ಕುಡ್ಲ

ಕುಡ್ಲಡ್ ಕೋಡೆ ಬಾರಿ ಬರ್ಸ

May 12, 2022

ಕುಡ್ಲ : ಪೂರ್ವ ಕರಾವಳಿದ ಬಂಗಾಳ ಕೊಲ್ಲಿಡ್ ಆಯಿನ ಅಸನಿ ಚಂಡಮಾರುತದ ಪರಿಣಾಮ ಕುಡ್ಲದ ಕೆಲವು ಕಡೆಟ್ ಎಡ್ಡೆ ಬರ್ಸ ಬೈದುಂಡು. ಕಾಂಡೆರ್ದೆ ನಿರಂತರವಾದ್ ಬತ್ತಿನ ಬರ್ಸರ್ದಾವರ ಮಧ್ಯಾಹ್ನರ್ದ್ ಬೊಕ್ಕ ಒಂತೆ ಕಮ್ಮಿ ಆಂಡ್ ಕೆಲವು ಕಡೆಟ್ ಬಯ್ಯ ಮುಟ ಬುಡoದೆ ಎಡ್ಡೆ ಬರ್ಸ ಬೈದುಂಡು.

ಬರ್ಸ ಒವ್ವೆ ಅಬ್ಬರ ತೋಜಾದಿಜಿ . ಕೆಲವು ಕಡೆ, ಪನಿ ಬರ್ಸ ಕೆಲವು ಕಡೆ ಸಾಧಾರಣ ಬರ್ಸ ಕೆಲವು ಕಡೆಟ್ ಎಡ್ಡೆ ಬರ್ಸ ಬೈದುಂಡು ಅಂಗಾರೆ ಉರಿ ಬೆಚ್ಚದ ವಾತಾವರಣ ತೊಜೀದ್ ಬತ್ತಿನೆರ್ದಾವರ , ಕೋಡೆ ಬತ್ತಿನ ಬರ್ಸರ್ದ್ ಜನಕ್ಲೆಗ್ ತಂಪು ಆತುಂಡು.

ಕುಡ್ಲ : ವಿಹಾರ ನೌಕೆಡ್ ಜಾನಪದ ಗೌಜಿ

May 10, 2022

ಕುಡ್ಲ : ನಮ ವಿಶ್ವ ಸೌಹಾರ್ದ ಪ್ರಿಯರು ಪನ್ಪಿನ ಘೋಷ ವಾಕ್ಯ ಸರಣಿ ಲೆಸ್ ದ ಪರವಾದ್ 31ನೇ ಅಂತರಾಷ್ಟ್ರೀಯ ವಿಹಾರ ನೌಕೆ ಜಾನಪದ ಸಂಭ್ರಮ ಲೇಸ್ ಕುಡ್ಲದ ಬೊಕ್ಕಪಟ್ಣದ ಅಬ್ಬಕ್ಕ ನೌಕೆಡ್ ನಡತ್oಡ್ .

ಮಂಜುನಾಥ್ ಎಜುಕೇಶನ್ ಟ್ರಸ್ಟ್ ರಿ. ಕುಡ್ಲ ಬೊಕ್ಕ ಸ್ವಾಮಿ ಎಂಟರ್‌ಪ್ರೈಸಸ್ ಬೆಂಗ್ಳೂರು ಒಟ್ಟು ಸೇರ್ದ್ ಅಟ್ಟನೆ ಮಲ್ತಿನ ಈ ಲೇಸ್ ನ್ ರಾಜ್ಯ ಕಿಯೋನಿಕ್ಸ್ ಸಂಸ್ಥೆದ ಗುರ್ಕಾರ್ಲಾಯಿನ ಹರಿಕೃಷ್ಣ ಬಂಟ್ವಾಳ ಉದಿಪನ ಮಲ್ತೆರ್ .

