ಮಂಗಳೂರು

ಮಂಗಳೂರು ನಗರ ಪೊಲೀಸ್ ವಾರ್ಷಿಕ ಕ್ರೀಡಾಕೂಟ

ಕುಡ್ಲ , ಮಾ.14: ಪೇಂಟೆದ ಪೊಲೀಸ್ ಕವಾಯತು ಮೈದಾನಡ್ ರಡ್ಡ್ ದಿನ ನಡತಿನ ಮಂಗಳೂರು ನಗರ ಪೊಲೀಸ್ ವಾರ್ಷಿಕ ಕ್ರೀಡಾಕೂಟಗ್ ಜಿಲ್ಲಾ ಪ್ರಧಾನ ಬೊಕ್ಕ ಸತ್ರ ನ್ಯಾಯಾಲಯದ ನ್ಯಾಯಾಧೀಶ ಮುರಳೀಧರ ಪೈ ಬಲೂನ್ ಬೊಕ್ಕ ಪಾರಿವಾಳ ಪಾರಾವುನ ಮುಖೇನ ಶುಕ್ರವಾರ ಚಾಲನೆ ಕೊರಿಯೆರ್ .

ಬೊಕ್ಕ ಪಾತೆರಿನ ಆರ್ ಪೊಲೀಸ್ ಇಲಾಖೆಡ್ ಸೇವೆ ಮಲ್ಪುನಕ್ಲೆಗ್ ದೈಹಿಕ, ಮಾನಸಿಕ ಒತ್ತಡ ಜಾಸ್ತಿ ಉಪ್ಪುಂಡು . ಇಂಚಿನ ಕ್ರೀಡಾಕೂಟರ್ದ್ ಮಾನಸಿಕವಾದ್ ಉಲ್ಲಾಸ ಆಪುಂಡು ಪಂದ್ ಪಂಡೆರ್.

ಮಂಗಳೂರು ವಿ.ವಿ ಸರ್ವ ಕಾಲೇಜು ವಿದ್ಯಾರ್ಥಿ ಸಂಘದ ಪದಾಧಿಕಾರಿಲೆನ ಪದಗ್ರಹಣ ಲೇಸ್

ಕುಡ್ಲ , ಮಾ.14: ನಗರದ ಬೆಂದೂರ್ ವೆಲ್ ದ ಸೈಂಟ್ ಸೆಬಾಸ್ಟಿನ್ ಸಭಾಂಗಣಡ್ ಮಂಗಳೂರು ವಿ.ವಿ.ಯ ಸರ್ವ ಕಾಲೇಜು ವಿದ್ಯಾರ್ಥಿ ಸಂಘದ ಪದಾಧಿಕಾರಿಲೆನ ಪದಗ್ರಹಣ ಲೇಸ್ ನಡತುಂಡು .

ಪ್ರಪಂಚದ ಬೇತೆ ಬೇತೆ ದೇಶಡ್ ವಿದ್ಯಾರ್ಥಿ ಯುವ ಶಕ್ತಿರ್ದ್ ಸಾಮಾಜಿಕ, ರಾಜಕೀಯ ಆರ್ಥಿಕ ಬದಲಾವಣೆಗ್ ರಾಜಕೀಯ ಪರಿವರ್ತನೆಗ್ ಕಾರಣ ಆತ್oಡ್ . ವಿದ್ಯಾರ್ಥಿ ಸಂಘಟನೆ ಜಾತಿ, ಧರ್ಮ ಮೀರಿದ ವಿದ್ಯಾರ್ಥಿ ಸಮುದಾಯ ಮಾತಾ ಒಂಜೇ ಪನ್ಪಿನ ಸಂಘಟಿತ ಪ್ರಜ್ಞಾವಂತ ವಿದ್ಯಾರ್ಥಿ ಸಮುದಾಯ ಈ ದೇಶಗ್ ಅಗತ್ಯ ಉಂಡು . ಈ ನೆಲೆಟ್ಟ್ ಸರ್ವ ಕಾಲೇಜು ವಿದ್ಯಾರ್ಥಿ ಸಂಘ ರಚನೆಯಾತ್oಡ್ ಪಂದ್ ರಮಾನಾಥ ರೈ ತೆರಿಪಾಯೆರ್ .

