ತೀರ್ ಪೋಯಿನ

ಗಾಡಿ ಆಕ್ಸಿಡೆಂಟ್ ಡ್ ತೀರ್ ಪೋಯಿನ ರಾಷ್ಟ ಮಟ್ಟದ ಖೋಖೋ ಪಂತಾರ್ತಿ

ಶಿವಮೊಗ್ಗ : ರಡ್ಡ್ ಬೈಕ್ದ ನಡುಟು ಮುಖಾಮುಖಿ ಢಿಕ್ಕಿಯಾಯಿನ ಘಟನೆ ನಡತುಂಡು ,ನೆಟ್ಟ್ ಶಿವಮೊಗ್ಗದ ಖ್ಯಾತ ಖೋ ಖೋ ಪಂತಾರ್ತಿ ನವೀನ್ (29) ತೀರ್ ಪೋತೆರ್ .

ಪೇಂಟೆದ ದ್ರೌಪದಮ್ಮ ವೃತ್ತದ ಕೈತಲ್ ತಡರಾತ್ರಿ ಅಪಘಾತ ಘಟನೆ ನಡತುಂಡು .ಸಿಸಿ ಟಿವಿಡ್ ಅಪಘಾತದ ದೃಶ್ಯ ತೊಜಿದ್ ಬೈದುಂಡು . ಶಿವಮೊಗ್ಗದ ಆಶೋಕ ನಗರದ ನಿವಾಸಿಯಾಯಿನ ನವೀನ್ 10ರ್ದ್ ಜಾಸ್ತಿ ರಾಷ್ಟ್ರ ಮಟ್ಟದ ಖೋಖೋ ಪಂದ್ಯಾವಳಿಡ್ ಪಾಲ್ ಪಡೆದಿತ್ತೆರ್

ಈ ಬಗ್ಗೆ ಶಿವಮೊಗ್ಗದ ಪಶ್ಚಿಮ ಸಂಚಾರಿ ಪೊಲೀಸ್ ಠಾಣೆಡ್ ಪ್ರಕರಣ ದಾಖಲಾತುಂಡು .

ವಯೋಸಹಜ ಅನಾರೋಗ್ಯರ್ದ್ ತೀರ್ ಪೋಯಿನ ವಿಶ್ವನಾಥ ರೈ ಮೇಗಿನಗುತ್ತು

ಪುತ್ತೂರು, ಕಾಂಗ್ರೆಸ್ ಮುಖಂಡ, ಪುತ್ತೂರು ತಾಲೂಕುದ ಮುಂಡೂರು ಗ್ರಾಮದ ಮೇಗಿನಗುತ್ತು ನಿವಾಸಿ ವಿಶ್ವನಾಥ ರೈ(76) ವಯೋಸಹಜ ಅನಾರೋಗ್ಯರ್ದ್ ಗುರುವಾರ ರಾತ್ರಿ ತನ್ನ ಇಲ್ಲಡೆ ತೀರ್ ಪೋಯೆರ್.

ಪ್ರಗತಿಪರ ಬೆನ್ನಿ ದಾರ್ ಆಯಿನ ವಿಶ್ವನಾಥ ರೈ 15 ವರ್ಷ ಮುಂಡೂರು ಗ್ರಾಮ ಪಂಚಾಯತ್ ಸದಸ್ಯೆರಾದ್ ಭಕ್ತಕೋಡಿ ಪೇರ್ದ ಸೊಸೈಟಿದ ಸದಸ್ಯೆರಾದ್ ಅಂಚನೇ ಬೇತೆ ಬೇತೆ ಸಂಘ ಸಂಸ್ಥೆಡ್ ಬೇಲೆ ಮಲ್ದೆರ್ .

ಹುಷಾರ್ದಾಂತೆ ತೀರ್ ಪೋಯಿನ ಒಲಿಂಪಿಯನ್ ಫುಟ್‌ಬಾಲ್ ಪಂತಾರ್ತಿ ಒ. ಚಂದ್ರಶೇಖರ್

ಕೊಚ್ಚಿ (ಪಿಟಿಐ): ಒಲಿಂಪಿಯನ್ ಫುಟ್‌ಬಾಲ್ ಪಂತಾರ್ತಿ ಒ. ಚಂದ್ರಶೇಖರ್ (85) ತೀರ್ ಪೋಯೆಟ್ . 1962ತ್ತ್ ಬಂಗಾರ್ದ ಪದಕ ಗೆಂದಿನ ಭಾರತದ ಕೂಟಡ್ (ಏಷ್ಯನ್ ಗೇಮ್ಸ್‌ನಲ್ಲಿ) ಆರ್ ಗೊಬ್ಬುದಿತ್ತೆರ್ .

ಕೆಲವು ದಿನರ್ದ್ ಹುಷಾರ್ ದಾಂತೆ ಇತ್ತೆರ್.ಅಂಗಾರೆ ತನ್ನ ಇಲ್ಲಡೆ ತೀರ್ ಪೋಯೆರ್ ಪಂದ್ ಕುಟುಂಬದ ಮೂಲತೆರಿಪಾದುಂಡು.

