ಕೊಂಕಣಿ ಭವನ

3 ಕೋ.ರೂ ಪಣವುದ ಸಾಕಾರಡ್ ಕೊಂಕಣಿ ಭವನ : ವೇದವ್ಯಾಸ ಕಾಮತ್

ಕುಡ್ಲ, ಆಗಸ್ಟ್ 2: ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಭವನ ರೂ. 3 ಕೋಟಿ ಪಣವುನ ಸಾಕಾರಡ್ ಪೇಂಟೆದ ಉರ್ವಡ್ ಸುರು ಆಯರೇ ಉಂಡು. ಭವನ ನಿರ್ಮಾಣ ಕಾಮಗಾರಿ ಅತಿಶೀಘ್ರ ಸುರು ಆಯರೇ ಉಂಡು ಪಂದ್ ಶಾಸಕ ವೇದವ್ಯಾಸ ಕಾಮತ್ ಪಂಡೆರ್ .ಮೇರ್ ಪೇಂಟೆದ ಕುದ್ಮುಲ್ ರಂಗರಾವ್ ಪುರಭವನಡ್ ನಡತಿನ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿದ ೨೦೨೦ನೇ ಸಾಲ್ ದ ಗೌರವ ಮಾನದಿಗೆ ಬೊಕ್ಕ ಪುಸ್ತಕ ಇನಾಮು ಪಟ್ಟುನ ಲೇಸ್ ಡ್ ಪಾಲ್ ಪಡೆದ್ ಪಾತೆರಿಯೆರ್.

ವಿಧಾನ ಪರಿಷತ್ ಸದಸ್ಯ ಪ್ರತಾಪ ಸಿಂಹ ನಾಯಕ್, ಮೇಯರ್ ಪ್ರೇಮಾನಂದ ಶೆಟ್ಟಿ, ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲಾಯಿನ ದಯಾನಂದ ಕತ್ತಲ್‌ಸಾರ್, ಬ್ಯಾರಿ ಸಾಹಿತ್ಯ ಅಕಾಡೆಮಿ ಗುರ್ಕಾರ್ಲಾಯಿನ ರಹೀಂ ಉಚ್ಚಿಲ್, ಕೊಂಕಣಿ ಚಲನ ಚಿತ್ರ ನಟ, ನಿರ್ಮಾಪಕ ಬೊಕ್ಕ ಸಾಹಿತಿ ಹೆನ್ರಿ ಡಿ’ಸಿಲ್ವಾ ಪಾಲ್ ಪಡೆದಿತ್ತೆರ್.