2023

February 22 -28th: Anekallu Sri Santana Gopal Krishna temple – Punaha Pratistapaney and Brahmakalash Abhishek celebration ಫೆ.22-28 ಮುಟ್ಟ ಆನೆಕಲ್ಲು ಶ್ರೀ ಸಂತಾನ ಗೋಪಾಲಕೃಷ್ಣ ದೇವಲ್ಯಡ್ ಪುನಃ ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶಾಭಿಷೇಕ ಉಚ್ಚಯ

ಮಂಜೇಶ್ವರ ತಾಲೂಕ್‌ದ ಛತ್ರ ಆನೆಕಲ್ಲು ಶ್ರೀ ಸಂತಾನ ಗೋಪಾಲಕೃಷ್ಣ ದೇವಲ್ಯಡ್ ಫೆ.22-28 ಮುಟ್ಟ ಪುನಃ ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶಾಭಿಷೇಕ ಉಚ್ಚಯ ಭಾರೀ ಗೌಜಿಡ್ ನಡಪರೆ ಉಂಡು.

ಅಂಚಾದ್ ಈ ಬಗೆಟ್ ನಡತಿನ ಪತ್ರಿಕಾಗೋಷ್ಠಿಡ್ ಬ್ರಹ್ಮಕಲಶೋಚ್ಚಯ ಸಮಿತಿದ ಕಾರ್ಯಂತೆರ್ ಶಿವಪ್ರಸಾದ್ ಶೆಟ್ಟಿ ಪಾತೆರ್ದ್, ಮಂಜೇಶ್ವರ ಬೊಕ್ಕ ಸುಬ್ರಹ್ಮಣ್ಯ ರಾಜ್ಯ ಮಾರ್ಗದ ಬರಿಟ್ಟ್ ಆನೆಕಲ್ಲು ಛತ್ರ ಪನ್ಪಿನ ಜಾಗೆಡ್ ಪರಿಸರದ ನಡುಟ್ಟ್ ಈ ದೇವಲ್ಯ ಉಂಡು. ಈ ದೇವಲ್ಯದ ಪುದರ್‌ರೇ ಪನ್ಪಿಲೆಕ್ಕ ಈ ಜಾಗೆಗ್ ಜೋಕುಲ್ ಆವಾಂದಿನಕ್ಲೆಗ್ ಜೋಕುಲ್ ಆಯರೆ ಪರಕೆ ಪನ್ಪೆರ್. ಅಂಚನೆ ಪರಕೆ ಪಂದ್ ಪೋತಿನಕ್ಲೆಗ್ ಜೋಕುಲು ಆತಿನಲ ಮಸ್ತ್ ನಿದರ್ಶನಲು ಉಂಡು ಪಂದ್ ಪಂಡೆರ್.

ಸುಮಾರ್ 125 ವರ್ಷದ ಪಿರವು ಈ ದೇವಲ್ಯನ್ ಸಂತಾನ ಪ್ರಾಪ್ತಿಗಾದ್ ಪಂತಿನ ಪರಕೆ ಫಲ ಕೊರ್ತಿನೆಡ್ದಾವರ ಊರುದ ಪುಗರ್ತೆದ ಜನ ಆಯಿನ ದಿ. ಕೊಣಿಬೈಲ್ ವೆಂಕ ಶೆಟ್ಟಿ ಮೇರ್ ನಿರ್ಮಾಣ ಮಲ್ತ್‌ದೆರ್ ಪಂದ್ ಊರುದ ಹಿರಿಯೆರ್ ಬೊಕ್ಕ ಶಿಲಾ ಶಾಸನರ್ದ್ ತೆರಿದ್ ಬೈದ್ಂಡ್. ದೇವಲ್ಯದ ಪುದರ್‌ಡ್ 3.93 ಎಕ್ರೆ ಜಾಗೆ ಉಂಡು. ಈ ದೇವಲ್ಯಡ್ ವರ್ಕಾಡಿ ದಿನೇಶಕೃಷ್ಣ ತಂತ್ರಿಲೆನ ಮುತಾಲಿಕೆಡ್ ಚಿಂತನೆ ಮಲ್ಪುನಗ ದೇವೆರೆನ ಗರ್ಭಗುಡಿ ಸೀಳ್ ಆತಿನವು ತೋಜಿದ್ ಬೈದ್ಂಡ್. ಅಯಿರ್ದ್ ಬೊಕ್ಕ ಊರುದ ಮಾತ ಭಕ್ತಾಧಿಲೆನ್ ಲೆತ್ತ್‌ದ್ ದೇವಲ್ಯನ್ ಜೀರ್ಣೋದ್ಧಾರ ಮಲ್ಪರೆ ಜೀರ್ಣೋದ್ಧಾರ ಕಮಿಟಿನ್ ರಚನೆ ಮಲ್ತ್‌ದೆರ್.

