ಖೇಲ್ ರತ್ನ

ರಾಜೀವ್ ಗಾಂಧೀ ಖೇಲ್ ರತ್ನ ಪುರಸ್ಕೃತ ಕ್ರೀಡಾ ಪಟು ಮೂಸ ಶರೀಫ್ ಗ್ ಮಾನದಿಗೆ

ಕುಡ್ಲ, ಜುಲೈ 10: ತ್ರಿಭುವನ್ ಆಟೋಮೋಟಿವ್ ಸ್ಪೋಟ್ಸ್ ಕ್ಲಬ್ (ಟಿಎಎಸ್‍ಸಿ) ಬೊಕ್ಕ ಬೆದ್ರಾ ಎಡ್ವೆಂಚರಸ್ ಕ್ಲಬ್ (ಬಿಎಸಿ) ಜಂಟಿಯಾದ್ ರಾಜೀವ್ ಗಾಂಧಿ ಖೇಲ್ ರತ್ನ ಪ್ರಶಸ್ತಿ 2021ಕ್ಕ್ ಫೆಡರೇಶನ್ ಆಫ್ ಮೋಟರ್ ಸ್ಪೋಟ್ಸ್ ಕಾರ್ಪೋರೇಷನ್, ಇಂಡಿಯಾ (ಎಫ್‍ಎಮ್‍ಎಸ್‍ಸಿಐ) ನಾಮನಿರ್ದೇಶನ ಮಲ್ದಿನ ಶ್ರೀ ಮೂಸಾ ಷರೀಫ್ ಮೆರೆಗ್ ವಿಶೇಷವಾದ್ ಮಾನದಿಗೆ ಮಲ್ತುಂಡು .

ಟ್ರ್ಯಾಕ್‍ಡ್ 30ರ್ದ್ ಜಾಸ್ತಿ ವರ್ಷಇತ್ತಿನ ಶ್ರೀ ಮೂಸಾರ ಭಾರತದ ಒವ್ವೆ ಚಾಲಕನ ವಿಶ್ವಸನೀಯ ಮಾರ್ಗದರ್ಶಕೆರ್ . ಇನಿ ಮುಟ ಶ್ರೀಯುತೆರ್ ಜಗತ್ತ್ ದ ಬೇತೆ ಬೇತೆ ಭಾಗದ ಸುಮಾರ್ ಐವರ್ದ್ ಜಾಸ್ತಿ ಚಾಲಕೆರೆಗ್ ಮಾರ್ಗದರ್ಶಕೆರಾದ್ ಬೇಲೆ ಮಲ್ದೆರ್. ಆ ಸಾದಿಡ್ ಅವ್ವೆತೋ ಪ್ರಶಸ್ತಿಲೆನ್ ಪಡೆತೆರ್ . ಏಳ್ ಸಲ ರಾಷ್ಟ್ರೀಯ ಚಾಂಪಿಯನ್‍ಶಿಪ್ ಪಡೆಯಿನ ಮೇರ್ ಭಾರತನ್ ಪ್ರತಿನಿಧಿಸಾದ್ 200ರ್ದ್ ಜಾಸ್ತಿ ಸಲ ಮಾನದಿಗೆ ಪಡೆತೆರ್.