2023

April 8 th : Akhila Bharatha Tulu Okkuta ( R) Sammelan – A C Bandhari ಎ.8 : ಅಖಿಲ ಭಾರತ ತುಳು ಒಕ್ಕೂಟ (ರಿ.)ದ ಸಮ್ಮೇಳನ: ಎ.ಸಿ. ಭಂಡಾರಿ

ಕುಡ್ಲ: ಅಖಿಲ ಭಾರತ ತುಳು ಒಕ್ಕೂಟ(ರಿ.)ದ ವತಿರ್ದ್ ಎಪ್ರಿಲ್‌ 8 ಕ್ ಆಳ್ವಾಸ್‌ ಬೆದ್ರಡ್ ಡಾ. ಮೋಹನ್‌ ಆಳ್ವ ಮೆರೆನ ಸಹಕಾರಡ್ ಒಕ್ಕೂಟದ ಬಲವರ್ಧನೆಗಾದ್ ಒಕ್ಕೂಟದ ಮಹಾಕೂಟ ಸಮ್ಮೇಳನ ನಡಪರೆ ಉಂಡು ಪಂದ್ ಅಖಿಲ ಭಾರತ ತುಳು ಒಕ್ಕೂಟ (ರಿ.) ಅಧ್ಯಕ್ಷೆರ್ ಎ.ಸಿ. ಭಂಡಾರಿ ಪಂಡೆರ್.

ಮೇರ್ ಕಾವೂರು ಮುಗ್ರೋಡಿ ಎನ್‌ಕ್ಲೇವ್‌ ಒಕ್ಕೂಟದ ಚಾವಡಿಡ್ ನಡತಿನ ಕಾರ್ಯಕಾರಿ ಸಮಿತಿದ ಸಮ್ಮೇಳನದ ಅಟ್ಟಣೆದ ಸಭೆಟ್ ಗುರ್ಕಾರ್ಮೆನ್ ಒಯಿಸೊಂದು ಪಾತೆರಿಯೆರ್.
ರಾಜ್ಯ, ಜಿಲ್ಲೆಡ್ ತುಳು ಭಾಷೆ ಸಂಸ್ಕೃತಿಗಾದ್ ತುಳು ಸಂಘಟನೆಲು ಒಕ್ಕೂಟದ ಸದಸ್ಯೆರಾದ್ ನಿರಂತರ ತುಳು ಅಭಿವೃದ್ಧಿ ಲೇಸ್ ನ್ ನಡಪಾವೊಂದು ಬರೊಂದು ಉಲ್ಲೆರ್. ಈ ಮಾತ ಸದಸ್ಯೆರೆನ ಸಂಘಟನೆನ್ ಒಟ್ಟು ಮಲ್ತ್ ದ್, ಆಳ್ವಾಸ್‌ ಬೆದ್ರಡ್ ಒಂಜಿ ದಿನತ ಬೇತೆ ಬೇತೆ ತುಳುಕ್ ಸಂಬಂಧ ಪಟ್ಟಿನ ಲೇಸ್ ಲು, ಗೋಷ್ಠಿಲು, ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಅತ್ತಂದೆ ಈ ಲೇಸ್ ಡ್ ಮಸ್ತ್ ಸಮರ್ಯದಿಂಚ ತುಳು ಭಾಷೆಗಾದ್ ಸೇವೆ ಸಂದಾಯಿನ ಒಕ್ಕೂಟದ ಪದಾಧಿಕಾರಿಲೆಗ್ ತಮ್ಮನ ಮಲ್ತ್ ದ್ ಮಾನಾದಿಗೆ ಮಲ್ಪರೆ ಉಂಡು ಪಂದ್ ಪಂಡೆರ್.

ಒಕ್ಕೂಟದ ಸಂಘಟನಾ ಕಾರ್ಯದರ್ಶಿ ಕದ್ರಿ ನವನೀತ್‌ ಪಾತೆರ್ದ್, ಆಳ್ವಾಸ್‌ ಬೆದ್ರಡ್ ನಡಪರೆ ಇಪ್ಪುನ ಒಂಜಿ ದಿನತ ಲೇಸ್ ಡ್ ಒಕ್ಕೂಟದ ಬಲವರ್ಧನೆಗಾದ್ ಬೇತೆ ಬೇತೆ ಲೇಸ್ ಲೆನ ರೂಪುರೇಖೆ ತಯಾರ್ ಆತ್ಂಡ್. ಸಮ್ಮೇಳನಡ್ ತುಳು ಭಾಷೆ, ಸಂಸ್ಕೃತಿದ ಲೇಸ್ ಲೆನ್ ಆಯೋಜನೆ ಮಲ್ದ್ಂಡ್ ಪಂದ್ ಪಂಡೆರ್.

ಹೊಸ ಸದಸ್ಯತ್ವಗ್ ಅವಕಾಶ: ಜಿಲ್ಲೆ, ರಾಜ್ಯಲೆಡ್ ಇತ್ತೆನೇ ತುಳು ಸಂಘಟನೆಲು ಉಂಡು. ಅಖಿಲ ಭಾರತ ತುಳು ಒಕ್ಕೂಟ(ರಿ.)ದ ಸದಸ್ಯೆರಾದ್ ಇಜ್ಜಿಂಡ ಅಂಚಿನ ಸಂಘಟನೆದ ಒಕ್ಕೂಟಡ್ ಸದಸ್ಯೆರಾವೆರೆ ಎಚ್ಚದ ಪೊಲಬುದೊಟ್ಟಿಗೆ ಅಖಿಲ ಭಾರತ ತುಳು ಒಕ್ಕೂಟ(ರಿ.) ಮುಗ್ರೋಡಿ ಎನ್‌ಕ್ಲೇವ್‌, ಗಾಂಧೀನಗರ, ಕಾವೂರು, ಕುಡ್ಲ ಮುಲ್ಪ ಪತ್ರದ ಮುಖೇನ ಬಿನ್ನಾಪು ಸಂದಾವೊಲಿ.