2019 ನೇ ನವೆಂಬರ್ 22 ತಾರೀಕ್‌ಗ್ ಪ್ರಶ್ನೆ ಚಿಂತನೆ ಮಲ್ತ್‌ದ್ ಅವೆಟ್ಟ್ ತೋಜಿದ್ ಬತ್ತಿಲೆಕ್ಕನೆ ಗ್ರಾಮದ ಬೊಕ್ಕ ಸೀಮೆದ ದೈವ ದೇವಸ್ಥಾನಗ್ ಸೇವೆನ್ ಸಂದಾದ್ ಆಶ್ಲೇಷ ಪೂಜೆ ಬೊಕ್ಕ ಸರ್ಪ ಸಂಸ್ಕಾರ ಸೇವೆನ್ ಮಲ್ತ್‌ದೆರ್.

ಈ ದೇವಲ್ಯದ ಜೀರ್ಣೋದ್ಧಾರದ ಒಟ್ಟು ಕರ್ಚಿ ಸುಮಾರ್ 1 ಕೋಟಿ 25 ಲಕ್ಷ ರೂಪಾಯಿ ಆವು ಪನ್ಪಿನ ಅಂದಾಜಿ ಇತ್ತ್ಂಡ್. ಆಂಡ ಇತ್ತೆ 1 ಕೋಟಿ 50 ಸಾರ ರೂಪಾಯಿ ಕರ್ಚಿ ಆತ್ಂಡ್. ನನಲ ಕೆಲ ಬೇಲೆಲು ಬಾಕಿ ಉಂಡು. ಊರುದ ಜನಕ್ಲೆನ ಸಕಾರರ್ದ್ ಇಡೇ ಮುಟ್ಟ ದೇವಲ್ಯದ ಬೇಲೆ ಎಡ್ಡೆ ರೀತಿಡ್ ಆತ್ಂಡ್. 7 ದಿನ ನಡಪುನ ಈ ಪುನಃಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶೋಚ್ಚಯ ಬೇತೆ ಬೇತೆ ವೈಧಿಕ, ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಕಾರ್ಯಕ್ರಮದೊಟ್ಟುಗು ಭಾರೀ ಗೌಜಿಡ್ ನಡಪರೆ ಉಂಡು.

ಪತ್ರಿಕಾಗೋಷ್ಠಿಡ್ ಜೀಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಆಯಿನ ನಡಿಮಾರು ವಿಶ್ವನಾಥ ಶೆಟ್ಟಿ, ಗೌರಾವಾಧ್ಯಕ್ಷೆರ್ ಬಿ. ಸುಬ್ಬಯ್ಯ ಶೆಟ್ಟಿ ಕೊಡ್ಲಮೊಗರು, ಪ್ರಧಾನ ಕಾರ್ಯದರ್ಶಿ ಸತ್ಯನಾರಾಯಣ ಭಟ್, ಬ್ರಹ್ಮಕಲಶೋಚ್ಚಯ ಸಮಿತಿದ ಪ್ರಧಾನ ಕಾರ್ಯದರ್ಶಿ ಎನ್.ತಿಮ್ಮಪ್ಪ ರೈ, ಟ್ರಸ್ಟಿಲು ಆಯಿನ ವೆಂಕಟ್ರಾಜ್ ರೈ ನಾಣಿಲ್ತಡಿ, ಲೋಕಯ್ಯ ನಾಯ್ಕ ಕತ್ತೆರಿಕೋಡಿ, ಕಾರ್ತಿಕ್ ಎನ್ ನಾಣಿಲ್ತಡಿ, ಚಂದ್ರಶೇಖರ ರೈ ನಾಣಿಲ್ತಡಿ, ಮಾಧ್ಯಮ ಸಮಿತಿದ ಸಂಚಾಲಕೆರ್ ಮನೋಜ್ ಶೆಟ್ಟಿ ಕೊಡ್ಲಮೊಗರು ಇತ್ತೆರ್.

