ಬೆರಿಬಲ

ವೀಕೆಂಡ್ ಕರ್ಫ್ಯೂಗು ಎಡ್ಡೆ ರೀತಿಡ್ ಬೆರಿಬಲ ಕೊರಿನ ಕುಡ್ಲದ ಜನಕುಲು

May 9, 2021

ಕುಡ್ಲ , ಮೇ 9: ದ.ಕ. ಜಿಲ್ಲೆಡ್ ವೀಕೆಂಡ್ ಕರ್ಫ್ಯೂ ಶುಕ್ರವಾರ ರಾತ್ರಿ 9 ಗಂಟೆರ್ದೇ ಸುರು ಆತುಂಡು, ಕೋಡೆ ಕಾಂಡೆರ್ದೆ ಕುಡ್ಲ ಪೇಂಟೆ ಸೇರಿನoಚ ಮಾತಾ ಜಾಗೆ ಬಾರಿ ಸ್ತಬ್ಧ ಆದಿತ್ತುಂಡು ಮಧ್ಯಾಹ್ನ 11 ಗಂಟೆರ್ದ್ ಬೊಕ್ಕ ಕುಡ್ಲ ಪೇಂಟೆ ಸಂಪೂರ್ಣ ಸ್ತಬ್ಧ ಆದಿತ್ತುಂಡು ಅನಗತ್ಯ ವಾಹನದ ಓಡಾಟ ಬಾರಿ ಕಮ್ಮಿ ಇತ್ತುಂಡು.

ಮರ್ದ್ ಬೊಕ್ಕ ಆಸ್ಪತ್ರೆಲೆನ್ ಬುರ್ದು ಮಾತಾ ಚಟುವಟಿಕೆಲೆನ್ ವೀಕೆಂಡ್ ಕರ್ಫ್ಯೂ ನಿಮಿತ್ತ ನಿರ್ಬಂಧನೇ ಮಲ್ದಿನ ನೆಲೆಟ್ಟ್ ಜನಕ್ಲೆನ ಅನಗತ್ಯ ಓಡಾಟಗ್ಲಾ ಕಡಿವಾಣ ಪಾಡ್ದೆರ್ . ಕೆಲವು ಕೂಲಿ ಕಾರ್ಮಿಕೆರ್ ಮಾತ್ರ ನಿರ್ಮಾಣ ಚಟುವಟಿಕೆಗಾದ್ ನಡತೊಂದು ಪೋವೊಂದು ಉಲ್ಲೆರ್.

ತುಳುನಾಡ ದುನಿಪು ಅಭಿಯಾನೊಗು ಬೆರಿಬಲೊಕ್ಕಾದ್ ಐಲೇಸಾದ ಗ್ಲೋಬಲ್ ವರ್ಚುವಲ್ ಮೀಟಿಂಗ್

Apr 25, 2021

ಮುಲ್ಕಿ : ತುಳು ಬಾಸೆಗ್ ರಾಷ್ಟ್ರೀಯ ಮಾನ್ಯತೆ ದೆಪ್ಪಾದ್ ಕೊರಿಯರೆ ಪ್ರಧಾನ ಮಂತ್ರಿ ಲೆಗ್ ಬಿನ್ನೈತ ಮಲ್ಪುನ “ತುಳುನಾಡ ದುನಿಪು” ರಿಜಿಸ್ಟರ್ಡ್ ಪೋಸ್ಟ್ ಕಾರ್ಡ್ ಅಭಿಯಾನದ ವಿಚಾರೊಡು ಐಲೇಸಾ ಕೂಟದಕುಲು ಏ.25 ಐತಾರ ರಾತ್ರೆ ಗ್ಲೋಬಲ್ ವರ್ಚುವಲ್ ಝೂಮ್ ಮೀಟಿಂಗ್ ಅಟ್ಟಣೆ ಮಲ್ದೆರ್.

ಟೈಮ್ಸ್ ಆಫ್ ಕುಡ್ಲ ತುಳು ಪತ್ರಿಕೆ ಬೊಕ್ಕ ಮಾತಾ ತುಳು ಕೂಟದಕಲ್ನ ಒಟ್ಟು ಸೇರಿಗೆಡ್ ಸುರು ಮಲ್ದಿನ ಈ ಅಭಿಯಾನೊಗು ಬೆರಿಬಲವಾದ್ ಜಗದಗಲೊಡು ಇತ್ತಿನ ತುಳುವೆರ್ನ ಸಹಕಾರ ಬೊಕ್ಕ ಸಲಹೆ ಕೇನರೆ ಐಲೇಸಾ ಕೂಟದ ರಮೇಶ್ಚಂದ್ರ ಮೇರ್ ಬೊಂಬೈ, ಕಲ್ಕತ್ತಾ, ದಿಲ್ಲಿ , ಅಮೆರಿಕ ಸೇರ್ದ್ ಮಾತ ಕಡೆರ್ದ್ಲ ಈ ವರ್ಚುವಲ್ ಮೀಟಿಂಗ್ ಮಲ್ದೆರ್. ಉಂದೆಟ್ಟ್ ಜಗತ್ತ್ ದ ಮಾತ ತುಳುವೆರ್ಲ ಪಾಲ್ ಪಡೆವೊಡು ಪಂಡ್ ದ್ ಆರ್ ಬಿನ್ನಯ ಮಲ್ದೆರ್.
ಮೀಟಿಂಗ್ ಐಡಿ :825 6057 4170
ಪಾಸ್ ಕೋಡ್ :854826
ಲಿಂಕ್ : https://us02web.zoom.us/kcHxlRrOG1