ಮಾರ್ಗದ ಅಪಘಾತಗ್ ತೀರ್ ಪೋಯಿನ ಕಂಬಳಡ್ ಪುಗಾರ್ತೆ ಪಡೆಯಿನ ಗುರುವಪ್ಪ ಪೂಜಾರಿ

ಕುಡ್ಲ : ಕಂಬಳ ಕ್ಷೇತ್ರದ ಸಾಧಕ, ಕಂಬಳ ಖ್ಯಾತಿದ ಗುರುವಪ್ಪ ಪೂಜಾರಿ ಕೆದುಬರಿ ಮಾರ್ಗ ಅಪಘಾತಡ್ ತೀರ್ ಪೋಯೆರ್ .

ಪೇಂಟೆದ ಪಿದಾಯಿದ ಗುರುಪುರ ಸೇತುವೆ ಕೈತಲ್ ಕುಕ್ಕುದಕಟ್ಟೆಡ್ ಐತಾರ ಬೈಯ್ಯಗ್ ನಡತಿನ ಕಾರು ಅಪಘಾತಡ್ ಗುರುಪುರ ನಿವಾಸಿ, ಕಂಬಳ ಖ್ಯಾತಿದ ಗುರುವಪ್ಪ ಪೂಜಾರಿ  (78) ತೀರ್ ಪೋಯೆರ್ .

ಮೇರ್ ಏಪದಲಕ ಕುಕ್ಕುದಕಟ್ಟೆಡ್ ಉಪ್ಪುನ ಡೈರಿಗ್ ಪೇರ್ ಪಾಡೆರೆ ತನ್ನ ಸ್ಕೂಟಿಡ್ ಪೋನಗ ಕುಡ್ಲರ್ದ್ ಗುರುಪುರದಂಚಿ ಪೋವೊಂದು ಉಪ್ಪುನ ಸುಂಕದಕಟ್ಟೆದ ಜನ ಒರಿ ಸ್ಕೂಟಿಗ್ ಢಿಕ್ಕಿ ಹಾಕಿಯೆರ್ .

ಅಪಘಾತದ ರಭಸಗ್ ಸ್ಕೂಟಿ ಅಪ್ಪಚ್ಚಿಯಾತುಂಡು , ಗುರುವಪ್ಪ ಮಾರ್ಗಗ್ ದಕ್ಕಿನ ತರೆ , ಕೈಕಾರ್ ಗ್ ಗಂಭೀರ ಗಾಯ ಆತುಂಡು ಅರೆನ್ ಅಪಗನೆ ಕುಡ್ಲದ ಖಾಸಗಿ ಆಸ್ಪತ್ರೆಗ್ ದಾಖಲ್ ಆತೆರ್ .

ಹುಷಾರ್ ದಾಂತೆ ತೀರ್ ಪೋಯಿನ ಶಿಕ್ಷಣ ತಜ್ಞ ಹಾಜಿ ಡಿ.ಕೆ ಅಹಮದ್

ಕುಡ್ಲ, ಜುಲೈ 3: ಶಿಕ್ಷಣ ತಜ್ಞ ಹಾಜಿ ಡಿ.ಕೆ. ಅಹ್ಮದ್ (ಕುಂಞಿ ಅಹ್ಮದ್ ಮಾಸ್ಟರ್ ಕೈಕಂಬ) ಅಲ್ಪಕಾಲದ ಅಸೌಖ್ಯರ್ದ್ ಕೈಕಂಬದ ಸ್ವಗೃಹಡ್ ಶುಕ್ರವಾರ ಕಾಂಡೆ ತೀರ್ ಪೋಯೆರ್ . ಮೆರೆಗ್ 84 ವರ್ಷ ಆತುಂಡು .

ಮೃತೆರ್ ಸಹಾಯಕ ಶಿಕ್ಷಣ ಅಧಿಕಾರಿಯಾದ್ ಸೇವೆ ಮಲ್ದೆರ್ . ಮೇರ್ ಸದಾ ಕ್ರಿಯಾಶೀಲೆರಾದ್ , ಮೃದು ಸ್ವಭಾವ ದಾರ್. ಉಲಮಾ, ಸಾದಾತುದ ನಿಕಟ ಸಂಬಂಧ ಇತ್ತಿನ ಅಹ್ಮದ್ ಹಾಜಿ ಮೇರ್ ಮೂಳೂರು ಸುನ್ನಿ ಸೆಂಟರ್, ಕೈಕಂಬ ಸುನ್ನಿ ಮರ್ಕಝ್ ಸಹಿತ ನನಾತ್ ಸಂಘ-ಸಂಸ್ಥೆಡ್ ಸಕ್ರಿಯೆರಾದ್ ಇತ್ತೆರ್ .