ಗುರುವಪ್ಪ ಪೂಜಾರಿ

ಮಾರ್ಗದ ಅಪಘಾತಗ್ ತೀರ್ ಪೋಯಿನ ಕಂಬಳಡ್ ಪುಗಾರ್ತೆ ಪಡೆಯಿನ ಗುರುವಪ್ಪ ಪೂಜಾರಿ

ಕುಡ್ಲ : ಕಂಬಳ ಕ್ಷೇತ್ರದ ಸಾಧಕ, ಕಂಬಳ ಖ್ಯಾತಿದ ಗುರುವಪ್ಪ ಪೂಜಾರಿ ಕೆದುಬರಿ ಮಾರ್ಗ ಅಪಘಾತಡ್ ತೀರ್ ಪೋಯೆರ್ .

ಪೇಂಟೆದ ಪಿದಾಯಿದ ಗುರುಪುರ ಸೇತುವೆ ಕೈತಲ್ ಕುಕ್ಕುದಕಟ್ಟೆಡ್ ಐತಾರ ಬೈಯ್ಯಗ್ ನಡತಿನ ಕಾರು ಅಪಘಾತಡ್ ಗುರುಪುರ ನಿವಾಸಿ, ಕಂಬಳ ಖ್ಯಾತಿದ ಗುರುವಪ್ಪ ಪೂಜಾರಿ  (78) ತೀರ್ ಪೋಯೆರ್ .

ಮೇರ್ ಏಪದಲಕ ಕುಕ್ಕುದಕಟ್ಟೆಡ್ ಉಪ್ಪುನ ಡೈರಿಗ್ ಪೇರ್ ಪಾಡೆರೆ ತನ್ನ ಸ್ಕೂಟಿಡ್ ಪೋನಗ ಕುಡ್ಲರ್ದ್ ಗುರುಪುರದಂಚಿ ಪೋವೊಂದು ಉಪ್ಪುನ ಸುಂಕದಕಟ್ಟೆದ ಜನ ಒರಿ ಸ್ಕೂಟಿಗ್ ಢಿಕ್ಕಿ ಹಾಕಿಯೆರ್ .

ಅಪಘಾತದ ರಭಸಗ್ ಸ್ಕೂಟಿ ಅಪ್ಪಚ್ಚಿಯಾತುಂಡು , ಗುರುವಪ್ಪ ಮಾರ್ಗಗ್ ದಕ್ಕಿನ ತರೆ , ಕೈಕಾರ್ ಗ್ ಗಂಭೀರ ಗಾಯ ಆತುಂಡು ಅರೆನ್ ಅಪಗನೆ ಕುಡ್ಲದ ಖಾಸಗಿ ಆಸ್ಪತ್ರೆಗ್ ದಾಖಲ್ ಆತೆರ್ .