2023

Shrimad Shankaracharya Sanstanam , Edniru mutt puts up a new Tulu name board ಕಾಸ್ರೋಡು ಜಿಲ್ಲೆದ ಶ್ರೀ ಮದ್ ಜಗದ್ಗುರು ಶಂಕರಾಚಾರ್ಯ ಸಂಸ್ಥಾನಂ ಎಡನೀರು ಮಠಟ್ ತುಲು ಲಿಪಿ ಪಲವೆ ಬುಡುಗಡೆ

ಕಾಸ್ರೋಡು ಶ್ರೀ ಶಂಕರಾಚಾರ್ಯ ಸಂಸ್ಥಾನಂ ಎಡನೀರು ಮಠ ಮುಲ್ಪದ ಶ್ರೀ ವಿಷ್ಣುಮಂಗಲ ದೇವಲ್ಯದ ವಾರ್ಷಿಕ ಉಚ್ಚಯದ ಪೊರ್ತುಡು (ಫೆ.16) ಶ್ರೀ ಸಚ್ಚಿದಾನಂದ ಭಾರತೀ ಸ್ವಾಮೀಜಿನ ಉಪಸ್ಥಿತಿಡ್, ಸಚಿವೆರ್ ಇ ಚಂದ್ರಶೇಖರನ್ ಮೇರ್ ಸಮರ್ಪಣೆ ಮಲ್ತಿನ ಶ್ರೀ ಮಠದ ಎದುರುಭಾಗದ ಪೊಸ ಮಹಾದ್ವಾರದ ತುಲು ಲಿಪಿ ಪಲವೆನ್ ಶ್ರೀ ಯೋಗಾನಂದ ಸರಸ್ವತೀ ಸ್ವಾಮೀಜಿ ಮೇರ್ ಬುಡುಗಡೆ ಮಲ್ತೆರ್.

ತುಲು ಲಿಪಿನ್ ಕಲ್ಪಾವುನ ಬೊಕ್ಕ ಪಲವೆನ್ ಪಾಡುನ ಕಜ್ಜೊನು ಒಯಿಸೊನ್ನ ಜೈ ತುಳುನಾಡ್ (ರಿ ) ಸಂಘಟನೆದ ಬಗೆಟ್ ಸ್ವಾಮೀಜಿ ಮೆಚ್ಚಿಯೆರ್. ಈ ಲೇಸ್ ಡ್ ಮಲ್ಲ ಬಿನ್ನೆರಾದ್ ಜೈ ತುಲುನಾಡ್ (ರಿ.) ಸಂಘಟನೆದ ಉಪಾಧ್ಯಕ್ಷೆರ್ ಹರಿಕಾಂತ್ ಸಾಲ್ಯಾನ್ ಕಾಸ್ರೋಡು, ಕಾಸ್ರೋಡು ಘಟಕದ ಜೊತೆ ಕಾರ್ಯದರ್ಶಿ ಜಗನ್ನಾಥ್ ಕುಲಾಲ್, ತುಲು ಸಾಹಿತಿ ಶ್ರೀ ವಿಜಯರಾಜ್ ಪುಣಿಂಚಿತ್ತಾಯ, ನಿವೃತ ಪ್ರಾಂಶುಪಾಲೆರ್ ಬೊಕ್ಕ ಎಡನೀರು ಮಠದ ಮೆನೇಜರ್ ರಾಜೇಂದ್ರ ಕಲ್ಲೂರಾಯ, ವೆಂಕಟ್ ಭಟ್ ಎಡನೀರು, ಚುಟುಕು ಕವಿ, ವ್ಯಂಗ್ಯಚಿತ್ರ ಕಲಾವಿದೆರ್ ರಾಘವೇಂದ್ರ ಕೆದಿಲಾಯ ಎಡನೀರು, ಟಿ ಶ್ಯಾಮ್ ಭಟ್ IAS ಬೆಂಗ್ಲೂರ್ ಮೊಕುಲು ಗುರ್ಕಾರ್ಮೆನ್ ಒಯಿಸೊಂದಿತ್ತೆರ್. ಪಿ. ರಾಜೇಂದ್ರ ಕಲ್ಲೂರಾಯ ಎದ್ಕೊನಿಯೆರ್. ಡಾ. ಶ್ರೀಪತಿ ಕಲ್ಲೂರಾಯ ಲೇಸ್ ದ ಸುಧಾರಿಕೆ ಮಲ್ತೆರ್. ಸೂರ್ಯ ಭಟ್ ಎಡನೀರು ಸೊಲ್ಮೆ ಸಂದಾಯೆರ್.

Shrimad Shankaracharya Sanstanam , Edniru mutt puts up a new Tulu name board

At the Edneer mutt of Kasaragod district a new name board in Tulu script was put up at the main entrance that was inaugurated by Sri Yogananda Saraswati Swamiji during the annual festival on February 16 th .

