ತಲ್ವಾರ್ ದಾಳಿ

ಉಳ್ಳಾಲಡ್ ತಲ್ವಾರ್ ದಾಳಿ ಆಂಡ್ ಪಂದ್ ಸುಳ್ಳು ಸುದ್ದಿ ಉಳ್ಳಾಲದ ಈ ಘಟನೆನ್ ಗೃಹ ಇಲಾಖೆ ಗಂಭೀರವಾದ್ ದೆತೊoದು ಸೂಕ್ತ ಕ್ರಮ ದೆತೊನೆರೆ ಅಗ್ರಹ ಮಲ್ತಿನ ಶಾಸಕ ಯು.ಟಿ.ಖಾದರ್

Aug 3, 2022

ಉಳ್ಳಾಲಡ್ ತಲ್ವಾರ್ ದಾಳಿ ಆಂಡ್ ಪಂದ್ ಸುಳ್ಳು ಸುದ್ದಿ ಉಳ್ಳಾಲದ ಈ ಘಟನೆನ್ ಗೃಹ ಇಲಾಖೆ ಗಂಭೀರವಾದ್ ದೆತೊoದು ಸೂಕ್ತ ಕ್ರಮ ದೆತೊನೆರೆ ಅಗ್ರಹ ಮಲ್ತಿನ ಶಾಸಕ ಯು.ಟಿ.ಖಾದರ್

ಉಳ್ಳಾಲ : ಉಳ್ಳಾಲಡ್ ಒರಿ ತನ್ನ ಮಿತ್ತ್ ತಲ್ವಾರ್ ದಾಳಿ ಮಲ್ದೆರ್ ಪಂದ್ ಸುಳ್ಳು ಕಥೆ ಕಟ್ಟ್ ದ್ ಉಳ್ಳಾಲದ ನೆಮ್ಮದಿ ಹಾಳ್ ಮಲ್ಪರೆ ಯತ್ನ ಮಲ್ದೆ ,ಆಯೇನ ವಿರುದ್ಧ ಪೋಲೀಸ್ ಇಲಾಖೆ ಕ್ರಮ ದೆತೊನೆರೆ ದುಂಬು ಬೈದಿನವು ಶ್ಲಾಘನೀಯ.ಆಂಡ ಈ ಘಟನೆ ಉಳ್ಳಾಲದ ಸೌಹಾರ್ದತೆ,ಶಾಂತಿ ಹಾಳ್ ಮಲ್ಪರೆ ಕೆಲವು ತೋಜಂದಿ ಕೈಕುಲು ನೆತ್ತ ಪಿರವು ಬೇಲೆ ಮಲ್ಪುನ ತೊಜೀದ್ ಬರೊಂದು ಉಂಡು ಪೋಲೀಸ್ ಇಲಾಖೆ ಈ ಘಟನೆನ್ ಗಂಭೀರವಾದ್ ದೆತೊoದು ನೆತ್ತ ಪಿರವು ಉಪ್ಪುನ ಜನಕ್ಲೆನ್ ನಾಡ್ ಪತ್ತ್ ದ್ ಕಾನೂನುದ ಎದುರು ಕನವೊಡು ಪಂದ್ ಮಾಜಿ ಸಚಿವ,ವಿಪಕ್ಷ ಉಪ ನಾಯಕ,ಶಾಸಕ ಯು.ಟಿ.ಖಾದರ್ ಆಗ್ರಹ ಮಲ್ದೆರ್ .

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ತಲ್ವಾರ್ ದಾಳಿಡ್ ದೇವೆರೆ ಪಾದೋ ಸೇರಿನ ಪ್ರವೀಣ್ : ಬೆಳ್ಳಾರೆಡ್ ಸೆಕ್ಷನ್ ಪಾಡಿನ ಪೊಲೀಸೆರ್

Jul 26, 2022

ತಲ್ವಾರ್ ದಾಳಿ ಆಯಿನ ಪ್ರವೀಣ್ ನ ದುರ್ಮರಣ : ಬೆಳ್ಳಾರೆಡ್ ಸೆಕ್ಷನ್ ಪಾಡಿನ ಪೊಲೀಸೆರ್

ಸುಳ್ಯ: ಬೆಳ್ಳಾರೆದ ಜವಣ್ಯನ್ ತಲ್ವಾರ್ ಡ್ ಕೆರಿಯೆರೆ ಯತ್ನ ಮಲ್ತಿನ ಘಟನೆ ಬೆಳ್ಳಾರೆಡ್ ಇನಿ ರಾತ್ರೆ ನಡತುಂಡು.

ಮಸ್ತ್ ಗಾಯ ಆಯಿನ ಅರೆನ್ ಆಸ್ಪತ್ರೆಗ್ ಸೇರಾವುನ ಪೊರ್ತುಡು ಕಡೆತ ಉಸುಲು ಬುಡ್ತೆರ್..

ಬೆಳ್ಳಾರೆಡ್ ಅಕ್ಷಯ ಕೋರಿ ಫಾರ್ಮ್ ಉಪ್ಪುನ ಮೇರ್ ಅಂಗಾರೆ ( ಇನಿ )ರಾತ್ರಿ 9 ಗಂಟೆದ ಪೊರ್ತುಗು ಫಾರ್ಮ್ ಮುಚ್ಚಿದ್ ಇಲ್ಲಗ್ ಪೋಯೇರೆ ತಯಾರ್ ಆವೊಂದು ಇತ್ತಿನ ಪೊರ್ತುಡು ಈ ಹತ್ಯೆ ಆತುಂಡು ಪಂದ್ ತೆರಿದ್ ಬೈದುಂಡು.

ಬೈಕ್‌ಡ್ ಬತ್ತಿನ ರಡ್ಡ್ ಜನ ಪ್ರವೀಣ್‌ನ ಮಿತ್ತ್ ತಲ್ವಾರ್ ದಾಳಿ ಮಲ್ತ್ ಬಲ್ತ್ ದೆರ್ ನೆರ್ದಾವರ ಗಂಭೀರ ಗಾಯ ಆಯಿನ ಅರೆನ್ ಆಸ್ಪತ್ರೆಗ್ ಸೇರಾವುನ ಪೊರ್ತುಡು ತಾದಿದ ನಡುಟು ಕಡೆತ ಉಸುಲು ಬುಡ್ತೆರ್ .

ಈ ಬಗ್ಗೆ ಪ್ರಕರಣ ದಾಖಲ್ ಮಲ್ತಿನ ಬೆಳ್ಳಾರೆ ಠಾಣೆದ ಪೊಲೀಸೆರ್ ತನಿಖೆ ಸುರು ಮಲ್ದೆರ್ . ಘಟನೆ ನೆಲೆಟ್ಟ್ ಬೆಳ್ಳಾರೆ ಪೇಂಟೆಡ್ ಸೆಕ್ಷನ್ ಜಾರಿ ಮಲ್ದೆರ್.