2023

A Soldier from Bangalore dies of a heart attack at Bhopal ಭೋಪಾಲ್ ಡ್ ತಿಗಲೆ ಬೇನೆಡ್ ತೀರ್ ಪೋಯೆರ್ ಕುಡ್ಲದ ಯೋಧೆ

ಕುಡ್ಲ: ಮಧ್ಯಪ್ರದೇಶದ ಭೋಪಾಲಡ್ ಬೇಲೆಡ್ ಇತ್ತಿನ ಕುಡ್ಲದ ಶಕ್ತಿನಗರ ನಿವಾಸಿ ಯೋಧೆ ಮುರಲೀಧರ ರೈ(37) ತಿಗಲೆ ಬೇನೆಡ್ ತೀರ್ ಪೋಯಿನ ಘಟನೆ ನಡತ್ಂಡ್.

ಮೆರೆನ ಪಾರ್ಥಿವ ಶರೀರನ್ ಅಂಗಾರೆ ಕುಡ್ಲ ಇಮಾನ ನಿಲ್ದಾಣಗ್ ಕೊನೊಬೈದೆರ್. ಬೊಕ್ಕ ನಿಲ್ದಾಣದ ಆವರಣಡ್ ದಕ್ಷಿಣ ಕನ್ನಡ ಜಿಲ್ಲಾಡಳಿತದ ಸರ್ಕಾರದ ವತಿರ್ದ್ ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ರವಿಕುಮಾರ್ ಎಂ.ಆರ್‌ ಸೇರ್ದ್ ಅಧಿಕಾರಿಲು ಪಾಲ್ ಪಡೆದ್ ಗೌರವ ಸಂದಾಯೆರ್. ಬೊಕ್ಕ ಎ.ಜೆ ಆಸ್ಪತ್ರೆದ ಶವಗಾರಗ್ ಯೋಧನ ಪಾರ್ಥಿವ ಶರೀರನ್ ಕೊನೊತೆರ್.

A Soldier from Bangalore dies of a heart attack at Bhopal

Mangalore: The soldier has been identified as Muralidhar Rai (37) from Shaktinagar.His mortal remains were brought to Mangalore on Tuesday were the DC Ravikumar M R and others paid their last respects.

India wins the third one day match against Newzealand ನ್ಯೂಜಿಲ್ಯಾಂಡ್ ದ ವಿರುದ್ಧ 3ನೇ ಒಂಜಿದಿನತ್ತ ಪಂತೊಡ್ ಗೆಂದಿನ ಭಾರತ

ಇಂದೋರ್: ನ್ಯೂಜಿಲೆಂಡ್ ದ ಮಿತ್ತ್ ಅಕೇರಿದ ಬೊಕ್ಕ ಮೂಜಿನೇ ಏಕದಿನ ಪಂತೊಡು 90 ರನ್ ದ ಅಂತರಡ್ ಭಾರತ ಗೆಂದ್ ದ್ಂಡ್. ನೆತ್ತೊಟ್ಟಿಗೆ ಏಕದಿನ ಐಸಿಸಿ ರ‍್ಯಾಕಿಂಗ್ ಡ್ ಮಲ್ಲ ತಾನಗ್ ಏರ್ ದ್ಂಡ್.