ಸಾರ್ವಜನಿಕ ಗ್ರಂಥಾಲಯ ಇಲಾಖೆದ ನಿರ್ದೇಶಕ ಡಾ. ಸತೀಶ್ ಕುಮಾರ್ ಹೊಸಮನಿ ಲೇಸ್ ದ ಗುರ್ಕಾರ್ಮೆ ವಹಿಸ್ ದಿತ್ತೆರ್. ಮಲ್ಲ ಬಿನ್ನೆರ್ ಆದ್ ವಾಣಿಜ್ಯ ಬೊಕ್ಕ ತೆರಿಗೆ ಇಲಾಖೆದ ಅಧಿಕಾರಿ ಹೆಚ್. ಹೊಳೆಯಪ್ಪ, ಮುಂಬೈದ ರಿಸರ್ವ್ ಬ್ಯಾಂಕ್‌ನ ನಿವೃತ್ತ ಅಧಿಕಾರಿ ಡಾ. ಪ್ರಭಾ ಸುವರ್ಣ ಪಾಲ್ ಪಡೆದಿತ್ತೆರ್ .

Mangalore: Janapada show on a cruise ship.

Mangalore: A Janapada show was organised at the 31st international cruise ship Abbakka in Bokkapatna, Mangalore.

The Manjunath Education Trust Mangalore and Swami enterprises Bangalore had organised this programme and was inaugurated by Harikrishna Bantwal president of Keonics.

The program was presided by Dr Satish Kumar Hosmani of Public Library department.The guests of honour were Holaiappa .H of Commercial taxes department and Dr Prabha Suvarna, retired officer of RBI, Mumbai.

ಕುಡ್ಲಡ್ ಕವಿತಾ ಫೆಸ್ಟ್ ಲೇಸ್

May 3, 2022

ಕುಡ್ಲ : ಕೊಂಕಣಿ ಕವಿತೆ ಬೊಕ್ಕ ಕಾವ್ಯ ಕ್ಷೇತ್ರಗ್ ವಿಶೇಷ ಕೊಡುಗೆ ಕೊರೊಂದು ಬೈದಿನ ಕವಿತಾ ಟ್ರಸ್ಟ್ ವತಿರ್ದ್ ವರ್ಷಲ ನಡಪುನ ಕವಿತಾ ಫೆಸ್ತ್ ಲೇಸ್ ಇಂಚೋಗು ಕುಡ್ಲದ ವಿಶ್ವ ಕೊಂಕಣಿ ಕೇಂದ್ರಡ್ ನಡತ್oಡ್.

ಕವಯತ್ರಿ ಉಶಾಪ್ರಭಾ ನಾಯಕ್ ಬೊಕ್ಕ ವಿಶ್ವ ಕೊಂಕಣಿ ಕೇಂದ್ರದ ಗುರ್ಕಾರ್ಲಾಯಿನ ಜಿ.
ನಂದಗೋಪಾಲ್ ಶೆಣೈ ಲೇಸ್ ಉದಿಪನ ಮಲ್ತೆರ್ .ಐರ್ದ್ ಬೊಕ್ಕ ಕೊಂಕಣಿ ಅಕಾಡಮಿ ಪ್ರಶಸ್ತಿ ವಿಜೇತ ಜೆ.ವಿ ಸಿಕ್ವೇರಾ ಮೆರೆನ ಒಟ್ಟುಗು ಟ್ರಸ್ಟಿ ಅಂಡ್ರ್ಯು ಎಲ್. ಡಿಕುನ್ಹಾ ಸಂವಾದ ನಡಪಾಯೆರ್ .