Spark Billavas organised Billava Professionals meet ಸ್ಪಾರ್ಕ್ ಬಿಲ್ಲವ ನೆತ್ತ ಮುತಾಲಿಕೆಡ್ ನಡತ್ಂಡ್ ವೃತ್ತಿಪರೆರ್ನ ಸಮಾವೇಶ

ಬಿಲ್ಲವ ಅಸೋಸಿಯೇಷನ್ ಬೆಂಗ್ಲೂರ್ ನೆತ್ತ ಅಂಗಸಂಸ್ಥೆ ಆಯಿನ ಸ್ಪಾರ್ಕ್ ಬಿಲ್ಲವ ನೆತ್ತ ಮುತಾಲಿಕೆಡ್ ವೃತ್ತಿಪರರ ಸಮಾವೇಶ ಫೆ.5 ಕ್ ನಡತ್ಂಡ್.

ಭಾರೀ ಗೌಜಿಡ್ ನಡತಿನ ಬಿಲ್ಲವ ಪ್ರೊಫೆಷನಲ್ ಮೀಟ್ 2023 ಆಣ್ ಬೊಕ್ಕ ಪೊಣ್ಣು ಕಲ್ಪಾರ್ಥಿಲೆಗ್ ಒಂಜಿ ಪೊಸ ಭರವಸೆನ್ ಕೊರ್ತುಂಡು.‌ ಈ ಸಮಾವೇಶಗ್ ಬತ್ತ್ ದ್ ಯಶಸ್ವಿ ಮಲ್ತಿನ ಮಾತ ಭಾಂದವೆರೆಗ್ ಬಿಲ್ಲವ ಅಸೋಸಿಯೇಷನ್ ಬೆಂಗ್ಲೂರ್ ನೆತ್ತ ಪರವಾದ್ ಸೊಲ್ಮೆ ಸಂದಾದೆರ್.

Spark Billavas organised Billava Professionals meet

Spark Billavas an sub unit of Billava Association, Bangalore had organised the Billava Professionals meet 2023 on February 5 th.

Cardiologist Dr Padmanabha Kamath saves the life of an Yakshagana artist ಯಕ್ಷಗಾನ ಕಲಾವಿದನ ಜೀವ ಒರಿಪಾಯಿನ ಹೃದಯ ತಜ್ಞೆರ್, ಡಾ.ಪದ್ಮನಾಭ ಕಾಮತ್

ಕಟೀಲ್ 6 ನೇ ಮೇಳದ ಪೆರಿಯ ಕಲಾವಿದೆರ್, “ದೇವಿ ಭಟ್ರ್’ ಪುಗರ್ತೆ ಪಡೆದಿನ ರಮೇಶ್ ಭಟ್ ಬಾಯಾರು ಮೇರ್ ಯಕ್ಷಗಾನ ಪ್ರೇಮಿ ಹೃದಯ ತಜ್ಞೆರ್ ಡಾ. ಪದ್ಮನಾಭ ಕಾಮತೆರೆರ್ದ್ ಚಿಕಿತ್ಸೆ ಪಡೆದ್ ಅಪಾಯೊರ್ದು ಬಚಾವಾತೆರ್.

ಕಟೀಲ್ದಪ್ಪೆ ಶ್ರೀ ದುರ್ಗಾಪರಮೇಶ್ವರಿನ ಅನುಗ್ರಹ ಅಂಚೆನೆ ಡಾ.ಕಾಮತೆರೆನ ತುರ್ತು ಮಾರ್ಗದರ್ಶನ ಬೊಕ್ಕ ಪೊರ್ತುದ ಚಿಕಿತ್ಸೆರ್ದಾತ್ರ ಮಲ್ಲ ಕಲಾವಿದೆರ್ ಒರಿಯನ ಜೀವ ಒರಿಂಡ್ ಪನ್ಪಿನನೇ ಕುಸಿತ್ತ ಸಂಗತಿ. ರಮೇಶ್ ಭಟ್ ಬಾಯಾರು ಮೇರ್ ರಡ್ಡ್ ದಿನತ ಪಿರವು, ಕರ್ಣನ ಪಾತ್ರ ಮಲ್ಪುನಗ ತಿಗಲೆ ಬೇನೆ ಬತ್ತಿತ್ತ್ಂಡ್. ಆಂಡ ಉಂದು ಗ್ಯಾಸ್‌ ಟ್ರಬಲ್ ಪಂದೇ ಭಟ್ರ್ ಎನ್ನಿದ್ ಇತ್ತೆರ್. ಬೊಕ್ಕ ಪಣೋಲಿಬೈಲ್ ಡ್ 50 ನೇ ವರ್ಷದ ಆಟಡ್ ಭಟ್ರ್ ರಕ್ತಬೀಜನ ಪಾತ್ರ ಮಲ್ಪೊಡಿತ್ತ್ಂಡ್. ಆಂಡ ಬಯ್ಯಗ್ 4 ಗಂಟೆಗ್ ಕುಡ ತಿಗಲೆ ಬೇನೆ ಬನ್ನಗ ಡಾ.ಪದ್ಮನಾಭ ಕಾಮತೆರೆನ್ ಸಂಪರ್ಕ ಮಲ್ಪುನಗ ಕೂಡ್ಲೆ ತನನ್ ಭೇಟಿ ಆವೆರೆ ಡಾ.ಕಾಮತೆರ್ ತೆರಿಪಾಯೆರ್. ಡಾ.ಕಾಮತೆರ್ ರಮೇಶ್ ಭಟ್ ಮೆರೆನ್ ಪರೀಕ್ಷೆ ಮಲ್ಪುನಗ ಹೃದಯಡ್ ಬ್ಲಾಕ್ ತೋಜಿದ್ ಬೈದ್ಂಡ್. ಕೂಡ್ಲೆ ರಮೇಶ್ ಭಟ್ರೆನ್ ಎಡ್ಮಿಟ್ ಮಲ್ತ್ ದ್, ಆ ಬ್ಲಾಕ್ ನ್ ಆಂಜಿಯೋಪ್ಲಾಸ್ಟ್ ಮಲ್ತ್ ದೆರ್. ಭಟ್ರ್ ಇತ್ತೆ ಹುಷಾರುಲ್ಲೆರ್ .

