ಕೃಷಿ ಅಭಿಯಾನ

ಜುಲೈ 26ರ್ದ್ ಕೃಷಿ ಅಭಿಯಾನ : ಒಡಿಪು ಜಿಲ್ಲಾಧಿಕಾರಿ

ಒಡಿಪು, ಜುಲೈ 22: ಜಿಲ್ಲೆಡ್ ಜುಲೈ 26ರ್ದ್ ಕೃಷಿ ಅಭಿಯಾನ ಲೇಸ್ ನ್ ಅಟ್ಟನೆ ಮಲ್ದೆರ್ . ಈ ಕಾರ್ಯಕ್ರಮಡ್ ರೈತೆರೆಗ್ ಕೃಷಿ ಬೊಕ್ಕ ತೋಟಗಾರಿಕಾ ಇಲಾಖೆರ್ದ್ ತಿಕ್ಕುನ ವಿವಿಧ ಸೌಲಭ್ಯದ ಬಗ್ಗೆ ಸಮಗ್ರ ಮಾಹಿತಿನ್ ಕೊರ್ಪಿಲಕ ಜಿಲ್ಲಾಧಿಕಾರಿ ಜಿ. ಜಗದೀಶ್ ತೆರಿಪಾಯೆರ್ .

ಅಂಗಾರೆ ಮಣಿಪಾಲದ ಜಿಲ್ಲಾಧಿಕಾರಿ ಕಛೇರಿ ಸಭಾಂಗಣಡ್ 2021-22ನೇ ಸಾಲ್ ದ ಸಮಗ್ರ ಕೃಷಿ ಅಭಿಯಾನ ಲೇಸ್ ಜಿಲ್ಲಾ ಮಟ್ಟದ ಅನುಷ್ಠಾನ ಸಮಿತಿ ಸಭೆತ ಗುರ್ಕಾರ್ಮೆ ವಹಿಸ್ದ್ ಪಾತೆರಿಯೆರ್ .

ಸಮಗ್ರ ಕೃಷಿ ಅಭಿಯಾನನ್ ಜಿಲ್ಲೆದ ಮಾತಾ ತಾಲ್ಲೂಕುಡು ಜು.26 ರ್ದ್ ಆಗಸ್ಟ್ 7 ಮುಟ ಅಟ್ಟನೆ ಮಲ್ತ್ ತೋಟಗಾರಿಕಾ ಇಲಾಖೆ ಅಧಿಕಾರಿಲು ಬೊಕ್ಕ ಕೃಷಿ ವಿಜ್ಞಾನಿಲೆನ ಕೂಟ ಮಾತಾ ಗ್ರಾಮಗ್ ಭೇಟಿ ಕೊರ್ದು ಸಮಗ್ರ ಕೃಷಿ ಅಭಿವೃಧ್ದಿ ಕುರಿತು ರೈತರೆಗ್ ವಿವರ ವಾದ ಮಾಹಿತಿ ಕೊರೊಡು ಪಂದ್ ಜಿಲ್ಲಾಧಿಕಾರಿ ಪಂಡೆರ್ .