ಬಂಟ್ವಾಳ

ಕಡಬಡ್ ಕಮ್ಮಿ ಆಯಿನ ಕೊರೋನ ಸೋಂಕು

ಕಡಬ, ಜೂ.07: ಕೊರೋನಾ ರಡ್ಡನೇ ಅಲೆ ಗ್ರಾಮೀಣ ಭಾಗಡ್ ಪಸರೊಂದು ಉಂಡು , ಕಡಬ ಪೇಂಟೆಡ್ ಇನಿ ಕೊರೋನಾ ಸೋಂಕು ಕಮ್ಮಿ ಆತುಂಡು .

ಆರೋಗ್ಯ ಇಲಾಖೆದ ವರದಿದ ಪ್ರಕಾರ ಕೋಡೆ ಕಡಬ ತಾಲೂಕು ವ್ಯಾಪ್ತಿಡ್ 43 ಜನಕ್ ಮಾತ್ರ ಕೊರೋನಾ ದೃಢ ಆತುಂಡು . ಸಾರ್ವಜನಿಕೆರ್ನ ನಿರ್ಲಕ್ಷ್ಷನೇ ಕೊರೋನಾ ಜಾಸ್ತಿ ಅವೆರೆ ಕಾರಣ ಆತುಂಡು ಪಂದ್ ಪಂಡೆರ್.

ದಕ್ಷಿಣ ಕನ್ನಡಡ್ ಸುರುತ್ತ ಆಕ್ಸಿಜನ್ ಉತ್ಪಾದನ ಘಟಕ ಬಂಟ್ವಾಳಡ್ ಉದಿಪನ

ಬಂಟ್ವಾಳ ಜೂ.06:ದಕ್ಷಿಣ ಕನ್ನಡ ಜಿಲ್ಲೆದ ಸುರುತ್ತ ಆಕ್ಸಿಜನ್ ಉತ್ಪಾದನಾ ಘಟಕನ್ ವಾಮದಪದವು ಸಮುದಾಯ ಬಂಟ್ವಾಳದ ಆರೋಗ್ಯ ಕೇಂದ್ರದ ಆವರಣಡ್ ಶನಿವಾರ ಉದಿಪನ ಮಲ್ತೆರ್ .

ದಕ್ಷಿಣ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಆಕ್ಸಿಜನ್ ಘಟಕನ್ ಉದಿಪನ ಮಲ್ತೆರ್.ಬಂಟ್ವಾಳಡ್ ಕೊರೊನಾ ವಿರುದ್ಧ ಹೋರಾಟ ವ್ಯವಸ್ಥಿತವಾದ್ ನಡತೊಂದು ಉಂಡು , ಸಂಸದ ನಳಿನ್ ಕುಮಾರ್ ಕಟೀಲು, ಶಾಸಕ ರಾಜೇಶ್ ನಾಯ್ಕ್ ಬೊಕ್ಕ ಅಧಿಕಾರಿ ವೃಂದದ ಶ್ರಮನ್ ಮೇರ್ ಪುಗರಿಯೆರ್.

ಕೋವಿಡ್ ಲಸಿಕೆ ಅಭಿವೃದ್ಧಿ : ಭಾರತೀಯ ವಿಜ್ಞಾನಿಲೆನ ಕಾರ್ಯ ಶ್ಲಾಘನೀಯ

ನವದೆಹಲಿ, ಜೂನ್ 5 : ಮಾರಣಾಂತಿಕ ಕೋವಿಡ್ 19 ಸೋಂಕುದ ವಿರುದ್ಧ “ಮೇಡ್ ಇನ್ ಇಂಡಿಯಾ” ಲಸಿಕೆನ್ ಅಭಿವೃದ್ದಿ ಮಲ್ತಿನ ಅಂಚನೇ ಸೋಂಕು ಪರಡಿನ ಒಂಜಿ ವರ್ಷದುಲಯಿ ಸಾಂಕ್ರಾಮಿಕ ರೋಗದ ವಿರುದ್ಧ ಹೋರಾಟ ಮಲ್ಪರೆ ಬೇತೆ ಕ್ರಮಕ್ಲೆನ್ ಜಾಸ್ತಿ ಮಲ್ತಿನ ಭಾರತೀಯ ವಿಜ್ಞಾನಿಲೆನ ಸಾಧನೆನ್ ಪ್ರಧಾನಿ ನರೇಂದ್ರ ಮೋದಿ ಶ್ಲಾಘಿಸಾದೆರ್ .