February 27- March 3rd: Annual Jatra at Moodbidri Shri Gurumata Kalikambha temple ಫೆ.27-ಮಾ.3: ಬೆದ್ರ ಶ್ರೀ ಗುರುಮಠ ಕಾಳಿಕಾಂಬಾ ದೇವಲ್ಯಡ್ ವರ್ಷಾಧಿದ ಜಾತ್ರೆ

ಬೆದ್ರ ಶ್ರೀ ಗುರುಮಠ ಕಾಳಿಕಾಂಬಾ ದೇವಲ್ಯಡ್ ವರ್ಷಾಧಿದ ಜಾತ್ರೆ ಫೆ.27 ರ್ದ್ ಮಾ.3 ಮುಟ್ಟ ನಡಪರೆ ಉಂಡು.

ಶ್ರೀ ಅಯ್ಯ ಗುರುಕುಲೆನ ಅನುಗ್ರಹ ಅಂಚೆನೆ ಆನೆಗುಂದಿ ಸಂಸ್ಥಾನ ಸರಸ್ವತೀ ಪೀಠಾಧೀಶ್ವರ ಅನಂತಶ್ರೀ ವಿಭೂಷಿತ ಕಾಳಹಸ್ತೇಂದ್ರ ಸರಸ್ವತೀ ಮಹಾಸ್ವಾಮಿಲೆನ ಉಪಸ್ಥಿತಿಡ್ ಈ ಲೇಸ್ ನಡಪರೆ ಉಂಡು. ಅಂಚನೆ ಪ್ರತಿದಿನಲ ಬೇತೆ ಬೇತೆ ವೈದಿಕ, ಧಾರ್ಮಿಕ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಪ್ರಸಾದ ದೆತೊಂದು ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ತಂತ್ರಿಲು ಪುರೋಹಿತೆರ್ ಎನ್ ಕೇಶವ ಆಚಾರ್ಯ, ಆಡಳಿತ ಮೊಕ್ತೇಸರೆರ್, ಪುರೋಹಿತೆರ್ ಎನ್ ಜಯಕರ ಆಚಾರ್ಯ ಅಂಕಸಾಲೆ, 2ನೇ ಮೊಕ್ತೇಸರೆರ್ ಎಂ. ಕೆ ಬಾಲಕೃಷ್ಣ ಆಚಾರ್ಯ ಉಳಿಯ, 3 ನೇ ಮೊಕ್ತೇಸರೆರ್ ಶಿವರಾಮ ಆಚಾರ್ಯ ಉಳಿಯ ಬೊಕ್ಕ ಸದಸ್ಯೆರ್ ಅಂಚೆನೆ ಪೊಸ ಸಭಾಭವನ ನಿರ್ಮಾಣ ಸಮಿತಿದ ಅಧ್ಯಕ್ಷೆರ್, ಸರ್ವಸದಸ್ಯೆರ್ ಬೊಕ್ಕ ಶ್ರೀ ಕಾಳಿಕಾಂಬಾ ಸೇವಾ ಸಮಿತಿ, ಮಹಿಳಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

An one day entertainment program arranged in Dubai ದುಬೈಡ್ ನಡತ್ಂಡ್ ಒಂಜಿ ದಿನತ್ತ ತಿರ್ಗಾಟ ಕೂಟ, ಗೊಬ್ಬುದ ಪಂತ

ದುಬೈ: ತೀಯಾ ಫ್ಯಾಮಿಲಿ ದುಬೈದ ಮುತಾಲಿಕೆಡ್ ಇಂಚಿಪ್ಪ ದುಬೈಡ್ ಒಂಜಿ ದಿನತ್ತ ತಿರ್ಗಾಟ(ವಿಹಾರ)ಕೂಟ ನಡತ್ಂಡ್.