ಕುಡ್ಲ : ಹಂಪನಕಟ್ಟೆ ಅಪಘಾತ ಪ್ರಕರಣ| ಬಸ್ ಚಾಲಕನ್ ಅರೆಸ್ಟ್ ಮಲ್ತಿನ ಪೊಲೀಸೆರ್

Apr 16, 2022

ಕುಡ್ಲ : ಹಂಪನಕಟ್ಟೆ ಅಪಘಾತ ಪ್ರಕರಣ| ಬಸ್ ಚಾಲಕನ್ ಅರೆಸ್ಟ್ ಮಲ್ತಿನ ಪೊಲೀಸೆರ್

ಕುಡ್ಲ : ಪೇಂಟೆದ ಹಂಪನಕಟ್ಟೆ ಕೈತಲ್ ಬೈಕ್‌ಗ್ ಖಾಸಗಿ ಬಸ್ ಢಿಕ್ಕಿಯಾದ್ ತೂ ಪೊತ್ತಿನ ಪ್ರಕರಣಗ್ ಸಂಬಂಧಿ ಬಸ್ ಚಾಲಕೆನ್ ಟ್ರಾಫಿಕ್ ಪೂರ್ವ ಪೊಲೀಸ್ ಠಾಣೆದ ಪೊಲೀಸೇರ್ ಪತ್ತ್ ದೆರ್ .ಬಸ್ ಚಾಲಕ ಬಿಜು ಮೋನುನ ಅಜಾಗರೂಕತೆ ಬೊಕ್ಕ ನಿರ್ಲಕ್ಷ್ಯತನರ್ದ್ ಅಪಘಾತ ಆತುಂಡು ಪಂದ್ ಪ್ರಕರಣ ದಾಖಲಾದ್ ಇತ್ತುಂಡು . ಈ ಸಂಬಂಧ ಚಾಲಕೆನ್ ಬಂಧನ ಮಲ್ದೆರ್ , ನ್ಯಾಯಾಲಯಗ್ ಹಾಜರ್ ಮಲ್ದೆರ್ ಎ.26 ಮುಟ ನ್ಯಾಯಾಂಗ ಬಂಧನ ಕೊರ್ತೆರ್ .

Mangalore: Hampankatta accident case- bus driver arrested by police.

Mangalore: In connection with the accident case at Hampankatta; were a private bus caught fire after colliding with a bike the traffic police have arrested the driver of the bus .

A case has been registered and it has been reported that the negligence of the bus driver Biju Menon is responsible for the accident.He has been arrested and will be produced at the court on April 26th.

ಕುಡ್ಲದ ಲೇಡಿಹಿಲ್ ಸರ್ಕಲ್ಡ್ ನಾರಾಯಣ ಗುರುಕ್ಲೆನ ಪುದರ್ ಪಲವೆ ಉದಿಪನ

Apr 14, 2022

ಕುಡ್ಲ : ಪೇಂಟೆದ ಲೇಡಿಹಿಲ್ ವೃತ್ತಗ್ ಬ್ರಹ್ಮಶ್ರೀ ನಾರಾಯಣಗುರು ವೃತ್ತ ಪುದರ್ ಪಾಡೆರೆ ಸರಕಾರ ಕೊರಿನ ಆದೇಶದ ನೆಲೆಟ್ಟ್ ಗುರುವಾರ ಅಧಿಕೃತವಾದ್ ಪುದರ್ ಪಲವೆ ಮಲ್ತ್ ಪೊಸ ವೃತ್ತಗ್ ಶಿಲಾನ್ಯಾಸ ಮಲ್ತೆರ್ .

