ಒಡಿಪು ಪುತ್ತೂರು ಬೊಲ್ತೆರ್

ಉತ್ತರ ಭಾರತದ ರಾಜ್ಯೋಡು ಜಾಸ್ತಿ ಆಯಿನ ವಾಯುಮಾಲಿನ್ಯ ಪ್ರಮಾಣ

ಉತ್ತರ ಭಾರತ : ದೇಶಡ್ ವಾಯು ಮಾಲಿನ್ಯ ಪ್ರಮಾಣ ಭೌಗೋಳಿಕವಾದ್ ಜಾಸ್ತಿ ಆತುಂಡು . ಉತ್ತರ ಭಾರತದ ಕೆಲ ರಾಜ್ಯಡ್ ನರಮಾನಿನ ಜೀವಿತಾವಧಿ ಕಮ್ಮಿ ಆಯರೇ ಉಂದು ಕಾರಣ ಪಂದ್ ಪೊಸ ಅಧ್ಯಯನ ಪಂತುಂಡು . ಯೂನಿವರ್ಸಿಟಿ ಆಫ್ ಚಿಕಾಗೋ ತಯಾರ್ ಮಲ್ತಿನ ‘ಏರ್‌ ಕ್ವಾಲಿಟಿ ಲೈಫ್‌ ಇಂಡೆಕ್ಸ್‌’ (ಎಕ್ಯೂಎಲ್‌ಐ) ಪನ್ಪಿನ ಅಧ್ಯಯನ ವರದಿಡ್ ಈ ಕಳವಳಕಾರಿ ಅಂಶ ಉಂಡು .

ಮಹಾರಾಷ್ಟ್ರ ಬೊಕ್ಕ ಮಧ್ಯಪ್ರದೇಶ ರಾಜ್ಯಡ್ ವಾಯುಮಾಲಿನ್ಯ ಪ್ರಮಾಣಡ್ ಬಾರಿ ಜಾಸ್ತಿ ಆತುಂಡು.

ಕುಡ್ಲಡ್ ವೀಕೆಂಡ್ ಕರ್ಫ್ಯೂ ದೆಪ್ಪರೆ ಶಾಸಕ ಕಾಮತ್, ಸಚಿವ ಕೋಟರ್ದ್ ಸಿಎಂಗ್ ಬಿನ್ನಾಪು

ಕುಡ್ಲ : ಕುಡ್ಲಡ್ ವಾರಾಂತ್ಯದ ಕರ್ಫ್ಯೂ ದೆತ್ದ್ ಶಾಸಕ ವೇದವ್ಯಾಸ್ ಕಾಮತ್ ಬೊಕ್ಕ ಸಚಿವ ಕೋಟ ಶ್ರೀನಿವಾಸ್ ಪೂಜಾರಿ ಮೆಕುಲು ಮುಖ್ಯಮಂತ್ರಿ ಬಸವರಾಜು ಬೊಮ್ಮಾಯಿ ಮೆರೆಗ್ ಬಿನ್ನಾಪು ಮಲ್ತೆರ್.

ಕುಡ್ಲ ವಾಣಿಜ್ಯ ವಹಿವಾಟುದ ಕೇಂದ್ರ ಸ್ಥಾನ ಆತುಂಡು . ವಾರಾಂತ್ಯದ ಕರ್ಫ್ಯೂ ದೆಪ್ಪುನೆರ್ದಾವರ ಜನಕುಲು ತಮ್ಮ ದಿನನಿತ್ಯದ ಬೇರ ಮಲ್ಪರೆ ಸಹಕಾರಿ ಆಯೆರೆ ಉಂಡು . ಕೈಗಾರಿಕೋದ್ಯಮ, ವೃತ್ತಿಪರ ನೌಕರೆರ್ , ದಿನಕೂಲಿ ಕೂಲಿ ಕಾರ್ಮಿಕೆರ್ , ಆಟೋ ರಿಕ್ಷಾ ಚಾಲಕೆರ್ , ಬಸ್ ನೌಕರೆರ್, ಎಲ್ಯ ಎಲ್ಯ ಬೇರ ಮಲ್ಪುನಕ್ಲೆಗ್ ವಾರಾಂತ್ಯದ ಕರ್ಫ್ಯೂ ದೆಪ್ಪುನೆರ್ದ್ ಸಾಕಾರ ಆಪುಂಡು ಪಂದ್ ಪಂಡೆರ್.

