ಕಪಿತಾನಿಯೋ ಶಾಲೆ

ಹ್ಯೂಮ್ಯಾನಿಟಿ ಫಸ್ಟ್ ಫೌಂಡೇಶನ್ ದ ವತಿರ್ದ್ ಕಪಿತಾನಿಯೋ ಶಾಲೆಡ್ ಕಣ್ಣ್ ದ ತಪಾಸಣಾ ಶಿಬಿರ

Mar 29, 2021

ಕುಡ್ಲ , ಮಾ.29: ಹ್ಯೂಮ್ಯಾನಿಟಿ ಫಸ್ಟ್ ಫೌಂಡೇಶನ್ ಸಂಸ್ಥೆ ಫಾದರ್ ಮುಲ್ಲರ್ ಮೆಡಿಕಲ್ ಕಾಲೇಜ್ ಆಸ್ಪತ್ರೆದ ಒಟ್ಟು ಸೇರಿಗೆಡ್ ಐತಾರ ಪೇಂಟೆದ ಕಪಿತಾನಿಯೋ ಶಾಲೆಡ್ ಉಚಿತ ಕಣ್ಣ್ ದ ತಪಾಸಣಾ ಶಿಬಿರನ್ ಅಟ್ಟನೆ ಮಲ್ತಿತ್ತೆರ್.

ಆಸ್ಪತ್ರೆದ ಪರವಾದ್ ಡಾ.ಆಶೀಶ್, ಹ್ಯೂಮ್ಯಾನಿಟಿ ಫಸ್ಟ್ ಫೌಂಡೇಶನ್ ಕುಡ್ಲ ಘಟಕದ ಗುರ್ಕಾರ್ಲಾಯಿನ ರಾಜೇಶ್ ಮಿಸ್ಕಿತ್, ಒತ್ತು ಗುರ್ಕಾರ್ಲಾಯಿನ ಪ್ರೇಮ್ ಡಿಸೋಜ, ಕಪಿತಾನಿಯೋ ಕಾನ್ವೆಂಟ್ ಬೊಕ್ಕ ಇನ್‌ಸ್ಟಿಟ್ಯೂಶನ್‌ನ ಸುಪೀರಿಯರ್ ಸಿಸ್ಟರ್ ಸೆಲಿನ್ ಜೇನ್ ಮೆಂಡೋನ್ಸಾ, ಸಮಾಜ ಸೇವಕ ಪೀಟರ್ ಫೆನಾರ್ಂಡಿಸ್, ಆಂಗ್ಲ ಮಾಧ್ಯಮ ಪ್ರೌಢ ಶಾಲೆದ ಮುಖ್ಯಶಿಕ್ಷಕಿ ಭಗಿನಿ ಶಾಲಿನಿ ಶಿಬಿರನ್ ಉದಿಪನ ಮಲ್ತೆರ್.