ವಿಜಯ

36ನೇ ವರ್ಸೋದ ಉಪ್ಪಿನಂಗಡಿ “ವಿಜಯ – ವಿಕ್ರಮ” ಜೋಡುಕರೆ ಕಂಬುಲ ಕೂಟದ ಫಲಿತಾoಶ

Apr 3, 2022

ಕೂಟೊಡು ಪಾಲ್ ಪಡೆಯಿನ ಎರುಕ್ಲೆನ ಸಂಖ್ಯೆ :

ಕನೆಪಲಯಿ : 04 ಜೊತೆ
ಅಡ್ಡಪಲಯಿ : 08 ಜೊತೆ
ಬಲ್ಲ್ ದ ಮಲ್ಲ : 13 ಜೊತೆ
ನಾಯರ್ ದ ಮಲ್ಲ : 23 ಜೊತೆ
ಬಲ್ಲ್ ದ ಎಲ್ಯ 12 ಜೊತೆ
ನಾಯರ್ ದ ಎಲ್ಯ : 65 ಜೊತೆ
ಒಟ್ಟು ಎರುತ ಸಂಖ್ಯೆ: 125 ಜತೆ

ಕನೆಪಲಯಿ :

ಸುರುತ ಇನಾಮು : ವಾಮಂಜೂರು ತಿರುವೈಲುಗುತ್ತು ನವೀನ್ಚಂದ್ರ ಆಳ್ವ
ಪಲಯಿ ಮುಟ್ಟಿನಾರ್ : ಬೈಂದೂರು ಭಾಸ್ಕರ ದೇವಾಡಿಗ

ರಡ್ಡನೇ ಇನಾಮು : ಬಾರ್ಕೂರು ಶಾಂತಾರಾಮ್ ಶೆಟ್ಟಿ
ಪಲಯಿ ಮುಟ್ಟಿ ನಾರ್: ಮಂದಾರ್ತಿ ಶಿರೂರು ಗೋಪಾಲ ನಾಯ್ಕ್

ಅಡ್ಡ ಪಲಯಿ :

ಸುರುತ ಇನಾಮು : ಪೆರಿಯಾವುಗುತ್ತು ಸತೀಶ್ ಗಟ್ಟಿಯಾಳ್
ಪಲಯಿ ಮುಟ್ಟಿನಾರ್: ಮುಳಿಕಾರು ಕೆವುಡೇಲು ಅಣ್ಣಿ ದೇವಾಡಿಗ

ರಡ್ಡ ನೇ ಇನಾಮು : ಕೆರೆಕೋಡಿಗುತ್ತು ಬೀಯಪಾದೆ ಶೇಖರ್ ಪೂಜಾರಿ “ಎ”
ಪಲಯಿ ಮುಟ್ಟಿನಾರ್ : ಸಾವ್ಯ ಗಂಗಯ್ಯ ಪೂಜಾರಿ

ಬಲ್ಲ್ ದ ಮಲ್ಲ :

ಸುರುತ ಇನಾಮು : ಮಿಜಾರ್ ಪ್ರಸಾದ್ ನಿಲಯ ಶಕ್ತಿ ಪ್ರಸಾದ್ ಶೆಟ್ಟಿ “ಎ”
ಗಿಡಯಿನಾರ್ : ಮಿಜಾರು ಅಶ್ವಥಪುರ ಶ್ರೀನಿವಾಸ ಗೌಡ

ರಡ್ಡನೇ ಇನಾಮು : ಮಾಳ ಆನಂದ ನಿಲಯ ಶೇಖರ್ ಎ ಶೆಟ್ಟಿ
ಗಿಡಯಿನಾರ್:ಕೊಳಕೆ ಇರ್ವತ್ತೂರು ಆನಂದ್

ಬಲ್ಲ್ ದ ಎಲ್ಯ :

ಸುರುತ ಇನಾಮು : ಮೂಡಬಿದ್ರಿ ಹೊಸಬೆಟ್ಟು ಏರಿಮಾರು ಬರ್ಕೆ ಚಂದ್ರಹಾಸ ಸಾಧು ಸನಿಲ್
ಗಿಡಯಿನಾರ್: ಬೈಂದೂರು ವಿವೇಕ್ ಪೂಜಾರಿ

