ಉಚ್ಚು

ಬೊಲ್ತೆರ್ : ಕುಂಟು ನುಂಗುದು ವಿಲ ವಿಲ ಒದ್ದಾಡೊಂದು ಇತ್ತಿನ ಉಚ್ಚು

Aug 12, 2022

ಬೊಲ್ತೆರ್ : ಕುಂಟು ನುಂಗುದು ವಿಲ ವಿಲ ಒದ್ದಾಡೊಂದು ಇತ್ತಿನ ಉಚ್ಚು

ಬೊಲ್ತೆರ್: ಕುಂಟುನು ನುಂಗುದು ಒದ್ದಾಡೊಂದು ಇತ್ತಿನ ಉಚ್ಚುನು ರಕ್ಷಣೆ ಮಲ್ತಿನ ಘಟನೆ ನಡತುಂಡು .

ಬೊಲ್ತೆರ್ ತಾಲೂಕುದ ಕಳೀಯ ಗ್ರಾಮದ ಗೇರುಕಟ್ಟೆ ಕುಳಾಯಿ ನಿವಾಸಿ ಶೇಖರ್ ಶೆಟ್ಟಿ ಮೆರೆನ ಇಲ್ಲದ ಕಿದೆತ ಉಲಯಿ ದಕ್ಕಿನ ಕುಂಟುದ ಸುಮಾರ್ 4.5 ಮೀಟರ್ ಉದ್ದದ ಕುಂಟು ನುಂಗುದು ಉಚ್ಚು ಒಂಜಿ ನಿಂಗ್ ದ್ ಒದ್ದಾಡೊಂದು ಇತ್ತುಂಡು.

ಅವೆನ್ ತೂದು ಪೋಡಿದ್ ಪೋಯಿನ ಇಲ್ಲದಕುಲು ಸ್ನೇಕ್ ಅಶೋಕ್ ಲಾಯಿಲ ಅರೆಗ್ ಪಂಡೆರ್ . ಅಪಗನೆ ಜಾಗೆಗ್ ಬತ್ತಿನ ಅಶೋಕ್ ಕುಂಟುನು ಪಿದಾಯಿ ದೆತ್ತ್ ದ್ ಉಚ್ಚುನು ರಕ್ಷಣೆ ಮಲ್ತ್ ಕಾಡ್ ಗ್ ಬುಡ್ತೆರ್.

ನರಮಾನಿನ ಕೈತಲ್ ಬನ್ನಗಸೈತಿಲಕ ನಾಟಕ ಮಲ್ಪುನ ಉಚ್ಚು

May 12, 2022

ಬೆಂಗ್ಳೂರು : ಉಚ್ಚುನು ತೂನಗ ಮಾತೆರೆಗ್ಲಾ ಪೋಡಿಗೆ ಆಪಿನ ನಿಜ . ನಿಕ್ಲೆನ ಕೈತಲ್ ಅವ್ವೆತೋ ನಮೂನೆದ ಉಚ್ಚು ನಿಕುಲು ತೂದು ಉಪ್ಪರ್ ಆತೆ ಅತ್ತoದೆ ಅಂತರ್ಜಾಲಡ್ ಲಾ ಉಚ್ಚುದ ಅವ್ವೆತೋ ವೀಡಿಯೋ ತೂಯೆರೆ ತಿಕ್ಕುಂಡು . ಆಂಡ , ಇಂಚೋಗು ಉಚ್ಚುದ ವಿಡಿಯೋ ಒಂಜಿ ಸಾಮಾಜಿಕ ಜಾಲತಾಣಡ್ ಭಾರಿ ವೈರಲ್ ಆವೊಂದು ಉಂಡು.