ಶಿಕ್ಷಕೆರ್ನ ದಿನತ ಮಾನದಿಗೆ ಪಡೆಯುನ ಶಿಕ್ಷಕೆರ್ನ ಪಟ್ಟಿ

ಬೆಂಗ್ಳೂರು : ಶಿಕ್ಷಕೆರ್ನ ದಿನಾಚರಣೆ ನೆಲೆಟ್ಟ್ ಸರ್ಕಾರ ರಾಜ್ಯಮಟ್ಟದ ಉತ್ತಮ ಶಿಕ್ಷಕೆರ್ನ ಪ್ರಶಸ್ತಿ ಪ್ರಕಟ ಮಲ್ದೆರ್ .

ಪ್ರಶಸ್ತಿ ಪಡೆಯಿನ ಪ್ರಾಥಮಿಕ ಶಾಲಾ ಶಿಕ್ಷಕೆರ್:

ಉಮೇಶ್ ಟಿ.ಪಿ- ಚಿತ್ರದುರ್ಗ ಹೇಮಾ ಪಿ.ಅಂಗಡಿ- ಬೆಳಗಾವಿ ಚಂದ್ರು ವೈ- ರಾಯಚೂರು ಪರಮೇಶ್ವರಯ್ಯ- ಬಳ್ಳಾರಿ ಮಾರುತಿ ಭಜಂತ್ರಿ- ಧಾರವಾಡ ಪ್ರಕಾಶ್ ಕೆ.ಎಸ್- ಶಿವಮೊಗ್ಗ ಶಿವಶಂಕರಯ್ಯ- ತುಮಕೂರು ಪಂಚಯ್ಯ ರಾಚಯ್ಯ- ಗದಗ
ಸದಪ್ಪ ಏಳಗಂಟಿ-ಬಾಗಲಕೋಟೆ
ಗೋಪಾಲ ಸ್ವಾಮಿ-ಚಾಮರಾಜನಗರ
ಕೃಷ್ಣಪ್ಪ-ರಾಮನಗರ
ಜಿ.ಎಸ್.ಉಂಕಿ-ಹಾವೇರಿ
ವಿ.ಉಷಾ-ಚಿಕ್ಕಬಳ್ಳಾಪುರ
ಜಮುನಾ-ಬೆಂಗಳೂರು ಉತ್ತರ
ಎಡ್ವರ್ಡ್ ಡಿಸೋಜ-ದಕ್ಷಿಣ ಕನ್ನಡ
ವೆಂಕಟಚಲಯ್ಯ-ಬೆಂಗಳೂರು ಗ್ರಾಮಾಂತರ
ಮಹಾದೇವ-ಮೈಸೂರು
ಸ್ವಾಮಿ-ಮಂಡ್ಯ
ಮಂಗಳ-ದಾವಣಗೆರೆ
ಯಣಪ್ಪ-ಕೊಪ್ಪಳ
ಪ್ರೌಢಶಾಲಾ ಶಿಕ್ಷಕರು ಕಿಶನ್ ರಾವ್-ಕೊಪ್ಪಳ
ನವೀನ್
ರಂಗನಾಥ-ಚಿತ್ರದುರ್ಗ
ಶಿವಕುಮಾರ್-ಚಿಕ್ಕಮಗಳೂರು
ಶಿವಲಿಂಗ-ಬೀದರ
ಸದಾಶಿವಯ್ಯ-ಕೊಡಗು
ಶ್ರೀರಾಮ ಪಟಗಾರ-ಶಿವಮೊಗ್ಗ
ಎಸ್.ನಟರಾಜು- ತುಮಕೂರು
ಶ್ರೀ ಶೈಲ ಅನಿಗೋಳ
ಸದಾಶಿವಯ್ಯ-ಕೊಡಗು
ಶ್ರೀರಾಮ ಪಟಗಾರ-ಶಿವಮೊಗ್ಗ
ಎಂ.ಎಸ್.ನಟರಾಜು- ತುಮಕೂರು
ಸಪನಾ ಶ್ರೀ ಶೈಲ ಅನಿಗೋಳ ಬಾಗಲಕೋಟೆ
ಬಸವರಾಜ ಶರಣಪ್ಪ- ವಿಜಯಪುರ
ಸಂಗೀತಾ.ಕೆ- ಮೈಸೂರು

