ಕೋವಿಡ್

ಕೋವಿಡ್ ಲಾಕ್ ಡೌನ್ ನೆಲೆಟ್ಟ್ : ಸಾಲ ಪಿರ ಕೊರಿಯೆರೆ ಒತ್ತಾಯ ಮಲ್ತುಂಡ ದೂರು ಕೊರ್ಲೆ : ದ.ಕ ಜಿಲ್ಲಾಧಿಕಾರಿ

ಕುಡ್ಲ , ಮೇ 28: ಕೊರೋನ ಸೋಂಕು ತಡೆಗಟ್ಟರೆ ಅಧಿಕ ಸಂಖ್ಯೆಡ್ ಜನಕುಲು ಸೇರ್ಪಡೆಯಾಪಿನೆನ್ ಉಂತಾಯೆರೆ ದ.ಕ.ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ. ಪೊಸ ಆದೇಶ ಒಂಜಿ ಕೊರ್ತೆರ್. ಮೈಕ್ರೋ ಫೈನಾನ್ಸ್‌ಲು , ಸಹಕಾರಿ ಸಂಘಲು , ಬೇತೆ ಹಣಕಾಸು ಸಂಸ್ಥೆಲು ಸಾಲ ಮರುಪಾವತಿಗಾದ್ ಸಾಲಗಾರೆರೆನ್ ಒತ್ತಾಯ ಮಲ್ಪರೆ ಬಲ್ಲಿ ಪಂದ್. ಐತ ಮೇಲ್ವಿಚಾರಣೆಗಾದ್ ರಡ್ಡ್ ಜನ ನೋಡಲ್ ಅಧಿಕಾರಿಲೆನ್ ಲಾ ಜಿಲ್ಲಾಧಿಕಾರಿ ನೇಮಕ ಮಲ್ದೆರ್ .

ಒವ್ವೆ ರೀತಿದ ಒತ್ತಡ ಪಾಡುಂಡ ಲೀಡ್ ಬ್ಯಾಂಕ್ ಮ್ಯಾನೇಜರ್ ಪ್ರವೀಣ್ (9449860916), ಸಹಕಾರಿ ಸಂಘದ ಉಪನಿಬಂಧಕ ಪ್ರವೀಣ್ ಬಿ.ನಾಯಕ್ (9448633338)ಮೆರೆನ್ ಗ್ ಲೆಪ್ಪು ಕೊರೋಲಿ ಪಂದ್ ಪಂಡೆರ್ .

ಕೋವಿಡ್ ರೋಗಿಲೆನ ಸೇವೆಗ್ 10 ಆಂಬುಲೆನ್ಸ್

ಸುಬ್ರಹ್ಮಣ್ಯ ಮೇ 27: ಜನತೆದ ಆರೋಗ್ಯ ಸಮೃದ್ಧಿಗ್ ಕುಕ್ಕೆ ದೇವಳ ಕೊರಿನ ಕೊಡುಗೆ ಅನನ್ಯ. ದೇವಳದ ಆಡಳಿತ ಮಂಡಳಿ ನಿರ್ಣಯದ ಪ್ರಕಾರ ಸಾರ್ವಜನಿಕರ ಉಪಯೋಗಗಾದ್ 10 ಆಂಬುಲೆನ್ಸ್‌ ಸೇವೆ ಕೊರಿಯರೆ ಉಂಡು . ಇತ್ತೆ ಮೂಜಿ ಆಂಬುಲೆನ್ಸ್ ಕೊರ್ತೆರ್ , ನನ ಏಳ್ ಬೆಗೋಡೆ ಸೇವೆ ಸುರು ಮಲ್ಪರೆ ಉಂಡು ಪಂದ್ ಮೀನುಗಾರಿಕೆ, ಬಂದರು ಬೊಕ್ಕ ಒಳನಾಡು ಜಲಸಾರಿಗೆ ಸಚಿವ ಎಸ್. ಅಂಗಾರ ಪಂಡೆರ್ .

