ಕುಡ್ಲ

ನಮ್ಮ ಕುಡ್ಲ ಟಾಕೀಸ್’ ದ ಲಾಂಛನ ಬುಡುಗಡೆ

ಕುಡ್ಲ ಫೆ.17: ನಮ್ಮ ಕುಡ್ಲ ಟಿವಿ ಚಾನೆಲ್‌ದ ಪೊಸ ಪರಿಕಲ್ಪನೆಯಾಯಿನ ‘ನಮ್ಮ ಕುಡ್ಲ ಟಾಕೀಸ್’ದ ಲಾಂಛನ ಬುಡುಗಡೆ ಫೆ.18 ತಾರೀಖ್ ಗ್ ಓಶಿಯನ್ ಪರ್ಲ್‌ಡ್ ಬೈಯ್ಯ 3.30ಕ್ ನಡಪರೆ ಉಂಡು . ಈ ಲೇಸ್ ಡ್ ತುಳು ಸಿನಿಮಾ ರಂಗದ ನಿರ್ಮಾಪಕೆರ್ , ನಿರ್ದೇಶಕೆರ್ , ತಂತ್ರಜ್ನೆರ್ , ಕಲಾವಿದೆರ್ ಪಾಲ್ ಪಡೆಯರೆ ಉಲ್ಲೆರ್ ಪಂದ್ ಮಲ್ನಾಡ್ ಇನ್ಫೋಟೆಕ್ ಲಿಮಿಟೆಡ್‌ದ ಸಿಇಒ ಹರೀಶ್ ಬಿ. ಕರ್ಕೇರ ಸುದ್ದಿಗೋಷ್ಠಿಡ್ ತೆರಿಪಾಯೆರ್ .

ಪೋಸ್ಟ್‌ಮ್ಯಾನ್ ನಕ್ಲೆಗ್ ಮಾನದಿಗೆ ಲೇಸ್

ಕುಡ್ಲ , ಫೆ.16: ಪೋಸ್ಟ್‌ಮ್ಯಾನ್ ಜನಕ್ಲೆನೊಟ್ಟಿಗೆ ಭಾವನಾತ್ಮಕ ಸಂಭಂದನ್ ಹೊಂದೊಂದೆರ್ ಪಂದ್ ಅಖಿಲ ಭಾರತ ಸಾಹಿತ್ಯ ಪರಿಷತ್ ಕಾರ್ಯದರ್ಶಿ ಮಾಧವ ಎಂ.ಕೆ. ಪಂತೆರ್.

ಯುವಬ್ರಿಗೇಡ್ ವತಿರ್ದ್ ಪೇಂಟೆದ ಪಾಂಡೇಶ್ವರಡ್ ಉಪ್ಪುನ ಪ್ರಧಾನ ಅಂಚೆ ಕಚೇರಿಡ್ ಐತಾರ ನಡತಿನ ‘ಭಾವನೆಗಳ ಕಿಂದರಿ ಜೋಗಿ’ ಪೋಸ್ಟ್‌ಮ್ಯಾನ್ ನಕ್ಲೆಗ್ ಮಾನದಿಗೆ ಮಲ್ಪುನ ಲೇಸ್ ಡ್ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆದ್ ಎಡ್ಡೆಪ್ಪು ದ ಪಾತೆರ ಪಂಡೆರ್.

ಪೊಸ ರೂಪು ಪಡೆಯರೆ ಉಪ್ಪುನ ‘ ಡಾನ್‌ ಬಾಸ್ಕೋ’ ರಂಗಮಂದಿರ

ಜ್ಯೋತಿ, : ಕೊಂಕಣಿ, ತುಳು, ಬ್ಯಾರಿ, ಕನ್ನಡ ಸೇರಿನಂಚ ರಂಗಭೂಮಿದ ಬೇತೆ ಬೇತೆ ಪ್ರಕಾರದ ಪ್ರದರ್ಶನಗ್ ಕರಿನ 70 ವರ್ಷರ್ದ್ ಅವಕಾಶ ಕೊರಿನ ಕುಡ್ಲದ “ಡಾನ್‌ ಬಾಸ್ಕೋ’ ರಂಗಮಂದಿರ ಇತ್ತೆ ನವೀಕರಣಆದ್ , ಆಧುನಿಕ ಪೊರ್ಲುಗು ಬದಲಾಯರೇ ಉಂಡು.

ಪಡುಬಿದ್ರಿ: ಪೊಸತಾದ್ ಸುರು ಆಪಿನ ಸಂಸ್ಥೆಡ್ ಕೈತಲ್ ದಕ್ಲೆಗ್ ಉದ್ಯೋಗವಕಾಶ ಕೊರ್ರೆ ಆಗ್ರಹ

ಪಡುಬಿದ್ರಿ: ಪೊಸತಾದ್ ಸುರು ಆಯರೇ ಉಪ್ಪುನ ಸಂಸ್ಥೆಡ್ ಕೈತಲ್ ದಕ್ಲೆಗ್ ಉದ್ಯೋಗವಕಾಶ ಕೊರೊಡು ಪಂದ್ ಆಗ್ರಹ ಮಲ್ತ್ ದ್ ಪಡುಬಿದ್ರಿ ಗ್ರಾಮ ಪಂಚಾಯಿತಿ ಪಿಡಿಓ ಮೆರೆಗ್ ಕೈತಲ್ ದಕುಲು ಅಂಗಾರೆ ಮನವಿ ಮಲ್ತೆರ್.

ಪಡುಬಿದ್ರಿ ಗ್ರಾಮ ಪಂಚಾಯಿತಿದ ನಡ್ಸಾಲು ಗ್ರಾಮದ ಕಂಚಿನಡ್ಕಡ್ ಅರುಣಾ ಮಸಾಲ ಪನ್ಪಿನ ಸಂಸ್ಥೆ ಸುರು ಆಯರೇ ಉಂಡು ನೆಟ್ಟ್ ಕೈತಲ್ ದಕ್ಲೆಗ್ ಬೇಲೆಗ್ ಸುರುತ ಅವಕಾಶ ಕೊರೊಡು ಪಂದ್ ಮನವಿಡ್ ಪಂಡೆರ್.