ಯುನೈಟೆಡ್ ಆಸ್ಪತ್ರೆಡ್ ಕೋವಿಡ್ ಸ್ಪುಟ್ನಿಕ್ ಲಸಿಕೆ

ಕಲಬುರ್ಗಿ: ಪೇಂಟೆದ ಯುನೈಟೆಡ್ ಆಸ್ಪತ್ರೆಡ್ ಕೋವಿಡ್‌ ವಿರುದ್ಧ ರಕ್ಷಣೆ ಕೊರ್ಪಿನಲ್ಪ ಜಾಸ್ತಿ ಪರಿಣಾಮಕಾರಿ ಎನ್ನಿನ ಸ್ಪುಟ್ನಿಕ್ ಲಸಿಕೆನ್ ಕೊರೊಂದು ಉಲ್ಲೆರ್ ಪಂದ್ ಆಸ್ಪತ್ರೆದ ಚೇರಮನ್ ಬೊಕ್ಕ ವ್ಯವಸ್ಥಾಪಕ ನಿರ್ದೇಶಕ ಡಾ. ವಿಕ್ರಂ ಸಿದ್ದಾರೆಡ್ಡಿ ಪಂಡೆರ್ .

ಜಿಲ್ಲಾಡಳಿತದ ಆದೇಶ ಪಾಲಿಸಾಯೆರೆ ವರ್ತಕೆರೆಗ್ ಡಿಸಿ ಸೂಚನೆ

ಕುಡ್ಲ : ಕೋವಿಡ್ ಸೋಂಕು ಪಸರುನೆನ್ ನಿಯಂತ್ರಣ ಮಲ್ಪರೆ ಜಿಲ್ಲಾಡಳಿತ ಕಾಲಕಾಲಗ್ ಕೊರ್ಪಿನ ಆದೇಶಲೆನ್ ಜಿಲ್ಲೆದ ವರ್ತಕೆರ್ ಪಾಲಿಸಾವೊಡು . ಕಾನೂನು ಉಲ್ಲಂಘಿನೆ ಮಲ್ತುಂಡ , ಸೂಕ್ತ ಕ್ರಮ ದೆತೊನುನ ಬಗ್ಗೆ ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ.ವಿ. ಕಟ್ಟುನಿಟ್ಟ್ ದ ಸೂಚನೆ ಕೊರ್ತೆರ್ .

ಬೆಂಗ್ಳೂರು : ಮಾಜಿ ಶಿಕ್ಷಣ ಸಚಿವೆರೆರ್ದ್ ವಿದ್ಯಾಪೀಠ ಪ್ರದಕ್ಷಿಣೆ

ಬೆಂಗ್ಳೂರು : 34 ನೇ ಚಾತುರ್ಮಾಸ್ಯ ವ್ರತಟ್ ಉಪ್ಪುನ ಶ್ರೀ ಪೇಜಾವರ ಶ್ರೀ ವಿಶ್ವಪ್ರಸನ್ನತೀರ್ಥ ಶ್ರೀಪಾದೆರೆನ್ ಮಾಜಿ ಶಿಕ್ಷಣ ಮಂತ್ರಿಎಸ್ ಸುರೇಶ್ ಕುಮಾರ್ ಬೊಡೆದಿ ನೊಟ್ಟುಗು ಬುದವಾರ ಬೆಂಗ್ಳೂರು ಕತ್ರಿಗುಪ್ಪೆದ ಪೂರ್ಣಪ್ರಜ್ಞ ವಿದ್ಯಾಪೀಠಗ್ ಬೈದೆರ್ .

