ಕುಡ್ಲ

ಬೆಂಗ್ಳೂರು ಮುಟ್ಟಿನ 29ನೇ ಆಕ್ಸಿಜನ್ ಎಕ್ಸ್ ಪ್ರೆಸ್

ಬೆಂಗ್ಳೂರು,ಜೂ.09:29ನೇ ಆಕ್ಸಿಜನ್ ಎಕ್ಸ್ ಪ್ರೆಸ್ ವಿಶೇಷ ರೈಲು ಇನಿ ಬೆಂಗ್ಳೂರುಗು ಬೈದುಂಡು . 126.7 ಮೆಟ್ರಿಕ್ ಟನ್ ವೈದ್ಯಕೀಯ ಲಿಕ್ವಿಡ್ ಆಕ್ಸಿಜನ್ ಇಪ್ಪುನ ಈ ಎಕ್ಸ್ ಪ್ರೆಸ್ ರೈಲು ಬೆಂಗ್ಳೂರುಗು ವೈಟ್ ಫೀಲ್ಡ್ ಕಂಟೈನರ್ ಡಿಪೋ ಮುಟ್ಟಿನೆನ್ ಟ್ವೀಟ್ ಮಲ್ದೆರ್ .

ಇತ್ತೇ ಮುಟ ರಾಜಧಾನಿ ಬೆಂಗ್ಳೂರುಗು 29 ರೈಲುದ ಮುಖೇನ 3,340.69 ಟನ್ ದ್ರವ ವೈದ್ಯಕೀಯ ಆಮ್ಲಜನಕ ಕನದೆರ್ . ಈ ಮುಖೇನ ಕೋವಿಡ್-19 ರೋಗಿಲೆಗ್ ಅತ್ಯವಶ್ಯಕವಾಯಿನ ಪ್ರಾಣವಾಯು ಸಮಸ್ಯೆ ಆವಂದಿಲಕ ಕ್ರಮ ದೆತೊನ್ದೆರ್ .

ಕೋವಿಡ್ ಸಂತ್ರಸ್ತೆರೆಗ್ ಮಾನವೀಯತೆ ಸ್ಪಂದನೆ

ಬಂಟ್ವಾಳ:ಜೂನ್ 8: ‘ಮುಲ್ಪದ ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಡ್ ಕೋವಿಡ್ ಸಂತ್ರಸ್ತರೆಗ್ ತಲಾ ₹ 1ಸಾವಿರ ಮೌಲ್ಯದ ದಿನಸಿ ಸಾಮಗ್ರಿ ಕಿಟ್ ಕೊರ್ಪಿನ ಮುಖೇನ ಮಾನವೀಯ ಸ್ಪಂದನೆದೊಟ್ಟುಗು ಅಸಹಾಯಕೆರೆಗ್ ಸಾಧ್ಯಆಯಿನಾತ್ ಪಣಾವುದ ಸಾಕಾರ ಕೊರಿಯೆರೆ ‘ಇಂದಿರಾ ಕ್ಷೇಮ ನಿಧಿ’ ಸುರು ಮಲ್ದೆರ್ ಪಂದ್ ‘ ಮಾಜಿ ಸಚಿವ ಬಿ.ರಮಾನಾಥ ರೈ ಪಂಡೆರ್ .

ಬಿ.ಸಿ.ರೋಡು ರಂಗೋಲಿ ಸಭಾಂಗಣಡ್ ಸೋಮವಾರ ಅಟ್ಟನೆ ಮಲ್ತಿನ ‘ಇಂದಿರಾ ಕ್ಷೇಮ ನಿಧಿ’ ಯೋಜನೆನ್ ಉದಿಪನ ಮಲ್ತ್ ಪಾತೆರಿಯೆರ್.

