ಕರೆಂಟ್

ನಾವೂರ್ದ ಕರೆಟ್ ಗೌಜಿಡ್ ನಡಪರೆ ಉಂಡು ರಮಾನಾಥ ರೈ ಸಾರಥ್ಯೊದ ” ಬಂಟ್ವಾಳ ಕಂಬುಲ

 ಬಂಟ್ವಾಳ : ಪೇಂಟೆದ ನಾವೂರು ಗ್ರಾಮೊಡು ನಡಪರೆ ಉಪ್ಪುನ ಕಂಬುಲ “ಬಂಟ್ವಾಳ ಕಂಬುಲ “ಪಂದ್ ಪುಗಾರ್ತೆ ಪಡೆಯರೇ ಉಂಡು ಪಂದ್ ಮಾಜಿ ಸಚಿವ ಬಿ ರಮಾನಾಥ ರೈ ಪಂಡೆರ್.

ಕಂಬುಲದ ತಯಾರಿ ಬಾರಿ ಗೌಜಿಡ್ ನಡತೊಂದು ಉಂಡು, ಕೆಲವೇ ದಿನಟ್ ಕಂಬುಲದ ತಾರೀಖ್ ಗೊತ್ತು ಮಲ್ಪುವ ಪಂದ್ ಆರ್ ನಾವೂರ್ ದ ಕಂಬುಲ ಕರೆಟ್ ಲೆತ್ತಿನ ಪತ್ರಿಕಾಗೋಷ್ಠಿಡ್ ಪಂಡೆರ್ .

ಉಂದೊಂಜಿ ವಿಶಿಷ್ಟ ಕಂಬುಲ ಆದ್ ಮೂಡ್ದು ಬರ್ರೆ ಉಂಡು ಬಾರಿ ಕಡಿಮೆ ಪೊರ್ತುಡು ಕರೆ ನಿರ್ಮಾಣ ಕಾರ್ಯ ಆದ್ ಕಂಬುಲ ನಡಪರೆ ಉಂಡು ಉಂಡು ಜಿಲ್ಲೆಡ್ ಸುರುತ ಕಂಬುಲ ಪಂದ್ ಪಂಡೆರ್ . ಇತ್ತೆ ಕಂಬುಲ ಪ್ರಿಯೆರೆಗ್ ಈ ಸುದ್ದಿ ಪೊಸ ಉಮೇದ್ ಕೊರ್ತುಂಡು ಪಂದ್ ಪಂಡಿನ ಆರ್ ಕರಿನ 18 ವರ್ಷರ್ದ್ ಬೊಕ್ಕ ಕೂಡಿಬೈಲ್ ಡ್ ಕುಡ ಕಂಬುಲ ಸುರು ಮಲ್ಪರೆ ಕಾಲ ಕೂಡ್ದು ಬೈದುಂಡು.

ಈ ಕಂಬುಲದ ಕರೆ ಹಿಂದೂ-ಮುಸ್ಲಿಂ ಬೊಕ್ಕ ಕ್ರೈಸ್ತೆರೆಗ್ ಸೇರ್ದಿನವು ಉಂದೊಂಜಿ ‘ಸೌಹಾರ್ದ ಕಂಬುಲ ಆದ್ ಮೂಡ್ದು ಬರ್ರೆ ಉಂಡು . 187 ಕೋಲು ಉದ್ದದ 8 ಕೋಲು ಅಗಲದ ಕಂಬುಲದ ಕರೆತ ಕಾಮಗಾರಿ ಕರಿನ 12 ದಿನರ್ದ್ ಆವೊಂದು ಉಂಡು.ಪತ್ರಿಕಾಗೋಷ್ಠಿಡ್ ಕಂಬಳ ಸಮಿತಿದ ಅಧ್ಯಕ್ಷರಾಯಿನ ಪಿಯುಸ್ . ಎಲ್. ರೋಡ್ರಿಗಸ್, ಮೆಲ್ವಿನ್ ಡಯಾಸ್, ಪದ್ಮಶೇಖರ್ ಜೈನ್, ಗ್ರಾಮ ಪಂಚಾಯತ ಅಧ್ಯಕ್ಷರಾಯಿನ ಉಮೇಶ್ ಕುಮಾರ್ , ಮೈಲಪ್ಪ ಸಾಲಿಯಾನ್, ಸುರೇಶ್ ಜೋರಾ, ವಿಜಯಕುಮಾರ್ ಅಲ್ಲಿಪಾದೆ , ಅವಿಲ್ ಮೆನೇಜಸ್ ಪಾಲ್ ಪಡೆದಿತ್ತೆರ್ .