ಕೊಲ್ಲಮೊಗ್ರು, ಗುತ್ತಿಗಾರು, ಕಡಬ, ಪಂಜ, ನೆಲ್ಯಾಡಿ, ಅರಂತೋಡು, ಕೊಲ ಸೇರಿನಂಚ ಏಳ್ ಪ್ರಾಥಮಿಕ ಆರೋಗ್ಯ ಕೇಂದ್ರಗ್ ಪ್ರತ್ಯೇಕ ಆಂಬುಲೆನ್ಸ್‌ ನ್ ದೇವಳರ್ದ್ ಕೊರಿಯೆರೆ ವ್ಯವಸ್ಥಾಪನಾ ಸಮಿತಿ ನಿರ್ಣಯ ದೆತೊನ್ದೆರ್ . ಆಂಬುಲೆನ್ಸ್ ಚಾಲಕೆರೆಗ್ ಪಿಪಿಇ ಕಿಟ್, ಗ್ಲೌಸ್, ಸ್ಯಾನಿಟೈಸರ್, ಮಾಸ್ಕ್‌ ನ್ ದೇವಳರ್ದ್ ಕೊರ್ತೆರ್ . ದೇವಳದ ಆಡಳಿತ ಮಂಡಳಿ ಕೋವಿಡ್-19 ಸಮಸ್ಯೆ ನಿವಾರಣೆಗ್ ಸರ್ಕಾರದೊಟ್ಟುಗು ಜೋಡಾವುನವು ಶ್ಲಾಘನೀಯ ಪಂದ್ ಸಚಿವ ಎಸ್.ಅಂಗಾರ ಪಂಡೆರ್ .

ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಗುರ್ಕಾರ್ಲಾಯಿನ ಮೋಹನರಾಂ ಎಸ್. ಸುಳ್ಳಿ, ತಹಶೀಲ್ದಾರ್ ಅನಿತಾಲಕ್ಷ್ಮಿ, ತಾಲ್ಲೂಕು ವೈದ್ಯಾಧಿಕಾರಿ ಡಾ.ನಂದಕುಮಾರ್, ಕಾರ್ಯನಿರ್ವಹಣಾಧಿಕಾರಿ ಡಾ. ನಿಂಗಯ್ಯ, ಸಹಾಯಕ ಕಾರ್ಯನಿರ್ವಹಣಾಧಿಕಾರಿ ಪುಷ್ಪಲತಾ ರಾವ್, ವ್ಯವಸ್ಥಾಪನಾ ಸಮಿತಿ ಸದಸ್ಯಯೆರಾಯಿನ ವನಜಾ ವಿ.ಭಟ್, ಪ್ರಸನ್ನ ದರ್ಬೆ, ಜಿಲ್ಲಾ ಪಂಚಾಯಿತಿ ಸದಸ್ಯ ಹರೀಶ್ ಕಂಜಿಪಿಲಿ, ಜಿಲ್ಲಾ ಪಂಚಾಯಿತಿ ಮಾಜಿ ಗುರ್ಕಾರ್ಲಾಯಿನ ವೆಂಕಟ್ ದಂಬೆಕೋಡಿ, ಮುಳಿಯ ಕೇಶವ ಭಟ್, ಗ್ರಾಮ ಪಂಚಾಯಿತಿ ಒತ್ತು ಗುರ್ಕಾರ್ಲಾಯಿನ ಸವಿತಾ ಭಟ್, ಪ್ರಮುಖೆರಾಯಿನ ವೆಂಕಟ್ ವಳಲಂಬೆ ಪಾಲ್ ಪಡೆದಿತ್ತೆರ್ .

ತಡ ಮಲ್ಪಂದೆ ಬೇಲೆ ಮಲ್ಪುಲೆ : ವಿ. ಪೊನ್ನುರಾಜ್

ಕುಡ್ಲ, ಮೇ 26 : ಕೋವಿಡ್ ನಿಯಂತ್ರಣ ಬೇಲೆಡ್ ವೈದ್ಯಕೀಯ ಸಿಬ್ಬಂದಿ ತಡ ಮಲ್ಪಂದೆ ಬೇಗಡೆ ನಿಕ್ಲೆನ ಬೇಲೆನ್ ಮಲ್ತುಂಡ ಮಾತ್ರ ಕೋವಿಡ್ ಹತೋಟಿಗ್ ಬರಿಯರೆ ಸಾಧ್ಯ ಪಂದ್ ಜಿಲ್ಲಾ ಉಸ್ತುವಾರಿ ಕಾರ್ಯದರ್ಶಿ ವಿ. ಪೊನ್ನುರಾಜ್ ತೆರಿಪಾಯೆರ್ .