ರಡ್ಡನೇ ಇನಾಮು : ಚೊಕ್ಕಾಡಿ ಕಟಪಾಡಿ ದೈವೀಕ್ ಸಂತೋಷ್ ಶೆಟ್ಟಿ “ಎ”
ಗಿಡಯಿನಾರ್: ಬೈಂದೂರು ಮಂಜುನಾಥ್

ನಾಯರ್ದ ಮಲ್ಲ ::

ಸುರುತ ಇನಾಮು : ಇರುವೈಲು ಪಾನಿಲ ಬಾಡ ಪೂಜಾರಿ “ಎ”
ಗಿಡಯಿನಾರ್: ಮಿಜಾರು ಅಶ್ವಥಪುರ ಶ್ರೀನಿವಾಸ ಗೌಡ

ರಡ್ಡನೇ ಇನಾಮು : ಇರುವೈಲು ಪಾನಿಲ ಬಾಡ ಪೂಜಾರಿ “ಬಿ”
ಗಿಡಯಿನಾರ್: ಬೈಂದೂರು ವಿವೇಕ್ ಪೂಜಾರಿ

ನಾಯರ್ ದ ಎಲ್ಯ :

ಸುರುತ ಇನಾಮು : ಮೊಗರುಗುತ್ತು ರಿಷಿ ಶೆಟ್ಟಿ “ಎ”
ಗಿಡಯಿನಾರ್: ಕೋರಿಂಜೆ ಅರುಣ್

ರಡ್ಡ ನೇ ಇನಾಮು : ನಕ್ರೆ ಮಹೋಧರ ನಿವಾಸ ಇಶಾನಿ ದಯಾನಂದ ಭಂಡಾರಿ
ಗಿಡಯಿನಾರ್: ಬೈಂದೂರು ವಿಶ್ವನಾಥ ದೇವಾಡಿಗ

36ನೇ ವರ್ಸೊದ ವಿಜಯ ವಿಕ್ರಮ ಜೋಡುಕರೆ ಕಂಬುಲದ ಮೆರವಣಿಗೆಗ್ ಚಾಲನೆ

Apr 2, 2022

ಉಪ್ಪಿನಂಗಡಿ: ಉಪ್ಪಿನಂಗಡಿದ ವಿಜಯ ವಿಕ್ರಮ ಜೋಡುಕರೆ ಕಂಬುಲ ಸಮಿತಿದ ಮುತಾಲಿಕೆಡ್ ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಿ.ವೀರೇಂದ್ರ ಡಾ. ಹೆಗ್ಗಡೆರ್ನ ಕೃಪಾಶೀರ್ವಾದದೊಟ್ಟುಗು ಉಪ್ಪಿನಂಗಡಿ ಕೂಟೇಲು ಹಳೆಗೇಟು ಕೈತಲ್ ದ ತುದೆ ಬರಿಟ್ ಎಪ್ರಿಲ್ 3ಕ್ಕ್ ನಡಪುನ 36ನೇ ವರ್ಷದ ವಿಜಯ ವಿಕ್ರಮ ಜೋಡುಕರೆ ಕಂಬುಲದ ಮೆರವಣಿಗೆಗ್ ಇನಿ ಕಾಂಡೆ ಚಾಲನೆ ಕೊರಿಯೆರ್ .

