ಕೊರೋನ ಕೋವಿಡ್ ತುಲು ವಾರ್ತೆ ತುಳುನಾಡ್ ತುಲು ಭಾಷೆ

ಜರ್ನಲಿಸಂಡ್ ಪಿಹೆಚ್.ಡಿ ಪಡೆಯಿನ ಬಾರಿಯಂಡ ದೀಪಕ್ ಜೋಯಪ್ಪ

ಮಡಿಕೇರಿ: ಕೊಡಗುದ ಮದೆನಾಡು ಗ್ರಾಮದ ಬಾರಿಯಂಡ ದೀಪಕ್ ಜೋಯಪ್ಪ ಮೇರ್ ಸಂಶೋಧನೆ ಮಲ್ತಿನ ’ಇಂಗ್ಲಿಷ್ ಬೊಕ್ಕ ಕನ್ನಡ ನ್ಯೂಸ್ ವೆಬ್‌ಸೈಟ್ಸ್: ಸ್ಟಡಿ ಆನ್ ದೇರ್ ಪೊಟೆನ್‌ಷ್ಯಾಲಿಟಿ ಆಂಡ್ ಸಸ್ಟೈನೇಬಿಲಿಟಿ’ ಪನ್ಪಿನ ಮಹಾಪ್ರಬಂಧಗ್ ಮಣಿಪಾಲ ಅಕಾಡೆಮಿ ಆಫ್ ಹೈಯರ್ ಎಜುಕೇಷನ್(ಮಾಹೆ) ಸಂಸ್ಥೆ ಡಾಕ್ಟರೇಟ್ ಕೊರ್ತುಂಡು .

ದೀಪಕ್ ಮೇರ್ ಈ ಸಂಸ್ಥೆ ಕೊರ್ಪಿನ ಪ್ರತಿಷ್ಠಿತ ’ಡಾ. ಟಿಎಂಎ ಪೈ’ ವಿದ್ಯಾರ್ಥಿ ವೇತನಡ್ ಸಂಶೋಧನೆ ನಡಪಾದ್ ಇತ್ತೆರ್ . ಮಣಿಪಾಲ ಇನ್ಸ್ಟಿಟ್ಯೂಟ್ ಆಫ್ ಕಮ್ಯುನಿಕೇಶನ್ ಸಂಸ್ಥೆದ ಪ್ರೊಫೆಸರ್ ಬೊಕ್ಕ ನಿರ್ದೇಶಕೆರಾಯಿನ ಡಾ. ಪದ್ಮ ರಾಣಿ ಮೆರ್ನ ಮಾರ್ಗದರ್ಶನಡ್ ಈ ಸಂಶೋಧನೆ ಮಲ್ತ್ ಇತ್ತೆರ್ .

ರಾಜ್ಯೋಡು ಇನಿರ್ದ್ ಬಾರಿ ಬರ್ಸ : ಮಸ್ತ್ ಜಿಲ್ಲೆಡ್ ಯೆಲ್ಲೋ ಅಲರ್ಟ್

ಬೆಂಗ್ಳೂರು : ಬಂಗಾಳ ಕೊಲ್ಲಿಡ್ ವಾಯುಭಾರ ಕುಸಿತ ಆಯಿನೆರ್ದಾವರ ರಾಜ್ಯದ ಕೆಲವು ಜಿಲ್ಲೆಡ್ ಇನಿರ್ದ್ ನನ ದುಂಬುದ ನಾಲ್ ದಿನ ಭಾರೀ ಬರ್ಸ ಬರ್ಪಿನ ಸಾಧ್ಯತೆ ಉಂಡು ಪಂದ್ ಹವಾಮಾನ ಇಲಾಖೆ (Meteorological Department) ಮುನ್ಸೂಚನೆ ಕೊರ್ತುಂಡು .

ಇನಿರ್ದ್ ಸೆಪ್ಟೆಂಬರ್ 5ಮುಟ ದಕ್ಷಿಣ ಕನ್ನಡ, ಉಡುಪಿ, ಉತ್ತರ ಕನ್ನಡ, ಶಿವಮೊಗ್ಗ, ಬೆಂಗಳೂರು, ಚಿಕ್ಕಬಳ್ಳಾಪುರ, ಹಾಸನ, ಕೋಲಾರ, ಚಿಕ್ಕಮಗಳೂರು ಜಿಲ್ಲೆಡ್ ಭಾರೀ ಬರ್ಸ ಬರ್ರೆ ಉಂಡು , ಯೆಲ್ಲೋ ಅಲರ್ಟ್ ಘೋಷಣೆ ಆತುಂಡು .