ಭಟ್ರ್ ಆಸ್ಪತ್ರೆಗ್ ಬರಂದೆ ಆಟೊಡು ಪಾತ್ರ ಮಲ್ತ್ ದೆರ್ಡ ಪ್ರಾಣಗ್ ತೊಂದರೆ ಬರ್ಪುನ ಸಾಧ್ಯತೆ ಇತ್ಂಡ್ ಪಂದ್ ಡಾ.ಕಾಮತೆರ್ ತೆರಿಪಾದೆರ್. ಏಪಲ ಯಕ್ಷಗಾನ ಕಲಾವಿದೆರೆನ ಎಡ್ಡೆಪ್ಪುನು ಬಯಕುನ ಡಾ.ಕಾಮತೆರೆಗ್ ಮಲ್ಲ ಸೊಲ್ಮೆಲು ಪನೊಡು. ರಮೇಶ್ ಭಟ್ರ್ ಸುಮಾರ್ 15 ದಿನತ ವಿಶ್ರಾಂತಿ ದೆತೊನೊಡಾಪುಂಡು ಪಂದ್ ಡಾ. ಕಾಮತೆರ್ ತೆರಿಪಾದೆರ್. ಅತ್ತಾಂದೆ ಯಕ್ಷಗಾನ ಕಲಾವಿದೆರೆನ ಬಗ್ಗೆ ಏಪಲ ಕಾಳಜಿ ಮಲ್ಪುನ ಡಾ.ಕಾಮತೆರ್, ಕಲಾವಿದೆರ್, ಹೃದಯ ಸಂಬಂಧದ ಸಮಸ್ಯೆಗ್, ಕಾಲ ವಿಳಂಬ ಮಲ್ಪರೆ ಬಲ್ಲಿ ಪನ್ಪುನ ಬಿನ್ನಾಪುನ್ ಈ ಕೇಸ್ ಡೇ ತೂವೊಲಿ ಪನ್ಪುನ ಎಚ್ಚೆರ್ಗೆನ್ ಕೊರ್ತೆರ್.

ವರದಿ: ಎಂ.ಶಾಂತರಾಮ ಕುಡ್ವ ಬೆದ್ರ

Cardiologist Dr Padmanabha Kamath saves the life of an Yakshagana artist

Ramesh Bhat well known Yakshagana artist of Kateel Mela was treated by Yakshagana enthusiast Dr Padmanabha Kamath who had an heart attack while performing on stage. He was rushed to Dr Kamath who on examination immediately performed an Angioplasty to remove a block from his heart.

Ramesh Bhat is doing fine now and has been discharged.
Dr Kamath has opined that Yakshagana artists must immediately contact a doctor in case of any uneasiness which performing and take precoutionary measures.

Atturu baila Panjurli Karnika ಅತ್ತೂರು ಬೈಲ ಪಂಜುರ್ಲಿನ ಕಾರ್ಣಿಕ

ತುಳುನಾಡ್ ದ ತುಳುವೆರ್ ಇತ್ತೆದ ಡಿಜಿಟಲ್ ಯುಗೊಟ್ಟುಲ ದಿನನಿತ್ಯದ ಬದ್ ಕ್ ಡ್‌ ತಾನ್ ನಂಬಿನ ದೈವ ದೇವೆರೆನ ಮಿತ್ತ್ ದ ನಂಬಬೊಲಿಗೆನ್ ಬುಡ್ತಿಜೆರ್. ನೆಕ್ಕ್ ಸಾಕ್ಷಿ ಯಾದ್ ಸುಮಾರ್ ಕಡೆಟ್ ದೈವೊದ ಕಾರ್ಣಿಕ ತೋಜಿದ್ ಬರೊಂದು ಉಂಡು. ಅಂಚಿನ ಕೆಲವು ಕ್ಷೇತ್ರಲೆಡ್ ಅತ್ತೂರು ಬೈಲ್ ಶ್ರೀ ಮಹಾಗಣಪತಿ ಮಂದಿರಲ ಒಂಜಿ.

