ ಯೋಗ ಧ್ಯಾನ ಬೊಕ್ಕ ಜ್ಞಾನ ಶಿಬಿರ

Mar 17, 2021

ಕುಡ್ಲ , ಮಾ.17: ಕರ್ನಾಟಕ ತುಳು ಸಾಹಿತ್ಯ ಅಕಾಡಮಿ ಬೊಕ್ಕ ಆರ್ಟ್ ಆಫ್ ಲಿವಿಂಗ್ ಫೌಂಡೇಶನ್ ಕುಡ್ಲ ಮೆಕ್ಲೆನ ಒಟ್ಟು ಸೇರಿಗೆಡ್ ಅಕಾಡಮಿದ ಸಿರಿಚಾವಡಿಡ್ ಮಾ.18ರ್ದ್ 24 ಮುಟ ಬೈಯ್ಯ 6 ಗಂಟೆರ್ದ್ 7:30 ಮುಟ ಉಚಿತ ಯೋಗ ಧ್ಯಾನ ಬೊಕ್ಕ ಜ್ಞಾನ ಶಿಬಿರ ಅಟ್ಟನೆ ಮಲ್ದೆರ್ ಪಂದ್ ಅಕಾಡಮಿದ ಗುರ್ಕಾರ್ಲಾಯಿನ ದಯಾನಂದ ಜಿ. ಕತ್ತಲ್‌ಸಾರ್ ತೆರಿಪಾದೆರ್ .

ತುಳು ಅಕಾಡೆಮಿರ್ದ್ ಗೌರವ ಪ್ರಶಸ್ತಿ ಬೊಕ್ಕ ಬೂಕುದ ಇನಾಮಗು ಅರ್ಜಿ ಲೆಪ್ಪೋಲೆ

Dec 8, 2020

ಕುಡ್ಲ , ಡಿಸೆಂಬರ್ 8 : ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ವತಿರ್ದ್ ಪ್ರಸ್ತುತ ಸಾಲ್ ದ ತುಳು ಸಾಹಿತ್ಯ – ಸಂಶೋಧನೆ , ತುಳು ಜಾನಪದ ಕ್ಷೇತ್ರ , ತುಳು ನಾಟಕ – ಸಿನಿಮಾ ಕ್ಷೇತ್ರೊಡು ಅನನ್ಯ ಸೇವೆ ಮಲ್ತಿನ ಮಹನೀಯೆರೆನ್ ಗೌರವ ಪ್ರಶಸ್ತಿ ಬೊಕ್ಕ ತುಳು ಕವನ ಸಂಕಲನ, ಕಥಾ ಸಂಕಲನ, ಕಾದಂಬರಿ, ಕಾವ್ಯ, ನಾಟಕ, ತುಳುತ ಬಗ್ಗೆ ಅಧ್ಯಯನ ಗ್ರಂಥ ಬೊಕ್ಕ ತುಳುರ್ದು ಬೇತೆ ಭಾಷೆಗ್ – ಬೇತೆ ಭಾಷೆರ್ದ್ ತುಳುಕು ಭಾಷಾಂತರಿತ ಕೃತಿಲೆನ್ ಪುಸ್ತದ ಇನಾಮುಗು ಡಿಸೆಂಬರ್ 31 ತಾರೀಕ್ ಮುಟ ಅರ್ಜಿ ದೆತೊನುವೆರ್.

ಅರ್ಜಿ ಪಾಡುನಕುಲು ‘ತುಳು ಅಕಾಡೆಮಿ ಗೌರವ ಪ್ರಶಸ್ತಿ -2020″ ಬೊಕ್ಕ ಬೂಕುದ ಇನಾಮು, ”ತುಳು ಅಕಾಡೆಮಿ ಪುಸ್ತಕ ಬಹುಮಾನ ಯೋಜನೆ – 2020″ ಪಂದ್ ಬರೆದ್ ರಿಜಿಸ್ಟ್ರಾರ್, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ತುಳುಭವನ, ಅಶೋಕನಗರ, ಉರ್ವಸ್ಟೋರ್, ಕುಡ್ಲ -575006 ಅತ್ತುಂಡ ಮೊ.ಸಂ: 9901016962 ಗ್ ಲೆಪ್ಪು ಕೊರೊಲಿ ಪಂದ್ ಅಕಾಡೆಮಿ ಗುರ್ಕಾರ್ಲು ಪ್ರಕಟಣೆಡ್ ತೆರಿಪಾದೆರ್ .

Applications for Tulu Academy Award and Book Prize

Mangalore, December 8 : Karnataka Tulu Sahitya Akademi is currently in line .Thulu Literature – Research, Tulu Folklore, Tulu Drama – Cinema field is honored and honored with the distinguished servicemen in these three fields. Applications have been invited for the prize of books for poetry, story compilation, novel, poetry, drama, Tulu and Tulu from one language to another.

Registrar, Karnataka Tulu Literary Academy, Tulbhavana,Asokanagara, Urvastore, Mangalore-575006 9901016962 can be contacted, the academy president said in the announcement.