ದ.ಕ.ಜಿಲ್ಲಾ ಕಾಂಗ್ರೆಸ್ ಗುರ್ಕಾರ್ಲಾಯಿನ ಹರೀಶ್ ಕುಮಾರ್ ಲೇಸ್ ದ ಗುರ್ಕಾರ್ಮೆನ್ ವಯಿಸ್ದಿತ್ತೆರ್.ಲೇಸ್ ಡ್ ಮಾಜಿ ಶಾಸಕ ಜೆ.ಆರ್.ಲೋಬೋ , ಚಲನ ಚಿತ್ರ ನಿರ್ದೇಶಕ ಹರೀಶ್ ಶೇರಿಗಾರ್, ಕಿಶನ್ ಹೆಗ್ಡೆ ಕೊಳಕೆ ಬೈಲು , ಮೆರಿಲ್ ರೇಗೋ, ಮನಪಾ ಸದಸ್ಯ ಪ್ರವೀಣ್ ಚಂದ್ರ ಆಳ್ವ, ವಿನಯ ರಾಜ್ , ಅನಿಲ್ ,ದ.ಕ ಜಿಲ್ಲಾ ಯುವ ಕಾಂಗ್ರೆಸ್ ಮುಖಂಡರಾಯಿನ ಗಿರೀಶ್ ಆಳ್ವಾ, ಸುಹೈಲ್ ಕಂದಕ್, ಅಭಿಲಾಶ್, ಜಯಕುಮಾರ್ ಶೆಟ್ಟಿ,ಅಶೋಕ್ ಪೂಜಾರಿ, ಸುನಿಲ್, ರಾಕೇಶ್ ದೇವಾಡಿಗ, ಶ್ರೀಹರಿ, ಸುಧೀರ್ ಕುಮಾರ್ ಶೆಟ್ಟಿ, ನಝೀರ್ ಸಾಮಾಣಿಗೆ, ಬಶೀರ್ , ಹನೀಫ್, ಎನ್ ಎಸ್ ಯುಐ ಮುಖಂಡರಾಯಿನ ಸವಾದ್ ಸುಳ್ಯ, ರೂಪೇಶ್ ರೈ, ಸುಹಾನ್ ಆಳ್ವ, ಶಾಹುಲ್ ಬಜ್ಪೆ ಪಾಲ್ ಪಡೆದ್ ಇತ್ತೆರ್. ಗುರ್ಕಾರ್ಲಾಯಿನ ಮಿಥುನ್ ರೈ ಎದುಕೊಂಡೆರ್ .

ಮಂಗಳೂರು ಮಹಾನಗರ ಪಾಲಿಕೆದ ಆರೋಗ್ಯ ಸ್ಥಾಯಿ ಸಮಿತಿ ಗುರ್ಕಾರ್ಲಾದ್ ಸಂದೀಪ್ ಸಾಲ್ಯಾನ್ ಗರೋಡಿ ಆಯ್ಕೆ

ಮಂಗಳೂರು ಮಹಾನಗರ ಪಾಲಿಕೆದ ಆರೋಗ್ಯ ಸ್ಥಾಯಿ ಸಮಿತಿ ಗುರ್ಕಾರ್ಲಾದ್ ಕಾರ್ಪೊರೇಟರ್ ಸಂದೀಪ್ ಸಾಲ್ಯಾನ್ ಗರೋಡಿ ಆಯ್ಕೆ ಆತೆರ್.

ಮಂಗಳೂರು ವಿಶ್ವವಿದ್ಯಾನಿಲಯ ಪಿ ಹೆಚ್ ಡಿ ನಿಯಮದ ಪರಿಷ್ಕರಣೆ

ಕುಡ್ಲ , ಫೆ. 27: ಕುಡ್ಲ ವಿಶ್ವವಿದ್ಯಾನಿಲಯದ 2021ನೇ ಸಾಲ್ ಡ್ ಪರಿಷ್ಕೃತ ಪಿಎಚ್ ಡಿ ನಿಯಮಗ್ ಶೈಕ್ಷಣಿಕ ಮಂಡಳಿ ಅನುಮೋದನೆ ಕೊರ್ತುಂಡು.

ಕುಡ್ಲ ವಿಶ್ವ ವಿದ್ಯಾನಿಲಯದ ಕುಲಪತಿ ಪ್ರೊ.ಪಿ.ಎಸ್.ಎಡಪಡಿತ್ತಾಯ ಮೇರ್ನ ಗುರ್ಕಾರ್ಮೆಡ್ ಕುಡ್ಲ ವಿಶ್ವವಿದ್ಯಾಲಯದ ಆಡಳಿತ ಸೌಧ ರಾಣಿ ಅಬ್ಬಕ್ಕ ಸಭಾಂಗಣಡ್ ವಿಶ್ವ ವಿದ್ಯಾಲಯದ ಶೈಕ್ಷಣಿಕ ಮಂಡಳಿದ 2020-21ನೇ ಸಾಲ್ ದ ತ್ರತೀಯ ಸಾಮಾನ್ಯ ಸಭೆ ನಡತುಂಡು.

ಪೊಸ ಪಿಎಚ್ ಡಿ ನಿಯಮಾವಳಿ ಪ್ರಕಾರ 2021 ನೆ ಸಾಲ್ ರ್ದ್ ಮಾತಾ ಖಾಲಿ ಸೀಟ್ ಲೆನ್ ಸುರುತ್ತ ಸಲ ಪೊಸತಾದ್ ಪರಿಗಣಿಸಾಯರೇ ನಿರ್ಧಾರ ಮಲ್ದೆರ್ . ಐನ್ ವರ್ಷದ ಪಿಎಚ್ ಡಿ ಅವಧಿನ್ ಬ್ಲಾಕ್ ಅವಧಿ ಪಂದ್ ಪರಿಗಣಿಸಾಯರೇ ನಿರ್ಧಾರ ಮಲ್ದೆರ್.