ಅತ್ತೂರು ಬೈಲ್ ದ ಶ್ರೀ ಮಹಾಗಣಪತಿ ಮಂದಿರ ಮುಲ್ಕಿ ಒರ್ಂಬ ಮಾಗಣೆಗ್ ಸಂಬಂಧಪಟ್ಟಿನವು. ಮಸ್ತ್ ಕಾರ್ಣಿಕದ ಕ್ಷೇತ್ರವಾಯಿನ ಮುಲ್ಪ ಬೈಲ ಪಂಜುರ್ಲಿ ದೈವ ನೆಲೆ ಉಂತುದು ಕಾರ್ಣಿಕ ತೊಜಪಾವೊಂದು ಉಂಡು. ‌ಪ್ರತಿ ವರ್ಷೊದಂಚೆನೆ ನಡಪುನ ನೇಮಡ್ ಮಹಾಗಣಪತಿ ಮಂದಿರದ ಗಡಿ ಪ್ರಧಾನೆರಾಯಿನ ಬೈಲ್ ಉಡುಪೆರ್ ಬೊಕ್ಕ ಬೊಟ್ಟು ಉಡುಪೆರ್ ಮೊಕ್ಲೆನ್ ತನ್ನ ಕಾರ್ಣಿಕ ಶಕ್ತಿರ್ದ್ ಒಂತೆ ಪೊರ್ತು ಮತಿ ತಪ್ಪುಲೆಕ್ಕ ಮಲ್ಪುನವೇ ಮುಲ್ಪದ ಇಸೇಸ.

ಮುಲ್ಕಿ ಒರ್ಂಬ ಮಾಗಣೆಡ್ ಮಸ್ತ್ ಗುತ್ತು ಬರ್ಕೆಲು ಉಂಡು. ಅಲ್ಪ ಗಡಿ ಪ್ರಧಾನ ಸಾಮಾನ್ಯ.ಆಂಡ ಬ್ರಾಣೆರ್ನ ಸಮುದಾಯಡ್ ರಡ್ಡೇ ಗಡಿ ಉಪ್ಪುನು. ಅವು ಬೈಲ್ ಉಡುಪೆರೆಗ್ ಬೊಕ್ಕ ಬೊಟ್ಟು ಉಡುಪೆರೆಗ್ ಗಡಿ ಆಪಿನಿ. ಇತ್ತೆ ಅತ್ತೂರು ಬೈಲ್ ಮಹಾಗಣಪತಿ ಮಂದಿರದ ವೆಂಕಟರಾಜ ಉಡುಪೆರ್ ಬೈಲ್ ಉಡುಪೆರಾದ್ ಗಡಿ ಪ್ರಧಾನೆರಾತೆರ್. ಜಯರಾಮ ಉಡುಪೆರ್ ಬೊಟ್ಟು ಉಡುಪೆರಾದ್ ಗಡಿ ಪ್ರಧಾನೆರಾತೆರ್.

ನೇಮದ ಪೊರ್ತುಡು ಅತ್ತೂರು ಬೈಲ್ ಚಾವಡಿಡ್ ಬೈಲ್ ಉಡುಪೆರ್ ಬೊಕ್ಕ ಬೊಟ್ಟು ಉಡುಪೆರ್ ಕುಲ್ಲುದು ಉಪ್ಪುವೆರ್. ಚಾವಡಿದ ಎದುರುಡ್ ಕೊಡಿಯಡಿ ಇಪ್ಪುಂಡು. ಬೊಕ್ಕ ಸಂಪ್ರದಾಯದಂಚೆನೆ ಪಂಜುರ್ಲಿ ದೈವೊದ ನೇಮ ಸುರು ಆಪುಂಡು. ಸುರುಕ್ಕು ಪಂಜುರ್ಲಿ ದೈವ ಮುಗ ಪಾಡ್ದ್ ನೇಮ ಸುರು ಆದ್ ಮುಗ ದೆಪ್ಪುನ ಮುಟ್ಟ ಸುರುತ ಪಂತೆ ಮುಗಿವುಂಡು.

