ಸಂತ್ರಸ್ತ

ಸಂತ್ರಸ್ತ ಪೊಣ್ಣನ್ ಯಾನ್ ಮಗಲೆನ ಸ್ಥಾನಡ್ ತೂತೆ : ಸಚಿವ ಆರಗ ಜ್ಞಾನೇಂದ್ರ

Aug 27, 2021

ಬೆಂಗ್ಳೂರು: ಮೈಸೂರುದ ವೈದ್ಯಕೀಯ ವಿದ್ಯಾರ್ಥಿನಿ ಮಿತ್ತ್ ನಡತಿನ ಗ್ಯಾಂಗ್‌ ರೇಪ್‌ ಪ್ರಕರಣಗ್ ಸಂಬಂಧಿ “ಕಾಂಗ್ರೆಸ್‌ ನಾಯಕೆರ್ ನಮನ್ ಅತ್ಯಾಚಾರ ಮಲ್ತೊಂದು ,’ ಉಲ್ಲೆರ್ ಪಂದ್ ವಿವಾದಾತ್ಮಕ ಪಾತೆರ ಪಂಡಿನ ಗೃಹ ಸಚಿವ ಆರಗ ಜ್ಞಾನೇಂದ್ರ, ಇತ್ತೆ ತಾನ್ ಪಂಡಿನ ಪಾತೆರನ್ ಪಿರ ದೆತೊoದು ತಪ್ಪು ಒತ್ತೊoದೆರ್ .

ಮೈಸೂರು ಗ್ಯಾಂಗ್‌ ರೇಪ್‌ ಪ್ರಕರಣದ ಬಗ್ಗೆ ಹೇಳಿಕೆ ಕೊರ್ಪಿನ ಪೊರ್ತುಡು ಕಾಂಗ್ರೆಸ್‌ ನಾಯಕೆರ್ ಅಕ್ಲೆನ್ ಅತ್ಯಾಚಾರ ಮಲ್ತೊಂದು ಉಲ್ಲೆರ್ ಪಂದ್ ತಪ್ಪು ಪಾತೆರ ಪಂದ್ ಇತ್ತೆರ್ ಈ ವಿಚಾರವಾದ್ ಖುದ್ದು ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿಲಾ ಅಸಮಧಾನ ಪಂಡೆರ್ .

ಈ ನೆಲೆಟ್ಟ್ ಪಂಡಿ ಪಾತೆರ ಪಿರ ದೆತೊನ್ಡಿನ ಆರ್ ತಪ್ಪುಒತ್ತೊoದೆರ್.

ಪ್ರವಾಹ ಸಂತ್ರಸ್ತೆರೆಗ್ ಸೂಕ್ತ ಪರಿಹಾರ – ಸಿಎಂ ಬಿಎಸ್‌ವೈ

Jul 26, 2021

ಬೆಳಗಾವಿ, ಜುಲೈ 26: ಬರ್ಸ ಬತ್ತಿನೆರ್ದವರ ಪ್ರವಾಹರ್ದ್ ಭಾಧಿತ ಆಯಿನ ಹಿರಣ್ಯಕೇಶಿ ನದಿಪಾತ್ರದ ಬೇತೆ ಬೇತೆ ಜಾಗೆಗ್ ಸಿಎಂ ಬಿ.ಎಸ್‌.ಯಡಿಯೂರಪ್ಪ ಮೇರ್ ಐತಾರ ಭೇಟಿ ಕೊರ್ದು ಪರಿಶೀಲನೆ ಮಲ್ತೆರ್ .

ಕರಿನ ಒಂಜಿ ವಾರರ್ದ್ ಮಹಾರಾಷ್ಟ್ರ ರಾಜ್ಯ ಬೊಕ್ಕ ಜಿಲ್ಲೆಡ್ ವ್ಯಾಪಕವಾದ್ ಬರ್ಸ ಬರೊಂದು ಉಂಡು , ಜಿಲ್ಲೆದ ಸಪ್ತ ನದಿಟ್ ಬೊಕ್ಕ ಬೆಳಗಾವಿ ಕೈತಲ್ ದ ಬಳ್ಳಾರಿ ನಾಲಾಡ್ ನೀರ್ದ ಹರಿವುಹೆಚ್ಚಾಗಿ
ಜಾಸ್ತಿ ಆದ್ ಅಕ್ಕಪಕ್ಕದ ಕೆಲವು ಗ್ರಾಮ ಜಲಾವೃತ ಆತುಂಡು.

