ಮಣಿಪಾಲ: ರೇಡಿಯೊ ಮಣಿಪಾಲ್ 90.4 mhz, ಡ್ ಒಡಿಪು ಪೂರ್ಣಪ್ರಜ್ಞ ಕಾಲೇಜ್ ದ ಹಿಂದಿ ವಿಭಾಗದ ಕಲ್ಪಾರ್ಥಿಲೆರ್ದ್ ವೈವಿಧ್ಯಮಯ ಲೇಸ್ ಜ.27 ಶುಕ್ರಾರ ಬಯ್ಯಗ್ 4.15 ಕ್ ಪ್ರಸಾರ ಆಂಡ್.
ಜ.28 ಸನಿಯಾರ ಮಧ್ಯಾಹ್ನ 12.15 ಕ್ ಮರುಪ್ರಸಾರ ಆಪುಂಡು.
ಬೊಲ್ತೇರ್: ಅಳದಂಗಡಿ ಬಡಗ ಕಾರಂದೂರುದ ಶ್ರೀ ಮಹಾಗಣಪತಿ ದೇವಲ್ಯಡ್ ಶ್ರೀ ಮಹಾಗಣಪತಿ ನವೀಕರಣ ಪುನರ್ ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಫೆ.4 ರ್ದ್ 9 ಮುಟ್ಟ ನಡಪರೆ ಉಂಡು.
ಈ ಲೇಸ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ ವೀರೇಂದ್ರ ಹೆಗ್ಗಡೆ ಮೆರೆನ ಮಾರ್ಗದರ್ಶನಡ್ ಕೆ.ಅನಂತಪದ್ಮನಾಭ ಉಪಾಧ್ಯಾಯ ಮೆರೆನ ಮುತಾಲಿಕೆಡ್, ನಡಪರೆ ಉಂಡು. ಬೊಕ್ಕ ಬೇತೆ ಬೇತೆ ಧಾರ್ಮಿಕ, ಸಾಂಸ್ಕೃತಿಕ ಲೇಸ್ ನಡಪುಂಡು. ಈ ಮಾತ ಲೇಸ್ ಗ್ಲಾ ಮಾತೆರ್ಲಾ ಬತ್ತ್ ದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಡಾ. ಶಶಿಧರ ಡೋಂಗ್ರೆ, ಗೌರವಾಧ್ಯಕ್ಷೆರ್ ತಿಮ್ಮಣ್ಣರಸೆರಾಯಿನ ಡಾ. ಪದ್ಮಪ್ರಸಾದ ಅಜಿಲೆರ್, ಪ್ರಧಾನ ಕಾರ್ಯದರ್ಶಿ ಪಿ.ಹೆಚ್. ನಿತ್ಯಾನಂದ ಶೆಟ್ಟಿ ನೊಚ್ಚ, ಬ್ರಹ್ಮಕಲಶ ಉಚ್ಚಯ ಸಮಿತಿದ ಅಧ್ಯಕ್ಷೆರ್ ಶಾಸಕೆರ್ ಹರೀಶ್ ಪೂಂಜ, ಕಾರ್ಯಾಧ್ಯಕ್ಷೆರ್ ಸದಾನಂದ ಪೂಜಾರಿ ಉಂಗಿಲಬೈಲ್, ಸ್ವಾಗತ ಸಮಿತಿದ ಅಧ್ಯಕ್ಷೆರ್ ಶಿವಪ್ರಸಾದ್ ಅಜಿಲೆರ್, ಪ್ರಧಾನ ಕಾರ್ಯದರ್ಶಿ ಸಂತೋಷ್ ಕುಮಾರ್ ಕಾಪಿನಡ್ಕ, ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಗಂಗಾಧರ ಮಿತ್ತಮಾರು, ಪ್ರಧಾನ ಅರ್ಚಕೆರ್ ಎ. ಸೋಮನಾಥ ಮಯ್ಯ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಕಾರ್ಲ: ಕಾರ್ ದ ಉಲಯಿ ಪೆಟ್ರೋಲ್ ಮೈತ್ ದ್ ಒಂಜಿ ಜನ ಆತ್ಮಹತ್ಯೆ ಮಲ್ತೊನ್ನ ಘಟನೆ ಕಾರ್ಲ ತಾಲೂಕ್ ದ ಮುಂಡ್ಕೂರು ಗ್ರಾಮದ ಸಚ್ಚರಿಪೇಟೆ ಕುದ್ರುಟ್ಟುಡ್ ಬುಧಾರ ರಾತ್ರೆ ನಡತ್ಂಡ್.
