ಮೊಬೈಲ್

ಚಾರ್ಜ್ ದೀನ ಮೊಬೈಲ್ ದೆಪ್ಪುನಗ ಕರೆಂಟ್ ಹಾಕ್ ದ್ ತೀರ್ ಪೋಯಿನ ಜವಣ್ಯೆ

Jul 26, 2022

ಚಾರ್ಜ್ ದೀನ ಮೊಬೈಲ್ ದೆಪ್ಪುನಗ ಕರೆಂಟ್ ಹಾಕ್ ದ್ ತೀರ್ ಪೋಯಿನ ಜವಣ್ಯೆ

ನೆಲ್ಯಾಡಿ: ಕರೆಂಟ್ ಶಾಕ್ ಆಕ್ ದ್ ಜವಣ್ಯೆ ಒರಿ ತೀರ್ ಪೋಯಿನ ಘಟನೆ ಕಡಬ ಪೇಂಟೆದ ಶಿರಾಡಿ ಗ್ರಾಮದ ಅಡ್ಡಹೊಳೆಡ್ ನಡತುಂಡು .
ಅಡ್ಡಹೊಳೆ ನಿವಾಸಿ ಮೋನುಚ್ಚ ಪನ್ಪಿನರೆನ ಮಗೆ ರೋಫಿನ್(15)ತೀರ್ ಪೋಯಿನ ಜವಣ್ಯೆ .

ಇಂಬೇ ಮಧ್ಯಾಹ್ನ ಇಲ್ಲಡ್ ಜಾರ್ಜ್‌ ದೀನ ಮೊಬೈಲ್‌ ದೆಪ್ಪುನಗ ಸ್ವಿಚ್ ಬೋರ್ಡ್
ಪಿದಾಯಿ ಬತ್ತ್ ದ್ ಕರೆಂಟ್ ವಯರ್‌ ಕೈಕ್ ತಾಗ್ ದ್ ಕರೆಂಟ್ ಶಾಕ್ ಆಕ್ ದ್
ತಿರ್ತ್ ಬೂರಿಯೆರ್. ಘಟನೆ ಗಂಭೀರ ಆಯಿನೆರ್ದಾವರ ಅಪಗನೆ ಇಲ್ಲದಕುಲು ಕೈತಲ್ ದ ಆಸ್ಪತ್ರೆಗ್ ಲೆತೊಂದು ಪೊಂಡಲ ಅಪಗನೆ ಜುವ ಪೋದು ಇತ್ತುಂಡು.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಮೊಬೈಲ್ ಗ್ ಡೇಟಾ ಪ್ಯಾಕ್ ರೀಚಾರ್ಜ್ ಮಲ್ಪಂದಿನೆಕ್ಕ್ ಬಲ್ಲ್ ಪಾಡೊಂದಿನ ಮಗೆ

Apr 20, 2022

ಮಧ್ಯ ಪ್ರದೇಶ : ಗೇಮ್ ಗೊಬ್ಬೆರೆ ಮೊಬೈಲ್ ಗ್ ಡೇಟಾ ಪ್ಯಾಕ್ ರೀಚಾರ್ಜ್ ಮಲ್ಪಂದಿನಿಕ್ಕ್ ಅಮ್ಮೆರ್ದ್ ಮಗೆ ಆತ್ಮಹತ್ಯೆ ಮಲ್ತಿನ ಘಟನೆ ಮಧ್ಯಪ್ರದೇಶದ ಜಬಲ್‌ಪುರ್ ಜಿಲ್ಲೆಡ್ ನಡತ್oಡ್ .ತನ್ನ ಅಮ್ಮೆರ್ ತನ್ನ ಮೊಬೈಲ್ ಫೋನ್ ಡೇಟಾ ಪ್ಯಾಕ್ ನ್ ರೀಚಾರ್ಜ್ ಮಲ್ಪಂದಿನೆಕ್ಕ್ 14 ವರ್ಷದ ಬಾಲಕ ಆತ್ಮಹತ್ಯೆ ಮಲ್ದೆ .

