ಗಣಪತಿ ಹೋಮ

ಕೊಕ್ಕಡ ಸೌತಡ್ಕ ಶ್ರೀ ಮಹಾಗಣಪತಿ ಕ್ಷೇತ್ರಡ್ 108 ಕಾಯಿ ಗಣಪತಿ ಹೋಮ

ಬೆಳ್ತಂಗಡಿ : ನಾಡ್ ದ ಪ್ರಸಿದ್ಧ ಕ್ಷೇತ್ರ ಬಯಲು ಆಲಯ ಗಣಪಲ್ ಪಂದೆ ಪ್ರಸಿದ್ಧಿ ಪಡೆಯಿನ ಕೊಕ್ಕಡ ಸೌತಡ್ಕ ಶ್ರೀ ಮಹಾಗಣಪತಿ ಕ್ಷೇತ್ರಡ್ ಬ್ರಹ್ಮಶ್ರೀ ವೇ|ಮೂ| ಕೆಮ್ಮಿಂಜೆ ನಾಗೇಶ ತಂತ್ರಿಲೆನ ಮುತಾಲಿಕೆಡ್ ಸೋಮವಾರ ಕಾಂಡೆ 108 ಕಾಯಿ ಗಣಪತಿ ಹೋಮ ನಡತುಂಡು.

ಸಾರ ಭಕ್ತೆರ್ನ ಒಟ್ಟು ಸೇರಿಗೆಡ್ ವರ್ಷಂಪ್ರತಿ ನಡಪುನ ಮಾಘಶುದ್ಧ ಚೌತಿದಾನಿ ದೇವರೆಗ್ ಮಹಾಗಣಪತಿ ಹೋಮ ನಡತುಂಡು . ಮಹಾಗಣಪತಿಗ್ ಇಷ್ಟಾರ್ಥ ಪಂಚಕಜ್ಜಾಯ ಸೇವೆ, ಸಹಿತ ಬೇತೆ ಬೇತೆ ಪೂಜಾ ವಿಧಿ ನಡತುಂಡು.

ರಾತ್ರಿ ಶ್ರೀ ಮಹಾಗಣಪತಿ ದೇವರೆಗ್ ರಂಗಪೂಜೆ ಆದ್ ಮೂಡಪ್ಪ ಸೇವೆ ನಡತುಂಡು . ಆಡಳಿತಾಧಿಕಾರಿ ಮಹೇಶ್‌ ಜೆ., ಕಾರ್ಯ ನಿರ್ವಹಣಾಧಿಕಾರಿ ಪಾವಡಪ್ಪ ದೊಡಮನಿ, ಅರ್ಚಕರು, ದೇಗುಲ ಸಿಬಂದಿ, ಭಕ್ತೆರ್ ಪಾಲ್ ಪಡೆದಿತ್ತೆರ್.