ಈ ಲೇಸ್ ಬ್ರಾಹ್ಮಿ ಶ್ರೀನಿವಾಸ್ ಮೆರೆನ ಪ್ರಾರ್ತನೆದೊಟ್ಟಿಗೆ ಸುರು ಆಂಡ್. ಸಂಘದ ಅಧ್ಯಕ್ಷೆರ್ ರಾಜೇಶ್ ಪಳ್ಳಿಕೆರೆ ಮೇರ್ ಮಾತೆರೆನ್ಲ ಎದ್ಕೊಂದು ವಿಹಾರ ಕೂಟದ ಪೊಲಬು ಬೊಕ್ಕ ಸಮುದಾಯನ್ ಗಟ್ಟಿ ಮಲ್ಪರೆ ಪ್ರತಿಯೊರಿ ಸದಸ್ಯೆರೆನ ಬೆಂಬಲ ಬೋಡು ಪಂದ್ ಬಿನ್ನಾಪು ಮಲ್ತೆರ್.

ಜಸ್ಮಿತಾ ವಿವೇಕ್ ಬೊಕ್ಕ ಅಮರ್ ಉಮೇಶ್ ಮೊಕುಲು ಬೇತೆ ಬೇತೆ ಗೊಬ್ಬುದ ಪಂತೊನೊ ನಡಪಾದ್ ಕೊರಿಯೆರ್. ಜೋಕುಲು ಬೊಕ್ಕ ಪೆರಿಯಕ್ಲೆನ 4 ಕೂಟ ಮಲ್ತ್ ದ್ ಗೊಬ್ಬುದ ಪಂತೊಲೆನ್ ನಡಪಾಯೆರ್.

ಜೋಕುಲೆಗ್ ರನ್ನಿಂಗ್ ರೇಸ್, ಲಿಂಬು ಚಮಚ ದ ಓಟ, ನುಂಗುದಿನ ಪಜಿರ್ ದ ಅಲಂಕಾರ, ಡ್ರೆಸಿಂಗ್ ಚಾಲೆಂಜ್, ಅಮೇರಿಕನ್ ಬಿಂಗೊ ಬೊಕ್ಕ ಬೇತೆ ಬೇತೆ ಸುಮಾರ್ ಗೊಬ್ಬುಲು ಇತ್ತ್ಂಡ್. ಬೊಕ್ಕ ನಾಲ್ ಕೂಟದ ನಡುಟ್ಟು ಬಲ್ಲ್ ಒಯಿಪುನ ಪಂತೊ ಇತ್ತ್ಂಡ್‌.

ಬೊಕ್ಕ ತೀಯಾ ಸಮಾಜದ ಪೆರಿಯ ಸಂಸ್ಥಾಪಕೆರ್ ಸದಸ್ಯೆರ್ ಎಂ.ಪಿ.ಬಿಸಜಾಕ್ಷಿ ಮೇರ್ ಮಾತ ಸದಸ್ಯೆರೆನ ಪೊಲಬುನ್ ಮಲ್ತೆರ್. ಅಕೇರಿಗ್ ಗೆಂದಿನಕ್ಲೆಗ್ ಇನಾಮು ಪಟ್ಟಿಯೆರ್. ಮಧ್ಯಾಹ್ನ ವನಸ್ ಬೊಕ್ಕ ಬಯ್ಯಗ್ ತಿಂಡಿದ ವ್ಯವಸ್ಥೆ ಇತ್ತ್ಂಡ್. ಜಸ್ಮಿತಾ ವಿವೇಕ್ ಸೊಲ್ಮೆ ಸಂದಾಯೆರ್.

ವರದಿ: ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)
ಚಿತ್ರ: ವಿವೇಕ್ ಆನಂದ್

An one day entertainment program arranged in Dubai

Dubai: The Tiya family in Dubai had arranged an one day entertainment program with cultural activities and games arranged for the whole day.
The day was began with a prayer song by Brahmi Sri ivas.The president of the Sangha Sri Rajesh Pallikere welcomed the guests and said that these programs were arranged to bring the community closer.
Jasmitha Vivek and Amar Umesh conducted various sports activities for the members.Prizes were distributed to the winners.Cultural program followed. Lunch and Dinner was arranged for the guests.

A government bus stolen from the bus stand!! ಬಸ್ ಸ್ಟ್ಯಾಂಡ್ ರ್ದ್ ಗವರ್ನ್ ಮೆಂಟ್ ಬಸ್ ನೇ ಕಂಡಿನ ಕಲ್ವೆರ್!

