ಅಜ್ಜಿಬೆಟ್ಟು

ಬಿ.ಸಿರೋಡ್ ಅಜ್ಜಿಬೆಟ್ಟು ಕ್ರಾಸ್ ಡ್ ಜವಣ್ಯನ್ ಕೆರಿಯರೆ ತೂಯಿನ ರಡ್ಡ್ ಆರೋಪಿಲು ಅರೆಸ್ಟ್ 

ಬಂಟ್ವಾಳ ,ಮೇ02: ತಾರೀಖ್  4-04-2021ನೇ ರಾತ್ರಿ ಸುಮಾರ್  7-30 ಗಂಟೆದ ಪೊರ್ತುಡು ಬಂಟ್ವಾಳ ಬಿ.ಮೂಡಾ ಗ್ರಾಮದ ಅಜ್ಜಿಬೆಟ್ಟು ಕ್ರಾಸ್ ಪನ್ಪಿ ಜಾಗೆಡ್ ಬ್ರಹ್ಮರಕೂಟ್ಲು ನಿವಾಸಿ ಮನೋಜ್ ಪನ್ಪಿನಾಯನ ಮಿತ್ತ್ ಏರ ರಡ್ಡ್ ಜನ ವ್ಯಕ್ತಿಲು ಸ್ಕೂಟರ್ಡ್ ಬತ್ತ್ ದ್ ಮಾರಾಕಾಯುಧರ್ದ್ ಮಾರಣಾಂತಿಕ ಹಲ್ಲೆ ಮಲ್ದೆರ್ , ಬಂಟ್ವಾಳ ನಗರ ಪೊಲೀಸ್ ಠಾಣೆಡ್ ಈ ಬಗ್ಗೆ ಪ್ರಕರಣ ದಾಖಲಾತುಂಡು .