ಮಾರ್ಗದ ಬರಿಟ್ ಕಜವು ದಕ್ಕುನೆಕ್ಕ್ ಸೋಲಾರ್ ಸಿಸಿ ಕೆಮರಾ

ಕುಡ್ಲ : ಮಾರ್ಗದ ಬರಿಟ್ ಅಲ್ಪ ಅಲ್ಪ ಕಜವು ದಕ್ಕುನ “ಬ್ಲ್ಯಾಕ್‌ಸ್ಪಾಟ್‌’ನ್ ಉಂತಾಯೆರೆ ಪೇಂಟೆದ ಮಸ್ತ್ ಕಡೆಟ್ ಸೋಲಾರ್‌ ಚಾಲಿತ ಸಿಸಿ ಕೆಮರಾ ಅಳವಡಿಕೆ ಮಲ್ಪರೆ ಮಹಾನಗರ ಪಾಲಿಕೆ ದುಂಬು ಬೈದುಂಡು .

ಸುರುತ ಹಂತಡ್ ಪೇಂಟೆದ ಸುರತ್ಕಲ್‌, ನಂದಿಗುಡ್ಡೆ ರಡ್ಡ್ ಕಡೆಟ್, ಪಳ್ನೀರು, ಆಕಾಶಭವನ, ರಥಬೀದಿಡ್ ಸೋಲಾರ್‌ ಕೆಮರಾ ಪಾಡ್ದೆರ್ .

ನವಿಕೃತ ಆಯಿನ ಜಲಿಯನ್ ವಾಲಾಬಾಗ್ ಸ್ಮಾರಕ ಉದಿಪನ ಮಲ್ತಿನ ಮೋದಿ

ನವದೆಹಲಿ: ಜಲಿಯನ್ ವಾಲಾಬಾಗ್‌ಡ್ ನಡತಿನ ಹತ್ಯಾಕಾಂಡ ಘಟನೆಗ್ಲಾ ದುಂಬು ಇಂದು ಪವಿತ್ರ ಜಾಗೆ ಆದ್ ಇತ್ತುಂಡು ಜಲಿಯನ್ ವಾಲಾಬಾಗ್ ಜಾಗೆ ಹತ್ಯಾಕಾಂಡದ ಜಾಗೆ ಅತ್ತ್ . ಈ ಸ್ಮಾರಕ ಸ್ಫೂರ್ತಿ ಇಡೀ ವಿಶ್ವಗ್ ಸ್ಫೂರ್ತಿ ಪಂದ್ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಪಂಡೆರ್ . ನವೀಕೃತ ಆಯಿನ ಜಲಿಯನ್ ವಾಲಾಬಾಗ್ ಸ್ಮಾರಕನ್ ಶನಿವಾರ (ಆಗಸ್ಟ್ 28) ದಾನಿ ವಿಡಿಯೋ ಕಾನ್ಸರೆನ್ಸ್ ಮುಖೇನ ಉದಿಪನ ಮಲ್ತ್ ಆರ್ ಪಾತೆರಿಯೆರ್.

ಕರ್ನಾಟಕಡ್ ಕೇರಳದ ವೈದ್ಯಕೀಯ,ತಾಂತ್ರಿಕ ಜೋಕ್ಲೆಗ್ ವಿಶೇಷ ವಿನಾಯಿತಿ

ಬೆಂಗ್ಳೂರು : ಕೇರಳರ್ದ್ ರಾಜ್ಯಗ್ ಬರ್ಪಿನ ಪ್ರತಿಯೊರಿಯಾಗ್ಲ 7 ದಿನ ಕಡ್ಡಾಯ ಸಾಂಸ್ಥಿಕ ದಿಗ್ಬಂಧನರ್ದ್ ಜೋಕ್ಲೆಗ್ ವಿನಾಯಿತಿ ಕೊರ್ತೆರ್ . ಜೋಕ್ಲೆನ ದೃಷ್ಟಿಡ್ ಸಾಂಸ್ಥಿಕ ದಿಗ್ಬಂಧನ ಕ್ರಮನ್ ರಾಜ್ಯ ಸರ್ಕಾರ ಬೊರ್ಚಿ ಪಂದ್ ನಿರ್ಧಾರ ದೈದುಂಡು .

ಕೇರಳರ್ದ್ ಬರ್ಪಿನ ವೈದ್ಯಕೀಯ, ನರ್ಸಿಂಗ್ ಬೊಕ್ಕ ಇಂಜಿನಿಯರಿಂಗ್ ಜೋಕ್ಲೆಗ್ ವಿನಾಯಿತಿ ಕೊರ್ತೆರ್ . ನರ್ಸಿಂಗ್, ವೈದ್ಯಕೀಯ ಬೊಕ್ಕ ಇಂಜಿನಿಯರಿಂಗ್ ಜೋಕುಲು 72 ಗಂಟೆದ ಪಿರವು ಪರೀಕ್ಷೆ ಮಲ್ತಿನ RT-PCR ನೆಗೆಟಿವ್ ವರದಿ ಯಾವು ಪಂದ್ ಪಂಡೆರ್ .

