ಕೇದಾರೋತ್ಥಾನ

ಒಡಿಪು ವ್ಯಾಪ್ತಿಡ್ ಕೃಷಿ ಮಲ್ಪುನ ನೆಲೆಟ್ಟ್ ಕೇದಾರೋತ್ಥಾನ ಟ್ರಸ್ಟ್‌ ಸ್ಥಾಪನೆ : ಕೆ.ರಘುಪತಿ ಭಟ್

ಒಡಿಪು, ಮೇ 01: ಒಡಿಪು ವ್ಯಾಪ್ತಿಡ್ ಉಪ್ಪುನ ಭೂಮಿಡ್ ಕೃಷಿ ಮಲ್ಪುನ ನೆಲೆಟ್ಟ್ ಕೇದಾರೋತ್ಥಾನ ಟ್ರಸ್ಟ್‌ ಮಲ್ದೆರ್ , ಈ ವರ್ಷ 2 ಸಾರ ಎಕರೆಗ್ಲಾ ಜಾಸ್ತಿ ಭೂಮಿಡ್ ಭತ್ತ ನಾಟಿ ಮಲ್ಪರೆ ಆಪುಂಡು ಪಂದ್ ಶಾಸಕ ಬೊಕ್ಕ ಟ್ರಸ್ಟ್‌ದ ಗುರ್ಕಾರ್ಲಾಯಿನ ಕೆ.ರಘುಪತಿ ಭಟ್‌ ತೆರಿಪಾಯೆರ್ .

ಗುರುವಾರ ಅಂಬಾಗಿಲುದ ಅಮೃತ್ ಗಾರ್ಡನ್‌ಡ್ ಕೇದಾರೋತ್ಥಾನ ಟ್ರಸ್ಟ್‌ದ ಉದಿಪನದ ಲೇಸ್ ಡ್ ಪಾತೆರಿನ ಶಾಸಕೆರ್ , ಅಂತರ್ಜಲ ಮಟ್ಟ ಹೆಚ್ಚಳ, ಹಡಿಲು ಭೂಮಿ ಹಸಿರೀಕರಣ ಬೊಕ್ಕ ಆಹಾರ ಸ್ವಾವಲಂಬನೆದ ನೆಲೆಟ್ಟ್ ಹಡಿಲು ಭೂಮಿ ಕೃಷಿ ಅಭಿಯಾನನ್ ಕೇದಾರೋತ್ಥಾನ ಟ್ರಸ್ಟ್‌ರ್ದ್ ಸುರು ಮಲ್ದ ಪಂದ್ ಪಂಡೆರ್.