ಶ್ರೀ ಸಹಸ್ರಲಿಂಗೇಶ್ವರ ದೇವಲ್ಯೊಡು ಪ್ರಾರ್ಥನೆ ಮಲ್ತಿನ ಬೊಕ್ಕ ಬಳಿಕ ಮೆರವಣಿಗೆಗ್ ಚಾಲನೆ ಕೊರಿಯೆರ್ . ಸುದ್ದಿ ಸಮೂಹ ಸಂಸ್ಥೆದ ಆಡಳಿತ ನಿರ್ದೇಶಕೆರಾಯಿನ ಸುದ್ದಿ ಬುಡುಗಡೆ ಪತ್ರಿಕೆದ ಪ್ರಧಾನ ಸಂಪಾದಕೆರಾಯಿನ ಡಾ.ಯು.ಪಿ.ಶಿವಾನಂದೆರ್ ತಾರಾಯಿ ಆಕುನ ಮುಖೇನ ಮೆರವಣಿಗೆಗ್ ಚಾಲನೆ ಕೊರಿಯೆರ್ . ಕಂಬುಲ ಸಮಿತಿದ ಗುರ್ಕಾರ್ಲಾಯಿನ ಕೋಡಿಂಬಾಡಿ ರೈ ಎಸ್ಟೇಟ್ ಮಾಲಕ ಅಶೋಕ್ ಕುಮಾರ್ ರೈಕುಲು ಡಾ. ಯು.ಪಿ.ಶಿವಾನಂದೆರೆಗ್ ಶಾಲು ಪಾಡ್ದ್ ಎದುಕೊಂಡೆರ್ . ಉಪ್ಪಿನಂಗಡಿ ಶ್ರೀ ಸಹಸ್ರಲಿಂಗೇಶ್ವರ ಮಹಾಕಾಳಿ ದೇವಲ್ಯದ ಗುರ್ಕಾರ್ಲಾಯಿನ ಕರುಣಾಕರ ಸುವರ್ಣ, ಗ್ರಾಮ ಪಂಚಾಯತ್ ಅಧ್ಯಕ್ಷೆ ಉಷಾಚಂದ್ರ ಮುಳಿಯ, ಕಂಬುಲ ಸಮಿತಿದ ಪದಾಧಿಕಾರಿಲಾಯಿನ ಎನ್.ಉಮೇಶ್ ಶೆಣೈ, ಅಶೋಕ್ ಕುಮಾರ್ ರೈ ಅರ್ಪಿಣಿಗುತ್ತು, ಕೇಶವ ಭಂಡಾರಿ ಕೈಪ, ಸೀತಾರಾಮ ಶೆಟ್ಟಿ ಹೆಗ್ಡೆಹಿತ್ತು, ಎಂ.ನಿರಂಜನ ರೈ ಮಠಂತಬೆಟ್ಟು, ವಾರಿಸೇನ ಜೈನ್ ಕೋಡಿಯಾಡಿ, ಜಯಪ್ರಕಾಶ್ ಬದಿನಾರು, ಯೋಗೀಶ್ ಸಾಮಾನಿ ಸಂಪಿಗೆದಡಿ, ವಿದ್ಯಾಧರ ಜೈನ್, ಚಂದ್ರಶೇಖರ ಮಡಿವಾಳ, ರಾಮಚಂದ್ರ ಮಣಿಯಾಣಿ, ಜಯಂತ ಪುರೋಳಿ, ಕಂಗೈ ವಿಶ್ವನಾಥ ಶೆಟ್ಟಿ, ಸದಾಶಿವ ಸಾಮಾನಿ ಸಂಪಿಗೆದಡಿ, ದಿಲೀಪ್ ಶೆಟ್ಟಿ ಕರಾಯ, ಶಿವಪ್ರಸಾದ್ ರೈ ಮಠಂತಬೆಟ್ಟು, ರಾಜೀವ ಶೆಟ್ಟಿ ಕೇದಗೆ, ಕೃಷ್ಣಪ್ರಸಾದ್ ಬೊಳ್ಳಾವು, ನಿಹಾಲ್ ಶೆಟ್ಟಿ ಪಾಲ್ ಪಡೆದಿತ್ತೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News

ಎ.2 ಕ್ಕ್ ಉಪ್ಪಿನಂಗಡಿಡ್ ವಿಜಯ ವಿಕ್ರಮ ಜೋಡು ಕರೆ ಕಂಬುಲ

Apr 1, 2022

ಪುತ್ತೂರು: ಉಪ್ಪಿನಂಗಡಿ ಕೂಟೇಲು ನೇತ್ರಾವತಿ ತುದೇತ ಫುಡೆಟ್ ನಡಪುನ , 36ನೇ ವರ್ಷದ ಹೊನಲು ಬೊಲ್ಪುದ ವಿಜಯ- ವಿಕ್ರಮ ಜೋಡುಕರೆ ಕಂಬಳ ಎ.2ಕ್ಕ್ ನಡಪರೆ ಉಂಡು . ಕಂಬುಲನ್ ಗೌಜಿಡ್ ನಡಪಾಯರೇ ಮಾತಾ ತಯಾರಿ ನಡತ್oಡ್ .ಸುಮಾರ್ 170ದಾತ್ ಜೋಡಿ ಎರುಕುಲು ಪಾಲ್ ಪಡೆಯುನ ನಿರೀಕ್ಷೆ ಉಂಡು ಪಂದ್ ಕಂಬುಲ ಸಮಿತಿದ ಗುರ್ಕಾರ್ಲಾಯಿನ ಅಶೋಕ್ ಕುಮಾರ್ ರೈ ಕೆ.ಎಸ್.ಕೋಡಿಂಬಾಡಿ ಪಂಡೆರ್.

