ಗೃಹ ಇಲಾಖೆ

ಜೂನ್ 30 ಮುಟ ಲಾಕ್ಡೌನ್ ದುಂಬು ಕೊನೊಯೆರೆ ರಾಜ್ಯಗ್ ಕೇಂದ್ರ ಗೃಹ ಇಲಾಖೆ ಸೂಚನೆ

ನವದೆಹಲಿ, ಮೇ 28: ಕೋವಿಡ್ 19 ನೆಲೆಟ್ಟ್ , ರಾಷ್ಟ್ರವ್ಯಾಪಿ ಸದ್ಯ ಜಾರಿಯಡುಪ್ಪುನ ನೆಲೆಟ್ಟ್ ಲಾಕ್ಡೌನ್ ನ್ ಜೂನ್ 30 ಮುಟ ದುಂಬು ಕೊನೊಯೆರೆ ಮಾತಾ ರಾಜ್ಯಗ್ ಅಂಚನೆ ಕೇಂದ್ರಾಡಳಿತ ಪ್ರದೇಶಗ್ ಕೇಂದ್ರ ಗೃಹ ಸಚಿವಾಲಯ ಸೂಚನೆ ಕೊರ್ತುಂಡು.

ಈ ಬಗ್ಗೆ ಆದೇಶ ಕೊರಿನ ಕೇಂದ್ರ ಗೃಹ ಕಾರ್ಯದರ್ಶಿ ಅಜಯ್ ಭಲ್ಲ, ಕೊರೋನಾ ನಿಗ್ರಹಗಾದ್ ರಾಜ್ಯ ಸರ್ಕಾರ ಅಂಚನೆ ಕೇಂದ್ರಾಡಳಿತ ಪ್ರದೇಶದ ಆಡಳಿತ ವರ್ಗ ದೆತೊoದಿನ ಕಟ್ಟ್ ನಿಟ್ಟ್ ದ ಕ್ರಮರ್ದ್ ಎಚ್ಚದ ರಾಜ್ಯಡ್ ಕೋರೋನಾ ಸೋಂಕುಡು ತೀರ್ ಪೋವೊಂದು ಉಪ್ಪುನ ಸಂಖ್ಯೆ ಅಂಚನೆ ಸೋಂಕಿತೆರ್ನ ಸಂಖ್ಯೆ ಕಮ್ಮಿ ಆವೊಂದು ಉಂಡು . ಸಕ್ರಿಯ ಪ್ರಕರಣದ ಸಂಖ್ಯೆ ಗಣನೀಯವಾದ್ ಕಮ್ಮಿ ಆಪಿನ ಮುಟ ಸದ್ಯ ಉಪ್ಪುನ ಮಾತಾ ನಿರ್ಬಂಧಲೆನ್ ಜೂನ್ ತಿಂಗೊಲ್ ದ 30 ತಾರೀಖ್ ಮುಟ ದುಂಬು ಕೊನೊಯೆರೆ ಈ ಮುಖೇನ ಮಾತಾ ರಾಜ್ಯ ಸರಕಾರಗ್ ಆದೇಶ ಕೊರ್ತೆರ್.