ಸುರುಕು ಬ್ಯಾಟಿಂಗ್ ಮಲ್ತಿನ ಟೀಂ ಇಂಡಿಯಾದ ಪರ ನಾಯಕೆ ರೋಹಿತ್ ಶರ್ಮಾ 101, ಶುಭ್ ಮನ್ ಗಿಲ್ 112 ರನ್, ವಿರಾಟ್ ಕೊಹ್ಲಿ 36, ಇಶಾನ್ ಕಿಶಾನ್ 14, ಹಾರ್ದಿಕ್ ಪಾಂಡ್ಯ (54) ರನ್, ವಾಷಿಂಗ್ಟನ್ ಸುಂದರ್ 9, ಶಾರ್ದೂಲ್ ಠಾಕೂರ್ 25, ಕುಲದೀಪ್ ಯಾದವ್ 3, ಉಮ್ರಾನ್ ಮಲ್ಲಿಕ್ 2 ರನ್ ಗಲಸುನ ಮುಖೇನ ಒಟ್ಟು 50 ಓವರ್ ಡ್ 9 ವಿಕೆಟ್ ನಷ್ಟಡ್ 385 ರನ್ ಗಲಸಿಯೆರ್. ನ್ಯೂಜಿಲೆಂಡ್ ದ 41. 2 ಓವರ್ ಡ್ 295 ರನ್ ಡ್ ಆಲೌಟ್ ಮಲ್ಪುನ ಮುಖೇನ ಭಾರತ 90 ರನ್ ದ ಅಂತರಡ್ ಗೆಂದ್ಂಡ್.

India wins the third one day match against Newzealand

Indore: India winby 90 runs in the third one day match against Newzealand.It has advanced in the ICC one ranking.

Chris Hipkins takes oath as the new Prime minister of Newzealand ನ್ಯೂಜಿಲೆಂಡ್‌ದ ಪೊಸ ಪ್ರಧಾನಿಯಾದ್ ಕ್ರಿಸ್ ಹಿಪ್ಕಿನ್ಸ್ ಪ್ರಮಾಣ

ವೆಲ್ಲಿಂಗ್ಟನ್: ನ್ಯೂಜಿಲೆಂಡ್‌ದ 41 ನೇ ಪ್ರಧಾನ ಮಂತ್ರಿಯಾದ್ ಲೇಬರ್ ಪಾರ್ಟಿದ ನಾಯಕೆ ’ಕ್ರಿಸ್ ಹಿಪ್ಕಿನ್ಸ್ ’ಬುಧಾರ ಪ್ರಮಾಣ ವಚನ ಸ್ವೀಕಾರ ಮಲ್ತೆರ್.

ಬೊಕ್ಕ ಮೇರ್ ಆರ್ಥಿಕತೆದ ಮಿತ್ತ್ ಗೇನ ಕೊರ್ಪಿನ ಬೊಕ್ಕ ಕಾಸ್ ದ ಸಮಸ್ಯೆನ್ ಸರಿ ಮಲ್ಪುನ ಭರವಸೆ ಕೊರಿಯೆರ್. 2008 ಟ್ ಮೇರ್ ಸಂಸತ್ತ್ ಡ್ ಸುರುತ ಸರ್ತಿ ಆಯ್ಕೆ ಆತೆರ್. ಬೊಕ್ಕ ಪೊಲೀಸ್, ಶಿಕ್ಷಣ ಬೊಕ್ಕ ಸಾರ್ವಜನಿಕ ಸೇವೆದ ಸಚಿವೆರಾದಿತ್ತೆರ್.

Chris Hipkins takes oath as the new Prime minister of Newzealand

Wellington: Chris Hipkins (44) takes oath as the 41 st PM of Newzealand.
He built a reputation as the minister who led Newzealand’s covid 19 strategy.

He had become an MP for the first time in 2008.Represting the Labour party he has promised to bring in economic reforms .

Parents role immense in making a child into a responsible citizen – Thomas M M ಒರಿ ಕಲ್ಪಾರ್ಥಿ ಪ್ರಜ್ಞಾವಂತ ನಾಗರಿಕೆಯಾದ್ ಬದ್ ಕರೆ ಅಪ್ಪೆಅಮ್ಮೆ, ಶಿಕ್ಷಕೆರೆನ ಪಾತ್ರ ಮಹತ್ವವಾಯಿನವು: ತೋಮಸ್ ಎಂ.ಎಂ.