ಗುರುವಾರ ಪುತ್ತೂರುಡು ನಡತಿನ ಸುದ್ದಿಗೋಷ್ಠಿಡ್ ಪಾತೆರಿನ ಆರ್ ಅವ್ವೆ ದಿನ ಕಾಂಡೆ ಉಪ್ಪಿನಂಗಡಿದ ಸಹಸ್ತ್ರಲಿಂಗೇಶ್ವರ ದೇವಲ್ಯೊಡು ಪ್ರಾರ್ಥನೆ ಮಲ್ತ್ , ಅಲ್ಪರ್ದ್ ಎರುಕ್ಲೆನ್ , ಐತ ಗುರ್ಕಾರ್ಲು ಸಹಿತ ಬ್ಯಾಂಡ್ ವಾಲಗ, ಗೊಂಬೆ ಕುಣಿತ ದೊಟ್ಟುಗು ಕಂಬುಲದ ಕರೆಕ್ ಬರಿಯೆರೆ ಉಂಡು . ಐರ್ದ್ ಬೊಕ್ಕ 9.32ಕ್ ಕಂಬುಲದ ಉದಿಪನ ನಡಪರೆ ಉಂಡು . ಉಪ್ಪಿನಂಗಡಿ ಸಹಸ್ರಲಿಂಗೇಶ್ವರ ದೇವಲ್ಯೊದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಕರುಣಾಕರ ಸುವರ್ಣ ಉದಿಪನ ಮಲ್ಪರೆ ಉಲ್ಲೆರ್.

ಬಯ್ಯಗ್ 6 ಗಂಟೆಗ್ ನಡಪುನ ಸಭಾ ಕಾರ್ಯಕ್ರಮಡ್ ಕೇಂದ್ರದ ಮಾಜಿ ಸಚಿವ ಡಿ.ವಿ. ಸದಾನಂದ ಗೌಡ ಗುರ್ಕಾರ್ಮೆ ವಹಿಸರೆ ಉಲ್ಲೆರ್ . ರಾಜ್ಯ ಪ್ರವಾಸೋದ್ಯಮ ಖಾತೆದ ಸಚಿವ ಆನಂದ ಸಿಂಗ್ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆಯರೇ ಉಲ್ಲೆರ್ . ಸಂಸದ ನಳಿನ್ ಕುಮಾರ್ ಕಟೀಲ್, ಶಾಸಕ ಸಂಜೀವ ಮಠಂದೂರು, ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಅಧ್ಯಕ್ಷ ಡಾ.ಎಂ.ಎನ್. ರಾಜೇಂದ್ರ ಕುಮಾರ್, ಮಾಜಿ ಸಚಿವೇರಾಯಿನ ಬಿ. ರಮಾನಾಥ ರೈ, ಜನಾರ್ಧನ ರೆಡ್ಡಿ, ಮಾಜಿ ಶಾಸಕಿ ಶಕುಂತಳಾ ಟಿ. ಶೆಟ್ಟಿ, ಮುಖ್ಯಮಂತ್ರಿಲೆನ ಇ-ಆಡಳಿತ ಸಲಹೆಗಾರೆರಾಯಿನ ಬೇಳೂರು ಸುದರ್ಶನ್, ವಿಧಾನಪರಿಷತ್ ಸದಸ್ಯ ಮಂಜುನಾಥ ಭಂಡಾರಿ ಪಾಲ್ ಪಡೆಯರೇ ಉಲ್ಲೆರ್.