ವಿಡಿಯೋ ಕಾನ್ಫರೆನ್ಸ್ ಮುಖೇನ ಸಿಎಸ್ ಐಆರ್ (ಕೌನ್ಸಿಲ್ ಆಫ್ ಸೈಂಟಿಫಿಕ್ ಆಯಂಡ್ ಇಂಡಸ್ಟ್ರಿಯಲ್ ರಿಸರ್ಚ್) ಸೊಸೈಟಿದ ಸಭೆನ್ ಉದ್ದೇಶಿಸಾದ್ ಪಾತೆರಿನ ಆರ್ ಪಿರವುದ ಶತಮಾನದ ಭಾರತದ ಅನುಭವನ್ ಉಲ್ಲೇಖಿಸಾದೆರ್ ವಿದೇಶಡ್ ಸಾಧಿಸಾಯಿನ ಆವಿಷ್ಕಾರದ ಮಿತ್ತ್ ಕೈಯಾಡಿಸಾಯೆರೆ ಕಾತೊಂದು ಇತ್ತೇ ಪಂದ್ ಪಂಡೆರ್.

ಬಿ. ಎಂ ಪ್ರೌಢ ಶಾಲಾ ಪರ ಜೋಕ್ಲೆನೆರ್ದ್ ರೇಷನ್ ಕಿಟ್

ಉಳ್ಳಾಲ, ಜೂ.4: ಬಿ.ಎಂ. ಪ್ರೌಢಶಾಲೆದ ಹಳೆ ವಿದ್ಯಾರ್ಥಿಲೆನ ವತಿರ್ದ್ ಸುರುತ ಹಂತಡ್ ಸುಮಾರ್ 26 ಜನಕ್ ರೇಶನ್ ಕಿಟ್ ನ್ ಕೊರಿಯೆರ್.

ಈ ಪೊರ್ತು ಪಾತೆರಿನ ಬಿ.ಎಂ. ಪ್ರೌಢಶಾಲೆದ ಮುಖ್ಯೋಪಾಧ್ಯಾಯಿನಿ ಜಯವಂತಿ ಸೋನ್ಸ್, ”ಲಾಕ್ ಡೌನ್ ಪ್ರಯುಕ್ತ ನಮ್ಮ ಶಾಲೆಗ್ ದಾಲ ಮಲ್ಪೊಲಿ ಪನ್ಪಿನ ನೆಲೆಟ್ಟ್ ನಮ್ಮ ಹಳೆ ವಿದ್ಯಾರ್ಥಿಲು ಉಪ್ಪುನ ವಾಟ್ಸಪ್ ಗ್ರೂಪ್ ಡ್ ಚರ್ಚೆ ಮಲ್ತ್ ಶಾಲೆಡ್ ಇತ್ತೇ ಕಲ್ತೊಂದು ಉಪ್ಪುನ ಕೆಲವು ಜೋಕ್ಲೆಗ್ ಸುರುತ್ತಾ ಹಂತದ ರೇಶನ್ ಕಿಟ್ ಕೊರಿಯೆರ್ ಜೋಕುಲು ನಿರ್ಧಾರ ಮಲ್ತೆರ್ ಪಂದ್ ಪಂಡೆರ್.