ಈ ಪೊರ್ತುಡು ಶಾಸಕೆರಾಯಿನ ವೇದವ್ಯಾಸ ಕಾಮತ್,ಸಂಸದ ನಳಿನ್ ಕುಮಾರ್ ಕಟೀಲು, ಶಾಸಕ ಡಾ.ವೈ.ಭರತ್ ಶೆಟ್ಟಿ ಪಾತೆರಿಯೆರ್ . ಮೇಯರ್ ಪ್ರೇಮಾನಂದ ಶೆಟ್ಟಿ ಗುರ್ಕಾರ್ಮೇ ವಹಿಸ್ ದಿತ್ತೆರ್ . ಉಪ ಮೇಯರ್ ಸುಮಂಗಲಾ ರಾವ್, ಸ್ಥಳೀಯ ಕಾರ್ಪೊರೇಟರ್ ಸಂಧ್ಯಾ ಆಚಾರ್ಯ, ಮಾಜಿ ಮೇಯರ್ ದಿವಾಕರ ಪಾಂಡೇಶ್ವರ, ಮುಡಾ ಅಧ್ಯಕ್ಷ ರವಿಶಂಕರ್ ಮಿಜಾರ್, ವಿವಿಧ ನಿಗಮ ಅಧ್ಯಕ್ಷೆರಾಯಿನ ಹರಿಕೃಷ್ಣ ಬಂಟ್ವಾಳ್, ಸಂತೋಷ್ ಕುಮಾರ್ ರೈ, ನಿತಿನ್ ಕುಮಾರ್, ಮನಪಾ ಆಯುಕ್ತ ಅಕ್ಷಯ್ ಶ್ರೀಧರ್, ಕುದ್ರೋಳಿ ದೇವಸ್ಥಾನದ ಗುರ್ಕಾರ್ಲಾಯಿನ ಎಚ್.ಎಸ್.ಸಾಯಿರಾಮ್, ಅಖಿಲ ಭಾರತ ಬಿಲ್ಲವರ ಯೂನಿಯನ್ ಗುರ್ಕಾರ್ಲಾಯಿನ ನವೀನ್‌ ಚಂದ್ರ ಸುವರ್ಣ ಪಾಲ್ ಪಡೆದಿತ್ತೆರ್ .

ಕುಡ್ಲಡ್ ಆರೆಂಜ್ ಅಲರ್ಟ್ : ನನ 24 ಗಂಟೆ ಬಾರಿ ಬರ್ಸ ಬರ್ಪಿನ ಸಾಧ್ಯತೆ

Apr 14, 2022

ಕುಡ್ಲ , ಏ. 14 : ಕುಡ್ಲದ ಜನ ವರುಣ ದೇವನ ಅಬ್ಬರೊಗು ಪೋಡಿದ್ ಪೋತೆರ್ . ಬುಧವಾರ ಬಯ್ಯ ರ್ದೆ ಇಡೀ ಕುಡ್ಲ ಬೊಕ ಒಡಿಪುಡು ಭಾರೀ ಬರ್ಸ ಬೈದುಂಡು. ಅವ್ವೆತೋ ಲೈಟ್ ಕಂಬ, ಬಜ್ಜಯಿದ ಮರ ಬೂರ್ದುಂಡು.ಕುಡ್ಲದ ಬೊಲ್ತೆರ್ , ಸುಳ್ಯ, ಪುತ್ತೂರು, ಬಂಟ್ವಾಳ ಸೇರಿನಂಚ ಕುಡ್ಲಡ್ ಲಾ ಬಾರಿ ಬರ್ಸ ಬೈದುಂಡು.

ಬೊಲ್ತೆರ್ ದ ಕೊಕ್ಕಡ ಪನ್ಪಿನ ಜಾಗೆಡ್ ಕರೆಂಟ್ ದ ಕಂಬ ಬೂರ್ದು ಗಾಡಿ ಕಮ್ಮಿ ಇತ್ತಿನೆರ್ದಾವರ ಒವ್ವೆ ಅಪಾಯ ಆಯಿಜಿ.ನನ 24 ಗಂಟೆ ಬಾರಿ ಬರ್ಸ ಬರ್ಪಿನ ಸಾಧ್ಯತೆ ಉಪ್ಪುನೆರ್ದಾವರ ಕುಡ್ಲಡ್ ಆರೆಂಜ್ ಅಲರ್ಟ್ ಘೋಷಣೆ ಮಲ್ದೆರ್.

