ಕಾರ್ಕಳಡ್ ಕಾರ್ಣಿಕ ತೋಜಾಯಿನ ಮಾಯಂದಾಲಪ್ಪೆ…ಮಾಯ ಆತಿನ ಪೆತ್ತ ಕಂಜಿ ಪತ್ತೆ
ಕೋಡೆ ದ ದಿನ ಕಾರ್ಕಳ ತಾಲೂಕುದ ಹಿರ್ಗಾನ ಗ್ರಾಮದ ಚಿಕ್ಕಲ್ ಬೆಟ್ಟು ವ್ಯಾಪ್ತಿದ ಪಡುಮನೆ ಶಾಂತ ಪೂಜಾರ್ತಿ ಸಾಂಕ್ ದಿನ ಪೆತ್ತ ಮೇಯರೆ ಪೋತಿನ ಪೊರ್ತುಡು ಕಾಡ್ ಡ್ ಕಂಜಿ ಪಾರ್ದ್ ಇತ್ತುಂಡು. ದಿನ ಇಡೀ ನಾಡುಂಡಲ ತಿಕ್ಕನ್ದಿನಪಗ ನಿರಾಸೆಡ್ ಕೈತಲ್ ದ ಹಾಡಿ ಶ್ರೀ ಬ್ರಹ್ಮ ಬೈದರ್ಕಳ ಮಯಾಂದಲೆ ಗರಡಿಗ್ ಪರಕೆ ಪಂಡೆರ್ ಬೈಯ್ಯ ಆನಗ ಇಲ್ಲದಕ್ಲೆಗ್ ಪೆತ್ತ ಬರಂದಿನ ಬೇಜಾರ್ ಡ್ ಇಲ್ಲದ ಬೇಲೆ ಮಲ್ತ್ ದ್ ಆನಗನೇ ರಾತ್ರಿ (9:30) ಒರಂಬರೆತ ಪೊರ್ತುಡು ನಾಯಿ ಕೊರಪರೇ ಸುರು ಮಲ್ತುಂಡು.ದಾದಂದ್ ತೂಯರೇ ಪೋನಗ ಪೆತ್ತ ಬತ್ದ್ ಕಿದೆಟ್ಟ್ ತುಲ್ಲರೊಂದು ಇತ್ತುಂಡು.ಪೆತ್ತ ಇತ್ತುಂಡ್ ಆಂಡ ಕಂಜಿ ಇಜ್ಜಂದಿನೆನ್ ತೂದು ನನಾತ್ ನಿರಾಸೆ ಆಂಡ್ ಅಂಚನೇ ಪೋಡಿಗೆ ಲಾ ಆಂಡ್.ಬಡವು ಬಾಜೆಲ್ ಡ್ ಇತ್ತಿನ ಪೆತ್ತಗ್ ಆರೈಕೆ ಮಲ್ತೊಂದು ಉಪ್ಪುನ ಪೊರ್ತುಡು ಅವು ನಮಡ ದಾದಾನ ಪನರೆ ಪ್ರಯತ್ನ ಮಲ್ಪುನ ಭಾಸ. ಒಂತೆ ಪೊರ್ತುಡೆ ಪೆತ್ತದ ಚಡಪಡಿಕೆ ತೂಯರೇ ಆವಂದೆ ಪೆತ್ತದ ಪಿರವೇ ಪೋನಗ ಪೆತ್ತ ದುಂಬುರ್ದು ಪೋಂಡು. ಇಲ್ಲದಕುಲು ಪೆತ್ತದ ಪಿರವೇ ಪೋನಗ ಪೆತ್ತ ಕಂಜಿ ಪಾಡಿನ ಜಾಗೆ ಆಯಿನ ಕಾಡ್ ದ ನಡುಕು ಇಲ್ಲದಕ್ಲೆನ್ ಲೆತೊಂದು ಪೋಂಡು.
ಉಂದೆನ್ ಮಾತಾ ವೀಡಿಯೋ ಮಲ್ದಿನ ಮಜಾಲು ಇಲ್ಲದ ಸುದೀಪ್ ಮೆರೆಗ್ ಶ್ರೀನಿವಾಸ ಕಲ್ಯಾಣದ ಪೆತ್ತ ಮನಪಟಲಡ್ ಪಾರ್ದ್ ಪೋಯಿನ ಸುಳ್ಳತ್ತ್ ಪಂದ್ ಪನ್ಪರ್.