ಕೊರ್ದು ತೀರ್

ಅಮರ್ ಜೋಕ್ಲೆಗ್ ಜೀವ ಕೊರ್ದು ತೀರ್ ಪೋಯಿನ ಪುತ್ತೂರ್ದ ಪೂಜಿತಾ

ಪುತ್ತೂರು,ಮೇ 13 : ಪೆದ್ದಿಯರೇ ಪುತ್ತೂರುದ ಖಾಸಗಿ ಆಸ್ಪತ್ರೆಗ್ ಸೇರ್ದ್ ಅಮರ್ ಜೋಕ್ಲೆನ್ ಪೆದ್ದ್ ದ್ ಅಪ್ಪೆ ಒರ್ತಿ ಬಾರಿ ನೆತ್ತೆರ್ ಪೋದು ತೀರ್ ಪೋಯಿನ ಘಟನೆ ಐತಾರ ರಾತ್ರಿ ನಡತುದುಂಡು.

ಪುತ್ತೂರು ಪೇಂಟೆದ ನೆಟ್ಟಣಿಗೆ ಮುಡ್ನೂರು ಗ್ರಾಮದ ಈಶ್ವರಮಂಗಲ ಕೈತಲ್ ದ ಮುಂಡ್ಯ ಕೆಮ್ಮತ್ತಡ್ಕ ಮನೋಜ್ ಮೆರ್ನ ಬೊಡೆದಿ , ಸುಳ್ಯ ಪೇಂಟೆದ ಪಂಬೆತ್ತಾಡಿ ಗ್ರಾಮದ ಮೂಲೆಮನೆ ವಿಶ್ವನಾಥ ಗೌಡೆರ್ನ ಮಗಲ್ ಪೂಜಿತಾ (27) ತೀರ್ ಪೋಯಿನಾರ್.

ಪುತ್ತೂರುದ ಸಿಟಿ ಆಸ್ಪತ್ರೆಗ್ ದಾಖಲಾಯಿನ ಪೂಜಿತಾ ಮೇರ್ ಐತಾರ ಕಾಂಡೆ ಅಮರ್ ಜೋಕ್ಲೆಗ್ ಜೀವ ಕೊರ್ತೆರ್ ಪೆದ್ದ್ ನಗ ಆರೋಗ್ಯವಾದಿತ್ತಿನ ಮೆರೆಗ್ ಮಧ್ಯಾಹ್ನದ ಪೊರ್ತು ಬಾರಿ ನೆತ್ತೆರ್ ಪೋಯಿನೆರ್ದಾವರ ಅರೆನ್ ಕುಡ್ಲದ ಕೆಎಂಸಿ ಆಸ್ಪತ್ರೆಗೆ ಲೆತೊಂದು ಬತ್ತಿತ್ತೆರ್.