ಚಾಂಪಿಯನ್ ಪಟ್ಟ

ಮಾಣಿ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಪಂದ್ಯಾಟ ಮುಗಿತಲದ ಲೇಸ್ : ಸಕ್ಸಸ್ ಕುಕ್ಕರಬೆಟ್ಟು ಕೂಟಗ್ 2021ನೇ ಎಂ.ಪಿ.ಎಲ್. ಚಾಂಪಿಯನ್ ಪಟ್ಟ

ವಿಟ್ಲ : ಸ್ಟಾರ್ ಫ್ರೆಂಡ್ಸ್ ಮಾಣಿ ಮೆಕ್ಲೆನ ಒಟ್ಟು ಸೇರಿಗೆಡ್ ಗಾಂಧಿ ಮೈದಾನಡ್ ನಡತಿನ ಐನೇ ವರ್ಷದ ಮಾಣಿ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಪಂದ್ಯಾಟಡ್ ಕುಕ್ಕರಬೆಟ್ಟು ಕೂಟ 2021ನೇ ಸಾಲ್ ದ ಎಂ.ಪಿ.ಎಲ್. ಚಾಂಪಿಯನ್ ಪಟ್ಟನ್ ಪಡೆನ್ಡ್ .

ರಡ್ಡ್ ದಿನ ನಡತಿನ ಈ ಲೀಗ್ ಪಂದ್ಯಾಟಡ್ ಬಿಲಾಲ್ ವಾರಿಯರ್ಸ್ ಗಡಿಯಾರ ತಂಡ ರಡ್ಡನೇ ಇನಾಮು ಪಡೆoಡ್. ಪಂದ್ಯಶ್ರೇಷ್ಟ ಪ್ರಶಸ್ತಿನ್ ಖಾದರ್ (ಪುತ್ತು) ಕುಕ್ಕರಬೆಟ್ಟು, ಸರಣಿ ಶ್ರೇಷ್ಟ ಪ್ರಶಸ್ತಿನ್ ಮಸೂದ್ ಕುಕ್ಕರಬೆಟ್ಟು, ಉತ್ತಮ ಎಸೆತಗಾರ ಪ್ರಶಸ್ತಿನ್ ಲತೀಷ್ ಶಂಬುಗ, ಉತ್ತಮ ದಾಂಡಿಗ ಪ್ರಶಸ್ತಿನ್ ಮೂಸಬ್ಬ ಗಡಿಯಾರ, ಉತ್ತಮ ಗೂಟ ರಕ್ಷಕ ಪ್ರಶಸ್ತಿನ್ ಸುಲೈಮಾನ್ ಗಡಿಯಾರ ಬೊಕ್ಕ ಉತ್ತಮ ಕ್ಷೇತ್ರ ರಕ್ಷಕ ಪ್ರಶಸ್ತಿನ್ ಅಜಿತ್ ಸೂರಿಕುಮೇರು ಪಡೆಯೊಂಡೆರ್.