ಬೊಲ್ತೇರ್: ಜೋಕುಲೆನ ಶಿಕ್ಷಣ ಇಲ್ಲರ್ದ್ ಸುರು ಆಪುಂಡು ಬೊಕ್ಕ ಶಾಲೆದ ಶಿಕ್ಷಣರ್ದ್ ವ್ಯಕ್ತಿತ್ವ ಬರ್ಪುಂಡು. ಒರಿ ಕಲ್ಪಾರ್ಥಿ ಪ್ರಜ್ಞಾವಂತ ನಾಗರಿಕೆಯಾದ್ ಸಮಾಜಡ್ ಬದ್ ಕರೆ ಪೋಷಕೆರೆನ ಬೊಕ್ಕ ಶಿಕ್ಷಕೆರೆನ ಪಾತ್ರ ಮಹತ್ವವಾಯಿನವು ಪಂದ್ ಮಗಳು ಕನ್ನಡ ಪಿಕ್ಚರ್ ದ ನಿರ್ದೇಶಕೆರ್ ತೋಮಸ್ ಎಂ.ಎಂ. ಪಂಡೆರ್.

ಮೇರ್ ಬೊಲ್ತೇರ್ ಸರಕಾರಿ ಮಾದರಿ ಹಿ.ಪ್ರಾ. ಶಾಲೆಡ್ ಮಗಳು ಪಿಕ್ಚರ್ ದ ತಂಡದೊಟ್ಟಿಗೆ ಕಲ್ಪಾರ್ಥಿಲು ಬೊಕ್ಕ ಪೋಷಕೆರೆನೊಟ್ಟಿಗೆ ನಡತಿನ ಸಂವಾದ ಲೇಸ್ ಡ್ ಪಾತೆರಿಯೆರ್. ಎಲ್ಯೆಡ್ ಜೋಕುಲು ತಪ್ಪು ತಾದಿ ಪತ್ತ್ ನಗ ಸರಿ ತಾದಿಗ್ ಕನಯೆರೆ ಅವಕಾಶ ಇಪ್ಪುಂಡು. ಸಮಾಜಡ್ ಎದುರಾಪುನ ಸವಾಲುಲೆನ್ ಎದುರಿಸಾವೊನ ಅನುಭವದ ಅಗತ್ಯ ಉಂಡು. ಶಿಕ್ಷಣಡ್ ಜೋಕುಲು ಎದುರಿಸಾವುನ ಸವಾಲುಲೆನ್ ಮಗಳು ಚಿತ್ರಡ್ ತೂಪಾಯೆರೆ ಆತ್ಂಡ್, ಸವಾಲ್ ಲೆನ್ ಎದುರಿಸಾದ್ ಬದುಕುನ ಒಂಜಿ ಮಗಳ್ ಕುಟುಂಬಗ್ ಬೊಕ್ಕ ಸಮಾಜಗ್ ವಾಹ ರೀತಿ ಬೊಲ್ಪು ಕೊರ್ಪಲ್ ಪನ್ಪುನೆನ್ ಈ ಪಿಕ್ಚರ್ ಡ್ ತೊಜಿಪಾದ್ಂಡ್ ಪಂದ್ ಪಂಡೆರ್.

ಈ ಪೊರ್ತುಡು ಶಾಲಾಭಿವೃದ್ಧಿ ಸಮಿತಿದ ಅಧ್ಯಕ್ಷೆರ್ ನೀನಾ ಕುಮಾರ್, ಸದಸ್ಯೆರ್ ಉಸ್ಮಾನ್ ಬಿ., ಅಬ್ದುಲ್ ಲತೀಫ್, ಚರಣ್ ಕುಮಾರ್, ಅಶ್ವಿನಿ, ಉಷಾ ಬೊಕ್ಕ ಶಿಕ್ಷಕೆರೆನ ವೃಂದ ಇತ್ತೆರ್. ಮುಖ್ಯ ಶಿಕ್ಷಕೆರ್ ಸುರೇಶ್ ಎಂ. ಎದ್ಕೊಂದು, ಸೊಲ್ಮೆ ಸಂದಾಯೆರ್.