ಯುವ ಹಾಸ್ಯ ಕಲಾವಿದೆ ಅಕ್ಷಯ್ ಸರಿಪಳ್ಳ

ಕತ್ತಲಾವಂದೆ ನಕ್ಷತ್ರ ತೂಯೆರೆ ಸಾಧ್ಯ ಇಜ್ಜಿ, ಕಷ್ಟ ಇಜ್ಜಂದೆ ಜೀವನ ನಡಪುಜಿ. ಕಲ್ಲ್ ಮುಳ್ಳುದ ನಡುಟುಲಾ ಜೀವನದ ತೇರ್ ಸಾಗೆರೆ ಸಾರ ಮುಳ್ಳು ಇತ್ತ್oಡಲಾ ಐತ ನಡುಟು ಗುಲಾಬಿ ಪುರ್ಪದಲಕ ಮೆನ್ಕೊಡು ಅವ್ವೆ ನಿಜವಾಯಿನ ಸಾಧನೆ . ಕಷ್ಟನೇ ಬರಡ್ ಸುಖನೆ ಉಪ್ಪಡ್ ಈ ರಡ್ಡ್ ಸನ್ನಿವೇಶಡ್ ಲಾ ತಾನ್ ತೆಲ್ತೊಂದು ನನೊರಿಯನ್ ತೆಲ್ಪಾವೊಂದು ಜೀವನ ಸಾಗವುನನೇ ನಿಜವಾಯಿನ ಕಲಾವಿದನ ಬದ್ಕ್. ಅಂಚಿನ ಕಲಾವಿದೆರ್ ನೆಟ್ಟ್ ನಮ್ಮ ಕುಡ್ಲದ ಪೆರ್ಮೆದ ಮಗೆ ಅಕ್ಷಯ್ ಸರಿಪಳ್ಳ ಲಾ ಒರಿಯೇ.ಕಲ್ಲ್ ನ್ ಕೆತ್ತ್oಡ ಮಾತ್ರ ಅವು ಶಿಲ್ಪ ಆಪುಂಡು ಐಕೊಂಜಿ ರೂಪ ತಿಕ್ಕುಂಡು ಅಂಚನೇ ಕಷ್ಟನ್ ಮಾತಾ ಮೀರ್ದ್ ಉಂತುದು ಬಾರಿ ಮಲ್ಲ ಕನ ಕಟ್ಟ್oಡ ಮಾತ್ರ ಅವು ನಿಜ ರೂಪ ಪಡೆದ್ ಸಾಧನೆ ಮಲ್ಪರೆ ತಾದಿ ಆಪುಂಡು.ಇಂಚಿನ ಸಾಧನೆದ ತಾದಿಡ್ ನಡತೊಂದು ಉಪ್ಪುನ ನಮ್ಮ ಪೆರ್ಮೆದ ಕಲಾವಿದೆ ಮೇರ್.

ಬಾಲಕೃಷ್ಣ ಬೊಕ್ಕ ಜಯಲಕ್ಷ್ಮಿ ದಂಪತಿಲೆನ ಮಗೆ ಆಯಿನ ಅಕ್ಷಯ್ ಸರಿಪಳ್ಳ ಯಕ್ಷಗಾನದ ಹಾಸ್ಯ ಕಲಾವಿದೆ ಆಯಿನ ಅಮ್ಮೆರ್ನ ಸ್ಫೂರ್ತಿಡ್ ಅರೆನ ಸಾಕಾರಡ್ ತನ್ನ ಕಿನ್ಯ ಪ್ರಯೋಡೆ ಕಲಾವಿದೆ ಆವೊಡು ಪನ್ಪಿನ ಅಂಗಲ್ಪು ದೀಯೊಂದು ತನ್ನ ಅಮ್ಮೆರ್ ದೀನ ಪಜ್ಜೆನ್ ತಾನ್ಲಾ ಇಲ್ಲಡ್ ಕಲ್ತೊಂದು ತುಳಸಿಜಲಂಧರ ಪನ್ಪಿನ ಯಕ್ಷಗಾನ ಪ್ರಸಂಗಡ್ ಜಲಂಧರನ ಪಾತ್ರ ಮಲ್ದಿನ ಮೆರೆಗ್ ರಂಗಚಾವಡಿಗ್ ಪಜ್ಜೆ ದೀಪಿನ ಆಸಕ್ತಿ ಎಚ್ಚ ಆಂಡ್.