ಕುಡ್ಲಗ್ ಬರಿಯೆರೆ ಉಂಡು “ಸ್ಟಾರ್ ರೇಟ್ “ಸರ್ವೇ ಕೂಟ

Apr 14, 2022

ಲಾಲ್‌ಬಾಗ್‌: ದೇಶಡ್ ಪೇಂಟೆದ ಸ್ವಚ್ಛತೆ ಪರಿಕಲ್ಪನೆದಡಿಟ್ ನಡಪರೆ ಉಪ್ಪುನ ‘ಸ್ವಚ್ಛ ಸರ್ವೇಕ್ಷಣೆ- 2022′ ದ ದುಂಬರಿನ ಭಾಗವಾದ್ ‘ಗಾರ್ಬಜ್‌ ಫ್ರೀ ಸಿಟಿ ಸ್ಟಾರ್‌ ರೇಟಿಂಗ್‌’ ಬಗ್ಗೆ ಅವಲೋಕನೆ ಮಲ್ಪರೆ ಕೇಂದ್ರ ವಸತಿ ಬೊಕ್ಕ ನಗರ ವ್ಯವಹಾರದ ಸಚಿವಾಲಯದ ಸರ್ವೇ ಕೂಟ ಕೆಲವೇ ದಿನಟ್ ಕುಡ್ಲಗ್ ಬರ್ರೆ ಉಂಡು .

ಸ್ವಚ್ಛ ಸರ್ವೇಕ್ಷಣೆಗ್ ಸಂಬಂಧಿ 3 ಹಂತದ ಸರ್ವೇನ್ ಕೇಂದ್ರ ಕೂಟ ಪೇಂಟೆಗ್ ಬತ್ತ್ ದ್ ಮಲ್ಪುಂಡು . ಈ ಪೈಕಿ ಓಡಿಎಫ್‌++ ಸರ್ವೇಕ್ಷಣೆ ಗಾರ್ಬೆಜ್‌’ ಸಮೀಕ್ಷೆನ್ ಫೆ. 18, 19ಗ್ ಕುಡ್ಲಡ್ ಮಲ್ಪರೆ ಉಲ್ಲೆರ್.

Star rating survey team to visit Mangalore.

Lalbagh: The team from central ministry for home and town planning will visit Mangalore shortly as a part of its plan to give rating for the cleanliness of the city in its Garbage free city star rating scheme ” Swach Sarvekshan- 2022″.

The central team under the scheme will visit the city in 3 phases to conduct the survey . It will conduct ODF++ inspection Garbage in Mangalore on the 18th and 19th.

ಕುಡ್ಲದ ವೆಲೆನ್ಸಿಯಾಡ್ ಕೋರಿದ ಅಂಗಡಿದ ಸಿಬ್ಬಂದಿನ ಮಿತ್ತ್ ಹಲ್ಲೆ ಮಲ್ತಿನ ದುಷ್ಕರ್ಮಿಲು

Apr 11, 2022

ಕುಡ್ಲ : ಪೇಂಟೆದ ವೆಲೆನ್ಶಿಯಾ ಜಂಕ್ಷನ್ ಡ್ ಕೋರಿ ಮಾಸ ಮಾರಾಟದ ಅಂಗಡಿದ ಸಿಬ್ಬಂದಿನ ಮಿತ್ತ್ ಮಾರಣಾಂತಿಕ ಹಲ್ಲೆ ನಡಪಾಯಿನ ಆರೋಪದಡಿ ರಡ್ಡ್ ರೌಡಿಶೀಟರ್ ನಕ್ಲೆನ್ ಕುಡ್ಲ ದಕ್ಷಿಣ ಪೊಲೀಸೆರ್ ಐತಾರ ಪತ್ತ್ದೆರ್ .

ಬಂಧಿತ ಆರೋಪಿಲೆನ್ ರೌಡಿ ಶೀಟರ್ ಲಾಯಿನ ಕುಡ್ಲ ಜಲ್ಲಿಗುಡ್ಡೆ ಬಜಾಲ್ ನಿವಾಸಿ ಪ್ರೀತಮ್ ಪೂಜಾರಿ (27 ವ) ಬೊಕ್ಕ ಎಕ್ಕೂರು ನಿವಾಸಿ ಧೀರು ಯಾನೆ ಧೀರಜ್ ಕುಮಾರ್ ( 25 ವ) ಮೆಕ್ಲೆನ್ ಪತ್ತ್ ದೆರ್ .

