ಕಟ್ಟಡ ಶಂಕುಸ್ಥಾಪನೆ

ಕಡಬ ತಾಲೂಕು ಪಂಚಾಯತ್ದ ಪೊಸ ಕಟ್ಟಡ ಶಂಕುಸ್ಥಾಪನೆ – ಕೆ.ಎಸ್. ಈಶ್ವರಪ್ಪ ಭೇಟಿ

ಕುಡ್ಲ : ಫೆ.25. ರಾಜ್ಯ ಗ್ರಾಮೀಣಾಭಿವೃದ್ಧಿ ಬೊಕ್ಕ ಪಂಚಾಯತ್ ರಾಜ್ ಸಚಿವೆರಾಯಿನ ಕೆ.ಎಸ್. ಈಶ್ವರಪ್ಪ ಎಲ್ಲೆ (ಫೆ.26) ಕಡಬಗ್ ಬತ್ತ್ ದ್ , ಕಡಬ ತಾಲೂಕು ಪಂಚಾಯತ್ದ ಪೊಸ ಕಟ್ಟಡ ಶಂಕುಸ್ಥಾಪನೆ ಮಲ್ಪರೆ ಉಲ್ಲೆರ್ .

ಕಾಂಡೆ 9 ಗಂಟೆಗ್ ನಡಪರೆ ಉಪ್ಪುನ ತಾಲೂಕು ಪಂಚಾಯತ್ ದ ಪೊಸ ಕಟ್ಟಡದ ಭೂಮಿ ಪೂಜೆ ಲೇಸ್ ಡ್ ರಾಜ್ಯ ಮೀನುಗಾರಿಕೆ ಬಂದರು ಬೊಕ್ಕ ಒಳನಾಡು ಸಾರಿಗೆ ಸಚಿವರಾಯಿನ ಎಸ್.ಅಂಗಾರ, ರಾಜ್ಯ ಧಾರ್ಮಿಕ ದತ್ತಿ ಬೊಕ್ಕ ಮುಜರಾಯಿ ಇಲಾಖೆ ಅಂಚನೇ ‌ದಕ್ಷಿಣ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವರಾಯಿನ ಕೋಟ ಶ್ರೀನಿವಾಸ ಪೂಜಾರಿ, ದಕ್ಷಿಣ ಕನ್ನಡ ಜಿಲ್ಲೆದ ಸಂಸದ ನಳೀನ್ ಕುಮಾರ್ ಕಟೀಲ್, ಕಡಬ ತಾಲೂಕು ಪಂಚಾಯತ್ ಅಧ್ಯಕ್ಷರಾಯಿನ ಕುಮಾರಿ ರಾಜೇಶ್ವರಿ ಕನ್ಯಾಮಂಗಲ ಸೇರಿನಂಚ ಹಲವು ಗಣ್ಯರ್ ಪಾಲ್ ಪಡೆಯರೆ ಉಲ್ಲೆರ್ ಪಂದ್ ತಾಲೂಕು ಪಂಚಾಯತ್ ಪ್ರಕಟಣೆಡ್ ತೆರಿಪಾದೆರ್ .