ಕಲಬುರಗಿ: ಕಲ್ಯಾಣ ಕರ್ನಾಟಕ ಸಾರಿಗೆ ಬಸ್ಸ್ ನ್ ಕಲ್ವೆರ್ ಕಂಡಿನ ಘಟನೆ ಕಲಬುರಗಿ ಜಿಲ್ಲೆದ ಚಿಂಚೋಳಿ ಬಸ್ ಸ್ಟ್ಯಾಂಡ್ ಡ್ ನಡತ್ಂಡ್.

ಅಂಗಾರೆ ಕಂಡೆ ಸುಮಾರ್ 3:30 ತ ಪೊರ್ತುಡು ಬೀದರ್ ಡಿಪೋಗ್ ಸೇರಿನ ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ಬಸ್ ಕೆಎ 38, ಎಫ್ 971 ನ್ ಕಲ್ವೆರ್ ಕಂಡ್ ದೆರ್. ಈ ಘಟನೆದ ಜಾಗೆಗ್ ಸಾರಿಗೆ ಸಂಸ್ಥೆದ ಅಧಿಕಾರಿಲು ಬೊಕ್ಕ ಚಿಂಚೋಳಿ ಠಾಣೆ ಪೊಲೀಸೆರ್ ಭೇಟಿ ಕೊರ್ತೆರ್. ಕಲ್ವೆರ್ ಬಸ್ ನ್ ತೆಲಂಗಾಣದಂಚಿ ಕೊನೊತೆರ್ ಪನ್ಪುನ ಪೊಲಬು ತಿಕ್ ದ್ಂಡ್.

A government bus stolen from the bus stand!!

Gulbarga: In Chincholi of Gulbarga district; culprits got away with a KSRTC bus from the bus stand itself!

The bus belonged to Bidar depot.Police and KSRTC officials visited the spot. Sources said that the bus was taken towards Telengana.

UPI and Pay Now services launched today ಯುಪಿಐ ಬೊಕ್ಕ ಪೇ ನೌ ಸೇವೆ ಇನಿರ್ದ್ ಸುರು

ಭಾರತದ ಯುಪಿಐ ಬೊಕ್ಕ ಪೇ ನೌ ನಡುತ ಕಾಸ್ ದ ವೈವಾಟ್ ಸೇವೆ ಇನಿರ್ದ್ ಸುರು ಆಪುಂಡು.

ಪ್ರಧಾನಿ ನರೇಂದ್ರ ಮೋದಿ ಬೊಕ್ಕ ಸಿಂಗಾಪುರದ ಪ್ರಧಾನಿ ಲೀ ಸಿಯೆನ್ ಲೂಂಗ್ ಮೇರ್ ವೀಡಿಯೋ ಕಾನ್ಫರೆನ್ಸ್ ಮುಖೇನ ಲೇಸ್ ಡ್ ಪಾಲ್ ಪಡೆಯೆರ್. ಆರ್ ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ಬೊಕ್ಕ ಸಿಂಗಾಪುರದ ಪನವುದ ಪ್ರಾಧಿಕಾರದ (ಎಂಎಎಸ್) ವ್ಯವಸ್ಥಾಪಕೆರ್, ನಿರ್ದೇಶಕೆರ್ ರವಿ ಮೆನನ್ ಈ ತಂತ್ರಜ್ಞಾನನ್ ಸಾರ್ವಜನಿಕೆರೆನ ಗಲಸುನೆಕ್ ಅನು ಮಲ್ಪರೆ ಉಲ್ಲೆರ್ ಪಂದ್ ಪಿಎಂಒ ತೆರಿಪಾದೆರ್.

UPI and Pay Now services launched today

UPI and Paynow services were launched in India today.

The PM Narendra Modi and Singapore PM Lee Sean took part in the program through video conferencing.
India’s UPI was linkage to Singapore’s Paynow was launched by RBI governor Shakthi Das and Ravi Menon director of Singapore ‘s MAS ( Monitory Authority of Singapore).

Senior litterateur Ambhatanaya Mudradi no more ಪೆರಿಯ ಸಾಹಿತಿ ಅಂಬಾತನಯ ಮುದ್ರಾಡಿ ನನ ನೆಂಪು ಮಾತ್ರ

ಒಡಿಪು: ನಿವೃತ್ತ ಶಿಕ್ಷಕೆರ್, ಪೆರಿಯ ಸಾಹಿತಿ, ತಾಳಮದ್ದಲೆ ಕಲಾವಿದೆರ್ ಅಂಬಾತನಯ ಮುದ್ರಾಡಿ(88) ತೀರ್ ಪೋಯೆರ್.