ಸೋಮಾರ ಆಣ್ ತನ್ನ ಇಲ್ಲಡ್ ಫ್ಯಾನ್‌ಗ್ ಬಲ್ಲ್ ಪಾಡೊಂದು ತೀರ್ ಪೋಯೆರ್ ತನಿಖೆಡ್ ಕುಟುಂಬ ಕೂಲಿ ಬೇಲೆ ಮಲ್ಪುನ ಬೊಕ್ಕ ಆರ್ಥಿಕ ಸಮಸ್ಯೆ ಉಂಡು ಅಂಚಾದ್ ಅಮ್ಮೆ ಮೊಬೈಲ್ ಫೋನ್ ಡೇಟಾ ಪ್ಯಾಕ್ ನ್ ರೀಚಾರ್ಜ್ ಮಲ್ಪರೆ ಸಾಧ್ಯ ಆವಂದಿನೇರ್ದಾವರಕಾರಣ
ಈ ನಿರ್ಧಾರ ದೆತೊಂದೆ ಪಂದ್ ನಗರ ಪೊಲೀಸ್ ಅಧಿಕಾರಿ ಅಲೋಕ್ ಶರ್ಮಾ ಪಂಡೆರ್ .

ಕಾಲೇಜ್ಡ್ ಮೊಬೈಲ್ ಗಲಸೆರೆ ಇಜ್ಜಿ ಪನ್ಪಿ ಗಾಳಿ ಸುದ್ದಿಗ್ ಕೆಬಿ ಕೊರಡೆ : ಸ್ಪಷ್ಟನೆ ಕೊರಿನ ಉನ್ನತ ಶಿಕ್ಷಣ ಸಚಿವೆರಾಯಿನ ಡಾ ಸಿ.ಎನ್ ಅಶ್ವತ್ಥ ನಾರಾಯಣ್

Feb 12, 2022

ಬೆಂಗ್ಳೂರು: ಸಾಮಾಜಿಕ ವಲಯೊಡು ಕೆಲವು ದಿನೊರ್ದು ಕಾಲೇಜ್ಡ್ ಮೊಬೈಲ್ ಗಲಸೆರೆ ಇಜ್ಜಿ ಪನ್ಪಿನ ಸುದ್ದಿ ಉಪ್ಪುನೆರ್ದಾವರ , ಈ ಬಗ್ಗೆ ಉನ್ನತ ಶಿಕ್ಷಣ ಸಚಿವೆರಾಯಿನ ಅಶ್ವತ್ಥ ನಾರಾಯಣ್ ಸ್ಪಷ್ಟನೆ ಕೊರ್ತೆರ್ .

ಉಂದು ಕಾಲಿ ಗಾಳಿಸುದ್ದಿ, ಮೊಬೈಲ್, ಕಂಪ್ಯೂಟರ್, ಲ್ಯಾಪ್ ಟಾಪ್ ಜೋಕ್ಲೆನ ಕಲಿಕೆದ ಒಂಜಿ ಭಾಗ ಆದ್ ಉಂಡು . ಇಂಚಿಪ್ಪುನಗ ನಿಷೇಧ ಮಲ್ಪುನ ಬಂಗ . ಆಧುನಿಕ ಸಾಧನಲೆನ್ ಗಲಸ್ ದ್ ಗುಣಮಟ್ಟದ ಬೋಧನೆ ಸರಕಾರದ ಆದ್ಯತೆಯಾದ್ ಉಂಡು ಪಂದ್ ಪಂಡೆರ್ .

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಮೊಬೈಲ್ ಮುಖೇನ ಬುಳೆ ಸಮೀಕ್ಷೆ ಮಲ್ಪರೆ ಬಿನ್ನಾಪು

Aug 12, 2021

ಕುಡ್ಲ : 2021-22ನೇ ಸಾಲ್ದ ಬರ್ಸದ ಬುಳೆ ಸಮೀಕ್ಷೆ ಕಾರ್ಯಗ್ ಇತ್ತೆ ಚಾಲನೆ ಕೊರ್ತೆರ್ , ರೈತೆರೆರ್ದೆ ಬುಳೆ ಸಮೀಕ್ಷೆ ಮಲ್ಪರೆ ಮೊಬೈಲ್ ಆಪ್‍ನ್ ಅಭಿವೃದ್ಧಿ ಮಲ್ದೆರ್ .