ಗುಜರಾತ್‍ದ ಬರೋಡಾ ತುಳು ಸಂಘದ ಗುರ್ಕಾರ್ಲಾಯಿನ , ಮೂಜರೆ ಸಾರ ಜನಕ್ಲೆಗ್ ಬೇಲೆ ಕೊರಿನ ಸಮಾಜ ಸೇವಕ ಶಶಿಧರ ಶೆಟ್ರೆಗ್ ಮಾನದಿಗೆದ ಲೇಸ್ ನಡಪರೆ ಉಂಡು . ನಟ, ನಿರ್ದೇಶಕ ವೀರೇಂದ್ರ ಶೆಟ್ಟಿ, ಕುಸಲ್ದರಸೆ ನವೀನ್ ಡಿ. ಪಡೀಲ್, ನವರಸ ರಾಜೆ ಭೋಜರಾಜ ವಾಮಂಜೂರು, ನಟಿ ನಿರೀಕ್ಷಾ ಶೆಟ್ಟಿ ಪಾಲ್ ಪಡೆಯರೇ ಉಲ್ಲೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಏ.2 ಉಪ್ಪಿನಂಗಡಿಡ್ 36 ನೇ ವರ್ಷದ ವಿಜಯ -ವಿಕ್ರಮ ಜೋಡುಕರೆ ಕಂಬುಲ

Mar 25, 2022

ಉಪ್ಪಿನಂಗಡಿ: ವಿಜಯ- ವಿಕ್ರಮ ಜೋಡುಕರೆ ಹೊನಲು ಬೊಲ್ಪುದ ಬಯಲು ಕಂಬುಲ ಎ.2ಕ್ಕ್ ಸುರು ಆಯರೆ ಉಂಡು.ಕಂಬುಲ ಕರೆತ ಬೇಲೆ ಆತ್oಡ್, ಎರುಕ್ಲೆನ್ ಕುದಿ ಬಲಿಪಾಯೆರೆ ಅವಕಾಶ ಕೊರ್ತೆರ್. ಎ.2ಕ್ಕ್ ಕಾಂಡೆ 10:30 ರ್ದ್ ಕಂಬುಲ ಕೂಟದ ಉದಿಪನ ಆಯರೆ ಉಂಡು ಕಾಂಡೆ 9:30 ರ್ದ್ ಉಪ್ಪಿನಂಗಡಿದ ಶ್ರೀ ಸಹಸ್ರಲಿಂಗೇಶ್ವರ- ಮಹಾಕಾಳಿ ದೇವಾಲಯದ ವಠಾರರ್ದ್ ಕಂಬುಲದ ಎರುಕ್ಲೆನ ಭವ್ಯ ಮೆರವಣಿಗೆ ನಡಪರೆ ಉಂಡು . ಚೆಂಡೆ, ಕೊಂಬು, ಗೊಂಬೆಕುಣಿತ ಮೆರವಣಿಗೆಗ್ ಸಾಥ್ ಕೊರಿಯೆರೆ ಉಂಡು . ಬಯ್ಯಗ್ 6 ಗಂಟೆಗ್ ಸಭಾ ಕಾರ್ಯಕ್ರಮ ನಡಪರೆ ಉಂಡು , ಸಂಸದ ಡಿ.ವಿ. ಸದಾನಂದ ಗೌಡ ಗುರ್ಕಾರ್ಮೆ ವಹಿಸರೆ ಉಲ್ಲೆರ್.

ಮಲ್ಲ ಬಿನ್ನೆರ್ ಆದ್ ಕಂಬುಲ ಕೂಟಗ್ ಪ್ರವಾಸೋದ್ಯಮ ಸಚಿವ ಆನಂದ್ ಸಿಂಗ್ ಪಾಲ್ ಪಡೆಯರೆ ಉಲ್ಲೆರ್ , ಈ ಪೊರ್ತುಡು ಆರ್ ಸಮಾಜ ಸೇವಾ ಸಾಧನೆಗಾದ್ ಗುಜರಾತ್ ಬರೋಡದ ತುಳು ಸಂಘದ ಅಧ್ಯಕ್ಷ ಶಶಿಧರ ಶೆಟ್ಟಿ ಮೆರೆಗ್ ಮಾನಾದಿಗೆ ಮಲ್ಪರೆ ಉಲ್ಲೆರ್ .