ಪೇಂಟೆದ ಜಿಲ್ಲಾ ಪಂಚಾಯಿತಿ ವಿಡಿಯೊ ಕಾನ್ಫರೆನ್ಸ್‌ ಹಾಲ್‌ಡ್ ಸೋಮವಾರ ಕೋವಿಡ್ -19 ನಿಯಂತ್ರಣ ಬೊಕ್ಕ ನಿರ್ವಹಣೆ ಬಗ್ಗೆ ಅಧಿಕಾರಿನಕ್ಲೆನೊಟ್ಟಿಗೆ ನಡತಿನ ಸಭೆಟ್ ಆರ್ ಪಾತೆರಿಯೆರ್.

ಸಮರ್ಥನಮ್ ಅಂಗವಿಕಲೆರ್ನ ಸಂಸ್ಥೆರ್ದ್ ಕೋವಿಡ್- 19 ವ್ಯಾಕ್ಸಿನೇಷನ್ ಬಗ್ಗೆ ಜಾಗ್ರತಿ ಮೂಡಾವುನ ಲಸಿಕೆ ಅಭಿಯಾನ

ಕುಡ್ಲ, ಮೇ 26: ಫೆಡರಲ್ ಬ್ಯಾಂಕ್ ಬೊಕ್ಕ ನೆಟ್‌ವರ್ಕ್ 18 ಬೆಂಬಲಿಸಾವುನ ಯುನೈಟೆಡ್ ವೇ ಮುಂಬೈ ಒಟ್ಟು ಸೇರಿಗೇಡ್ ಸಮರ್ಥನಂ ಅಂಗವಿಕಲೆರ್ನ ಸಂಸ್ಥೆ ಕೋವಿಡ್19 ವ್ಯಾಕ್ಸಿನೇಷನ್ ಬಗ್ಗೆ ಜಾಗೃತಿ ಮೂಡವುನ ಲಸಿಕೆ ಅಭಿಯಾನದ ಲೇಸ್ ನ್ ಅಟ್ಟನೆ ಮಲ್ದೆರ್ .

ಕೊರೋನ ಪ್ರಕರಣದ ಸಂಖ್ಯೆ ಜಾಸ್ತಿ ಆವೊಂದು ಉಂಡು . ಐಟ್ಲಾ ಕೋವಿಡ್-19 ರಡ್ಡನೆ ಅಲೆ ರಾಜ್ಯ ಬೊಕ್ಕ ಪೇಂಟೆಡ್ ಪೊಸ ತಲ್ಲಣ ಸೃಷ್ಟಿ ಮಲ್ದುಂಡು .

ಕಾಸ್ರೋಡು ದೇವಸ್ಥಾನಡ್ ಕೋವಿಡ್ ಜಾಗೃತಿ ಸಂದೇಶ

ಕಾಸ್ರೋಡು, ಮೇ 25: ಕೇರಳದ ದೇವಸ್ಥಾನಡ್ ಭಕ್ತಿಗೀತೆದ ಬದಲಾದ್ ಕೋವಿಡ್ ಜಾಗೃತಿ ಪದ್ಯನ್ ಪನ್ಪಿನ ಮುಖೇನ ಮಾದರಿಯಾತುಂಡು.

ಕೋವಿಡ್ ಸೋಂಕುದ ರಡ್ಡನೆ ಅಲೆತ ನಿಯಂತ್ರಣಗಾದ್ ಕೇರಳಡ್ ಲಾಕ್ ಡೌನ್ ಇಂಚಿನ ಕಠಿಣ ಕ್ರಮ ಜಾರಿ ಮಲ್ಪುನ ಮುಖೇನ ಕೋವಿಡ್ ನಿಯಂತ್ರಣಗ್ ಅಲ್ಪದ ಸರ್ಕಾರ ಪ್ರಯತ್ನ ಮಲ್ತೊಂದು ಉಂಡು .