36 ವರ್ಷ ಶಿಕ್ಷಕೆರಾದ್ ಸೇವೆ ಸಂದಾಯಿನ ಮೇರ್ ಮೂಲತಃ ಕಾರ್ಲದ ಮುದ್ರಾಡಿದಾರ್. ಮೆರೆನ ಮೂಲ ಪುದರ್ ಕೇಶವ ಶೆಟ್ಟಿಗಾರ್. ಮೇರ್ ಯಕ್ಷಗಾನಗ್ ಸಂಬಂಧ ಪಟ್ಟಿನ ಸುಮಾರ್ ಕೃತಿಲೆನ್ ರಚನೆ ಮಲ್ದೆರ್. ರಾಜ್ಯೋತ್ಸವ ಪ್ರಶಸ್ತಿ ಸೇರಿನಂಚನೆ ಸುಮಾರ್ ಗೌರವ ಸಂದ್ ದ್ಂಡ್. ಕರಿನ ವಾರ ಒಡಿಪುಡ್ ನಡತಿನ ಸುರುತ ಯಕ್ಷಗಾನ ಸಮ್ಮೇಳನಡ್ ಸಮ್ಮೇಳನಾಧ್ಯಕ್ಷೆ ರ್ನ ಒಟ್ಟುಗು ಸಂವಾದಡ್ ಪಾಲ್ ಪಡೆಯಿನವು ಮೆರೆನ ಕಡೆತ್ತ ಲೇಸ್ ಆತ್ಂಡ್. ಈ ಪೊರ್ತುಡು ‘ಯಕ್ಷಗಾನ ಮತ್ತು ಹರಿಕಥೆ ಒಂದು ತೌಲನಿಕ ಅಧ್ಯಯನ’ ಪನ್ಪುನ ಬುಕ್ ನ್ ಪ್ರಕಟಣೆ ಮಲ್ದೆರ್. ರಾಜ್ಯೋತ್ಸವ ಪ್ರಶಸ್ತಿ, ಪಾರ್ತಿಸುಬ್ಬ ಪ್ರಶಸ್ತಿ ಮೆರೆಗ್ ತಿಕ್ ದ್ಂಡ್. ಮೆರೆಗ್ ಬೊಡೆದಿ, ಮೂಜಿ ಮಗನಕುಲು, ಐನ್ ಮಗಲ್ ನಕುಲು ಉಲ್ಲೆರ್.

Senior litterateur Ambhatanaya Mudradi no more

Udupi: Retired teacher, senior litterateur Talamaddale artist Ambhatanaya Mudradi (88) is no more.

He served as a teacher for 36 years and has written many articles and lyrics related to Yakshagana.He has been awarded with the Rajyotsava award and his real name is Keshav Shettigar.

In the Yakshagana Sammelan at Udupi recently he had published a book titled
” Yakshagana Mattu Harikathe Ondu Taulanika Adyayana”.

Akil Karkera bags the first rank and gold medal in Physics in MSc exams ಕುಡ್ಲ ವಿಶ್ವವಿದ್ಯಾನಿಲಯದ ಫಿಸಿಕ್ಸ್ ವಿಭಾಗೊಡು ಅಖಿಲ್ ಕರ್ಕೇರ ಮೆರೆಗ್ 1 ನೇ ರ‌್ಯಾಂಕ್, ಬಂಗಾರ್ ದ ಪದಕೊ

ಕುಡ್ಲ : ಮಂಗಳೂರು ವಿಶ್ವವಿದ್ಯಾನಿಲಯದ 2022 ನೇ ಇಸಯಿದ MSc ಪದವಿ ಪರೀಕ್ಷೆಡ್ ಫಿಸಿಕ್ಸ್ ವಿಭಾಗೊಡ್ ತಲಪಾಡಿದ ಅಖಿಲ್ ಕರ್ಕೇರ ಮೇರ್ 1st rank ಅಂಚೆನೆ ಬಂಗಾರ್ ದ ಪದಕೊ ಪಡೆದೆರ್.