ಘಟನೆದ ವಿವರ: ಏ.10ಕ್ಕ್ ಬಯ್ಯಗ್ 6.30ಕ್ ಕುಡ್ಲದ ವೆಲೆನ್ಶಿಯಾ ಜಂಕ್ಷನ್ ಕೈತಲ್ ಐಡಿಯಲ್ ಚಿಕನ್ ಅಂಗಡಿದ ಎದುರು ಆರೋಪಿಲು ಸಾರ್ವಜನಿಕಗ್ ಹಲ್ಲೆ ಮಲ್ತೊಂದು ಇತ್ತೆರ್ . ಅವೆನ್ ಅಂಗಡಿ ಸಿಬ್ಬಂದಿಲು ಪ್ರಶ್ನೆ ಮಲ್ತಿನೆಕ್ಕ್ ಆರೋಪಿಲು ಅಂಗಡಿ ಸಿಬ್ಬಂದಿಲಾಯಿನ ಸುನಿಲ್ ಮಾರ್ಡಿ, ಅನಂತ ಬೊಕ್ಕ ಜೀವನ್ ಪನ್ಪಿನರೆಗ್ ಹೆಲ್ಮೆಟ್, ಕಲ್ಲುರ್ದ್ ಹಾಕ್ ದ್ ಗಾಯ ಮಲ್ದೆರ್.

ಉಡುಪಿದ ಸುದ್ದಿ | Udupi News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News

ಸುರತ್ಕಲ್ ಎನ್ಐಟಿಕೆ ಬೀಚ್ ಡ್ ಕುಡ್ಲದ ರಡ್ಡ್ ಜೋಕುಲು ಕಡಲ್ದ ಪಾಲ್

Apr 10, 2022

ಕುಡ್ಲ : ಕುಡ್ಲದ ರಡ್ಡ್ ಜನ ಜೋಕುಲು ಇನಿ ಕಾಂಡೆ ಸುರತ್ಕಲ್ ದ ಎನ್ಐಟಿಕೆ ಬೀಚ್ ಡ್ ಕಡಲ್ ದ ಪಾಲ್ ಆಯಿನ ಘಟನೆ ಇನಿ ಕಾಂಡೆ ನಡತ್oಡ್.

ನೀರ್ ಪಾಲ್ ಆಯಿನ ಜೋಕ್ಲೆನ್ ಕುಡ್ಲ ಮೂಲದ ತೃಷಾ(17), ವೈಷ್ಣವಿ(18) ಪಂದ್ ಗುರ್ತಿಸಾದೆರ್.ಸುರತ್ಕಲ್ ಪೊಲೀಸೆರ್ ಪ್ರಕರಣ ದಾಖಲ್ ಮಲ್ದೆರ್ .

ಕುಡ್ಲ ವಿಧಾನಸಭೆ ಕ್ಷೇತ್ರ: ಕಾಂಗ್ರೆಸ್ ರ್ದ್ ಮಾಜಿ ಶಾಸಕ ಜೆ. ಆರ್. ಲೋಬೊ ಕುಡ ಕಣಕ್ ಜಪ್ಪುವೆರಾ

Apr 8, 2022

ಕುಡ್ಲ : ನನ ದುಂಬುದ ವಿಧಾನಸಭೆ ಚುನಾವಣೆ ಎದುರಿಸಾಯೆರೆ ರಾಜ್ಯದ ಮೂಜಿ ಪ್ರಮುಖ ಪಕ್ಷ ಮೈ ಬುರ್ದು ಕುಲ್ದುಂಡು . ಟಿಕೆಟ್ ಗಾದ್ ಹೋರಾಟ ಕುಡ ಸುರು ಆತುಂಡು.