ಮಾನಾದಿಗೆದ ಬಿನ್ನೆರ್ ಆದ್ ಸಂಸದ ನಳಿನ್ ಕುಮಾರ್ ಕಟೀಲ್, ಮುಖ್ಯಮಂತ್ರಿಲೆನ ಇ- ಆಡಳಿತ ಕಾರ್ಯದರ್ಶಿ ಬೇಳೂರು ಸುದರ್ಶನ್, ಶಾಸಕೆರಾಯಿನ ಸಂಜೀವ ಮಠಂದೂರು, ಮಾಜಿ ಸಚಿವೇರಾಯಿನ ಜನಾರ್ದನ ರೆಡ್ಡಿ, ರಮಾನಾಥ ರೈ, ವಿಧಾನ ಪರಿಷತ್ ಸದಸ್ಯ ಡಾ. ಮಂಜುನಾಥ ಭಂಡಾರಿ, ಎಸ್‍ಡಿಸಿಸಿ ಬ್ಯಾಂಕ್‍ನ ಅಧ್ಯಕ್ಷ ಎಂ.ಎನ್. ರಾಜೇಂದ್ರ ಕುಮಾರ್, ಮಾಜಿ ಶಾಸಕಿ ಶಕುಂತಳಾ ಟಿ. ಶೆಟ್ಟಿ ಪಾ ಪಡೆಯೆರೆ ಉಲ್ಲೆರ್. ವಿಶೇಷ ಆಕರ್ಷಣೆಯಾದ್ ನಟ, ನಿರ್ದೇಶಕ ವೀರೇಂದ್ರ ಶೆಟ್ಟಿ, ರಂಗಭೂಮಿ ಕಲಾವಿದೆರಾಯಿನ ನವೀನ್ ಡಿ. ಪಡೀಲ್, ಭೋಜರಾಜ ವಾಮಂಜೂರು, ನಟಿ ನಿರೀಕ್ಷಾ ಶೆಟ್ಟಿ ಪಾಲ್ ಪಡೆಯೆರೆ ಉಲ್ಲೆರ್.

ದುಬೈಡ್ ಫೆ.19 ಗ್ ವಿಜಯ ಪ್ರಕಾಶ್ ಸಂಗೀತ ಸಂಜೆ ” ನೀನೇ ರಾಜಕುಮಾರ ” ಲೇಸ್

Feb 17, 2022

ದುಬೈ,: ಕರ್ನಾಟಕ ರತ್ನ, ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಬೊಕ್ಕ ಸ್ವರ ಮಾಂತ್ರಿಕ ಎಸ್. ಪಿ. ಬಾಲಸುಬ್ರಹ್ಮಣ್ಯಂ ಮೆಕ್ಲೆನ ಸ್ಮರಣಾರ್ಥ ವಿಜಯ್ ಪ್ರಕಾಶ್ ಸಂಗೀತ ಸಂಜೆ ಲೇಸ್ ‘ನೀನೇ ರಾಜಕುಮಾರ’ ದುಬೈಡ್ ಫೆ.19ಗ್ ಬೈಯ್ಯಗ್ 6 ಗಂಟೆಗ್ ಅಲ್ ನಸರ್ ಲೀಸರ್ ಲ್ಯಾಂಡ್ ಡ್ ನಡಪರೇ ಉಂಡು .

ಕೋವಿಡ್ ಸಂಕಷ್ಟದ ನಡುಟುಲಾ ನಡತೊಂದು ಉಪ್ಪುನ ಸುರುತ ಕನ್ನಡ ಸಂಗೀತ ಲೇಸ್ ಡ್ ಖ್ಯಾತ ಹಿನ್ನೆಲೆ ಗಾಯಕ ವಿಜಯ್ ಪ್ರಕಾಶ್ ಬೊಕ್ಕ ಅನುರಾಧ ಭಟ್, ಮೇಘನಾ ಭಟ್, ದುಬೈ ಉದ್ಯಮಿ ಗಾಯಕ ಹರೀಶ್ ಶೇರಿಗಾರ್ ಅಂಚನೆ ಪತ್ತೆರ್ದ್ ಜಾಸ್ತಿ ಸಂಗೀತಗಾರೆರ್ ಪಾಲ್ ಪಡೆಯರೇ ಉಲ್ಲೆರ್.