Parents role immense in making a child into a responsible citizen – Thomas M M

Beltangady: ” Along with schooling the parents also play an important role in the all round development of a student’s personality.” said M A Thomas the director of the Kannada movie ‘ Magalu’.

He was attending a interactive meeting with his team with the students and parents of Government higher primary school, Beltangady.

Radio Manipal – Shudda Jala, Swatcha Nela- series on community health ರೇಡಿಯೋ ಮಣಿಪಾಲ್ ಡ್ ಶುದ್ಧ ಜಲ, ಸ್ವಚ್ಛ ನೆಲ ಜಲ ಸರಣಿ ಲೇಸ್ ಡ್ ಸ್ವಚ್ಛತೆದ ಪೊಲಬು

ಮಣಿಪಾಲ: ರೇಡಿಯೋ ಮಣಿಪಾಲ್ 90.4 mhz, ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಜ.24 ಅಂಗಾರೆ ಬಯ್ಯಗ್ 6 ಗಂಟೆಗ್ ಮಹಿಳಾ ಸ್ವಚ್ಛಾಗ್ರಹಿಲು ಬೊಕ್ಕ ಸ್ವಚ್ಚತೆದ ಬಗೆಟ್ ಪ್ರಸಾರ ಆಂಡ್.

ಈ ಲೇಸ್ ಡ್ 80 ಬಡಗುಬೆಟ್ಟು ಎಸ್. ಎಲ್. ಆರ್. ಎಂ ಘಟಕದ ಮೇಲ್ವಿಚಾರಕೆರ್ ಶ್ರೀದೇವಿ ಪಾಲ್ ಪಡೆಯೆರ್. ಜ.25ಕ್ ಮಧ್ಯಾಹ್ನ 2 ಗಂಟೆಗ್ ಮರುಪ್ರಸಾರ ಆಪುಂಡು.

Let us work sincerely for the development of Tulu culture and language -A C Bandhari ತುಳು ಭಾಷೆ ಸಂಸ್ಕೃತಿ, ಅಭಿವೃದ್ಧಿಗ್ ಒಂಜೇ ಮನಸ್ ಡ್ ಬೇಲೆ ಮಲ್ಪುಗ: ಎ.ಸಿ ಭಂಡಾರಿ

ತುಳು ಭಾಸೆ ಸಂಸ್ಕೃತಿ, ಅಭಿವೃದ್ಧಿಗ್ ನನದ ಕಾಲಡ್ ಸಮಾನ ಮನಸ್ಕೆರೆನ ಕೂಟರ್ದ್ ಒಕ್ಕೂಟಡ್ ನಿರಂತರ ಲೇಸ್ ನ್ ಆಯೋಜನೆ ಮಲ್ದ್ಂಡ್. ಈ ದಿಟ್ಟಿಡ್ ಜಿಲ್ಲೆ, ರಾಜ್ಯಡ್ ಇಪ್ಪುನ ಮಾತ ತುಳು ಘಟಕಲು ನಮ್ಮೊಟ್ಟಿಗೆ ಕೈ ಜೋಡಿಸಾವೊಡು ಪಂದ್ ಅಖಿಲ ಭಾರತ ತುಳು ಒಕ್ಕೂಟದ ಪೊಸ ಅಧ್ಯಕ್ಷೆರ್ ಎ.ಸಿ. ಭಂಡಾರಿ ಪಂಡೆರ್.