ಕದ್ರಿ ಅಗ್ನಿಶಾಮಕ ಸಿಬ್ಬಂದಿ ಕೋವಿಡ್ ಗ್ ಬಲಿ

ಕುಡ್ಲ, ಮೇ 25: ಕುಡ್ಲದ ಕದ್ರಿ ಅಗ್ನಿಶಾಮಕದಳಟ್ ಬೇಲೆ ಮಲ್ತೊಂದು ಇತ್ತಿನ ಸಿಬ್ಬಂದಿ ನವೀನ್ ಆಂಡ್ರಾ ಕೋವಿಡ್ ಸೋಂಕುಗು ಬಲಿಯಾತೆರ್ .

54 ವರ್ಷದ ನವೀನ್ ಮೆರೆಗ್ ಮೇ. 9 ತಾರೀಖ್ ಗ್ ಕೋವಿಡ್ ಸೋಂಕು ದೃಢ ಆದಿತ್ತುಂಡು .ಅವ್ವೆ ದಿನ ಖಾಸಗಿ ಆಸ್ಪತ್ರೆಗ್ ದಾಖಲಾಯಿನ ಮೆರ್ ಮೇ.23 ಐತಾರ ಸೋಂಕಿಗೆ ಬಲಿಯಾತೆರ್ .

1997 ಟ್ಟ್ ಸೇವೆ ಶುರು ಮಲ್ತಿನ ನವೀನ್, ಕದ್ರಿದ ಅಗ್ನಿಶಾಮಕದಳಟ್ ಸಿಬ್ಬಂದಿಯಾದಿತ್ತೆರ್.

ಉದ್ಯೋಗಿಲೆಗ್ ಕೋವಿಡ್ ಪರಿಹಾರ ಘೋಷಣೆ ಮಲ್ತಿನ ಅಮೇಜಾನ್

ಕುಡ್ಲ, ಮೇ 25 : ಕೊರೋನ ಸಾಂಕ್ರಾಮಿಕ ರೋಗರ್ದಾವರ ದೇಶಡ್ ನಕಾರಾತ್ಮಕ ಬೆಳವಣಿಗೆ ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ಅಂಚನೆ ತನ್ನ ಬೇಲೆ ದಕ್ಲೆನ ಕೂಟ ಬೊಕ್ಕ ಅಕ್ಲೆನ ರಕ್ಷಣೆಗಾದ್ ಅಮೆಝಾನ್ ಇಂಡಿಯಾ ಕೋವಿಡ್-19 ಪರಿಹಾರ ಯೋಜನೆ (ಸಿಆರ್‍ಎಸ್) ಪ್ರಕಟ ಮಲ್ದೆರ್.

ಕೋವಿಡ್ ಪರಿಹಾರಗಾದ್ 25 ದಶಲಕ್ಷ ಡಾಲರ್ ನೆರವು ನಿಧಿ ಬುಡುಗಡೆ ಮಲ್ದೆರ್, ಕೋವಿಡ್-19 ಲಸಿಕೆದ ರಡ್ಡ್ ಡೋಸ್ ಪಡೆಯಿನ ಸಿಬ್ಬಂದಿಗ್ 1500 ರೂಪಾಯಿ ಹೆಚ್ಚುವರಿ ವಿಶೇಷ ವೇತನನ್ಲಾ ಕೊರ್ರೆ ಉಲ್ಲೆರ್ ಪಂದ್ ಅಮೆಝಾನ್ ಇಂಡಿಯಾ ಮಾನವ ಸಂಪನ್ಮೂಲ ವಿಭಾಗದ ನಿರ್ದೇಶಕೆರಾಯಿನ ಸ್ವಾತಿ ರುಸ್ತಗಿ ಪ್ರಕಟಣೆಡ್ ತೆರಿಪಾಯೆರ್.

ಕೋವಿಡ್ ಸೊಂಕಿತೆರ್ನ ಸಾಕಾರಗ್ ವೆಬ್ ಸೈಟ್ : ಪಿಯುಸಿ ಜೋಕ್ಲೆನ ಸಾಧನೆ

ಕುಡ್ಲ, ಮೇ 25: ಕೋವಿಡ್‌ದ ಈ ಕಷ್ಟದ ಪೊರ್ತುಡುಅವ್ವೆತೋ ಸಂಘ ಸಂಸ್ಥೆಲು , ವ್ಯಕ್ತಿಲು ಸ್ವಯಂ ಪ್ರೇರಿತೇರಾದ್ ಬೇತೆ ಬೇತೆ ರೀತಿದ ಸೇವೆ ಮಲ್ತೊಂದು ಇತ್ತಿಲಕನೆ ಕುಡ್ಲದ ರಡ್ಡ್ ಜವಣ್ಯೆರ್ ವಿಶೇಷ ರೀತಿಡ್ ಸಾಕಾರ ಕೊರ್ತೆರ್.