ಅವೆರ್ದ್ ಬೊಕ್ಕ ದೈವದ ಕಲಾವಿದೆ ತಾಸೆ ವಾದ್ಯ ಬ್ಯಾಂಡ್‌ಗ್ ನಲಿಪುವೆರ್. ದುಂಬರಿಯೊಂದು ದೈವ ಕಲಾವಿದಗ್ ಆವೇಶ ಹೆಚ್ಚಾಪುಂಡು. ಈ ಪೊರ್ತುಡು ಚಾವಡಿಡ್ ಬೈಲ್ ಬೊಕ್ಕ ಬೊಟ್ಟು ಉಡುಪೆರ್ ಭಕ್ತಿಡ್ ಮಂತ್ರ ಉಚ್ಚಾರಣೆ ಮಲ್ತೊಂದು ಕುಲ್ಲುದು ಇಪ್ಪುವೆರ್. ಪಂಜುರ್ಲಿ ದೈವಗ್ ಆವೇಶ ಹೆಚ್ಚಾವೊಂದು ದುಂಬರಿದ್ ಉಡುಪೆರ್ ರಡ್ಡ್ ಜನ ಕುಲ್ದಿನ ಚಾವಡಿದಡೆ ಕಡ್ಸಲೆನ್ ಬೀಜುವೆರ್. ಆತಾನಗ ಬೈಲ್ ಉಡುಪೆರ್ ಆಕರ್ಷಣೆ ಆದ್ ದಿಡಿಕ್ಕನೆ ಪಿರ ಮಗ್ ರ್ದ್ ಬೂರ್ದು ಮತಿ ತಪ್ಪುವೆರ್. ಪಂಜುರ್ಲಿ ನನೊಂಜಿ ಸರ್ತಿ ಉಂದುವೇ ರೀತಿ ಮಲ್ಪುನಗ ಬೊಟ್ಟು ಉಡುಪೆರ್ ಲ ಉಂದುವೇ ರೀತಿ ಮತಿ ತತ್ತ್ ದ್ ಬೂರುವೆರ್. ಸುಮಾರ್ 5 ನಿಮಿಷ ಮುಟ್ಟ ಅಕ್ಲೆಗ್ ಮತಿ ಪೋದಿಪ್ಪುಂಡು. ಅವೆರ್ದ್ ಬೊಕ್ಕ ಮುಕಾಲ್ದಿಯಲ್ಲೆನ ಬಿನ್ನಯೊದಂಚೆನೆ ಪಂಜುರ್ಲಿ ದೈವ ರಡ್ಡ್ ಜನ ಉಡುಪೆರೆನ್ಲ ಯಥಾಸ್ಥಿತಿಗ್ ಬರ್ಪುಲೆಕ್ಕ ಮಲ್ಪುವೆರ್. ಅಡೆಗ್ ಬೊಕ್ಕೊಂಜಿ ಪಂತೆದ ನಲಿಕೆ ಮುಗಿವುಂಡು.

ಇಂಚ ಬೈಲ ಪಂಜುರ್ಲಿಗ್ ವರ್ಷೊಗೊರ ಕಾಲಾಧಿದ ಕೋಲ ಅತ್ತಾಂದೆ ಪರಕೆದ ಕೋಲಲ ನಡಪುಂಡು. ಅವು ಬೊಟ್ಟು ಉಡುಪೆರ್ನ ಇಲ್ಲಡ್ ನಡಪುಂಡು. ಅಂಚ ತುಳುಮಣ್ಣ್ ಡ್ ಕೃಷಿ ಪ್ರಧಾನವಾಯಿನ ಬೈಲ್ ಬೊಕ್ಕ ಬೊಟ್ಟು ಪನ್ಪಿನ ಕಲ್ಪನೆದ ಪ್ರತೀಕವಾದ್ ದೈವೊಲು ನಿಲೆ ಉಂತುದಿನೆಕ್ಕ್ ಈ ಜಾಗೆ ಸಾಕ್ಷಿಯಾದುಂಡು.
✍️ ಯಶೋಧರ ಕೋಟ್ಯಾನ್

Atturu Baila Panjurli Karnika

With the digital age and the stressful lifestyle people are forgetting their customs and culture. The hectic life in far off places in search of employment deprives one of the richness of one’s roots .
But in some cases the divinity is so extra ordinary that one is pulled back to things out of the fathom of commen man.

Attur Bailu Mahaganapati temple is nestled in a small hamlet near Mulki.The temple is in the home of the Udupa family who are well known around Tulunadu .The chief seniors of the family are known as Bailu Udupa and Bottu Udupa who perform temple related rituals here.

The ” Panjurli” boota of the Attur Baila family is one of the most powerful Bootas of Tulunadu.
During the annual Boota Kola held in the of the Attur Bailu home , the Panjurli demonstrates its power by knocking back the brothers from their seat and making them unconscious for some time.Later with certain rituals and recitation the Panjurli revives them.

Thus the beauty of Tulunadu,it’s divinity, customs and rituals with the primarily agriculture based economy is beautifully depicted in this age old tradition.

Emergency meeting of BJP Yuva Morcha,Mulki, Moodbidri Mandala ಬಿಜೆಪಿ ಯುವ ಮೋರ್ಚಾ ಮುಲ್ಕಿ ಬೆದ್ರ ಮಂಡಲದ ತುರ್ತು ಸಭೆ

ದಕ್ಷಿಣ ಕನ್ನಡ ಜಿಲ್ಲಾ ಯುವ ಮೋರ್ಚಾದ ಕೂಟ ಮುಲ್ಕಿ ಬೆದ್ರ ಮಂಡಲ ಯುವ ಮೋರ್ಚಾದ ತುರ್ತು ಸಭೆ ವಿದ್ಯಾಗಿರಿತ್ತ ಪಕ್ಷದ ಕಚೇರಿಡ್ ನಡತ್ಂಡ್.

