ತಪ್ಪೊಪ್ಪಿಗೆ

ಕೊರಗಜ್ಜ ದೈವಸ್ಥಾನ ಅಪಪವಿತ್ರ : ಆರೋಪಿಲೆನ ತಪ್ಪೊಪ್ಪಿಗೆ

ಕುಡ್ಲ, ಎಪ್ರಿಲ್ 02: ಪೇಂಟೆದ ಬೇತೆ ಬೇತೆ ಸ್ವಾಮಿ ಕೊರಗಜ್ಜ ದೈವಸ್ಥಾನನ್ ಅಪವಿತ್ರ ಮಲ್ತಿನ ಪ್ರಕರಣದ ಆರೋಪಿ ಜೋಕಟ್ಟೆದ ನವಾಜ್‌ ಇಂಚೋಗು ಹುಷಾರ್ ಇಜ್ಜಂದೆ ತೀರ್ ಪೋಯೆರ್, ನನ ರಡ್ಡ್ ಜನ ಆರೋಪಿಲಾಯಿನ ಜೋಕಟ್ಟೆದ ರಹೀಂ ಬೊಕ್ಕ ತೌಫಿಕ್‌ ಬುಧವಾರ ಪೇಂಟೆದ ಎಮ್ಮೆಕರೆ ದೈವಸ್ಥಾನಡ್ ಸ್ವತಃ ತಪ್ಪೊಪ್ಪಿಗೆ ಕೊರ್ತೆರ್ . ಆರೋಪಿಲೆನ್ ವಶಕ್ ಪಡೆನ ಪೊಲೀಸೆರ್ ವಿಚಾರಣೆ ನಡಪಾವೊಂದು ಉಲ್ಲೆರ್ .

ದೈವಾರಾಧನೆದ ‘ಸ್ವಾಮಿ ಕೊರಗಜ್ಜ’ ದೈವಸ್ಥಾನಲು ಕರಾವಳಿಡ್ ಅವ್ವೆತೋ ಉಂಡು ಕಾರ್ಣಿಕ (ಮಹಿಮೆ) ಕ್ಷೇತ್ರ ಪಂದ್ ಪುಗರ್ತೆಲಾ ಪಡೆತುಂಡು. ಈ ಪೈಕಿ ಕೆಲವು ಕ್ಷೇತ್ರದ ಪಣವುದ ಡಬ್ಬಿ ಗ್ ಅಶ್ಲೀಲ ಬರಹ, ಆಕ್ಷೇಪಾರ್ಹ ವಸ್ತುಲೆನ್ ಪಾರ್ದ್ ಇತ್ತೆರ್ . ಎಮ್ಮೆಕೆರೆ ‘ನೇಮೋತ್ಸವ’ (ಆರಾಧನಾ ಮಹೋತ್ಸವ)ಗ್ ಬುಧವಾರ ಸ್ವತಃ ಬತ್ತಿನ ರಹೀಂ ಬೊಕ್ಕ ತೌಫಿಕ್‌ ತಪ್ಪೊಪ್ಪಿಗೆ ಕೊರ್ತೆರ್ .