ಕುಡ್ಲದ ಲೂರ್ಡ್ಸ್ ಸೆಂಟ್ರಲ್ ಸ್ಕೂಲ್‌ದ 12ನೆ ತರಗತಿದ ವಿದ್ಯಾರ್ಥಿಲಾಯಿನ (ಪಿಸಿಎಂಸಿ) ಅಮೋಲ್ ಮೆಂಡೋನ್ಸಾ ಬೊಕ್ಕ ಅದ್ವಿಕ್ ಅಭ್ಯುದಿತ್ ಹೆಗ್ಡೆ ಕೊರೋನ ಸೋಂಕಿತೆರೆಗ್ ಮಾಹಿತಿ, ನೆರವುಗಾದ್ ವೆಬ್‌ಸೈಟ್ ನ್ ಸುರು ಮಲ್ದೆರ್ .

ದ.ಕ. ಜಿಲ್ಲೆಡ್ ಕೊರೋನ ಸೋಂಕಿತೆರೆಗ್ ಸುಲಭವಾದ್ ತಿಕ್ಕುನ ಅಂಚನೆ ಅಂಚನೆ ಬಳಕೆದಾರ ಸ್ನೇಹಿ ಅಂಕಿಅಂಶದ ಕೊರತೆನ್ ಗೇನಡ್ ದೀದ್ ಈ ರಡ್ಡ್ ಜವಣ್ಯೆರ್ www.covidwarzonedk.com ವೆಬ್‌ಸೈಟ್ ಸುರು ಮಲ್ದೆರ್ .

ಕೋವಿಡ್ ರ್ದ್ ತೀರ್ ಪೋಯಿನ ಅಂತರ್ರಾಷ್ಟ್ರೀಯ ಸ್ಯಾಕ್ಸೊಫೋನ್ ಕಲಾವಿದ ಮಚ್ಚೇಂದ್ರನಾಥ್ ಮಂಗಳಾದೇವಿ

ಕುಡ್ಲ,24 : ಅಂತರರಾಷ್ಟ್ರೀಯ ಮಟ್ಟದ ಸ್ಯಾಕ್ಸೊಫೋನ್ ಕಲಾವಿದ ಮಚ್ಚೇಂದ್ರನಾಥ್ ಮಂಗಳಾದೇವಿ (62) ಐತಾರ ತೀರ್ ಪೋಯೆರ್.

ಮೆರೆಗ್ ಕೋವಿಡ್ ಸೋಂಕು ದೃಢ ಆಯಿಬೊಕ್ಕ . ವಾರದ ಪಿರವು ಕುಡ್ಲದ ಖಾಸಗಿ ಆಸ್ಪತ್ರೆಗ್ ಸೇರಿನ ಮೆರ್ ಮರ್ದ್ ಗ್ ಸ್ಪಂದನೆ ಕೊರಂದೆ ತೀರ್ ಪೋಯೆರ್.

ಪೇಂಟೆದ ಮಂಗಳಾದೇವಿ ದೇವಸ್ಥಾನಡ್ ದಿನಾಲ ಸ್ಯಾಕ್ಸೊಫೋನ್ ಸೇವೆ ಕೊರೊಂದು ಇತ್ತೆರ್ . ದುಬೈ, ಅಬುಧಾಬಿ, ಆಸ್ಟ್ರೇಲಿಯಾ ಸೇರಿನಂಚ ಬೇತೆ ಬೇತೆ ದೇಶಡ್ ಸ್ಯಾಕ್ಸೊಫೋನ್ ಸಂಗೀತ ಕಚೇರಿ ನಡಪಾದ್ ಇತ್ತೆರ್.ಮೆರೆಗ್ ದಕ್ಷಿಣ ಕನ್ನಡ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಸೇರಿನoಚ ಅವ್ವೆತೋ ಮಾನದಿಗೆ ತಿಕ್ಕ್ದುಂಡು.