. ಹಾಲಿ ಶಾಸಕೆರ್ ನೆಟ್ಟ್ ಮಸ್ತ್ ಜನಕ್ ಕುಡ ಅವಕಾಶ ತಿಕ್ಕೆರೆ ಉಂಡು . ಸೋತಿನಕ್ಲೆನೆಟ್ಟ್ ಕೆಲವೆರೆಗ್ ಟಿಕೆಟ್ ತಿಕ್ಕುನ ಸಾಧ್ಯತೆ ಇಜ್ಜಿ . ಆಂಡ ಕುಡ್ಲಡ್ ಕುಡ್ಲದ ದಕ್ಷಿಣ ಕ್ಷೇತ್ರಗ್ ಸಂಬಂಧಿಸಿ ಕಾಂಗ್ರೆಸ್ ರ್ದ್ ಜೆ.ಆರ್. ಲೋಬೊ ಮೆರೆನ್ ಕುಡ ಬರ್ಪಿನ ಸಾಧ್ಯತೆ ಉಂಡು.

ಕುಡ್ಲ

ಕುಡ್ಲಡ್ ಕೋಡೆ ಬಾರಿ ಬರ್ಸ

ಕುಡ್ಲ : ವಿಹಾರ ನೌಕೆಡ್ ಜಾನಪದ ಗೌಜಿ

ಕುಡ್ಲಡ್ ಕವಿತಾ ಫೆಸ್ಟ್ ಲೇಸ್

ಕುಡ್ಲ : ಹಂಪನಕಟ್ಟೆ ಅಪಘಾತ ಪ್ರಕರಣ| ಬಸ್ ಚಾಲಕನ್ ಅರೆಸ್ಟ್ ಮಲ್ತಿನ ಪೊಲೀಸೆರ್

ಕುಡ್ಲದ ಲೇಡಿಹಿಲ್ ಸರ್ಕಲ್ಡ್ ನಾರಾಯಣ ಗುರುಕ್ಲೆನ ಪುದರ್ ಪಲವೆ ಉದಿಪನ

ಕುಡ್ಲಡ್ ಆರೆಂಜ್ ಅಲರ್ಟ್ : ನನ 24 ಗಂಟೆ ಬಾರಿ ಬರ್ಸ ಬರ್ಪಿನ ಸಾಧ್ಯತೆ

ಕುಡ್ಲಗ್ ಬರಿಯೆರೆ ಉಂಡು “ಸ್ಟಾರ್ ರೇಟ್ “ಸರ್ವೇ ಕೂಟ

ಕುಡ್ಲದ ವೆಲೆನ್ಸಿಯಾಡ್ ಕೋರಿದ ಅಂಗಡಿದ ಸಿಬ್ಬಂದಿನ ಮಿತ್ತ್ ಹಲ್ಲೆ ಮಲ್ತಿನ ದುಷ್ಕರ್ಮಿಲು

ಸುರತ್ಕಲ್ ಎನ್ಐಟಿಕೆ ಬೀಚ್ ಡ್ ಕುಡ್ಲದ ರಡ್ಡ್ ಜೋಕುಲು ಕಡಲ್ದ ಪಾಲ್

ಕುಡ್ಲ ವಿಧಾನಸಭೆ ಕ್ಷೇತ್ರ: ಕಾಂಗ್ರೆಸ್ ರ್ದ್ ಮಾಜಿ ಶಾಸಕ ಜೆ. ಆರ್. ಲೋಬೊ ಕುಡ ಕಣಕ್ ಜಪ್ಪುವೆರಾ

You Missed

ರಾಜ್ಯ ಮಟ್ಟದ ಕರಾಟೆ ಪಂತೊಡ್ ಬಂಗಾರ್‌ದ ಪದಕ ಪಡೆತಿನ ಜಿಯಾನ್ ಶೆಟ್ಟಿಗ್ ಸನ್ಮಾನ

ಕತ್ತಲ ಹಾದಿ ಕಿರುಚಿತ್ರ ಬುಡುಗಡೆ

ಬಸ್‌ತ ಚಾರ್ಜ್‌ಲ ಎಚ್ಚಾಂಡ್!

ಮೀನ್‌ದ ಲಾರಿಲೆನ ಮಿತ್ತ್ 604 ಕೇಸ್ : 3.02 ಲಕ್ಷ ರೂ. ದಂಡ ವಸೂಲ್