ಪ್ರವಾಸ ಪೋಯೆರೆ ಉಪ್ಪುನ ಮುಖ್ಯಮಂತ್ರಿ ಬೊಮ್ಮಾಯಿ

ಹಾವೇರಿ: ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೇರ್ ಸೆ.1ಕ್ಕ್ ಹಾವೇರಿ ಜಿಲ್ಲೆದ ಶಿಗ್ಗಾವಿ ಬೊಕ್ಕ ಸವಣೂರ ತಾಲ್ಲೂಕುಡು ಪ್ರವಾಸ ಪೋದು ಬೇತೆ ಬೇತೆ ಅಭಿವೃದ್ಧಿ ಕಾಮಗಾರಿಲೆಗ್ ಚಾಲನೆ ಕೊರಿಯರೆ ಉಲ್ಲೆರ್ .

ಕಾಂಡೆ 7.15 ಕ್ಕ್ ಬೆಂಗ್ಳೂರುರ್ದು ವಿಮಾನಡ್ ಪ್ರಯಾಣ ಸುರು ಮಲ್ತ್ 8.40ಕ್ಕ್ ಹುಬ್ಬಳ್ಳಿಗ್ ಬತ್ದ್ , ಮಾರ್ಗಡ್ ಕಾಂಡೆ 10 ಗಂಟೆಗ್ ಶಿಗ್ಗಾವಿ ತಾಲ್ಲೂಕು ತಡಸ ಗ್ರಾಮಗ್ ಬರಿಯರೆ ಉಲ್ಲೆರ್ . ನೂತನ ಪ್ರವಾಸಿಮಂದಿರ ಕಟ್ಟಡಗ್ ಶಂಕುಸ್ಥಾಪನೆ, ಕುಮಟಾ-ತಡಸ, ಪಡಬಿದ್ರಿ-ಚಿಕ್ಕಲಗುಡ್ಡ ರಸ್ತೆ ಸುಧಾರಣೆ ಕಾಮಗಾರಿಗ್ ಶಂಕುಸ್ಥಾಪನೆ ಮಲ್ಪರೆ ಉಲ್ಲೆರ್ .

ಪಡಿತೆರ್ನ ಚೀಟಿ ಇ – ಕೆವೈಸಿ ಗ್ ಕಡೆತ ಅವಕಾಶ

ಕುಡ್ಲ : ಪಡಿತರ ಚೀಟಿದಾರೆರ್ ಉಂದುವೇ ಸೆಪ್ಟಂಬರ್ ತಿಂಗೊಲ್ ಇ-ಕೆವೈಸಿ ಮಲ್ಪೊಲಿ . ಇಂದು ಕೊನೆಯ ಅವಕಾಶ ಆತುಂಡು , ಐರ್ದ್ ಬೊಕ್ಕ ಇ-ಕೆವೈಸಿ ಮಲ್ಪಂದಿನ ಪಡಿತರ ಚೀಟಿದಾರೆರ್ನ ಪಡಿತರ ಉಂತಾವೆರ್ ಪಂದ್ ಜಿಲ್ಲಾಧಿಕಾರಿ ಡಾ.ಕೆ.ವಿ. ರಾಜೇಂದ್ರ ಪಂಡೆರ್ .

ಇಂದುವೆ ಸೆ.1ರ್ದ್ 10 ತಾರೀಖ್ ಮುಟ ಜಿಲ್ಲೆದ ನ್ಯಾಯಬೆಲೆ ಅಂಗಡಿಡ್ ಬಾಕಿ ಒರಿದಿನ ಫಲಾನುಭವಿಲೆನ ಇ-ಕೆವೈಸಿ ಮಲ್ತೊಂದು ಉಲ್ಲೆರ್ . ಪಡಿತರ ಚೀಟಿದಕುಲು ತಮ್ಮ ಕುಟುಂಬದ ಮಾತಾ ಸದಸ್ಯೆರ್ನ ಇ-ಕೆವೈಸಿ ಕೊರೊಡು . ಪಂದ್ ಪಂಡೆರ್.