ತನ್ನ ಪ್ರಾಥಮಿಕ ಶಿಕ್ಷಣ ಮಲ್ತೊಂದು ಉಪ್ಪುನಗನೇ ಕಿನ್ಯ ಕಿನ್ಯ ನಾಟಕ ಮಲ್ತೊಂದು ಬತ್ತಿನ ಮೆರೆಗ್ ಶಾಲಾ ಪೊರ್ತುಡು ನಾಟಕ ಕಲ್ಪಾಯೆರೆ ಪಂದೆ ಗುರುಕುಲು ಇತ್ತ್ಜೆರ್ ತಂಕ್ ತೆರಿನ ಇಚಾರೋನು ಜೋಕುಲು ಒಟ್ಟು ಸೇರೊಂದು ಮಲ್ತೊಂದು ಇತ್ತೆರ್. ಇಂಚನೇ ನಾಟಕ ಕ್ಷೇತ್ರಡ್ ನನಾತ್ ಆಸಕ್ತಿ ಜಾಸ್ತಿ ಆಯಿನ ಮೆರೆಗ್ ಊರುದ ಜಾತ್ರೆ ದ ಪೊರ್ತುಡು ಅಭಿನಯ ಮಲ್ಪರೆ ಅವಕಾಶ ತಿಕ್ಕ್oಡ್. ಸ್ವತಂತ್ರ ದಪಗ ವರ್ಷಲಾ ಪ್ರಶಾಂತ್ ಅಂಚನ್ ಯೆಯ್ಯಾಡಿ ಮೆರ್ನ ನಿರ್ದೇಶನಡ್ ನಡಪಾವೊಂದು ಇತ್ತಿನ ನಾಟಕಡ್ ಪಾಲ್ ಪಡೆಯುನ ಅವಕಾಶ ಮೆರೆಗ್ ತಿಕ್ಕoಡ್.ಇಂಚ ತನ್ನ ಶಾಲಾ ಕಾಲೇಜ್ ಕಲ್ಪುನ ಪೊರ್ತುಡು ಮಲ್ತಿನ ನಾಟಕ ಮೆರೆಗ್ ದುಂಬು ಪಜ್ಜೆ ದೀಯೆರೆ ನನಾತ್ ಸ್ಫೂರ್ತಿ ಆಂಡ್. ಅಂಚನೇ ತನ್ನ ಪದವಿ ಶಿಕ್ಷಣಡ್ ಸತೀಶ್ ನಿನಾಸಂ ಮೇರ್ ನಿರ್ದೇಶನ ಮಲ್ತಿನ ರಾಜ್ಯ ಮಟ್ಟಡ್ ಪಾಲ್ ಪಡೆಯಿನ ” ಮದರ್ ಕರೇಜ್” ಪನ್ಪಿನ ನಾಟಕಡ್ಲಾ ಅಕ್ಷಯ್ ಪಾಲ್ ಪಡೆದಿತ್ತೆರ್. ತನ್ನನೇ ಆಯಿನ ಕೂಟ ಕಟ್ಟೊಂದು ಪ್ರತಿ ಕಾಲೇಜ್ ಡ್ ನಡಪುನ ನಾಟಕ ಪಂಥೋಡು ಪಾಲ್ ಪಡೆಯೊಂದು ತನ್ನನೇ ವಿದ್ಯಾ ಸಂಸ್ಥೆಡ್ ನಡಪುನ ನಾಟಕೋತ್ಸವಡ್ ” ಇಂಚ ದಾಯೆ ” ಪನ್ಪಿನ ನಾಟಕಡ್ ಪಾಲ್ ಪಡೆಯಿನ ಪುಗಾರ್ತೆ ಮೆರೆಗ್ ಉಂಡು.

