ಎಸೆಸೆಲ್ಸಿ

ಎಸೆಸೆಲ್ಸಿ ಪರೀಕ್ಷೆಗ್ ಕುಡ್ಲಡ್ ಮಾತಾ ತಯಾರಿ

Jul 18, 2021

ಕುಡ್ಲ, ಜುಲೈ 28: ಎಸೆಸೆಲ್ಸಿ ಪರೀಕ್ಷೆಗ್ ದ.ಕ. ಜಿಲ್ಲೆಡ್ ಸಕಲ ಸಿದ್ಧತೆನ್ ಮಲ್ದೆರ್ ಇತ್ತೇ , 9 ಜನ ಕೊರೋನ ಸೋಂಕಿತ ಜೋಕುಲು ನೋಂದಾವಣೆ ಮಲ್ದೆರ್ ಅಕ್ಲೆಗ್ ಕೋವಿಡ್ ಕೇರ್ ಸೆಂಟರ್‌ಡ್ ಸಕಲ ವ್ಯವಸ್ಥೆದೊಟ್ಟುಗು ಪರೀಕ್ಷೆಗ್ ತಯಾರಿ ಮಲ್ದೆರ್ .

ಸಂಸದ ನಳಿನ್ ಕುಮಾರ್ ಕಟೀಲ್ ಗುರ್ಕಾರ್ಮೆಡ್ ದ.ಕ. ಜಿಲ್ಲಾ ಪಂಚಾಯತ್‌ದ ನೇತ್ರಾವತಿ ಸಭಾಂಗಣಡ್ ಕೋಡೆ ದ.ಕ. ಜಿಲ್ಲಾ ಅಭಿವೃದ್ಧಿ ಸಮನ್ವಯ ಬೊಕ್ಕ ಉಸ್ತುವಾರಿ (ದಿಶಾ) ಸಮಿತಿ ಸಭೆಟ್ ಡಿಡಿಪಿಐ ಮಲ್ಲೇಸ್ವಾಮಿ ಈ ಮಾಹಿತಿ ಕೊರಿಯೆರ್ .

ದ.ಕ. ಜಿಲ್ಲೆಡ್ ಈ ಸಲ 179 ಪರೀಕ್ಷಾ ಕೇಂದ್ರಡ್ 29351 ರೆಗ್ಯುಲರ್, 694 ಖಾಸಗಿ, 2050 ಶಾಲಾ ಪುನರಾವರ್ತಿತ ಅಭ್ಯರ್ಥಿಲು , 538 ಖಾಸಗಿ ಪುನರಾವರ್ತಿತ ಸೇರಿನಂಚ ಒಟ್ಟು 32636 ಜೋಕುಲು ಎಸೆಸೆಲ್ಸಿ ಪರೀಕ್ಷೆ ಬರೆಯರೆ ಉಲ್ಲೆರ್ .

ಇನಿ ಎಸೆಸೆಲ್ಸಿ ಜೋಕ್ಲೆಗ್ ಸೀದಾ ಫೋನ್ ಇನ್ ಕಾರ್ಯಕ್ರಮ

Jul 13, 2021

ಕುಡ್ಲ, ಜುಲೈ 13: ಪ್ರಸಕ್ತ ಸಾಲ್ ದ ಎಸೆಸೆಲ್ಸಿ ಪರೀಕ್ಷೆ ಜು.19 ಬೊಕ್ಕ 22ಕ್ಕ್ ನಡಪರೇ ಉಂಡು , ಪರೀಕ್ಷೆಗ್ ಸಂಬಂಧ ಪಟ್ಟಿನಂಚ ಸಂದೇಹ ಪರಿಹರ ಮಲ್ಪರೆ ಇನಿ ಕಾಂಡೆ 10:30ಕ್ ದ.ಕ. ಜಿಲ್ಲೆದ ಜೋಕ್ಲೆಗ್ ‘ನೇರ ಫೋನ್ ಇನ್’ ಕಾರ್ಯಕ್ರಮ ಅಟ್ಟನೆ ಮಲ್ದೆರ್ .

ಪರೀಕ್ಷೆ ಬಗ್ಗೆ ಜಿಲ್ಲೆಡ್ ಮಲ್ದಿನ ತಯಾರಿ ಬೊಕ್ಕ ಪರೀಕ್ಷೆ ಬರೆಪಿನ ಜೋಕ್ಲೆಗ್ ಅನುಮಾನ, ಸಂದೇಹ ಇತ್ತುಂಡ ಪ್ರಶ್ನೆ ಕೇಂದ್ ಅವೆನ್ ಪರಿಹರಿಸಾಯೆರೆ ಜಿಲ್ಲಾ ಸಾರ್ವಜನಿಕ ಶಿಕ್ಷಣ ಇಲಾಖೆ ಆಕಾಶವಾಣಿ ಕುಡ್ಲ ಒಟ್ಟು ಸೇರಿಗೆಡ್ ಈ ಲೇಸ್ ಅಟ್ಟನೆ ಮಲ್ದೆರ್ .

ದೂ.ಸಂ.: 0824-2211999, 8277038000 ಗ್ ಲೆಪ್ಪು ಕೊರ್ಪಿನ ಮುಖೇನ ಜಿಲ್ಲೆದ ಮಾತಾ ಜೋಕುಲು ಬೊಕ್ಕ ಪೋಷಕೆರ್ ಪ್ರಯೋಜನ ಪಡೆಯರೆ ಸಾರ್ವಜನಿಕ ಶಿಕ್ಷಣ ಇಲಾಖೆದ ದ.ಕ. ಜಿಲ್ಲಾ ಉಪನಿರ್ದೇಶಕೆರಾಯಿನ (ಆಡಳಿತ) ಪ್ರಕಟನೆಡ್ ತೆರಿಪಾದೆರ್.

ಶಾಹೀನ್ ವತಿರ್ದ್ ಎಸೆಸೆಲ್ಸಿ ಜೋಕ್ಲೆಗ್ ಆನ್ಲೈನ್ ಸರಣಿ

Jul 10, 2021

ಬೆಂಗ್ಳೂರು, ಜುಲೈ 10: ಶಾಹೀನ್ ಶಾಲೆ, ಬೀದರ್ ವತಿರ್ದ್ ಎಸೆಸೆಲ್ಸಿ ಜೋಕ್ಲೆಗಾದ್ ಮಾದರಿ ಆನ್ ಲೈನ್ ಪರೀಕ್ಷಾ ಸರಣಿ ಸುರು ಮಲ್ದೆರ್ . ಕನ್ನಡ, ಉರ್ದು ಬೊಕ್ಕ ಆಂಗ್ಲ ಮಾಧ್ಯಮಡ್ ಈ ಪರೀಕ್ಷಾ ಸರಣಿನ್ ರಚನೆ ಮಲ್ದೆರ್ , ಉಂದೆನ್ ಇತ್ತೇ ಜಿಲ್ಲಾ ಪಂಚಾಯತ್ ಸಿಇಒ ಝಹೀರ್ ನಸೀಮ್ ಬುಡುಗಡೆ ಮಲ್ಪರೆ ಉಲ್ಲೆರ್ . ಈ ಪರೀಕ್ಷಾ ಸರಣಿನ್ www.shaheendlp.com/sslc ವೆಬ್ ಸೈಟ್ ಡ್ ಪಡೆಯೋಲಿ ಪಂದ್ ಪ್ರಕಟನೆ ತೆರಿಪಾದುಂಡು.