ಎಂಡೋಸಲ್ಪಾನ್ ಸಂತ್ರಸ್ತೆರೆಗ್ ಕೋವಿಡ್ ಲಸಿಕೆ

Jul 14, 2021

ಬೈಂದೂರು,ಜುಲೈ 14: : ಸೇವಾ ಭಾರತಿ ಕರ್ನಾಟಕ, ಪ್ರೇರಣಾ ಟ್ರಸ್ಟ್ ಶಿವಮೊಗ್ಗ, ಪಿಇಎಸ್ ಶಿವಮೊಗ್ಗ ಬೊಕ್ಕ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ ಒಡಿಪುದ ಒಟ್ಟು ಸೇರಿಗೆಡ್ ಎಂಡೋಸಲ್ಪಾನ್ ಸಂತ್ರಸ್ತ ಕುಟುಂಬದಕ್ಲೆಗ್ ಉಚಿತ ಕೋವಿಡ್ ಲಸಿಕೆ ಕೊರ್ಪಿನ ಕಾರ್ಯಕ್ರಮ ಶಿರೂರುಡು ನಡತುಂಡು.

ಈ ನೆಲೆಟ್ಟ್ ಎಂಡೋಸಲ್ಫಾನ್ ಪೀಡಿತೆರ್ ಬೊಕ್ಕ ಅಕ್ಲೆನ ಆರೈಕೆದಾರೆರೆಗ್ ವಾಕ್ಸಿನ್ ಕೊರ್ಪಿನ ಸಲುವಾದ್ ಈ ಅಭಿಯಾನ ಅಟ್ಟನೆ ಮಲ್ದೆರ್ . ಬೈಂದೂರು ಕ್ಷೇತ್ರಡ್ 966 ಎಂಡೋ ಸಂತ್ರಸ್ತೆರ್ ಉಲ್ಲೆರ್ ಸುಮಾರ್ 3000 ಲಸಿಕೆನ್ 14 ಪ್ರಾಥಮಿಕ ಆರೋಗ್ಯ ಕೇಂದ್ರಗ್ ಸಮನಾದ್ ಪಟ್ಟ್ದೆರ್.

ಲಾಕ್ ಡೌನ್ ಸಂತ್ರಸ್ತೆರೆಗ್ ಮುಲ್ಕಿ ಯುವ ಕಾಂಗ್ರೆಸ್ ರ್ದ್ ವಣಸ್ ದ ವ್ಯವಸ್ಥೆ

May 3, 2021

ಮುಲ್ಕಿ : ಲಾಕ್ ಡೌನ್ ದ ಪೊರ್ತುಡು ಮಾರ್ಗದ ಬರಿಟ್ಟ್ ಕುಲ್ದಿನ ನಿರಾಶ್ರಿತೆರ್, ಅಂಗವಿಕಲೆರ್, ದೂರದ ಊರುಗು ನಡತೊಂದು ಪೋಪಿನಕ್ಲೆಗ್ ಬೊಕ್ಕ ಬಡಪತ್ತ್ ದಕ್ಲೆಗ್ ವಣಸ್, ತಿಂಡಿದ ವ್ಯವಸ್ಥೆನ್ ಮುಲ್ಕಿ ಬ್ಲಾಕ್ ಯುವ ಕಾಂಗ್ರೆಸ್ ಕರಿನ ಮೂಜಿ ದಿನೊರ್ದಿಂಚಿ ವ್ಯವಸ್ಥೆ ಮಲ್ದ್ಂಡ್.
ಕೋವಿಡ್ ದ ರಡ್ಡನೇ ಲಾಕ್ ಡೌನ್ ದ ಕಾರಣೊಡು ವಣಸ್ ತೆನಸ್ ದಾಂತಿನ ಬಡವರೆಗ್, ಅಂಗವಿಕಲೆರೆಗ್ ಎಂಕುಲು ಈ ವ್ಯವಸ್ಥೆ ಮಲ್ತ್ ದ.

ಒರಿ ಒರಿಯೆ ಇತ್ತಿನಕ್ಲೆಗ್ಲ ವಣಸ್, ತಿಂಡಿದ ವ್ಯವಸ್ಥೆ ಮಲ್ತೊಂದುಲ್ಲ ಪಂಡ್ ದ್ ಯುವ ಕಾಂಗ್ರೆಸ್ ಅಧ್ಯಕ್ಷೆರ್ ಅಶೋಕ್ ಪೂಜಾರ್ ಪಂಡೆರ್.ಮೂಲ್ಕಿ ನಗರ ಪಂಚಾಯತ್ ಸದಸ್ಯೆರ್ ಯೋಗೀಶ್ ಕೋಟ್ಯಾನ್, ಕಾಂಗ್ರೆಸ್ ದ ಹಿಂದುಳಿದ ವರ್ಗದ ಕಾರ್ಯದರ್ಶಿ ಪ್ರವೀಣ್ ಬೊಳ್ಳೂರು, ಕ್ಷೇತ್ರದ ಇಂಟಕ್ ಅಧ್ಯಕ್ಷೆರ್ ಮೋಹನ್ ಕೋಟ್ಯಾನ್ ಶಿಮಂತೂರು, ಧರ್ಮಾನಂದ ಶೆಟ್ಟಿಗಾರ್ ತೋಕೂರು, ಲೋಕೇಶ್ ಕೋಟ್ಯಾನ್ ಮೊಕುಲು ಮಾತ ಇತ್ತೆರ್.