ಎಂಜಿಎಂ

ಹಿಜಾಬ್: ಒಡಿಪು ಎಂಜಿಎಂ ಕಾಲೇಜ್ ಗ್ ಅನಿರ್ದಿಷ್ಟಾವಧಿ ರಜೆ; ಶಿವಮೊಗ್ಗಡ್ 144 ಸೆಕ್ಷನ್ ಜಾರಿ; ಕೋರ್ಟ್ ದಾದ ಪನ್ಪುಂಡು ?

Feb 9, 2022

ಒಡಿಪು : ಹಿಜಾಬ್ ವಿವಾದಗ್ ಸಂಬಂಧಿ ಎಂಜಿಎಂ ಕಾಲೇಜ್ಗ್ ಅನಿರ್ದಿಷ್ಟಾವಧಿ ರಜೆ ಕೊರ್ತೆರ್ .

ಹಿಜಾಬ್ -ಕೇಸರಿ ನಡುಟು ಆಪಿನ ಗಲಾಟೆ ಪರಿಸ್ಥಿತಿನ್ ತಡೆಯುನ ನೆಲೆಟ್ಟ್ ಕೆಲವು ದಿನ ರಜೆ ಕೊರ್ತ . ಕೋರ್ಟ್ ಆದೇಶ ದಾದ ಬರ್ಪುಂಡು ಪನ್ಪುನೆನ್ ತೂಪ . ದುಂಬುದ ತೀರ್ಮಾನ ಆಡಳಿತ ಮಂಡಳಿ ದೆತೊನುಂಡು . ಅಡೆ ಮುಟ ಪಿಯುಸಿ ಬೊಕ್ಕ ಪದವಿ ಕಾಲೇಜ್ಗ್ ರಜೆ ಘೋಷಣೆ ಮಲ್ದ ಪಂದ್ ಒಡಿಪು ಎಂಜಿಎಂ ಕಾಲೇಜ್ದ ಡಾ. ದೇವಿದಾಸ್ ಎಸ್. ನಾಯ್ಕ್ ಪಂಡೆರ್ .

ರಾಜ್ಯ ಹೈಕೋರ್ಟ್ಡ್ ವಿಚಾರಣೆ ನಡತೊಂದು ಉಂಡು , ವಾದ ಪ್ರತಿವಾದನ್ ಕೇಂಡಿನ ನ್ಯಾಯಾಲಯ ವಿಚಾರಣೆನ್ ಇನಿಕ್ ಪಂತೆರ್ .

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಒಡಿಪು ಎಂಜಿಎಂ ಕಾಲೇಜ್ ಡ್ ರಡ್ಡ್ ದಿನತ”ಎಂಜಿಎಂ ಕೃಷಿ ಸಮ್ಮಿಲನ”

Mar 19, 2021

ಒಡಿಪು : ಎಂಜಿಎಂ ಕಾಲೇಜ್ದ ಮಾನವಿಕ ಬೊಕ್ಕ ಭಾಷಾ ವಿಭಾಗ, ರಾಷ್ಟ್ರೀಯ ಸೇವಾ ಯೋಜನೆ, ರೆಡ್ ಕ್ರಾಸ್ ಅಂಚನೇ ಐಕ್ಯುಎಸಿ ರ್ದ್ ಮಾರ್ಚ್ 20 ಬೊಕ್ಕ 21 ತಾರೀಖ್ ಗ್ ಕಾಂಡೆ 9 ಗಂಟೆರ್ದ್ ಬೈಯ್ಯ 6 ಗಂಟೆ ಮುಟ ರಡ್ಡ್ ದಿನತ ಎಂಜಿಎಂ ಕೃಷಿ ಸಮ್ಮಿಲನ ಲೇಸ್ ನಡಪರೆ ಉಂಡು.

‘ಕೈತಲ್ ದ ಕೃಷಿ ಬದುಕು ಬೊಕ್ಕ ಉತ್ಪನ್ನದ ಅವಲೋಕನದ ದೃಷ್ಟಿರ್ದ್ ಬೊಕ್ಕ ಜೋಕ್ಲೆಗ್ ಬೊಕ್ಕ ಜವನೆರ್ ಗ್ ಕೃಷಿ ಆಸಕ್ತಿ ಜಾಸ್ತಿ ಮಲ್ಪುನ ನೆಲೆಟ್ಟ್ ಲೇಸ್ ಅಟ್ಟನೆ ಮಲ್ದೆರ್.

ಒಡಿಪುಡು ಎಂಜಿಎಂ ಕೃಷಿ ಸಮ್ಮಿಲನ-2021

Mar 18, 2021

ಒಡಿಪು , ಮಾ.18: ಜೋಕುಲು ಬೊಕ್ಕ ಜವನೆರೆಗ್ ಕೈತಲ್ ದ ಕೃಷಿ ಬೊಕ್ಕ ಕೃಷಿ ಬದ್ಕ್ ದ ಬಗ್ಗೆ ಅರಿವು ಮೂಡಾಯರೇ ಅಂಚನೇ ಅಕ್ಲೆಗ್ ಕೃಷಿ ಆಸಕ್ತಿ ಎಚ್ಚ ಮಲ್ಪುನ ಪರವಾದ್ ರಡ್ಡ್ ದಿನತ ಎಂಜಿಎಂ ಕೃಷಿ ಸಮ್ಮಿಲನ ಲೇಸ್ ನ್ ಮಾ.20 ಬೊಕ್ಕ 21 ತಾರೀಖ್ ಗ್ ಎಂಜಿಎಂ ಕಾಲೇಜ್ ದ ಆವರಡ್ ಅಟ್ಟನೆ ಮಲ್ದೆರ್ ಪಂದ್ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಡಾ.ದೇವಿದಾಸ ನಾಯ್ಕಾ ತೆರಿಪಾದೆರ್.

ಕಾಲೇಜ್ ಡ್ ಬುಧವಾರ ನಡತಿನ ಸುದ್ದಿಗೋಷ್ಠಿಡ್ ಮೇರ್ ಈ ಇಚಾರ ತೆರಿಪಾಯೆರ್.ಈ ಲೇಸ್ ಡ್ ಒಡಿಪು ಜಿಲ್ಲೆದ ಕೃಷಿಕೆರೆರ್ದ್ ಕೃಷಿ ಉತ್ಪನ್ನದ ಪ್ರದರ್ಶನ, ಮಾರಾಟ ಬೊಕ್ಕ ಬೇತೆ ಬೇತೆ ವಿಷಯದ ಬಗ್ಗೆ ತಜ್ಞರೆರ್ದ್ , ಸಾಧಕ ಕೃಷಿಕೆರೆರ್ದ್ ಮಾಹಿತಿ ಮಾಲಿಕೆ ಅಟ್ಟನೆ ಮಲ್ದೆರ್ .