ಈ ಪೊರ್ತುಡು ಅಲ್ಪದ ಶ್ರೀ ಕೃಷ್ಣನ ಗುಡಿ, ಶ್ರೀ ವಿಶ್ವೇಶತೀರ್ಥ ಶ್ರೀಪಾದರ ವೃಂದಾವನನ್ಲ ತೂಯಿನ ಸುರೇಶ್ ಕುಮಾರ್ ಐರ್ದ್ ಬೊಕ್ಕ ವಿದ್ಯಾಪೀಠದುಲಯಿ ಪ್ರದಕ್ಷಿಣೆ ಬತ್ದ್ ಅಲ್ಪದ ಬೇತೆ ಬೇತೆ ತರಗತಿದ ಜೋಕ್ಲೆನೊಟ್ಟುಗು ಪಾತೆರ ನಡಪಾಯೆರ್.

ಬಿಜೆಪಿ ಜಿಲ್ಲಾ ಕಾರ್ಯ ಕೂಟದ ವರ್ಷದ ಸಭೆ

ಬೂತ್ ಸಶಕ್ತೀಕರಣದ ಮುಖೇನ ವಿಸ್ತಾರವಾದ್ ಪಕ್ಷ ಸಂಘಟನೆಡ್ ತೊಡಗಾಲೆ ಪಂದ್ ಸಚಿವ ವಿ.ಸುನೀಲ್ ಕುಮಾರ್ ಪಂಡೆರ್.

ಬಿಜೆಪಿ ಜಿಲ್ಲಾಧ್ಯಕ್ಷ ಕುಯಿಲಾಡಿ ಸುರೇಶ್ ನಾಯಕ್ ಗುರ್ಕಾರ್ಮೆಡ್ ಬಿಜೆಪಿ ಜಿಲ್ಲಾ ಕಛೇರಿಡ್ ನಡತಿನ ಬಿಜೆಪಿ ಜಿಲ್ಲಾ ಕಾರ್ಯ ತಂಡದ ಮಾಸಿಕ ಸಭೆಟ್ ಪಾಲ್ ಪಡೆದ್ ಪಕ್ಷದ ಪದಾಧಿಕಾರಿಲೆನ್ ಉದ್ದೇಶಿಸಾದ್ ಪಾತೆರಿಯೆರ್ .

ಜನಪ್ರತಿನಿಧಿಲು ಬೊಕ್ಕ ಮಹಾ ಶಕ್ತಿಕೇಂದ್ರ, ಶಕ್ತಿಕೇಂದ್ರ, ಬೂತ್ ಸಹಿತ ಪಕ್ಷದ ಬೇತೆ ಬೇತೆ ಸ್ತರದ ಸಂಘಟನಾತ್ಮಕ ಕೂಟದ ನಡುತ ಸಂಬಂಧನ್ ಸದೃಢ ಮಲ್ಪುನ ಬೇಲೆ ಆವೊಡು ಪಂದ್ ಪಂಡೆರ್.

ಕೊಡವೂರು: ವಿಪ್ರಶ್ರೀ ಕಟ್ಟಡ ವಿಸ್ತರಣೆಗ್ ಭೂಮಿ ಪೂಜೆ

ಒಡಿಪು : ಬ್ರಾಹ್ಮಣ ಮಹಾಸಭಾ ಕೊಡವೂರು, ರಜತೋತ್ಸವದ ನೆಂಪುಗಾದ್ ಅಂಚನೇ ಶಾಶ್ವತ ಕಾರ್ಯಕ್ರಮವಾದ್ ತನ್ನ ಸ್ವಂತ ಕಟ್ಟಡ “ವಿಪ್ರಶ್ರೀ ಸಾಂಸ್ಕೃತಿಕ ಕಲಾಭವನದ” ವಿಸ್ತರಣೆ ಬೊಕ್ಕ ನವೀಕರಣದ ಯೋಜನೆನ್ ಪಾಡ್ದೆರ್ , ಕಾಮಗಾರಿದ ಉದಿಪನದ ಪ್ರಯುಕ್ತ ವೇದ ಮೂರ್ತಿ ಕಂಬಳಕಟ್ಟ ಶ್ರೀ ರಾಧಾಕೃಷ್ಣ ಉಪಾಧ್ಯಾಯೆರ್ನ ಮುತಾಲಿಕೆಡ್ ಭೂಮಿಪೂಜೆ ನಡತುಂಡು.

