ತೀರ್ ಪೋಯೆರ್

ಹುಷಾರ್ ದಾoತೆ ತೀರ್ ಪೋಯೆರ್ ಹಿರಿಯ ಪತ್ರಕರ್ತೆ ಸುರೇಂದ್ರ ಶೆಟ್ಟಿ

ಕುಡ್ಲ, ಮೇ 04 : ಹಿರಿಯ ಪತ್ರಕರ್ತೆರ್, ಕನ್ನಡಪ್ರಭ ಕುಡ್ಲ ಬ್ಯೂರೊದ ಮಾಜಿ ಮುಖ್ಯಸ್ಥೆರ್ ಸುರೇಂದ್ರ ಶೆಟ್ಟಿ (57) ಮೇರ್ ಒಂತೆ ದಿನತ್ತ ಅನಾರೋಗ್ಯಡ್ ಅಂಗಾರೆದಾನಿ ಖಾಸಗಿ ಆಸ್ಪತ್ರೆಡ್ ತೀರ್ ಪೋಯೆರ್.

ಬ್ರಹ್ಮಾವರದ ಆವರ್ಸೆ ಪಡುಮನೆ ಮೂಲದ ಸುರೇಂದ್ರ ಶೆಟ್ಟಿ ಮಂಗಳೂರು ವಿಶ್ವವಿದ್ಯಾನಿಲಯದ ಸಮೂಹ ಸಂವಹನ ಬೊಕ್ಕ ಪತ್ರಿಕೋದ್ಯಮ ವಿಭಾಗೊಡು ಸ್ನಾತಕೋತ್ತರ ಪದವಿ ಪಡೆತೆರ್, ಮ್ಯಾಮ್ ಸಂಘಟನೆದ ಸ್ಥಾಪಕ ಗೌರವಾಧ್ಯಕ್ಷೆರ್ ಆದಿತ್ತೆರ್.

ಮುಂಗಾರು, ಸಂಯುಕ್ತ ಕರ್ನಾಟಕ, ಕನ್ನಡಪ್ರಭ, ವಿಜಯ ಕರ್ನಾಟಕ, ವಾರ್ತಾ ಭಾರತಿ ಇಂಚಿನ ಮಲ್ಲ ಮಲ್ಲ ಪತ್ರಿಕೆಲೆಡ್ ಕೆಲಸ ಮಲ್ದೆರ್ , ಇಂಚೊಗು ಕನ್ನಡಪರ ಪತ್ರಿಕೆದ ಕುಡ್ಲದ ಮುಖ್ಯಸ್ಥರಾದ್ ಕೆಲಸ ಮಲ್ತಿತ್ತೆರ್. ಆರ್ ಬುಡೆದಿ, ಮಗಲ್ ಬೊಕ್ಕ ಕುಟುಂಬಿಕೆ‌ರ್ ಅಂಚೆನೆ ಮಲ್ಲ ಸಂಖ್ಯೆದ ಮಾಧ್ಯಮ ಮಿತ್ರೆರೆನ್ ಬುರ್ದು ದೇವೆರೆ ಪಾದ ಸೇರ್ದೆರ್.