” ಕೊಪ್ಪರಿಗೆ

ತುಳುಭಾಷೆದ ಸುರುತ್ತ ಆನ್ಲೈನ್ ಡಿಕ್ಷನರಿ ” ಕೊಪ್ಪರಿಗೆ ” ಉದಿಪನ

Jul 3, 2021

ಕುಡ್ಲ, ಜುಲೈ : 03: ತುಳುಭಾಷೆದ ಸುರುತ್ತ ಆನ್ಲೈನ್ ಡಿಕ್ಷನರಿ ಕೋಡೆ ಪೇಂಟೆದ ಉರ್ವಸ್ಟೋರ್ ಡ್ ಉಪ್ಪುನ ಯುವವಾಹಿನಿ ಸಭಾಂಗಣಡ್ ನಡತುಂಡು.

ರಾಜ್ಯ ಬಿಜೆಪಿ ವಕ್ತಾರ ಕ್ಯಾ.ಗಣೇಶ್ ಕಾರ್ಣಿಕ್ ಡಿಕ್ಷನರಿ ಉದಿಪನ ಮಲ್ತೆರ್, ಕೊಪ್ಪರಿಗೆ ಡಿಕ್ಷನರಿಡ್ ತುಳು ಭಾಷೆದ 1200 ಪದ ಉಪ್ಪುನ ಉಚ್ಚಾರ, ಅರ್ಥ ಸಹಿತ ವಿವರಣೆ ಕೊರ್ತೆರ್. ಆತೆ ಅತ್ತoದೆ ತಂತ್ರಜ್ಞಾನಗ್ ಹೊಂದಾಣಿಕೆಯಾಪುನಲಕ ಈ ಡಿಕ್ಷನರಿ ಆನ್ಲೈನ್ ಮುಖೇನ ಲಭ್ಯ ಉಂಡು ನಿಜವಾದ್ ಲಾ ಖುಷಿ ತ ವಿಚಾರ ಪಂದ್ ಪಂಡೆರ್. ಈ ಪೊರ್ತುಡು ಜೈ ತುಳುನಾಡು ಸಂಘಟನೆದ ಗುರ್ಕಾರ್ಲಾಯಿನ ಸುದರ್ಶನ್ ಸುರತ್ಕಲ್, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲಾಯಿನ ದಯಾನಂದ ಕತ್ತಲ್ ಸಾರ್, ಯಕ್ಷಧ್ರುವ ಫೌಂಡೇಷನ್ ಸ್ಥಾಪಕಾಧ್ಷೆರಾಯಿನ ಪಟ್ಲ ಸತೀಶ್ ಶೆಟ್ಟಿ ಪಾಲ್ ಪಡೆದಿತ್ತೆರ್.

” ಕೊಪ್ಪರಿಗೆ ” ತುಲು ಡಿಕ್ಷನರಿ ಬುಡುಗಡೆ ಲೇಸ್

Jul 1, 2021

ಕುಡ್ಲ : ಜುಲೈ 1:ತುಲು ಭಾಷೆ, ಲಿಪಿ ಬೊಕ್ಕ ಸಂಸ್ಕೃತಿದ ಬುಲೆಚ್ಚಿಲ್ಗಾದ್ ಬೆನ್ನಿ ಬೆನೊಂದು ಉಪ್ಪುನ ಜೈ ತುಲುನಾಡ್ (ರಿ.) ಪನ್ಪಿ ಸಂಘಟನೆ ತುಲು ಭಾಷೆಡ್ ಮಾಜೊಂದು ಉಪ್ಪುನ ಪದತ ಪೊಲಬು ಅಂಚನೇ ಪುನರ್ ಬಳಕೆಗಾದ್ ಕೊಪ್ಪರಿಗೆ ಪನ್ಪಿನ ಆನ್ಲೈನ್ ತುಳು ಶಬ್ದಕೋಶನ್ ಜುಲೈ 2 ತಾರೀಖ್ ಗ್ ಕಾಂಡೆ 10:30 ಕ್ ಬುಡುಗಡೆ ಮಲ್ಪರೆ ತಯಾರ್ ಮಲ್ದೆರ್ .

ಈ ತುಲು ಡಿಕ್ಷನರಿ ಮುಖೇನ ಜಗತ್ತ್ ಡ್ ಉಪ್ಪುನ ತುಲುವೆರ್ ಅಂಚನೇ ತುಳುವೇತರೆರ್ ತುಳು ಪದಕ್ಲೆನ್ ಸುಲಭವಾದ್ ನಾಡೋಲಿ . ಈ ಶಬ್ದಕೋಶ ತುಲು ಭಾಷೆದ ತುಳು ಲಿಪಿ ಬೊಕ್ಕ ಕನ್ನಡಲಿಪಿಟ್ ಲಭ್ಯ ಉಂಡು. ಇಂಗ್ಲಿಷ್ಹಿಂದಿ ಕನ್ನಡ, ತಮಿಳು, ತೆಲುಗು, ಮಲಯಾಳಂ ಭಾಷೆಡ್ ಅರ್ಥವಿವರಣೆನ್ ಚಿತ್ರಸಹಿತ ಪಡೆಯೋಲಿ . ತುಳು ಭಾಷೆದ ಪದ ಉಚ್ಚಾರಣೆಲಾ ನೆಟ್ಟ್ ಉಂಡು.ಈ ಮಹತ್ವಾಕಾಂಕ್ಷಿ ಯೋಜನೆದ ಮುತಾಲಿಕೆನ್ ಡಿಕ್ಷನರಿ ಡೆವೆಲಪರ್ ಬೊಕ್ಕ ಜೈ ತುಲುನಾಡ್ (ರಿ.) ಬೆಂಗ್ಳೂರು ಘಟಕದ ಉಪಾಧ್ಯಕ್ಷೆರ್ ಆಯಿನ ಶ್ರೀ ಸುಮಂತ್ ಪೂಜಾರಿ ಹೆಬ್ರಿ ಮೇರ್ ವಹಿಸೊಂದೆರ್.