ಈ ಪೊರ್ತುಡು ಮುಲ್ಕಿ ಬೆದ್ರ ಮಂಡಲದ ಅಧ್ಯಕ್ಷೆರ್ ಸುನಿಲ್ ಆಳ್ವ, ಅಶ್ವಥ್ ಪಣಪಿಲ ಪ್ರಧಾನ ಕಾರ್ಯದರ್ಶಿ ಗೋಪಾಲ್ ಶೆಟ್ಟಿಗಾರ್, ಕೇಶವ್ ಕರ್ಕೆರ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಕಸ್ತೂರಿ ಪಂಜ, ಜಿಲ್ಲಾ ಉಪಾಧ್ಯಕ್ಷೆರ್ ಬೊಕ್ಕ ಜಿಲ್ಲಾ ಯುವ ಮೋರ್ಚಾ ಪ್ರಭಾರಿ ಈಶ್ವರ್ ಕಟೀಲ್, ಅಧ್ಯಕ್ಷೆರ್ ಗುರುದತ್ ನಾಯ್ಕ್,‌ ಪ್ರಧಾನ ಕಾರ್ಯದರ್ಶಿ ಸುದರ್ಶನ್ ಬಜ, ಸೂರಜ್ ಜೈನ್ ಮಾರ್ನಾಡ್, ಕಾರ್ಯದರ್ಶಿ ಮಂಡಲ ಮೋರ್ಚಾದ ಪ್ರಭಾರಿ ಸುಜಿಲ್ ಶೆಟ್ಟಿ, ಮಂಡಲದ ಪದಾಧಿಕಾರಿಲು, ಸದಸ್ಯೆರ್ ಬೊಕ್ಕ ಮಹಾಶಕ್ತಿ ಕೇಂದ್ರದ ಅಧ್ಯಕ್ಷೆರ್ ಬೊಕ್ಕ ಕಾರ್ಯದರ್ಶಿ ಇತ್ತೆರ್.

Emergency meeting of BJP Yuva Morcha,Mulki, Moodbidri Mandala

An emergency meeting was called by the Yuva Morcha BJP, Mulki Moodbidri unit at Vidyagiri at the party office that was well attended by members.

Kadaba: Elephant attack- people show resent ಆನೆ ದೊಂಕುದು ರಡ್ಡ್ ಜನ ಸೈತಿನ ಕೇಸ್ : ಬೆಚ್ಚ ಆತೆರ್ ಜನಕುಲು

ಕಡಬ: ಕಡಬ ತಾಲೂಕ್‌ದ ರೆಂಜಿಲಾಡಿ ಗ್ರಾಮದ ರಡ್ಡ್ ಜನ ಆನೆ ದೊಂಕುದು ತೀರ್ ಪೋಯಿನ ನಿಲೆಟ್ ಅರಣ್ಯ ಇಲಾಖೆದ ವಿರುದ್ಧ ಬೆಚ್ಚ ಆಯಿನ ಅಲ್ಪದ ಜನಕುಲು ಭಾರೀ ಸ್ವರ ಲಕ್ಕಾದೆರ್.

ಆನೆ ಗಡಿಗಡಿ ಉಪದ್ರ ಕೊರ್ಪಿನ ಬಗೆಟ್ಟ್ ಈ ಪಿರವು ಮಲ್ದಿತ್ತಿನ ವಿಡಿಯೋನ್ ಕಡಬ ಪೊಲೀಸೆರ್ ಡಿಲೀಟ್ ಮಲ್ತ್‌ದಿತ್ತಿನ ಬಗೆಟ್ ಒಂತೆ ಚರ್ಚೆ ಆದ್ ಬೆಚ್ಚದ ಪಾತೆರನ್ ಪಾತೆರ್ದೆರ್. ಇನಿ ಕಾಂಡೆ ಆನೆದ ಪೆಟ್ಟ್ ಗ್ ರಂಜಿತಾ ಬೊಕ್ಕ ರಮೇಶ್ ರೈ ಪನ್ಪಿನಾರ್ ತೀರ್ ಪೋತೆರ್. ಜಾಗೆಗ್ ಸಚಿವೆರ್, ಜಿಲ್ಲಾಧಿಕಾರಿಲು ಬರಂದೆ ಅಕ್ಲೆನ ಪುನ ದೆಪ್ಪುಜ ಪಂದ್ ಜನಕುಲು ಸ್ವರ ಲಕ್ಕಾದೆರ್.

Kadaba: Elephant attack- people show resent

Kadaba: In the incident relating to the death of two persons in an elephant attack at Renjiladi village people have voiced resent with the forest department.
They had previously brought to notice with the forest department of the elephant menace in the area but no action had been taken.
Heated arguments were held between the people and the police.
Ranjitha (21) and Ramesh Rai (55) were killed in an elephant attack.

Manglore: BJP state in charge Arun Singh hospitalised ಬಿಜೆಪಿ ರಾಜ್ಯ ಉಸ್ತುವಾರಿ ಅರುಣ್ ಸಿಂಗ್ ಗ್ ತಿಗಲೆ ಬೇನೆ

ಕುಡ್ಲ: ಬಿಜೆಪಿ ರಾಜ್ಯ ಉಸ್ತುವಾರಿ ಅರುಣ್ ಸಿಂಗ್ ಮೇರೆಗ್ ಇನಿ ಕಾಂಡೆ ತಿಗಲೆ ಬೇನೆ ತೋಜಿದ್ ಬತ್ತಿತ್ತ್‌ದ್, ಕುಡ್ಲದ ಎ.ಜೆ ಆಸ್ಪತ್ರೆಗ್ ದಾಖಲಾತೆರ್.