ಮುಂಡ್ಕೂರು ಗ್ರಾಮದ ಸಚ್ಚರೀ ಪೇಟೆ ಕುದ್ರುಟ್ಟು ನಿವಾಸಿ ಕೃಷ್ಣ ಸಫಲಿಗ (46) ಆತ್ಮಹತ್ಯೆ ಮಲ್ತೊನ್ನ ಜನ. ಕಾರ್ ಡ್ರೈವರ್ ಆದ್ ಬೆನೊಂದು ಇತ್ತಿನ ಮೇರ್ ಕೋಡೆ ರಾತ್ರೆ ಮೆಗ್ಯನ ಇಲ್ಲಲ್ ಮದಿರೆಂಗಿ ಲೇಸ್ ಮುಗಿತ್ ದ್ ಪಿರ ಪೋನಗ ತನ್ನ ಕಾರ್ ದೊಲಯಿ ಕುಲ್ಲುದು ಪೆಟ್ರೋಲ್ ಮೈತ್ ದ್ ತೂ ಪೊತ್ತಾದ್ ಆತ್ಮಹತ್ಯೆ ಮಲ್ತೊಂದೆರ್. ಈ ಘಟನೆದ ಜಾಗೆಗ್ ಕಾರ್ಲ ಪೊಲೀಸೆರ್ ಬತ್ತ್ ದ್ ತನಿಖೆ ಮಲ್ದೆರ್.
ಗುಂಡ್ಲುಪೇಟೆ: ಕಾರ್ ಬೊಕ್ಕ ಲಾರಿ ಗುದ್ದುದು ಪೊಂಜೋವ್ ಒರ್ತಿ ಜಾಗೆಡೇ ತೀರ್ ಪೋಯಿನ ಘಟನೆ ಪಟ್ಟಣದ ಹೊರ ವಲಯದ ಸೆಲ್ ಪೆಟ್ರೋಲ್ ಬಂಕ್ ದ ಕೈತಲ್ ಶುಕ್ರಾರ ನಡತ್ಂಡ್.
ನಂಜನಗೂಡು ತಾಲೂಕ್ ದ ಸಿದ್ದನಯ್ಯನಹುಂಡಿ ಗ್ರಾಮದ ಸಂಮೃದ್ದಿ(22) ತೀರ್ ಪೋಯಿನಾರ್. ಮೆರೆನ ಕಂಡನಿ ಬೆಂಗ್ಲೂರ್ ಮೂಲದ ನಾಗೇಂದ್ರ(30) ಮೆರೆನ ಸ್ಥಿತಿ ಮಸ್ತ್ ಗಂಭೀರ ಉಂಡು. ಪೆಟ್ಟಾಯಿನ ಮೆರೆನ್ ಮೈಸೂರ್ ದ ಆಸ್ಪತ್ರೆಗ್ ಲೆತೊಂದು ಪೋಯೆರ್. ಈ ಬಗೆಟ್ ಗುಂಡ್ಲುಪೇಟೆ ಠಾಣೆದ ಪೊಲೀಸೆರ್ ಜಾಗೆಗ್ ಬತ್ತ್ ದ್ ಕೇಸ್ ದಾಖಲ್ ಮಲ್ದೆರ್.
ನಕಲಿ ಮಾರ್ಕ್ಸ್ ಕಾರ್ಡ್ ಜಾಲದ ಮಿತ್ತ್ ದಾಳಿ ಮಲ್ತಿನ ಸಿಸಿಬಿ ಪೊಲೀಸೆರ್ ಒರಿಯನ್ ವಶಕ್ಕ್ ಪಡೆತೆರ್.
ಸರಿಯಾಯಿನ ಮಾಹಿತಿದ ಮಿತ್ತ್ ಬೆಂಗ್ಲೂರ್ ದ 5 ಸಂಸ್ಥೆಲೆನ ಮಿತ್ತ್ ಪೊಲೀಸೆರ್ ದಾಳಿ ನಡಪಾದೆರ್. 15 ವಿವಿಲು ಬೊಕ್ಕ ಬೋರ್ಡ್ ಲೆನ ಕಲ್ವ ಅಂಕಪಟ್ಟಿ ಪತ್ತೆ ಆತ್ಂಡ್. ಬೊಕ್ಕ ಪರಿಶೀಲನೆದ ಪೊರ್ತುಡು ಸುಮಾರ್ 6800 ಕಲ್ವ ಮಾರ್ಕ್ಸ್ ಕಾರ್ಡ್ ಪತ್ತೆ ಆತ್ಂಡ್.