ಜಿಲ್ಲೆದ ರೈತೆರ್ ಗೂಗಲ್ ಪ್ಲೇ ಸ್ಟೋರ್‍ಡ್ ಲಭ್ಯ ಉಪ್ಪುನ ಆಪ್ ಡೌನ್‍ಲೋಡ್ ಮಲ್ತ್ ಆರ್ಥಿಕ ವರ್ಷ ಬೊಕ್ಕ ತಾರೀಖ್ ಧಾಖಲ್ ಮಲ್ಪೊಡು . ಐರ್ದ್ ಬೊಕ್ಕ ಆಧಾರ್ ಕ್ಯೂಆರ್ ಕೋಡ್ ನ್ ಸ್ಕ್ಯಾನ್ ಮಲ್ತ್ , ಅತ್ತುಂಡ ಆಧಾರ್ ಮಾಹಿತಿನ್ ಆಫ್‍ಡ್ ದಾಖಲ್ ಮಲ್ಪೊಡು . ಐರ್ದ್ ಬೊಕ್ಕ ಮೊಬೈಲ್ ಸಂಖ್ಯೆ ನಮೂದಿಸಾದ್ ಸಕ್ರಿಯ ಮಲ್ಪೊಡು , ಮೊಬೈಲ್ ಸಂಖ್ಯೆಗ್ ಬರ್ಪಿನ ಓ.ಟಿ.ಪಿನ್ ದಾಖಲ್ ಮಲ್ತ್ ಮಾಸ್ಟರ್ ವಿವರನ್ ಡೌನ್‍ಲೋಡ್ ಮಲ್ಪೊಡು .

ಎಚ್ಚದ ಮಾಹಿತಿಗಾದ್ ಕೈತಲ್ ದ ರೈತ ಸಂಪರ್ಕ ಕೇಂದ್ರ /ತಾಲೂಕುದ ಸಹಾಯಕ ಕೃಷಿ ನಿರ್ದೇಶಕೆರ್ನ ಕಚೇರಿ ಬೊಕ್ಕ ತೋಟಗಾರಿಕಾ ಇಲಾಖೆದ ಕಚೇರಿಲೆಗ್ ಲೆಪ್ಪು ಕೊರೋಲಿ ಪಂದ್ ಕೃಷಿ ಇಲಾಖೆದ ಜಂಟಿ ನಿರ್ದೇಶಕೆರ್ ಪ್ರಕಟಣೆಡ್ ತೆರಿಪಾಯೆರ್ .

ಲಾಕ್ಡೌನ್ ಡ್ ರೋಗಿಲೆನ ಸೇವೆ ಮಲ್ತೊಂದು ಉಪ್ಪುನ ಭಟ್ಕಳದ ಮೊಬೈಲ್ ಕ್ಲಿನಿಕ್

May 28, 2021

ಭಟ್ಕಳ ಮೇ 28 : ಲಾಕ್ ಡೌನ್ ಪೊರ್ತುಡು ಪಿದಾಯಿ ಪೋಪಿನ ಬಂಗ ಆಪಿನೆರ್ದಾವರ ಜ್ವರ ಅತ್ತುಂಡ ಬೇತೆ ಲಕ್ಷಣಯುತ ಸೀಕ್ ತೊಜಿದ್ ಬತ್ತುಂಡ ಪಿದಾಯಿದ ಆಸ್ಪತ್ರೆಗ್ ಪೋಯೇರೆ ಪೋಡ್ಯೊಂದು ಉಲ್ಲೆರ್. ಈ ಪೋಡಿಗೆದ ನಡುಟು ಭಟ್ಕಳದ ಜನಕ್ಲೆಗ್ ಆಪತ್ಬಾಂಧವಲಕ ಮೊಬೈಲ್ ಕ್ಲಿನಿಕ್ ಒಂಜಿ ಬೇಲೆ ಮಲ್ತೊಂದು ಉಂಡು .

ಮುಲ್ಪದ ಸಾಮಾಜಿಕ ಬೊಕ್ಕ ರಾಜಕೀಯ ಸಂಸ್ಥೆಯಾಯಿನ ಮಜ್ಲಿಸೆ ಇಸ್ಲಾಹ್-ವ-ತಂಜೀಮ್ ಸಂಸ್ಥೆ, ರಾಬಿತಾ ಸೂಸೈಟಿ, ಇಂಡಿಯನ್ ನವಾಯತ್ ಫೋರಮ್ ಬೊಕ್ಕ ಭಟ್ಕಳ ಮುಸ್ಲೀಮ್ ಯೂತ್ ಫೆಡರೇಶನ್ ಒಟ್ಟು ಸೇರಿಗೆಡ್ ಕರಿನ 15 ದಿನರ್ದ್ ಮೊಬೈಲ್ ಕ್ಲಿನಿಕ್ ಇಲ್ಲ ಇಲ್ಲಗ್ ಪೋದು ಮರ್ದ್ ಕೊರೊಂದು ಉಂಡು.