ಸ್ವೀಕಾರ

ಪರಮಪೂಜ್ಯ ಶ್ರೀ ವಿಶ್ವಪ್ರಸನ್ನ ತೀರ್ಥ ಶ್ರೀಪಾದದೆರ್ನ ಸನ್ಯಾಸ ಸ್ವೀಕಾರದ 33 ನೇ ವರ್ಧಂತಿ ಉತ್ಸವ

ಒಡಿಪು ಶ್ರೀ ಪೇಜಾವರ ಮಠಾಧೀಶರಾಯಿನ ಅಯೋಧ್ಯಾ ರಾಮಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್ದ ವಿಶ್ವಸ್ಥರ್ ಆಯಿನ ಪರಮಪೂಜ್ಯ ಶ್ರೀ ವಿಶ್ವಪ್ರಸನ್ನ ತೀರ್ಥ ಶ್ರೀಪಾದೆರ್ನ ತುರೀಯಾಶ್ರಮ ( ಸನ್ಯಾಸ) ಸ್ವೀಕಾರದ 33 ನೇ ವರ್ಧಂತಿ ಉತ್ಸವ ಉಡುಪಿ ಪೇಜಾವರ ಮಠಟ್ ಅಂಗಾರೆ ನಡತಿನ ಪೊರ್ತುಡು ಶ್ರೀಕುಲೆಗ್ ಅಭಿಮಾನಿಲು,ಶಿಷ್ಯೆರ್ ವಿಶೇಷ ಪುಷ್ಪಾಭಿಷೇಕ ಮಲ್ತ್ ದ್ ಗುರುವಂದನೆ ನಡಪಾದ್ ಕೊರಿಯೆರ್ .

ಜೋಕ್ಲೆನ ವೇದ ಘೋಷಣೆ ದೊಟ್ಟುಗು ನಡತಿನ ಈ ಪೊರ್ತುಡು ಮಠದ ದಿವಾನರಾಯಿನ ಎಂ ರಘುರಾಮಾಚಾರ್ಯ , ವಿದ್ವಾನ್ ವಿಶ್ವೇಶ ಭಟ್ ರಾಮಚಂದ್ರ ಭಟ್ , ಸಿ ಇ ಒ ಸುಬ್ರಹ್ಮಣ್ಯ ಭಟ್ , ವ್ಯವಸ್ಥಾಪಕ ಇಂದು ಶೇಖರ ಹೆಗ್ಡೆ , ಶ್ರೀಗಳ ಆಪ್ತ ಕಾರ್ಯದರ್ಶಿಲಾಯಿನ ವಿಷ್ಣುಮೂರ್ತಿ ಆಚಾರ್ಯ , ಕೃಷ್ಣ ಭಟ್ , ಬೊಕ್ಕ ಎಸ್ ವಿ ಭಟ್ ಪಾಲ್ ಪಡೆದ್ ಭಕ್ತಿ ಗೌರವ ಸಂದಾಯೆರ್ . ವಾಸುದೇವ ಭಟ್ ಪೆರಂಪಳ್ಳಿ ಲೇಸ್ ಸಂಯೋಜನೆ ಮಲ್ತ್ ದ್ ಸೊಲ್ಮೆ ಸಂದಾಯಿತ ಮಲ್ತೆರ್ . ಈ ನೆಲೆಟ್ಟ್ ಕಾಂಡೆ ವಿದ್ವಾನ್ ದೇವೇಶ ಭಟ್ರೆನ ಮುತಾಲಿಕೆಡ್ ವಿರಜಾ ಸಹಿತ ಧಾರ್ಮಿಕ ವಿಧಿವಿಧಾನಲು ನಡತುಂಡು .