ಕುಡ್ಲ

ರಾಜ್ಯ ಮಟ್ಟದ ಬೆಂಚ್ ಪ್ರೆಸ್ ಪಂಥಡ್ ಕುಡ್ಲದ ದೀಪಾ ಕೆ.ಎಸ್. ಮೆರೆಗ್ ಮಾಸ್ಟರ್ ವಿಭಾಗಡ್ ಬಂಗಾರ್ದ ಪದಕ

ಕುಡ್ಲ , ಎ.13: ಕರ್ನಾಟಕ ಪವರ್ ಲಿಫ್ಟಿಂಗ್ ಅಸೋಸಿಯೇಶನ್ ಒಟ್ಟು ಸೇರಿಗೆಡ್ ದಾವಣಗೆರೆದ ಗ್ರೂಪ್ ಆಫ್ ಐರನ್ ಗೇಮ್ಸ್ ಸಂಸ್ಥೆ ಕುವೆಂಪು ಕನ್ನಡ ಭವನಡ್ ಅಟ್ಟನೆ ಮಲ್ತಿನ ರಾಜ್ಯ ಮಟ್ಟದ ಬೆಂಚ್ ಪ್ರೆಸ್ ಪಂಥ ಡ್ ಕುಡ್ಲದ ದೀಪಾ ಕೆ.ಎಸ್. ಮಾಸ್ಟರ್ ವಿಭಾಗಡ್ ಬಂಗಾರ್ದ ಪದಕ ಪಡೆತೆರ್. ಪೊಂಜೊವ್ಲೆನ ಮುಕ್ತ ವಿಭಾಗ (69 ಕಿಲೊ)ಡ್ ಲಾ ಬೊಳ್ಳಿದ ಪದಕ ಪಡೆತೆರ್.

ಕೋಚ್ ಪ್ರದೀಪ್ ಕುಮಾರ್ ಆಚಾರ್ಯರ್ದ್ ತರಬೇತಿ ಪಡೆತಿನ ಮೇರ್ ಉದ್ಯಮಿ ಕುಂಜತ್ತೋಡಿ ವಾಸುದೇವ ಭಟ್ ಕದ್ರಿ ಮೆರ್ನ ಪತ್ನಿ. ದೀಪಾರ ಪುತ್ರ ಋತ್ವಿಕ್ ಅಲೆವೂರಾಯ ಕಾಮನ್ ವೆಲ್ತ್ ಗೇಮ್ಸ್ ಡ್ ರಡ್ಡ್ ಬಂಗಾರ್ದ ಪದಕ ಪಡೆತೆರ್.

ತುಳು ಎಂ.ಎ: ಭರತೇಶ್ ಗ್ ಸುರುತ್ತ ರ್‍ಯಾಂಕ್‌

ಕುಡ್ಲ, ಎಪ್ರಿಲ್ 09:ಕುಡ್ಲ ವಿಶ್ವವಿದ್ಯಾಲಯದ ತುಳು ಸ್ನಾತಕೋತ್ತರ ಪರೀಕ್ಷೆಡ್ ಭರತೇಶ್ ಅಲಸಂಡೆ ಮಜಲು ಸುರುತ್ತ ರ್‍ಯಾಂಕ್‌ ಪಡೆತೆರ್.

ಮೇರ್ ಸಿಜಿಪಿಎ 8.2 ಪಡೆತೆರ್ . ಬ್ಯಾಂಕ್ ಉದ್ಯೋಗಿ, ಕರ್ನಾಟಕ ಅರೆಭಾಷೆ ಸಾಹಿತ್ಯ ಬೊಕ್ಕ ಸಂಸ್ಕೃತಿ ಅಕಾಡೆಮಿದ ಸದಸ್ಯೆರಾಯಿನ ಮೇರ್ ತುಳು, ಅರೆಭಾಷೆ ಅಧ್ಯಯನ ಮಲ್ತೊಂದು ಉಲ್ಲೆರ್.

ತುಳುಕೂಟ ಕುಡ್ಲ (ರಿ.): ಬಿಸುಪರ್ಬ -2021

ತುಳುಕೂಟ ಕುಡ್ಲ (ರಿ.) ಕುಡ್ಲ ಮೆಕ್ಲೆನ ಒಟ್ಟು ಸೇರಿಗೆಡ್ ಕುಡ್ಲದ ಮಹತೋಭಾರ ಶ್ರೀ ಮಂಗಳಾದೇವಿ ದೇವಸ್ಥಾನದ ಸಭಾಂಗಣಡ್ ತಾರೀಖ್ 14/4/2021 ನೇ ಬುಧವಾರ ಬೈಯ್ಯ 4 ಗಂಟೆಗ್ ಬಿಸುಪರ್ಬ -2021 ನಡಪರೆ ಉಂಡು.