ಮೇರ್ ಕಾವೂರು ಮುಗ್ರೋಡಿ ಎನ್ ಕ್ಲೇವ್ ದ ಒಕ್ಕೂಟದ ಚಾವಡಿಡ್ ನಡತಿನ ಪದಗ್ರಹಣ ಲೇಸ್ ಡ್ ಪಾತೆರಿಯೆರ್. ದೇಶಡ್ ಕೊರೊನಾ ಬೊಕ್ಕ ಬೇತೆ ಬೇತೆ ಕಾರಣರ್ದ್ ಉಂತಿನ ಒಕ್ಕೂಟದ ಬೇಲೆನ್ ಕೂಡ ಸುರು ಮಲ್ತ್ ದ್, ಜಿಲ್ಲೆ ರಾಜ್ಯಡ್ ಸಂಘಟನೆನ್ ಗಟ್ಟಿ ಮಲ್ಪರೆ ಲೇಸ್ ಲೆನ್ ಅಟ್ಟಣೆ ಮಲ್ಪೆರೆ ಉಂಡು ಪಂದ್ ಪಂಡೆರ್.
ಉಪಾಧ್ಯಕ್ಷೆರ್ ಇಂದ್ರಾಳಿ ಜಯಕರ ಶೆಟ್ಟಿ ಮೇರ್ ಪಾತೆರ್ದ್, ಎ.ಸಿ ಭಂಡಾರಿ ಮೇರ್ ಸರಳ ಸಜ್ಜನಿಕೆದ ಪೆರಿಯ ಆಡಳಿತಗಾರೆ, ಅತ್ತಂದೆ ಸುಮಾರ್ ವರ್ಷೋರ್ದಿಂಚ ತುಳು ಸಂಘ ಸಂಸ್ಥೆದೊಟ್ಟಿಗೆ ಬೆಂದ್ ದ್, ತುಳು ಭಾಷೆಗ್ ಮಲ್ಲ ಕೊಡುಗೆನ್ ಕೊರ್ತೆರ್. ಮೆರೆನ ಕಾಲಡ್ ತುಳುವೆರ್ ಏಪಲ ನೆಂಪು ದೀಪುನ ಲೇಸ್ ನಡಪಡ್ ಪಂದ್ ಎಡ್ಡೆಪ್ಪು ಬಯಕಿಯೆರ್. ಈ ಪೊರ್ತುಡು ಉಪಾಧ್ಯಕ್ಷೆರ್ ದಾಮೋದರ ನಿಸರ್ಗ, ವಿಜಯಲಕ್ಷ್ಮೀ ಬಿ ಶೆಟ್ಟಿ, ತಾರನಾಥ್ ಶೆಟ್ಟಿ ಬೋಳಾರ್, ಪ್ರಧಾನ ಕಾರ್ಯದರ್ಶಿ ಮೂಲ್ಕಿ ಕರುಣಾಕರ ಶೆಟ್ಟಿ, ಕೋಶಾಧಿಕಾರಿ ಎಂ. ಚಂದ್ರಹಾಸ ದೇವಾಡಿಗ, ಜತೆ ಕಾರ್ಯದರ್ಶಿ ಪಿ.ಎ ಪೂಜಾರಿ, ಹರೀಶ್ ನೀರುಮಾರ್ಗ, ಸಂಘಟನಾ ಕಾರ್ಯದರ್ಶಿ ರಾಜೇಶ್ ಆಳ್ವ, ಸಮಿತಿದ ಸದಸ್ಯೆರ್ ಮೋಹನದಾಸ್ ಹಿರಿಯಡ್ಕ, ಜಯಂತಿ ಬಂಗೇರ, ಗಂಗಾಧರ ಕಿರಿಯೂರು, ಪ್ರದೀಪ್ ಆಳ್ವ, ಸುಕಲಾಕ್ಷಿ ಸುವರ್ಣ ಇತ್ತೆರ್.‌

Let us work sincerely for the development of Tulu culture and language -A C Bandhari

” Let us all unitedly and sincerely work for the development of Tulu language and culture.As a association let us organise programs with input from district, state level units ” said A C Bandhari the new president of Akila Baratha Tulu Okkutha.

Vice president Indrali Jayakar Shetty said that A C Bandhari as the new president was well interactive with different Tulu organization and experienced in organising programs for the betterment of Tulu language.

Many other well wishers of Tulu language participated in the program.

