ಒವ್ವೆ ರೀತಿ

ಕುಡ್ಲದ ಜನಕ್ಲೆಗ್ ಒವ್ವೆ ರೀತಿದ ಪೋಡಿಗೆ ಬೊರ್ಚಿ : ಕೋಟ ಶ್ರೀನಿವಾಸ ಪೂಜಾರಿ

May 4, 2021

ಕುಡ್ಲ, ಮೇ 04 : ದಕ್ಷಿಣ ಕನ್ನಡ ಜಿಲ್ಲೆಡ್ ಆಕ್ಸಿಜನ್‌ ಕೊರತೆದ ಬಗ್ಗೆ ಸುದ್ದಿ ಮಾಧ್ಯಮಡ್ ಮಾಹಿತಿ ಬತ್ತಿಲಕನೇ ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಮೇರ್ ಜಿಲ್ಲಾಧಿಕಾರಿಲೆನ ಕಚೇರಿಡ್ ಶಾಸಕೆರ್ ಬೊಕ್ಕ ಸಂಸದೆರ್ ನೊಟ್ಟಿಗೆ ತುರ್ತು ಸಭೆ ನಡಪಾದ್ ಅಧಿಕಾರಿಲೆರ್ದ್ ಮಾಹಿತಿ ಪಡೆಯೊಂಡೆರ್ .

ಜಿಲ್ಲಾಧಿಕಾರಿ ಡಾ| ರಾಜೇಂದ್ರ ಕೆ.ವಿ. ಆಕ್ಸಿಜನ್‌ ಸ್ಥಿತಿಗತಿದ ಬಗ್ಗೆ ತೆರಿಪಾಯೆರ್ . ಸದ್ಯ ಜಿಲ್ಲೆಡ್ ಬಳ್ಳಾರಿ ಬೊಕ್ಕ ಪಾಲಕ್ಕಾಡ್‌ರ್ದ್ 25 ಟನ್‌ ಆಕ್ಸಿಜನ್‌ ಬರೊಂದು ಉಂಡು , ಇತ್ತೆ ಮುಟ ಒವ್ವೆ ಕಷ್ಟ ಬೈದುಂಜಿ. ಪಾಲಕ್ಕಾಡ್‌ರ್ದ್ ಬರ್ಪಿನ ಸರಾಸರಿ 06 ಟನ್‌ ಆಕ್ಸಿಜನ್‌ ತಡ ಆವಂದಿಲಕ ಕ್ರಮ ದೆತೊನೆರೆ ರಾಜ್ಯಗ್ ಮನವಿ ಮಲ್ದ ಪಂದ್ ಪಂಡೆರ್.