ಈ ಪೊರ್ತುಡು ರಜತೋತ್ಸವ ಸಮಿತಿದ ಕಾರ್ಯಾಧ್ಯಕ್ಷ ಮಂಜುನಾಥ ಭಟ್, ಪ್ರಧಾನ ಕಾರ್ಯಂತೆರಾಯಿನ ಚಂದ್ರಶೇಖರ್ ರಾವ್, ಕಾರ್ಯಂತೆರಾಯಿನ ಅನಂತ ಭಟ್, ಶ್ರೀನಿವಾಸ ಬಾಯರಿ ಬೊಕ್ಕ ಮುರಳೀಧರ್, ಕೋಶಾಧಿಕಾರಿ ಶ್ರೀಧರ ಶರ್ಮ ಬೊಕ್ಕ ಪದಾಧಿಕಾರಿಲಾಯಿನ ರಮಾಧವ ಶರ್ಮ, ಲಕ್ಷ್ಮೀನಾರಾಯಣ ಭಟ್, ಶ್ರೀನಿವಾಸ ಉಪಾಧ್ಯ, ಗೋವಿಂದ ಐತಾಳ್, ಪ್ರಸಾದ್ ಭಟ್, ಶಾಂತಾರಾಮ್ ಭಟ್, ಪ್ರಸನ್ನ ಕೊಡವೂರು, ಉಮೇಶ್ ರಾವ್, ಕಿರಣ್ ರಾವ್, ಮಾಧವ ಭಟ್ ಪಾಲ್ ಪಡೆದಿತ್ತೆರ್.

ಡಯನಾ ವಿಠಲ್ ಪೈ ಮುತಾಲಿಕೆದ ಲಯನ್ಸ್ ಕ್ಲಬ್ ಒಡಿಪುದ ಪದಪ್ರಧಾನ

ಒಡಿಪು : ಲಯನ್ಸ್ ಸಂಸ್ಥೆ ಸಾರ್ವಜನಿಕ ಸಂಪರ್ಕ, ಸಮಾಜ ಸೇವೆ ಬೊಕ್ಕ ವ್ಯಕ್ತಿತ್ವ ವಿಕಸನಗ್ ವಿಪುಲ ಅವಕಾಶ ಕೊರ್ಪುಂಡು ಪಂದ್ ಮಾಜಿ ಲಯನ್ಸ್ ಜಿಲ್ಲಾ ಗವರ್ನರ್ ಬೊಕ್ಕ ಲಯನ್ಸ್ ಜಿಲ್ಲೆ 317 ಸಿಯ ಮೆಂಟರ್ ಜಯಕರ್ ಶೆಟ್ಟಿ ಇಂದ್ರಾಳಿ ಪಂಡೆರ್ .

ಪ್ರತಿಷ್ಠಿತ ಲಯನ್ಸ್ ಕ್ಲಬ್ ಒಡಿಪುದ ಪೊಸ ಗುರ್ಕಾರ್ ಲಾಯಿನ ಡಯನಾ ಎಂ.ವಿಠಲ್ ಪೈ, ಕಾರ್ಯಂತೇರಾದ್ ಪಿ. ವಿಷ್ಣುದಾಸ್ ಪಾಟೀಲ್, ಕೋಶಾಧಿಕಾರಿಯಾದ್ ಶ್ರೀಧರ ಭಟ್ ಬೊಕ ಅಕ್ಲೆನ ಕೂಟದ ಪದಪ್ರಧಾನ ಲೇಸ್ ಡ್ ಪದಗ್ರಹಣ ಅಧಿಕಾರಿಯಾದ್ ಪಾತೆರಿಯೆರ್ .

ಪೊಸ ಸದಸ್ಯೆರಾದ್ ಸೇರ್ಪಡೆಯಾಯಿನ ಅತುಲ್ ಎಂ. ಭಕ್ತ, ಅಬ್ದುಲ್ ಇಲಿಯಾಸ್ ಬೊಕ್ಕ ರಾಮದಾಸ್ ಪ್ರಭುಗು ಜಯಕರ್ ಶೆಟ್ಟಿ ಇಂದ್ರಾಳಿ ಪ್ರತಿಜ್ಞಾ ವಿಧಿ ಬೋಧನೆ ಮಲ್ತೆರ್ .