ಈ ಲೇಸ್ ಡ್ ಜಿಲ್ಲಾ ಪಂಚಾಯಿತಿ ಸದಸ್ಯೆರಾಯಿನ ಚಂದ್ರಪ್ರಕಾಶ್ ಶೆಟ್ಟಿ, ಬಿ.ಪದ್ಮಶೇಖರ್ ಜೈನ್, ಎಂ.ಎಸ್.ಮಹಮ್ಮದ್, ತಾಲ್ಲೂಕು ಪಂಚಾಯಿತಿ ಉಪಾಧ್ಯಕ್ಷ ಅಬ್ಬಾಸ್ ಅಲಿ, ಸ್ಥಾಯಿ ಸಮಿತಿ ಗುರ್ಕಾರ್ಲಾಯಿನ ಮಲ್ಲಿಕಾ ವಿ.ಶೆಟ್ಟಿ, ಪುರಸಭಾಧ್ಯಕ್ಷ ಮಹಮ್ಮದ್ ಶರೀಫ್, ಉಪಾಧ್ಯಕ್ಷೆ ಜೆಸಿಂತ ಡಿಸೋಜ, ಪ್ರಮುಖೆರಾಯಿನ ಸುದರ್ಶನ್ ಜೈನ್, ಕೆ.ಪದ್ಮನಾಭ ರೈ, ಜಯಂತಿ ವಿ.ಪೂಜಾರಿ, ಆಲ್ಬರ್ಟ್‌ ಮಿನೇಜಸ್, ಜನಾರ್ದನ ಚೆಂಡ್ತಿಮಾರ್, ಇಬ್ರಾಹಿಂ ನವಾಝ್ ಬಡಕಬೈಲು, ಸುರೇಶ್ ಜೋರ ಪಾಲ್ ಪಡೆದಿತ್ತೆರ್ .

ಬಂಟ್ವಾಳ ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಬೇಬಿ ಕುಂದರ್ ಎದುಕೊಂಡೆರ್ , ಪಾಣೆಮಂಗಳೂರು ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಸುದೀಪ್ ಕುಮಾರ್ ಶೆಟ್ಟಿ ಸೊಲ್ಮೆ ಸಂದೈತ ಮಲ್ತೆರ್ .

ಇನಿ ಬೈಯ್ಯ 5 ಗಂಟೆಗ್ ರಾಷ್ಟ್ರನ್ ಉದ್ದೇಶಿಸಾದ್ ಪ್ರಧಾನಿ ಭಾಷಣ

ನವದೆಹಲಿ, ಜೂನ್ 7: : ಇನಿ ಬೈಯ್ಯಗ್ 5 ಗಂಟೆಗ್ ದೇಶನ್ ಉದ್ದೇಶಿಸಾದ್ ಪ್ರಧಾನಮಂತ್ರಿ ನರೇಂದ್ರ ಮೋದಿ ಭಾಷಣ ಮಲ್ಪರೆ ಉಲ್ಲೆರ್ ಪಂದ್ ಪ್ರಧಾನಮಂತ್ರಿ ಕಚೇರಿದ ಮೂಲ ತೆರಿಪಾದುಂಡು .

ಕೋವಿಡ್ ರಡ್ಡನೇ ಅಲೆ ತಡೆಯರೇ ಕರಿನ ಒಂಜಿ ತಿಂಗೊಲುರ್ದು ರಾಷ್ಟ್ರವ್ಯಾಪಿ ಲಾಕ್ಡೌನ್ ಮಲ್ದೆರ್ . ಇತ್ತೇ ಕೆಲವು ರಾಜ್ಯಡ್ ಹಂತಹಂತವಾದ್ ಲಾಕ್ಡೌನ್ ದೆತ್ತೊಂದು ಉಲ್ಲೆರ್ . ಆತೆ ಅತ್ತoದೆ ರಾಷ್ಟ್ರಾಡ್ ಕೊರೋನ ವ್ಯಾಕ್ಸಿನ್ಲ ಕೊರೊಂದು ಉಲ್ಲೆರ್.

ಐತ ಪ್ರಕಾರ ಕೋವಿಡ್ ನಿಗ್ರಹಗಾದ್ ಕೇಂದ್ರ ಸರ್ಕಾರ ಬೊಕ್ಕ ರಾಜ್ಯ ಸರ್ಕಾರ ಅವ್ವೆತೋ ಕಾರ್ಯಕ್ರಮಲೆನ್ ದೆತೊನ್ದೆರ್ , ನನ ದುಂಬುದ ನಡೆತ ಬಗ್ಗೆ ದೇಶದ ಜನತೆನ್ ಉದ್ದೇಶಿಸಾದ್ ಪ್ರಧಾನಿ ಭಾಷಣ ಮಲ್ಪುನ ನಿರೀಕ್ಷೆ ಉಂಡು.