ಜನ್ಮಭೂಮಿ ಫೌಂಡೇಶನ್‌ ಬೆಂಗ್ಳೂರು ವತಿರ್ದ್ ಕೊರೋನಾ ವಾರಿಯರ್ಸ್ಗ್ ಮಾನದಿಗೆ

ಬೆಂಗ್ಳೂರು : ಜನ್ಮಭೂಮಿ ಫೌಂಡೇಶನ್‌ ಬೆಂಗ್ಳೂರು ವತಿರ್ದ್ ಕೊರೋನಾ ವಾರಿಯರ್ಸ್ ಗ್ ಮಾನದಿಗೆ ಮಲ್ಪುನ ಲೇಸ್ ಗಾಂಧಿನಗರದ ಸ್ಯಾಂಕ್ ಟಮ್ದ ಸಭಾಗ್ರಹ ಬೆಂಗ್ಳೂರುಡು ನಡತಿನ ವಿಶೇಷ ಲೇಸ್ ಡ ಯುವ ಸಮಾಜ ಸೇವಕ ಗೋವಿಂದ ಬಾಬು ಪೂಜಾರಿ ಲೆಗ್ ಭಾರತ ಗೌರವ ಪ್ರಶಸ್ತಿನ್ಖ್ಯಾತ ಸಾಹಿತಿ. ಡಾ; ಕುಂ. ವೀರಾ ಭದ್ರಪ್ಪ ಮೇರ್ ಬೆಂಗ್ಳೂರು ಎಸಿಪಿ, ಸಿಸಿಬಿ ಎಚ್ .ಎಸ್. ಪರಮೇಶ್ವರ ಅಂಚನೇ ಕರ್ನಾಟಕ ಸರ್ಕಾರದ ಸಾರ್ವಜನಿಕ ಗ್ರಂಥಾಲಯ ಇಲಾಖೆದ ನಿರ್ದೇಶಕೆರಾಯಿನ ಡಾ: ಸತೀಶ್ ಕುಮಾರ್ ಎಸ್. ಹೊಸಮನಿ ಬೊಕ್ಕ ಕರ್ನಾಟಕ ಪ್ರೆಸ್ ಕ್ಲಬ್‌ ಕೌನ್ಸಿಲ್ ಬೆಂಗ್ಳೂರುಡು ರಾಜ್ಯಾದ್ಯಕ್ಷೆರ್ ಶ್ರೀ. ಡಾ: ಶಿವಕುಮಾರ್. ನಾಗರ ನವಿಲೆ‌ ಬೊಕ್ಕ ಕರ್ನಾಟಕ ವಿಶ್ವಕರ್ಮ ಸಮುದಾಯದ ಅಭಿವೃದ್ಧಿ ನಿಗಮ ಕರ್ನಾಟಕ ಸರ್ಕಾರದ. ರಾಜ್ಯಾದ್ಯಕ್ಷೆರ್ ಶ್ರೀ ಬಾಬುಪತ್ತರ್ ಬೊಕ್ಕ ಬಿನ್ನೆರ್ ಸೇರ್ದ್ ಮಾನದಿಗೆ ಮಲ್ತೆರ್.

ಪೊಂಜೊವ್ಲೆನ ಮಿತ್ತ್ ಆಪಿನ ದೌರ್ಜನ್ಯದ ವಿರುದ್ಧ ಹೆಬ್ರಿಡ್ ಬ್ಲಾಕ್ ಕಾಂಗ್ರೆಸ್ ಪ್ರತಿಭಟನೆ

ಕಾರ್ಕಳ : ಮೈಸೂರುಡು ಪೊಣ್ಣನ ಮಿತ್ತ್ ನಡತಿನ ಅತ್ಯಾಚಾರ ಅಮಾನವೀಯ ಕೃತ್ಯವಾತುಂಡು ಉಂದೆನ್ ಹೆಬ್ರಿ ಬ್ಲಾಕ್ ಕಾಂಗ್ರೆಸ್ ಖಂಡಿಸಾವುಂಡು . ಈ ಘಟನೆ ನಡತ್ 48 ಗಂಟೆ ಆದಿತ್ತುಂಡಲ ಪೊಲೀಸ್ ಇಲಾಖೆ ಎಫ್ ಐಆರ್ ದಾಖಲ್ ಮಲ್ಪಂದೆ ದೂರು ಕೊರ್ನ್ಡಲಾ ಕರ್ತವ್ಯಲೋಪ ಮಲ್ದುಂಡು . ಜೋಕುಲು , ಪೊಂಜೊವುಲು ಸೇರಿನಂಚ ಜನಸಾಮಾನ್ಯಯೆರೆಗ್ ಈ ಸರಕಾರರ್ದ್ ನ್ಯಾಯ ತಿಕ್ಕೊಂದು ಇಜ್ಜಿ ಪಂದ್ ಹೆಬ್ರಿ ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಮುದ್ರಾಡಿ ಮಂಜುನಾಥ ಪೂಜಾರಿ ಆಗ್ರಹ ಮಲ್ತೆರ್ .

ಶನಿವಾರ ಹೆಬ್ರಿದ ಬ್ಲಾಕ್ ಕಾಂಗ್ರೆಸ್ ಕಚೇರಿದ ಎದುರು ರಾಜ್ಯ ಸರಕಾರದ ಕಾನೂನು ಸುವ್ಯವಸ್ಥೆ ಬಗ್ಗೆ ಪ್ರತಿಭಟನೆ ನಡಪಾದ್ ಪಾತೆರಯೇರ್.