ತಾನ್ ಕಡೆತ ವರ್ಷದ ಪದವಿ ವ್ಯಾಸಂಗ ಮಲ್ಪುನಗ “ಬಲೆ ತೆಲಿಪಾಲೆ ” ಬೊಕ್ಕ ” V4 ನ್ಯೂಸ್ ಕಾಮಿಡಿ ಪ್ರೇಮಿಯರ್ ಲೀಗ್ ಡ್ ಪಾಲ್ ಪಡೆಯುನ ಅವಕಾಶ ಮೆರೆಗ್ ತಿಕ್ಕoಡ್. ಬಲೆ ತೆಲಿಪಾಲೆದ ಕಡೆತ ಸುತ್ತುಡು ಮೂಜನೆ ಇನಾಮು ಗೆಂದಿನ ಪೆರ್ಮೆ ಮೆರ್ನವು. ಅಂಚನೇ ಸಿಪಿಎಲ್ ರಡ್ಡ್ನೇ ಸುತ್ತುಡು ರಾಜಶ್ರೀ ಕುಡ್ಲ ತಂಡದ ” ಮ್ಯಾನ್ ಆಫ್ ದ ಮ್ಯಾಚ್ ” ಪನ್ಪಿನ ಮಾನದಿಗೆಲಾ ಮೆರೆಗ್ ಬೈದುಂಡು. ಇತ್ತೇ ಕುಡ್ಲದ ಪುಗಾರ್ತೆದ ಕೂಟ ಆಯಿನ ” ಶಾರದಾ ಆರ್ಟ್ಸ್ ಐಸಿರಿ ” ಕೂಟಡ್ ” ಮಲ್ಲ ಸಂಗತಿಯೇ ಅತ್ತ್ ಪನ್ಪಿ ನಾಟಕಡ್ ಅಭಿನಯ ಮಲ್ತೊಂದು ಉಪ್ಪುನ ಪುಗಾರ್ತೆ ಮೆರೆಗ್ ಉಂಡು.

ಪರಿಶ್ರಮ ಇತ್ತ್oಡ ಮಾತ್ರ ಪೊಸ ಅಧ್ಯಾಯ ಸುರು ಆಯೆರೆ ಸಾಧ್ಯ ನೆಕ್ಕ್ ಮಾಮಲ್ಲ ಉದಾರ್ಮೆ ಅಕ್ಷಯ್ ಸರಿಪಳ್ಳ ಪಂಡ ತಪ್ಪಾವಂದ್. ” ಬೇನೆ ಶಾಶ್ವತ ಅತ್ತ್ ಅವೆನ್ ಎದುರಿಸಾದ್ ದುಂಬರಿಯೊಡು, ಖುಷಿ ಪರ್ಬದಲಕ ಬತ್ತಿನ ಕ್ಷಣಕ್ಲೆನ್ ಅನುಭವಿಸಾವೊಡು ಪನ್ಪಿ ಪಾತೆರ ಪನೊಂದು. ಸಾಧನೆದ ಶಿಖರ ಏರಿನ ಇರೆನ ತಾದಿ ಸುಖಕರವಾದ್ ಉಪ್ಪಡ್ ಪನೊಂದು, ಈ ನಮ್ಮ ಪೆರ್ಮೆದ ಕಲಾವಿದನ ಸಾಧನೆ ನನಾತ್ ಮಿನ್ಕಡ್, ಕಲಾಮಾತೆನ ಸೇವೆ ಮಲ್ಪರೆ ಅಪ್ಪೆ ಇರೆಗ್ ಏಪೊಗ್ಲಾ ಬೆರಿಸಹಾಯ ಕೊರಡ್ ಪನ್ಪಿನವು ನಮ್ಮ ಆಶಯ.

✍️ಶ್ರೀನಿಧಿ ಶೆಟ್ಟಿ