ಜಲಾವೃತ ಪ್ರದೇಶಗ್ ಕಾಂಗ್ರೆಸ್ ಸಾಕಾರ

ಕುಡ್ಲ , ಜೂ.7: ಕುಡ್ಲ ಮಹಾನಗರ ಪಾಲಿಕೆ ವ್ಯಾಪ್ತಿಯ ವಾರ್ಡ್ ನಂಬ್ರ 30ರ ಕೊಡಿಯಾಲ್‌ಬೈಲ್ ಪ್ರದೇಶಡ್ ಶನಿವಾರ ಬತ್ತಿನ ಬರ್ಸರ್ದಾವರ ಕೆಲವು ಇಲ್ಲ್ ಜಲಾವೃತ ಆಯಿನ ಪರಿಣಾಮ ಜನಕ್ಲೆಗ್ ಕಷ್ಟ ಆಂಡ್.

ಕುಡ್ಲ ನಗರ ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ , ವಾರ್ಡ್‌ನ ಮಾಜಿ ಕಾರ್ಪೊರೇಟರ್ ಪ್ರಕಾಶ್ ಸಾಲಿಯಾನ್ ಬೊಕ್ಕ ಯುವ ಕಾಂಗ್ರೆಸ್ ರಾಜ್ಯ ಪ್ರಧಾನ ಕಾರ್ಯದರ್ಶಿ ಮೆರಿಲ್ ರೇಗೋ ನೇತೃತ್ವಡ್ ಜಾಗೆಗ್ ಭೇಟಿ ಕೊರ್ದು ಅಲ್ಪದ ನಿವಾಸಿಲೆಗ್ ವನಸ್ ಬೊಕ್ಕ ಅಗತ್ಯ ಸಾಕಾರ ಕೊರಿಯೆರ್.

ಈ ಪೊರ್ತುಡು ಮಂಗಳೂರು ನಗರ ಉತ್ತರ ಬ್ಲಾಕ್ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ರಾಕೇಶ್ ದೇವಾಡಿಗ, ಲಿಯಾಕತ್ ಶಾ, ರಾಜೇಶ್ ಪಾಲ್ ಪಡೆದಿತ್ತೆರ್ .

ಪತ್ರಕರ್ತೆರೆಗ್ ಸಾಕರ ಕೊರಿನ ಪತ್ರಕರ್ತೆರ್ನ ಸಂಘ

ಕಡಬ, ಜೂ.07: ಕೊರೋನಾ ರಡ್ಡನೇ ಅಲೆತ್ತ ನೆಲೆಟ್ಟ್ ಕಡಬ ತಾಲೂಕು ಪತ್ರಕರ್ತೆರ್ನ ಸಂಘದ ಸದಸ್ಯೆರೆಗ್ ಜಿಲ್ಲಾ ಸಂಘರ್ದ್ ಬೊಕ್ಕ ಕಡಬ ತಾಲೂಕು ಪತ್ರಕರ್ತೆರ್ನ ಸಂಘದ ವತಿರ್ದ್ ದಾನಿಲೆನ ಸಾಕಾರಡ್ ಕೊರಿನoಚಿನ ದಿನಸಿ ಸಾಮಾಗ್ರಿದ ಕಿಟ್ ನ್ ಗುರುವಾರದಾನಿ ಕಡಬ ಪ್ರೆಸ್ ಕ್ಲಬ್ ಡ್ ಪಟ್ಟಿಯೆರ್.

ದಕ್ಷಿಣ ಕನ್ನಡ ಜಿಲ್ಲಾ ಕಾರ್ಯನಿರತ ಪತ್ರಕರ್ತೆರ್ನ ಸಂಘರ್ದ್ ಮಾತಾ ಸದಸ್ಯೆರೆಗ್ ಕೊರಿನ ತಲಾ 20 ಕೆಜಿ ಅರಿ ಐತ ಒಟ್ಟುಗು ಕಡಬ ತಾಲೂಕು ಪತ್ರಕರ್ತೆರ್ನ ಸಂಘರ್ದ್ ದಿನಸಿ ಸಾಮಾಗ್ರಿದ ಕಿಟ್ ನ್ ಪಟ್ಟಿಯೆರ್ . ಈ ಪೊರ್ತುಡು ಕಡಬ ತಾಲೂಕು ಪತ್ರಕರ್ತರ ಸಂಘದ ಗುರ್ಕಾರ್ಲಾಯಿನ ನಾಗರಾಜ್ ಎನ್.ಕೆ.ಕಾರ್ಯದರ್ಶಿ ವಿಜಯ ಕುಮಾರ್ ಕಡಬ ಬೊಕ್ಕ ಸಂಘದ ಪದಾಧಿಕಾರಿಲು ಪಾಲ್ ಪಡೆದಿತ್ತೆರ್ .