ಈ ಪ್ರಕರಣ ಒವ್ವೆ ಸುಳಿವು ಇಜ್ಜಂದೆ ಕ್ಲಿಷ್ಠಕರವಾಯಿನ ಪ್ರಕರಣವಾತುಂಡು , ಮಾನ್ಯ ಪೊಲೀಸ್ ಅಧೀಕ್ಷಕೆರ್ ದ.ಕ ಜಿಲ್ಲೆದಕುಲು ಈ ಪ್ರಕರಣದ ಪತ್ತೆದ ಬಗ್ಗೆ ಬಂಟ್ವಾಳ ಪೊಲೀಸ್ ಉಪಾಧೀಕ್ಷಕೆರಾಯಿನ ಶ್ರೀ ವೆಲೈಂಟೈನ್ ಡಿಸೋಜಾ ಮೆರ್ನ ಮುತಾಲಿಕೆಡ್ ವಿಶೇಷ ಕೂಟ ನ್ ರಚನೆ ಮಲ್ದೆರ್.
.
ಈ ವಿಶೇಷ ಕೂಟ ತಾರೀಖ್ 02-05-2021 ದಾನಿ ಈ ಪ್ರಕರಣಡ್ ಪಾಲ್ ಪಡೆಯಿನ ರಡ್ಡ್ ಜನ ಆರೋಪಿಲೆನ್ ಪತ್ತುನೆಟ್ಟ್ ಯಶಸ್ವಿ ಆತೆರ್.
ದಸ್ತಗಿರಿಯಾಯಿನ ಆರೋಪಿಲು  1) ಮಹಮ್ಮದ್ ಇಮ್ರಾನ್, ಪ್ರಾಯ 38 ವರ್ಷ,
ತಂದೆ: ಉಸ್ಮಾನ್, ವಾಸ: ಕೊಡಂಗೆ ಮನೆ, ಕೊಡಂಗೆ ಶಾಲೆದ ಕೈತಲ್, ಪರ್ಲಿಯಾ, ಬಿ’ಮೂಡಾ ಗ್ರಾಮ, ಬಂಟ್ವಾಳ ತಾಲೂಕು, 2) ಮಹಮ್ಮದ್ ಸಫ್ವಾನ್, ಪ್ರಾಯ 21 ವರ್ಷ,
ತಂದೆ: ಎಸ್.ಹೆಚ್ ಶಾಹುಲ್ ಹಮೀದ್, ವಾಸ: ಮದ್ದ ಮನೆ, ಪರ್ಲಿಯಾ, ಬಿ’ಮೂಡಾ ಗ್ರಾಮ, ಬಂಟ್ವಾಳ ತಾಲೂಕು ಪನ್ಪಿನಕುಲ್ ಆತೆರ್ , ತನಿಖೆ ನನಲ ನಡತೊಂದು ಉಂಡು .
ಈ ಪ್ರಕರಣದ ಪತ್ತೆಡ್ ದ.ಕ ಜಿಲ್ಲಾ ಪೊಲೀಸ್ ಅಧೀಕ್ಷಕೆರಾಯಿನ ಶ್ರೀ ಋಷಿಕೇಶ್ ಸೋನಾವಣೆ ಐ.ಪಿ.ಎಸ್ ಮೆರ್ನ ನಿರ್ದೇಶನದ ಪ್ರಕಾರ ದ.ಕ ಜಿಲ್ಲಾ ಹೆಚ್ಚುವರಿ ಪೊಲೀಸ್ ಅಧೀಕ್ಷಕೆರಾಯಿನ ಶ್ರೀ ವಿ.ಬಿ ಭಾಸ್ಕರ್ ಮೆರ್ನ ಮಾರ್ಗದರ್ಶನಡ್ ಬಂಟ್ವಾಳ ಉಪವಿಭಾಗದ ಪೊಲೀಸ್ ಉಪಾಧೀಕ್ಷಕೆರಾಯಿನ ಶ್ರೀ ವೆಲೈಂಟೈನ್ ಡಿಸೋಜಾ ಮೆರ್ನ ಮುತಾಲಿಕೆಡ್ ಬಂಟ್ವಾಳ ನಗರ ಠಾಣಾ ಪೊಲೀಸ್ ನಿರೀಕ್ಷಕೆರಾಯಿನ ಚೆಲುವರಾಜು ಬಿ, ಬಂಟ್ವಾಳ ನಗರ ಠಾಣಾ ಪೊಲೀಸ್ ಉಪನಿರೀಕ್ಷಕೆರ್ ಬೊಕ್ಕ ಸಿಬ್ಬಂದಿಲು ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಠಾಣಾ ಉಪನಿರೀಕ್ಷಕೆರ್ ಅಂಚನೇ ಸಿಬ್ಬಂದಿನಕುಲು ಬಂಟ್ವಾಳ ನಗರ ಪೊಲೀಸ್ ಠಾಣಾ ಅಪರಾಧ ವಿಭಾಗದ ಪೊಲೀಸ್ ಉಪನಿರೀಕ್ಷಕೆರಾಯಿನ ,
ಬಂಟ್ವಾಳ ಸಂಚಾರ ಪೊಲೀಸ್ ಠಾಣಾ ಉಪನಿರೀಕ್ಷಕೇರಾಯಿನ ಬೊಕ್ಕ ಸಿಬ್ಬಂದಿಲು , ವಿಟ್ಲ ಪೊಲಿಸ್ ಠಾಣಾ ಉಪನಿರೀಕ್ಷಕೆರ್ ಬೊಕ್ಕ ಸಿಬ್ಬಂದಿಲು , ಪ್ರೊಬೆಷನರಿ ಪಿ.ಎಸ್.ಐ ಬೊಕ್ಕ ವಿಶೇಷ ಕೂಟದ ಸಿಬ್ಬಂದಿಲಾಯಿನ ಉದಯ ರೈ, ಪ್ರವೀಣ್ ಎಂ, ಪ್ರಶಾಂತ್ ಎಂ, ಕುಮಾರ್ ಹೆಚ್.ಕೆ, ವಿವೇಕ್, ರಾಘವೇಂದ್ರ, ಮೋಹನ್, ಗೋಣಿಬಸಪ್ಪ, ಕೃಷ್ಣ ಕುಲಾಲ್ ಮತ್ತು ತಾಂತ್ರಿಕ ವಿಭಾಗದ ಸಂಪತ್, ದಿವಾಕರ್ ಅಂಚನೇ ವಿಜಯ್ ಪಾಲ್ ಪಡೆದಿತ್ತೆರ್.

ಒವ್ವೆ ರೀತಿದ ಸುಳಿವು ಇಜ್ಜಂದಿನ ಬಾರಿ ಬಂಗದ ಪ್ರಕರಣನ್ ತೂಯಿನ ಪೊಲೀಸ್ ಕೂಟನ್ ದ.ಕ ಜಿಲ್ಲಾ ಪೊಲೀಸ್ ಅಧೀಕ್ಷಕೆರ್ ಎಡ್ಡೆಪ್ಪುನು ಬಯಕಿಯೆರ್ ಅಂಚನೇ ಮಾನದಿಗೆ ಘೋಷಣೆ ಮಲ್ತೆರ್.