ತಿಗಲೆ ಬೇನೆ ಆತಿನ ಮೇರೆಗ್ ಒವ್ವೇ ರೀತಿದ ತೊಂದರೆ ಇಜ್ಜಿ ಪಂದ್ ವೈದ್ಯೆರ್ ತೆರಿಪಾದೆರ್. ಇಂಚಾದ್ ಆರ್ ಆಸ್ಪತ್ರೆರ್ದ್ ಅಪಗನೇ ಪಿರ ಪೋತೆರ್. ಒಡಿಪುಡು ನಡಪುನ ಜಿಲ್ಲಾ ಮಟ್ಟದ ಬೂತ್ ಸಮಿತಿದ ಕಾರ್ಯಕರ್ತೆರ್‍ನ ಸಮಾವೇಶಡ್ ಪಾಲ್ ಪಡೆಯರೆ ಆರ್ ಬತ್ತಿತ್ತೆರ್. ಕೋಡೆ ದಿಲ್ಲಿರ್ದ್ ಇಮಾನದ ಮುಕೇನ ಕುಡ್ಲಗ್ ಬತ್ತಿತ್ತೆರ್. ಇನಿ ಕಾಂಡೆ ಒಡಿಪುಗು ಪೋಪಿನ ಪೊರ್ತುಡು ತಿಗಲೆ ಬೇನೆ ಆತ್ಂಡ್.

Manglore: BJP state in charge Arun Singh hospitalised

Mangalore: BJP state in charge Arun Singh was admitted to a hospital in Manglore after he complained of uneasiness this morning.
He is doing fine now said sources from the hospital.

ಫೆ.21-28: ಸಚ್ಚೇರಿಪೇಟೆ ಶ್ರೀ ಮಹಾಮ್ಮಾಯೀ ಸಾಂಸ್ಕೃತಿಕ ಸೇವಾ ಸಮಿತಿದ ಮುತಾಲಿಕೆಡ್ ಸಾಂಸ್ಕೃತಿಕ ಲೇಸ್

ಸಚ್ಚೇರಿಪೇಟೆ ಶ್ರೀ ಮಹಾಮ್ಮಾಯೀ ಸಾಂಸ್ಕೃತಿಕ ಸೇವಾ ಸಮಿತಿದ ಮುತಾಲಿಕೆಡ್ ಮುಂಡ್ಕೂರು ಕಜೆ ಶ್ರೀ ಮಹಮ್ಮಾಯೀ ಅಮ್ಮನ ವರ್ಷದ ಮಾರಿಪೂಜೆದ ಲೆಕ್ಕೊಡು ಸಾಂಸ್ಕೃತಿಕ ಲೇಸ್ ಫೆ.21-28 ಮುಟ್ಟ ನಡಪರೆ ಉಂಡು.