ಅಖಿಲ್ ಶ್ರೀಮತಿ ಸಂಧ್ಯಾ ಮೆರೆನ ಮಗೆ. ಪ್ರಾಥಮಿಕ ಬೊಕ್ಕ ಪ್ರೌಢ ಶಿಕ್ಷಣೊನು ಶ್ರೀ ಭಗವತಿ ಆಂಗ್ಲ ಮಾಧ್ಯಮ ಶಾಲೆ ಸೋಮೇಶ್ವರ ಉಚ್ಚಿಲ ಮುಲ್ಪ ಮಲ್ದೆರ್. ಪದವಿ ಶಿಕ್ಷಣೊನು ಕೆನರಾ ಕಾಲೇಜ್ ಡ್ ಮಲ್ತ್ ದ್ Bsc 10ನೇ rank ಡ್ ಪಾಸ್ ಆತೆರ್. ಉನ್ನತ ಪದವಿನ್ ಮಂಗಳೂರು ಯೂನಿವರ್ಸಿಟಿ ಮಂಗಳಗಂಗೊತ್ರಿ ಕೊಣಾಜೆಡ್ ಮಲ್ದೆರ್. ಬಂಗಾರ್ದ ಪದಕೊ ಬೊಕ್ಕ ಪನವುದ ಇನಾಮುನು ಕರ್ನಾಟಕ ರಾಜ್ಯೋದ ಗವರ್ನರ್ ಶ್ರೀ ಥಾವರ್ ಚಂದ್ ಗೆಹ್ಲೋಟ್ ಮೆರೆರ್ದ್ ದೆತೊನರೆ ಉಲ್ಲೆರ್.

Akil Karkera bags the first rank and gold medal in Physics in MSc exams

Mangalore: In the post graduate exams conducted by the Mangalore University for the year 2022 , Akhil Karkera gets the first rank and gold medal in Physics.
He had also secured the 10 th rank in his under graduate exams from Canara college Mangalore.He is the son of Smt Sandhya.

ಬ್ರಹ್ಮಶ್ರೀ ನಾರಾಯಣ ಗುರು ಅಭಿವೃದ್ಧಿ ನಿಗಮ ಸ್ಥಾಪನೆಗ್ ಸರ್ಕಾರ ಆದೇಶ

ಬೆಂಗಳೂರು: ಬಿಲ್ಲವ ಸಮುದಾಯದ ಅಭಿವೃದ್ಧಿಗಾದ್ ಬ್ರಹ್ಮಶ್ರೀ ನಾರಾಯಣಗುರು ನಿಗಮ ಸ್ಥಾಪನೆ ಮಲ್ಪರೆ ರಾಜ್ಯ ಸರ್ಕಾರ ಸೋಮಾರ ಅಧಿಕೃತ ಆದೇಶ ಮಲ್ದ್ಂಡ್.

ರಾಜ್ಯದ ಹಿಂದುಳಿದ ವರ್ಗಡ್ ಒಂಜಾಯಿನ ಬಿಲ್ಲವ ಬೊಕ್ಕ ಈಡಿಗ ಸಮುದಾಯ ಸೇರ್ದ್ 26 ಪಂಗಡದ ಎಡ್ಡೆಪ್ಪುಗಾದ್ ಅಂಚೆನೆ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ತತ್ವಾದರ್ಶದ ಪ್ರಸಾರೊಗು ಪ್ರತ್ಯೇಕ ನಿಗಮ ಸ್ಥಾಪನೆ ಮಲ್ಪೊಡು ಪಂದ್ ಇಡೀ ಸಮುದಾಯದ ಬೇಡಿಕೆ ಆದಿತ್ತ್ಂಡ್.

ಆಂಡ ಬಜೆಟ್ ಮಂಡನೆದ ಪೊರ್ತುಡು ಅವೆನ್ ಪ್ರಕಟ ಮಲ್ಪಂದಿನೆಕ್ಕ್ ಮಸ್ತ್ ಕಡೆರ್ದ್ ಟೀಕೆ ಬತ್ತಿತ್ತ್ಂಡ್.

ಇಂಚೊಗು ಸೋಲೂರು ಮಠತ್ತ ಶ್ರೀ ವಿಖ್ಯಾತಾನಂದ ಸ್ವಾಮೀಜಿ, ಸಚಿವೆರ್ ಸುನಿಲ್ ಕುಮಾರ್ ಮುಕೇನ ಸಮುದಾಯದ ಮುಖಂಡೆರ್ ಸಿಎಂ ಬಸವರಾಜ್ ಬೊಮ್ಮಾಯಿ ಮೆರೆನ್ ಭೇಟಿ ಮಲ್ತ್ ದ್ ನಿಗಮ ಮಲ್ಪರೆ ಬಿನ್ನಾಪು ಮಲ್ದಿತ್ತೆರ್.