ಲೇಸ್ ದ ಉದಿಪನನ್ ಮೇಯರ್ ಶ್ರೀ ಪ್ರೇಮಾನಂದ ಶೆಟ್ಟಿ, ಮನಪಾ ಕುಡ್ಲ ನಡಪಾಯರೇ ಉಲ್ಲೆರ್.
ಗುರ್ಕಾರ್ಲಾದ್ ದಾಮೋದರ ನಿಸರ್ಗ, ಗುರ್ಕಾರ್ಲು , ತುಳುಕೂಟ ಕುಡ್ಲ(ರಿ),
ಅಂಚನೇ ಮಲ್ಲ ಬಿನ್ನೆರ್ ಆದ್ ಶ್ರೀ ಪಿ. ರಮಾನಾಥ ಹೆಗ್ಡೆ ಆಡಳಿತ ಮೊಕ್ತಸರೆರ್, ಶ್ರೀ ಮಂಗಳಾದೇವಿ ದೇವಸ್ಥಾನ ಪಾಲ್ ಪಡೆಯರೆ ಉಲ್ಲೆರ್.ಅವ್ವೆ ದಿನ ಶ್ರೀ ಧರ್ಮಸ್ಥಳ ಪದ್ಮವಿಭೂಷಣ ಡಾ| ಡಿ. ವೀರೇಂದ್ರ ಹೆಗ್ಗಡೆರೆನ ಪ್ರಾಯೋಜಕತ್ವದ ರತ್ನವರ್ಮ ಹೆಗ್ಗಡೆ ಸ್ಮತಿ ತುಳುನಾಟಕ ಕೃತಿ ಪ್ರಶಸ್ತಿ ಪ್ರದಾನದ ಇನಾಮು ಪಟ್ಟುನ ಲೇಸ್ ಲ ನಡಪರೆ ಉಂಡು.

ಸುಳ್ಯ ತಾಲೂಕು ತುಳು ಸಾಹಿತ್ಯ ಸಮ್ಮೇಳನ ಬೊಕ್ಕ ಕೃಷಿ ಮೇಳ – 2021

ಸುಳ್ಯ, ಎಪ್ರಿಲ್ 09: ಓಡಿಯೂರು ಶ್ರೀಲೆನ ಷಷ್ಟಬ್ಧ ಸಂಭ್ರಮ ಸುಳ್ಯ ತಾಲೂಕು ಸಮಿತಿ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಕುಡ್ಲ, ತುಡರ್ ತುಳು ಕೂಟ ಸುಳ್ಯ ಬೊಕ್ಕ ಕಳಂಜ ಬಾಲ ಪ್ರಾಕೃ.ಪ.ಸಹಕಾರಿ ಸಂಘ ನಿ.ಜ್ಞಾನ ವಾಹಿನಿ ಪ್ರಾದೇಶಿಕ ಸಮಿತಿ ಸುಳ್ಯ ಮೊಕ್ಲೆನ ಕೂಡುಕೂಟೊಡು ದಿವಂಗತ ಕೋಟೆ ವಸಂತ ಕುಮಾರ್ (ಚಾವಡಿ)ಡ್ ಸುಳ್ಯ ತಾಲೂಕು ತುಳು ಸಾಹಿತ್ಯ ಸಮ್ಮೇಳನ ಬೊಕ್ಕ ಕೃಷಿ ಮೇಳ – 2021 ಲೇಸ್ ತೇದಿ ಪಗ್ಗು 6 ಪೋಪುನಾನಿ , 19-04-2021 ಸೋಮಾರ ಕಾಂಡೆ 9-30 ಗಂಟೆರ್ದ್ ಬಜನಿ ದಿ| ರಾಮಯ್ಯ ರೈ ಸಭಾಂಗಣ ಕೋಟೆ ಮುಂಡುಗಾರು ಶಾಲೆ ಕಳಂಜ, ಸುಳ್ಯ ತಾಲೂಕು ಡು ನಡಪರೆ ಉಂಡು.

ಕುಡ್ಲ ವಿಶ್ವವಿದ್ಯಾಲಯದ ಪರೀಕ್ಷೆ ತಾರೀಖ್ ಬದಲಿ

ಮಂಗಳೂರು, ಎ.8: ಕೆಎಸ್ಸಾರ್ಟಿಸಿ ನೌಕರೆರ್ನ ಬೇಡಿಕೆ ಈಡೇರಿಸಾಯರೇ ಆಗ್ರಹ ಮಲ್ತ್ ದ್ ಮುಷ್ಕರ ನಡಪಾಯರೇ ನಿರ್ಧಾರ ಮಲ್ತಿನ ನೆಲೆಟ್ಟ್ ಎ.7 ತಾರೀಖ್ ಗ್ ನಡಪರೆ ಇತ್ತಿನ ಮಂಗಳೂರು ವಿವಿದ ಪದವಿ ಪರೀಕ್ಷೆಲೆನ್ ದುಂಬು ಪಾರ್ದೆರ್ .

ದುಂಬುದ ತಾರೀಖ್ ನನ ತೆರಿಪಾವ ಪಂದ್ ಮಂಗಳೂರು ವಿವಿದ ಪರೀಕ್ಷಾಂಗ ಕುಲಸಚಿವೆರ್ನ ಪ್ರಕಟನೆ ತೆರಿ ಪಾದುಂಡು.