ಈ ವೀಡಿಯೋಡು ಉಪ್ಪುನ ಉಚ್ಚು ನಾಟಕ ಮಲ್ಪುನೆಟ್ಟ್ ಮಾತೆರೆನ್ಲಾ ಮೀರಿಸಾವುನವು.
ವೈರಲ್ ಆವೊಂದು ಉಪ್ಪುನ ಉಚ್ಚು ನರಮಾನ್ಯನ ಕೈತಲ್ ಬನ್ನಗ ಸೈತಿಲಕ ನಾಟಕ ಮಲ್ಪುಂಡು. ಬಯಲು ಪ್ರದೇಶಡ್ ಒಂಜಿ ಉಚ್ಚು ಸರಸರನೆ ಪರಡೊಂದು ಪೋಪಿನೆನ್ ತೂವೊಲಿ ಆಂಡ ಏಪ ತನ್ನ ಎದುರು ಏರ್ಲ ಬರ್ಪೆರಾ ಅಪಗ ಅವು ಸೈತಿಲಕ ಉಲ್ಟಾ ಬೂರುಂಡು .

ಉಚ್ಚು ಪತ್ತುನಕ್ಲೆಗ್ಲಾ ನನ ಐಡಿ ಕಾರ್ಡ್ ಖಡ್ಡಾಯ

Feb 21, 2022

ಕುಡ್ಲ : ಅವ್ವೆತೋ ಜನ ಹವ್ಯಾಸಿ ಉಚ್ಚು ಪತ್ತು ನಕ್ಲೆನ್ ನಮ ತುವೊಂದೇ ಉಲ್ಲಾ. ಐಟ್ ಎಚ್ಚದ ಜನ ಕಾಲಿ ಕೈಟೆ ಮಂದಿ ಉಚ್ಚು ಪತ್ತು ವೆರ್ . ಅಂಚನೆ ಉಚ್ಚುದ ಒಟ್ಟುಗು ಸ್ಟಂಟ್ ಮಲ್ತೊಂದು ಫೋಟೋ, ವೀಡಿಯೋ ದೆತ್ತ್ ದ್ ಸಾಮಾಜಿಕ ಜಾಲತಾಣಡ್ ಅಪ್ಲೋಡ್ ಮಲ್ಪುವೆರ್ .

ಇಂಚಿನ ಕೆಲವು ಪೊರ್ತುಡು ಆ ಉಚ್ಚು ಅಕ್ಲೆನ್ ಪತ್ತುನಲಾ ಉಂಡು ಕೆಲವೆರ್ ಉಚ್ಚು ಪತ್ತ್oಡಲ ಅವೆನ್ ಒಲ್ಪ ಬುಡ್ಪೆರ್ ಪನ್ಪಿನ ಬಗ್ಗೆ ಸ್ಪಷ್ಟ ಮಾಹಿತಿ ಏರೆಗ್ಲಾ ಇಜ್ಜಿ . ಅಂಚಾದ್ ಅಕ್ರಮ ನಡತ್o ಡಲ ಗೊತ್ತಾಪುಜಿ . ಉಂದೆನ್ ಮಾತಾ ನಿಯಂತ್ರಣೋ ಗು ಕನಯೆರೆ ಅರಣ್ಯ ಇಲಾಖೆ ಪೊಸ ಯೋಜನೆಗ್ ಕೈ ಪಾಡ್ದುಂಡು .ನನ ದುಂಬುಗು ವೃತ್ತಿಪರ ಉಚ್ಚು ಪತ್ತುನಕ್ಲೆನ್ ಗುರ್ತಿಸಾವುನ ನೆಲೆಟ್ಟ್ ಐಡಿ ಕಾರ್ಡ್ ಕೊರೊಂದು ಉಲ್ಲೆರ್ , ಈ ಮುಖೇನ ಅಕ್ಲೆಗ್ ತರಬೇತಿ ಕೊರ್ದು , ನಿಯಮಾನುಸಾರ ಸಂಘಟನೆ ಮಲ್ಪುನ ಪ್ರಯತ್ನನ್ ಅರಣ್ಯ ಇಲಾಖೆ ಮಲ್ಪರೆ ಉಂಡು .