ಬೆಂಗ್ಲೂರ್: ರಾಜ್ಯ ವಿಧಾನಸಭಾ ವೋಟು ಮೇ ರಡ್ಡನೇ ವಾರಡ್ ನಡಪರೆ ಉಂಡು. ರಾಜ್ಯದ 224 ಕ್ಷೇತ್ರಲೆಡ್ ಮಾರ್ಚ್ ಕಡೆತ್ತ ವಾರಡು ಕೇಂದ್ರ ಚುನಾವಣಾ ಆಯೋಗ ವೇಳಾಪಟ್ಟಿ ಪ್ರಕಟಣೆ ಮಲ್ಪರೆ ಉಂಡು.
ಕೇಂದ್ರ ಚುನಾವಣಾ ಆಯೋಗ ಕರಿನ ಆಜಿ ತಿಂಗೊಲ್ರ್ದಿಂಚಿ ರಾಜ್ಯ ವಿಧಾನಸಭೆತ್ತ ವೋಟು ನಡಪಾಯರೆ ಮಾತ ರೀತಿಡ್ ತಯಾರ್ ಮಲ್ತೊಂದುಲ್ಲೆರ್. ಮೇ 10 ಇಜ್ಜಿಂಡ 13 ಕ್ಕ್ ವೋಟು ಮಲ್ತ್ದ್ 16 ಕ್ಕ್ ರಿಸಲ್ಟ್ ಪ್ರಕಟ ಮಲ್ಪುನ ಸಾಧ್ಯತೆ ಉಂಡು.
Vidhana Sabha elections in Karnataka in the second week of May
Bangalore: The vidhansabha elections in 224 constituencies in Karnataka will be held in the second week of May announced the Central Election Commission.
The date of the election is tentatively fixed on May 10th or 13 th and the results to be announced on May 16th.
ಬೆಂಗ್ಲೂರ್: ರಾಜಕಾರಣಿಲು ಬೊಕ್ಕ ಉನ್ನತ ಅಧಿಕಾರಿಲೆನೊಟ್ಟಿಗೆ ಸಂಬಂಧ ಇಪ್ಪುನ ಸ್ಯಾಂಟ್ರೋ ಹುಷಾರ್ ದಾಂತೆ ಆಸ್ವತ್ರೆಗ್ ದಾಖಲ್ ಆತೆರ್.
ನಿದ್ರೆ ಮಾತ್ರೆ ಎಚ್ಚ ಪರ್ನೆರ್ದಾವೆರ ಈ ರೀತಿ ಆರೋಗ್ಯಡ್ ಎಚ್ಚಿಕಮ್ಮಿ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್. ವಿಕ್ಟೋರಿಯಾ ಆಸ್ಪತ್ರೆಗ್ ಸೇರ್ಸಾದೆರ್. ಇತ್ತೆ ಚಿಕಿತ್ಸೆ ನಡತೊಂದು ಉಂಡು.
ಕುವೈಟ್: ಬಂಟರ ಸಂಘ ಕುವೈಟ್ ದ 2023 ನೇ ಸಾಲ್ ದ ಪೊಸ ಸಾರಥಿಲೆನ ಆಯ್ಕೆ ಇಂಚಿಪ್ಪ ನಗರದ ಇಂಡಿಯನ್ ಸ್ಕೂಲ್ ಆಫ್ ಎಕ್ಸಲೆನ್ಸ್ ಸಾಲ್ಮಿಯಾಡ್ ಬೇತೆ ಬೇತೆ ಸಾಂಸ್ಕೃತಿಕ ಲೇಸ್ ದೊಟ್ಟಿಗೆ ನಡತ್ಂಡ್.