Felicitation to new bishop Right Reverend Hemachandra Kumar ಪೊಸ ಬಿಷಪ್ ಆಯಿನ ರೈಟ್ ರೆವರೆಂಡ್ ಹೇಮಚಂದ್ರ ಕುಮಾರ್ ಮೆರೆನ ಅಭಿನಂದನೆ ಲೇಸ್

ಚರ್ಚ್ ಆಫ್ ಸೌತ್ ಇಂಡಿಯಾ, ಕರ್ನಾಟಕ ಸದನ್ ಡಯಾಸಿಸ್ ನೆತ್ತ ಪೊಸ ಬಿಷಪ್ ಆಯಿನ ರೈಟ್ ರೆವರೆಂಡ್ ಹೇಮಚಂದ್ರ ಕುಮಾರ್ ಮೆರೆನ್, ಹಳೆಯಂಗಡಿ ಸಿಎಸ್ಐ ಅಮ್ಮನ್ ಮೆಮೋರಿಯಲ್ ಚರ್ಚ್ ದ ಸಭಾ ಪರಿಪಾಲನ ಸಮಿತಿದ ವತಿರ್ದ್ ಅಭಿನಂದನೆ ಮಲ್ತೆರ್.

ಈ ಪೊರ್ತುಡು ನಿಯೋಗಡ್ ಸಭಾ ಪಾಲಕೆರಾಯಿನ ರೆವೆರೆಂಡ್ ವಿನಯ ಲಾಲ್ ಬಂಗೇರ, ಸಮಿತಿದ ಆಸ್ಟಿನ್ ಕರ್ಕಡ, ವಸಂತ ಬರ್ನಾಡ್, ಶರ್ಲಿ ಬಂಗೇರ, ಲಾವಣ್ಯ ಕೋಟ್ಯಾನ್, ಜೇಮ್ಸ್ ಕರ್ಕಡ ಬೊಕ್ಕ ಸಿಡ್ನಿ ಕರ್ಕಡ ಇತ್ತೆರ್.

Felicitation to new bishop Right Reverend Hemachandra Kumar

Church of South India, Karnataka Sadan Diocese felicitated the new bishop Rev Hemachandra Kumar at CSI Amman memorial Church.

Rev Vinaylal Bangera, AustinKarkera Vasant Bernerd, James Karkera, Lavanya Kotian were present on the occasion.,

January 29: A eye check up camp organised in Bappanadu in memory of Sri Satya Sai Baba’s visit here ಜ.29: ಬಪ್ಪನಾಡ್ ಗ್ ಶ್ರೀ ಸತ್ಯಸಾಯಿ ಬಾಬಾ ಬೈದಿನ ನೆಂಪುಗಾದ್ ಕಣ್ಣ್ ಪರೀಕ್ಷೆ, ಚಿಕಿತ್ಸೆ ಶಿಬಿರ

ಮುಲ್ಕಿ : ಶ್ರೀ ಸತ್ಯಸಾಯಿ ಬಾಬಾ ಮೇರ್ 29-1-1979 ಕ್ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಗ್ ಭೇಟಿ ಕೊರ್ತಿನ ಸಬಿ ನೆಂಪುಗಾದ್ ಸಾರ್ವಜನಿಕೆರೆಗ್ ಧರ್ಮಾರ್ಥ ಕಣ್ಣ್ ದ ಪರೀಕ್ಷೆ ಬೊಕ್ಕ ಚಿಕಿತ್ಸೆ ಶಿಬಿರನ್ ಅಟ್ಟಣೆ ಮಲ್ದೆರ್.