ಫೆ.21 ಅಂಗಾರೆ ಬಯ್ಯಗ್ ಪ್ರಸನ್ನ ಶೆಟ್ಟಿ ಸಾರಥ್ಯಡ್ ಚೈತನ್ಯ ಕಲಾವಿದೆರ್ ಬೈಲೂರು ಮೊಕ್ಲೆರ್ದ್ ವಾರ್ಡ್ ನಂಬರ್-2 ತುಳು ನಾಟಕ ನಡಪರೆ ಉಂಡು. ಫೆ.22 ಬುಧಾರ ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯ ಸ್ವಾಮಿ ಕೃಪಾಪೋಷಿತ ಯಕ್ಷಗಾನ ಮಂಡಳಿ ನಾಗವೃಜ ಕ್ಷೇತ್ರ ಪಾವಂಜೆ ಮೊಕ್ಲೆರ್ದ್ ಕೃಷ್ಣಲೀಲೆ ಕಂಸವಧೆ ಚೂಡಾಮಣಿ ಆಟ ನಡಪರೆ ಉಂಡು. ಫೆ.23 ಗುರುವಾರ ಶಾರದ ಆರ್ಟ್ಸ್ ಕಲಾವಿದೆರ್ ಮಂಜೇಶ್ವರ ಕಲಾವಿದೆರ್ದ್ ತುಳುನಾಡ ದೀಪಕ್ ರೈ ಪಾಣಾಜೆ ಅಭಿನಯದ ನಿತ್ಯೆ ಬನ್ನಗ ತುಳು ನಾಟಕ ನಡಪರೆ ಉಂಡು. ‌ಫೆ.24 ಸುಕ್ರಾರ ಥಂಡರ್ ಗೈಸ್ ಬಜಪೆ ಮೊಕ್ಲೆರ್ದ್ ನೃತ್ಯ ವೈವಿಧ್ಯ ನಡಪರೆ ಉಂಡು. ಫೆ.25 ಸನಿಯಾರ ಬಯ್ಯಗ್ ಸಚ್ಚೇರಿಪೇಟೆದ ಶ್ರೀ ಮಹಾಮ್ಮಾಯೀ ಅಮ್ಮನ ಅಶ್ವತ್ಥಕಟ್ಟೆಡ್ 19ನೇ ವರ್ಷದ ಸಾರ್ವಜನಿಕ ಶ್ರೀ ಶನೈಶ್ವರ ಪೂಜೆ ಆದ್ ರಾತ್ರೆ ಅನ್ನಸಂತರ್ಪಣೆ ನಡಪರೆ ಉಂಡು. ಈ ಲೇಸ್ ಮುಂಡ್ಕೂರು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯದ ಪ್ರಧಾನ ಅರ್ಚಕೆರಾಯಿನ ರಾಮದಾಸ ಆಚಾರ್ಯ ಮೆರೆನ ಉಪಸ್ಥಿತಿಡ್ ನಡಪರೆ ಉಂಡು. ಕೆ. ಕೃಷ್ಣಮೂರ್ತಿ ಆಚಾರ್ಯ ಕಿನ್ನಿಮುಲ್ಕಿ ಒಡಿಪು ಸಾರಥ್ಯಡ್ ಶ್ರೀ ಕೃಷ್ಣ ಕಲಾವಿದೆರ್ ಒಡಿಪು ಮೊಕ್ಲೆರ್ದ್ ಆ ಇಲ್ಲಡ್ ತುಳು ನಾಟಕ ನಡಪರೆ ಉಂಡು. ‌ಫೆ.26 ಐತಾರ ಬೊಳ್ಳಿ ಬೊಲ್ಪು ಕಲಾವಿದೆರ್ ಸಚ್ಚೇರಿಪೇಟೆ ಮೊಕ್ಕೆರ್ದ್, ರಮೇಶ್ ಆಚಾರ್ಯ ನೂರಲ್ ಬೆಟ್ಟು ರಚನೆ ಮಲ್ತಿನ ಶರತ್ ಶೆಟ್ಟಿ ಸಚ್ಚೇರಿಪೇಟೆ ನಿರ್ದೇಶನದ ಗಳಿಗೆದುಲಾಯಿ ತುಳು ನಾಟಕ ನಡಪರೆ ಉಂಡು. ಫೆ.27 ಸೋಮಾರ ಯಕ್ಷಗಾನ ತಾಳಮದ್ದಳೆ ಶ್ರೀ ಶನೈಶ್ವರ ಮಹಾತ್ಮೆ ನಡಪರೆ ಉಂಡು. ಫೆ.28 ಅಂಗಾರೆ ಬಯ್ಯಗ್ ಕ್ಷೇತ್ರರ್ದ್ ಸಚ್ಚೇರಿಪೇಟೆದ ಅಶ್ವತ್ಥ ಕಟ್ಟೆಗ್ ಶ್ರೀ ಮಹಾಮ್ಮಾಯೀ ಅಮ್ಮನ ಶೋಭಾಯಾತ್ರೆ ಬರಿಯೆರೆ ಉಂಡು. ಬೊಕ್ಕ ಸ್ವರಾಧ್ಯ ಮ್ಯೂಸಿಕಲ್ ಮೊಕ್ಲೆರ್ದ್ ಸಂಗೀತ ರಸಮಂಜರಿ, ಕೈತಲ್ ದ ಪ್ರತಿಭೆಲೆರ್ದ್ ನೃತ್ಯ ವೈವಿಧ್ಯ, ಸ್ವಾತಿ ಕೃಷ್ಣಾನಂದ ಭಟ್ ಬೊಕ್ಕ ಶ್ರುತಿಪ್ರಿಯಾ ಮಂಡ್ಯ ಕೂಟದಕ್ಲೆರ್ದ್ ನಾಟ್ಯಾಂಜಲಿ ನಡಪರೆ ಉಂಡು. ಬೊಕ್ಕ ಪೊಸ್ರಾಲು ಶ್ರೀ ಮಹಾಲಿಂಗೇಶ್ವರ ಯಕ್ಷಗಾನ ಕಲಾಮಂಡಳಿ ಸಚ್ಚೇರಿಪೇಟೆ ಮೊಕ್ಲೆರ್ದ್ ಯಕ್ಷಗಾನ ಬಯಲಾಟ ಅತೀ ನೂತನ ಪ್ರಸಂಗ ನಡಪರೆ ಉಂಡು. ಈ ಮಾತ ಲೇಸ್ ಗ್ ಮಾತೆರ್ಲಾ ಎಚ್ಚ ಸಂಖ್ಯೆಡ್ ಪಾಲ್ ಪಡೆವೊಡು ಪಂದ್ ಸಚ್ಚೇರಿಪೇಟೆ ಶ್ರೀ ಮಹಾಮ್ಮಾಯೀ ಸಾಂಸ್ಕೃತಿಕ ಸೇವಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್, ಸಚ್ಚೇರಿಪೇಟೆ ಸಾರ್ವಜನಿಕ ಶ್ರೀ ಶನೈಶ್ವರ ಪೂಜಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.