ಬಂಟರ ಸಂಘ ಕುವೈಟ್ ದ ಮಾಜಿ ಅಧ್ಯಕ್ಷೆರ್ ಬೊಕ್ಕ ವ್ಯವಸ್ಥಾಪನಾ ಸಮಿತಿದ ಪದಾಧಿಕಾರಿಲು ತುಡರ್ ಅರ್ಲಾದ್ ಲೇಸ್ ದ ಉದಿಪನ ಮಲ್ತೆರ್. ಸಂಘದ ಪೊಸ ಅಧ್ಯಕ್ಷೆರಾದ್ ಸತೀಶ್ಚಂದ್ರ ಶೆಟ್ಟಿ ನಕ್ರೆ, ಉಪಾಧ್ಯಕ್ಷೆರಾದ್ ಶೋಧನ್ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿಯಾದ್ ವಿಶ್ವನಾಥ್ ಶೆಟ್ಟಿ, ಕೋಶಾಧಿಕಾರಿಯಾದ್ ಸಂದೇಶ್ ಶೆಟ್ಟಿ, ಸಾಂಸ್ಕೃತಿಕ ಕಾರ್ಯದರ್ಶಿಯಾದ್ ಮನೋಜ್ ಶೆಟ್ಟಿ ಕಿನ್ನಿಗೋಳಿ, ಸಾರ್ವಜನಿಕ ಸಂಪರ್ಕಾಧಿಕಾರಿಯಾದ್ ದೀಪ್ತಿ ಪ್ರಶಾಂತ್ ಶೆಟ್ಟಿ ಬೊಕ್ಕ ಕ್ರೀಡಾ ಕಾರ್ಯದರ್ಶಿಯಾದ್ ದುಷ್ಯಂತ್ ಶೆಟ್ಟಿ ಆಯ್ಕೆ ಆಯೆರ್. ನಿರ್ಗಮಿತ ಅಧ್ಯಕ್ಷೆರಾಯಿನ ಗುರುಪ್ರಸಾದ್ ಹೆಗ್ಡೆ ಮೇರ್ ಆರೋಗ್ಯ, ಶಿಕ್ಷಣ, ಮದಿಮೆ ನೆರವು ಯೋಜನೆದಡಿಟ್ ನಿರ್ಗತಿಕೆರೆಗ್ ಸೇವೆ ಸಂದಾಯಿನ ತಂಡ ಬೊಕ್ಕ ತಂಡದ ಸದಸ್ಯೆರೆಗ್ ಸೊಲ್ಮೆ ಸಂದಾಯೆರ್. ನಿಯೋಜಿತ ಚುನಾವಣಾ ಅಧಿಕಾರಿ ಸನತ್ ಕುಮಾರ್ ಶೆಟ್ಟಿ ಮೇರ್ 2023ನೇ ಸಾಲ್ ದ ಸಂಘದ ಸಮಿತಿದ ನಾಮನಿರ್ದೇಶನದ ಬಗೆಟ್ ಮಾಹಿತಿ ಕೊರಿಯೆರ್. ಮಾಜಿ ಕ್ರೀಡಾ ಕಾರ್ಯದರ್ಶಿ ಪ್ರಕಾಶ್ ಶೆಟ್ಟಿ ಪ್ರಾಸ್ತಾವಿಕ ಭಾಷಣ ಮಲ್ತೆರ್. ಮಾಜಿ ಕೋಶಾಧಿಕಾರಿ ರವಿರಾಜ್ ಶೆಟ್ಟಿ 2022 ನೇ ಸಾಲ್ ದ ಲೆಕ್ಕ ಪತ್ರ ಒದಿಯೆರ್. ಬೊಕ್ಕ ಸ್ವಾತಿ ಶೆಟ್ಟಿ, ರೋಶನಿ ಶೆಟ್ಟಿ, ಸುಷ್ಮಾ ದಿನೇಶ್ ಶೆಟ್ಟಿ, ಸಾನ್ವಿ ಶೆಟ್ಟಿ, ಸ್ತುತಿ ಸುಕೇಶ್ ಶೆಟ್ಟಿ, ಮೃದಿನಿ ಶೆಟ್ಟಿ ಮೊಕ್ಲೆರ್ದ್ ಸಮೂಹ ಬೊಕ್ಕ ಏಕವ್ಯಕ್ತಿ ನೃತ್ಯ ಲೇಸ್ ನಡತ್ಂಡ್. ಶೃತಿ ರೈ ಪಕ್ಕಳ ಬರೆದ್ ನಿರ್ದೇಶನ ಮಲ್ತಿನ ಸಂಗೀತದ “ಬಂಟಾಟಿಕೆ” ಬೊಕ್ಕ ಮನೋಜ್ ಕುಮಾರ್ ಶೆಟ್ಟಿ ಬರೆದ್ ನಿರ್ದೇಶನ “ಕುಸಲ್ ದ ಎಸಲ್” ಹಾಸ್ಯ ನಾಟಕ ಆಂಡ್. ಅತ್ತಂದೆ ಮೊಘಲ್ ತಂದೂರಿ ರೆಸ್ಟೋರೆಂಟ್ ರ್ದ್ ಸಾಂಪ್ರದಾಯಿಕ ವನಸ್ ಬೊಕ್ಕ ರಾಫೆಲ್ ಡ್ರಾದೊಟ್ಟಿಗೆ ಲೇಸ್ ಮುಗಿಂಡ್. ಬೇತೆ ಬೇತೆ ಪಂತೊಡು ಗೆಂದಿನಕ್ಲೆಗ್ ಇನಾಮುನ್ ಕೊರಿಯೆರ್. ಆಶೀತ್ ಎಚ್. ಶೆಟ್ಟಿ ಲೇಸ್ ದ ಸುಧಾರಿಕೆ ಮಲ್ತೆರ್. ಪ್ರೇಮ ಶೆಟ್ಟಿ ಸೊಲ್ಮೆ ಸಂದಾಯೆರ್.
ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)
Bantara Sangha Kuwait, new office bearers for 2023 selected
Kuwait: The new office bearers for Bantara Sangha, Kuwait for the year 2023 was selected at a program at the Indian School of Excellence. Various cultural items were presented at the program.
Satish Chandra Shetty Nakre is the new president, Shodan Shetty is the Vice President, Vishwanath Shetty is the chief secretary, Sandesh Shetty is treasurer,Manoj Shetty is the cultural secretary,public relations officer is Deeptha Prashant Shetty and Dushyant Shetty is Sports secretary.
The cultural programme included dances, drama and musical show.Prize were given to winners in various activities organised by the association.
ಟೋಕಿಯೊ: ಟೋಕಿಯೊ-ನರಿಟಾರ್ದ್ ದುಬೈಗ್ ಪೋವೊಂದು ಇತ್ತಿನ ಪೊಂಜೊವು ಎಮಿರೇಟ್ಸ್ ಇಮಾನಡ್ ಬಾಲೆಗ್ ಜನ್ಮ ಕೊರ್ನ ಘಟನೆ ನಡತ್ಂಡ್.
ಅಪ್ಪೆ ಬೊಕ್ಕ ಬಾಲೆನ್ ವೈದ್ಯಕೀಯ ಪರೀಕ್ಷೆಗ್ ಇಮಾನದ ಸಿಬಂದಿ ಲೆತೊಂದು ಪೋಯೆರ್. ರಡ್ಡ್ ಜನತಲ ಆರೋಗ್ಯ ಸ್ಥಿರವಾದ್ ಉಂಡು ಪಂದ್ ಎಮಿರೇಟ್ಸ್ ಮಾಧ್ಯಮಗ್ ತೆರಿಪಾದ್ಂಡ್ .
ದಿಲ್ಲಿ: ಹಾತ್ ಸೇ ಹಾತ್ ಜೋಡೋ ಕಾರ್ಯಕ್ರಮಗ್ ಕಾಂಗ್ರೆಸ್ ಚಾಲನೆ ಕೊರ್ತೆರ್. ಮೋದಿ ಸರ್ಕಾರದ ವೈಫಲ್ಯನ್ ಜನಕ್ಲೆಗ್ ತೆರಿಪಾವುನ ಬಗೆಟ್ಟ್ ಈ ಅಭಿಯಾನಗ್ ಚಾಲನೆ ಕೊರ್ತೆರ್.
ಭಾರತ್ ಜೋಡೋ ಯಾತ್ರೆಗ್ ಮಸ್ತ್ ಮೋಕೆ ವಿಶ್ವಾಸಲು ತಿಕ್ಕ್ದ್ಂಡ್. ಅಂಚನೆ ಹಾತ್ ಸೇ ಹಾತ್ ಜೋಡೋ ಅಭಿಯಾನಲ ಮಾತೆರ್ನಾಲ ಮನಸ್ಸ್ನ್ ಗೆಂದಾಯರೆ ಉಂಡು ಪಂದ್ ಕಾಂಗ್ರೆಸ್ ವಿಶ್ವಾಸಡ್ ಉಂಡು.
Haath say haat jodo campaign started
Delhi: A new initiative by the Congress the Haat say haat jodo campaign has begun.It is to bring to the notice of the people the failures of the Modi government.
