ಪದಕ

ರಾಜ್ಯ ಮಟ್ಟದ ಬೆಂಚ್ ಪ್ರೆಸ್ ಪಂಥಡ್ ಕುಡ್ಲದ ದೀಪಾ ಕೆ.ಎಸ್. ಮೆರೆಗ್ ಮಾಸ್ಟರ್ ವಿಭಾಗಡ್ ಬಂಗಾರ್ದ ಪದಕ

ಕುಡ್ಲ , ಎ.13: ಕರ್ನಾಟಕ ಪವರ್ ಲಿಫ್ಟಿಂಗ್ ಅಸೋಸಿಯೇಶನ್ ಒಟ್ಟು ಸೇರಿಗೆಡ್ ದಾವಣಗೆರೆದ ಗ್ರೂಪ್ ಆಫ್ ಐರನ್ ಗೇಮ್ಸ್ ಸಂಸ್ಥೆ ಕುವೆಂಪು ಕನ್ನಡ ಭವನಡ್ ಅಟ್ಟನೆ ಮಲ್ತಿನ ರಾಜ್ಯ ಮಟ್ಟದ ಬೆಂಚ್ ಪ್ರೆಸ್ ಪಂಥ ಡ್ ಕುಡ್ಲದ ದೀಪಾ ಕೆ.ಎಸ್. ಮಾಸ್ಟರ್ ವಿಭಾಗಡ್ ಬಂಗಾರ್ದ ಪದಕ ಪಡೆತೆರ್. ಪೊಂಜೊವ್ಲೆನ ಮುಕ್ತ ವಿಭಾಗ (69 ಕಿಲೊ)ಡ್ ಲಾ ಬೊಳ್ಳಿದ ಪದಕ ಪಡೆತೆರ್.

ಕೋಚ್ ಪ್ರದೀಪ್ ಕುಮಾರ್ ಆಚಾರ್ಯರ್ದ್ ತರಬೇತಿ ಪಡೆತಿನ ಮೇರ್ ಉದ್ಯಮಿ ಕುಂಜತ್ತೋಡಿ ವಾಸುದೇವ ಭಟ್ ಕದ್ರಿ ಮೆರ್ನ ಪತ್ನಿ. ದೀಪಾರ ಪುತ್ರ ಋತ್ವಿಕ್ ಅಲೆವೂರಾಯ ಕಾಮನ್ ವೆಲ್ತ್ ಗೇಮ್ಸ್ ಡ್ ರಡ್ಡ್ ಬಂಗಾರ್ದ ಪದಕ ಪಡೆತೆರ್.

ಒಡಿಪುರ್ದ್ 2020ನೇ ಸಾಲ್ದ ಮುಖ್ಯಮಂತ್ರಿ ಪದಕಗ್ ರಡ್ಡ್ ಜನ ಆಯ್ಕೆ

ಒಡಿಪು , ಮಾ.25: ಒಡಿಪು ಸೆನ್ ಅಪರಾಧ ಪೊಲೀಸ್ ಠಾಣೆದ ಪೊಲೀಸ್ ನಿರೀಕ್ಷಕ ರಾಮಚಂದ್ರ ನಾಯಕ್ ಬೊಕ್ಕ ಉಡುಪಿ ಜಿಲ್ಲಾ ಸಶಸ್ತ್ರ ಮೀಸಲು ಪಡೆಯ ಎಎಚ್‌ಸಿ ಶಂಕರ್, 2020ನೇ ಸಾಲ್ ದ ಮುಖ್ಯಮಂತ್ರಿ ಪದಕಗ್ ಆಯ್ಕೆಯಾತೆರ್ .

ಬಾರಕೂರು ಮೂಲದ ರಾಮಚಂದ್ರ ನಾಯಕ್, 2003ಟ್ಟ್ ಎಸ್ಸೈಯಾದ್ ಪೊಲೀಸ್ ಇಲಾಖೆಗ್ ಸೇರ್ಪಡೆ ಆತೆರ್ , ಗದಗ, ಬೆಂಗಳೂರು, ಬಳ್ಳಾರಿ, ಉಡುಪಿ, ಬೊಕ ಕುಡ್ಲ ದ್ ಎಸ್ಸೈಯಾದ್ ಕರ್ತವ್ಯ ಮಲ್ದೆರ್ . 2011ಟ್ಟ್ ಪೊಲೀಸ್ ನಿರೀಕ್ಷಕರಾದ್ ಭಡ್ತಿ ಆಯಿನ ಮೇರ್, ಕಾರ್ಕಳ ಎಎನ್‌ಎಫ್, ಹೊಸನಗರ, ಮುಲ್ಕಿ ಮೂಡಬಿದ್ರೆಡ್ ವೃತ್ತ ನಿರೀಕ್ಷಕೆರಾದ್ ಬೊಕ್ಕ ಕಾರವಾರ ಸೈಬರ್ ಕ್ರೈಮ್ ಆದ್ ಕರ್ತವ್ಯ ಮಲ್ದೆರ್ .

ಅಂಚನೇ ಬೈಂದೂರು ಮೂಲದ ಪ್ರಸ್ತುತ ಎಸ್‌ಐಟಿ ಲೋಕಾಯುಕ್ತ ಬೆಂಗಳೂರುಡು ಪೊಲೀಸ್ ನಿರೀಕ್ಷಕೆರಾದ್ ಬೇಲೆ ಮಲ್ದಿನ ರಾಘವೇಂದ್ರ ಬೈಂದೂರು ಕೂಡ 2020ನೇ ಸಾಲ್ ದ ಮುಖ್ಯಮಂತ್ರಿ ಪದಕಗ್ ಆಯ್ಕೆ ಆತೆರ್ .