ಬಾಳೆಹೊನ್ನೂರು: ಗುಂಡು ಬುಡ್ದು 2 ಜನ ಬೈಕ್ ಸವಾರೆರೆನ್ ಕೆರಿನ ಬುದ್ಧಿಮಂದದ ಜವನೆ

ಬಾಳೆಹೊನ್ನೂರು: ಬೈಕ್ ಸವಾರೆರ್ ರಡ್ಡ್ ಜನತ್ತ ಮಿತ್ತ್ ಗುಂಡು ರಾಪಾದ್ ಕೆರ್ನ ಘಟನೆ ಚಿಕ್ಕಮಗಳೂರು ತಾಲೂಕ್ ದ ಬಾಳೆಹೊನ್ನೂರು ಖಾಂಡ್ಯ ಹೋಬಳಿದ ಚಂದ್ರುಳ್ಳಿಬಿದರೆಡ್ ಸೋಮಾರ ನಡತ್ಂಡ್.

ಬಾಳೆಹೊನ್ನೂರು ಗ್ರಾಮದ ಹಳ್ಳಿಬೈಲ್ ನಿವಾಸಿಲಾಯಿನ ಪ್ರಕಾಶ್(28) ಬೊಕ್ಕ ಪ್ರವೀಣ್(30) ತೀರ್ ಪೋಯಿನ ಜವನೆರ್. ಆರೋಪಿ ಚಿಕ್ಕಮಗಳೂರು ತಾಲೂಕ್ ದ ಉಜ್ಜಯಿನಿ ಗ್ರಾಮದ ರಮೇಶ್ ಪಂದ್ ತೆರಿದ್ ಬೈದ್ಂಡ್. ಆರೋಪಿನ್ ಪೊಲೀಸೆರ್ ಅರೆಸ್ಟ್ ಮಲ್ದೆರ್. ‌ಗುಂಡುದದಾಳಿ ನಡಪಾಯಿನ ಆರೋಪಿ ಬುದ್ದಿಮಂದದ ಜವನೆ ಪಂದ್ ತೆರಿದ್ ಬೈದ್ಂಡ್. ಘಟನೆಗ್ ಕಾರಣ ನನಲ ತೆರಿದ್ ಬೈದಿಜಿ. ಈ ದಾಳಿರ್ದ್ ಸವಾರೆರ್ ರಡ್ಡ್ ಜನಲ ಜಾಗೆಡೇ ತೀರ್ ಪೋತೆರ್. ಜಾಗೆಗ್ ಬಾಳೆಹೊನ್ನೂರು ಠಾಣೆದ ಪೊಲೀಸೆರ್ ಬತ್ತ್ ದ್ ಪರಿಶೀಲನೆ ನಡಪಾದೆರ್.

Tulunad Flag unfurled in KPT Riksha Park ಕುಡ್ಲದ ಕೆಪಿಟಿ ರಿಕ್ಷಾ ಪಾರ್ಕ್ ಡ್ ರಾಪಾಯೆರ್ ತುಳುನಾಡ ಕೊಡಿ

ಕುಡ್ಲ : ಕೆಪಿಟಿ ರಿಕ್ಷಾ ಪಾರ್ಕ್ ಡ್ ತುಳುನಾಡ್ ದ ಪೊಸ ಕೊಡಿ ಪಾಡ್ದ್ ನಮ್ಮ ತುಳುನಾಡ್ ದ ಸ್ವಂತಸ್ತಿಕೆನ್, ತುಳುನಾಡ್ ದ ಆಚಾರ ವಿಚಾರಲೆನ್, ಸಂಸ್ಕೃತಿನ್ ಒರಿಪಾವುನ ಪಾತಕೆನ್ ರಾಪಾದ್ ತುಳು ಅಪ್ಪೆಗ್ ಗೌರವ ಕೊರ್ಪುನ ಕೆಲಸನ್ ಪೆರ್ಮೆದ ರಿಕ್ಷಾ ಪಾರ್ಕ್ ದಕುಲು ಮಲ್ತೊಂದು ಉಲ್ಲೆರ್.