ಬಪ್ಪನಾಡ್ ದೇವಲ್ಯದ ಅನ್ನಪೂರ್ಣೇಶ್ವರಿ ಹಾಲ್ ಡ್ ಜ.29 ಐತಾರ ಬೊಲ್ಪುಗು 9 ಗಂಟೆರ್ದ್ 12:30 ಮುಟ್ಟ ಶಿಬಿರ ನಡಪರೆ ಉಂಡು. ಅಂಚೆನೆ ಭಜನಾ ಕಾರ್ಯಕ್ರಮ, ಶ್ರೀ ಸತ್ಯನಾರಾಯಣ ಪೂಜೆ, ದೊಡ್ಡರಂಗ ಪೂಜೆ ನಡಪರೆ ಉಂಡು. ಈ ಲೇಸ್ ದ ಉದಿಪನನ್ ಶ್ರೀ ಕ್ಷೇತ್ರ ಬಪ್ಪನಾಡ್ ದ ಅನುವಂಶಿಕ ಮೊಕ್ತೇಸರೆರ್, ಮುಲ್ಕಿ ಸೀಮೆದ ಅರಸುಲು ದುಗ್ಗಣ್ಣ ಸಾವಂತೆರ್ ಮಲ್ಪುವೆರ್. ಮಲ್ಲ ಬಿನ್ನೆರಾದ್ ಕನ್ನಡ ಸಾಹಿತ್ಯ ಪರಿಷತ್ ದ ಮಾಜಿ ಅಧ್ಯಕ್ಷೆರ್ ಧರ್ಮದರ್ಶಿ ಡಾ. ಹರಿಕೃಷ್ಣ ಪುನರೂರು ಬರಿಯೆರೆ ಉಲ್ಲೆರ್. ಬಪ್ಪನಾಡ್ ದೇವಲ್ಯದ ಆಡಳಿತ ಮೊಕ್ತೇಸರೆರ್ ಮನೋಹರ ಶೆಟ್ಟಿ, ಕಾರ್ಯನಿರ್ವಹಣಾಧಿಜಕಾರಿ ಪಿ.ಜಯಮ್ಮ ಲೇಸ್ ಡ್ ಪಾಲ್ ಪಡೆವೆರ್. ಕಣ್ಣ್ ಪರೀಕ್ಷೆ ಮಲ್ತಿ ಬೊಕ್ಕ ಅಗತ್ಯ ಇತ್ತಿನಕ್ಲೆಗ್ ಕುಡ್ಲದ ಸರಕಾರಿ ಜಿಲ್ಲಾ ವೆನ್ಲಾಕ್ ಆಸ್ಪತ್ರೆಡ್ ಆಪರೇಶನ್ ಮಲ್ಪುವೆರ್. ಆಪರೇಶನ್ ಬನ್ನಗ 2 ದಿನಕ್ ಬೋಡಾಯಿನ ತುತ್ತೈತ , ವನಸ್ ದ ಬಟ್ಟಲ್, ಲೋಟೆ ಬೊಕ್ಕ ಸಕಾಯ ಮಲ್ಪರೆ ಒಂಜಿ ಜನನ್ ಲೆತೊಂದು ಬರೊಡು ಪಂದ್ ಶಿಬಿರ ಬೊಕ್ಕ ಕಾರ್ಯಕ್ರಮ ದ ಅಟ್ಟಣೆ ಮಲ್ದಿನ ಬಪ್ಪನಾಡು ದುರ್ಗಾ ಪಾರಾಯಣ ಗ್ರೂಪ್ ದಕುಲು ಬೊಕ್ಕ ಒಡೆಯರಬೆಟ್ಟು ವಿವೇಕ ಜಾಗೃತ ಬಳಗದಕುಲು ಲೆಪ್ಪೋಲೆಡ್ ತೆರಿಪಾದೆರ್.

January 29: A eye check up camp organised in Bappanadu in memory of Sri Satya Sai Baba’s visit here

Mulki: Sri Satya Sai Baba had visited Sri Durga parameshwari temple in Bappanadu on
29-01-1979. In memory of this memorable day a free eye check up camp will be organised here.

The camp will be inaugurated by the hereditary trustee of the temple Sri Duganna Sawanta of Mulki Aramane.