ಈ ಪೊರ್ತುಡು ಒಕ್ಕೂಟದ ಪದಾಧಿಕಾರಿಲು ವಿಜಯಲಕ್ಷ್ಮೀ ಬಿ. ಶೆಟ್ಟಿ, ಸುಖಲಾಕ್ಷಿ ಸುವರ್ಣ, ಚಂದ್ರಶೇಖರ್‌ ಸುವರ್ಣ, ಹರೀಶ್‌ ನೀರ್ ಮಾರ್ಗ, ಪಿ.ಎ. ಪೂಜಾರಿ, ಮೋಹನ್‌ ಕೆ. ಹಿರಿಯಡ್ಕ, ಚಂದ್ರಹಾಸ ದೇವಾಡಿಗ ಇತ್ತೆರ್. ಮುಲ್ಕಿ ಕರುಣಾಕರ ಶೆಟ್ಟಿ ಎದ್ಕೊನಿಯೆರ್. ರಾಜೇಶ್‌ ಆಳ್ವ ಸೊಲ್ಮೆ ಸಂದಾಯೆರ್.

ವರದಿ: ಮುಲ್ಕಿ ಕರುಣಾಕರ ಶೆಟ್ಟಿ
ಮೊ:9880425265

April 8 th : Akhila Bharatha Tulu Okkuta ( R) Sammelan – A C Bandhari

Mangalore: The president of Akila Baratha Tulu Okkutha ( R) A C Bandhari announced that a Sammelan will be organised by the Okkutha on April 8 th at Alvas Moodbidri under the guidance of Dr Mohan Alva.

Suresh Kumar T S appointed as the new Tahsildar of Bheltangady taluk ಬೊಲ್ತೇರ್ ದ ಪೊಸ ತಹಶೀಲ್ದಾರ್‌ರಾದ್ ಸುರೇಶ್ ಕುಮಾರ್ ಟಿ ಎಸ್ ನೇಮಕ

ಬೊಲ್ತೇರ್ ತಹಶೀಲ್ದಾರ್ ಪೃಥ್ವಿ ಸಾನಿಕಾಂ ವರ್ಗ ಆಯಿಬೊಕ್ಕ ಈ ಬೇಲೆ ಕಾಲಿ ಇತ್ತ್ಂಡ್. ಇತ್ತೆ ಈ ಬೇಲೆಗ್ ಚಿತ್ರದುರ್ಗ ಜಿಲ್ಲೆದ ಮೊಳಕಾಲ್ಮುರ್ ತಾಲೂಕ್‌ಡ್ ತಹಶೀಲ್ದಾರಾದಿತ್ತಿನ ಸುರೇಶ್ ಕುಮಾರ್.ಟಿ.ಎಸ್ ಮೇರ್ ನೇಮಕ ಆತೆರ್.

ರಾಜ್ಯ ಕಂದಾಯ ಇಲಾಖೆದ ಒಟ್ಟು 32 ಜನ ತಹಶೀಲ್ದಾರ್ ಲೆನ್ ವರ್ಗಾವಣೆ ಮಲ್ಪರೆ, ಕಂದಾಯ ಇಲಾಖೆದ ಅದೀನ ಕಾರ್ಯದರ್ಶಿ ಜಿ.ಎನ್.ಸುಶೀಲ ಆದೇಶ ಕೊರ್ತೆರ್.

Ullal Someshwar – Miscreants set fire to a fishing boat – lakhs worth material destroyed ಉಳ್ಳಾಲ ಸೋಮೇಶ್ವರಡ್ ಮೀನ್‌ದ ಓಡಗ್ ತೂ ಪೊತ್ತಾಯಿನ ಬಚ್ಚಾಲಿಲು: ಲಕ್ಷರ್ದ್ ಎಚ್ಚ ರೂ. ನಷ್ಟ..!

ಉಳ್ಳಾಲ ಸೋಮೇಶ್ವರ ಕಡಲ ಕಿನಾರೆಡ್ ದೀದಿತ್ತಿನ ರಡ್ಡ್ ಓಡಲೆಗ್ ಬಚ್ಚಾಲಿಲು ತೂ ಪೊತ್ತಾಯಿನ ಘಟನೆ ನಡತ್ಂಡ್.

ನೇರ್ದಾವೆರ ಓಡ ಬೊಕ್ಕ ಮೀನ್‌ದ ಬಲೆ ಪೊತ್ತ್ ದ್ ಕರೆಂಚಿದ್ಂಡ್. ಲಕ್ಷರ್ದ್ ಎಚ್ಚ ರೂ. ನಷ್ಟ ಆತ್ಂಡ್.

ಸೋಮೇಶ್ವರದ ಮೀನುಗಾರೆರಾಯಿನ ಅನಿಲ್ ಬೊಕ್ಕ ಶೇಖರ್ ಪನ್ಪುನಕ್ಲೆಗ್ ಸೇರಿನ ಈ ಓಡಗ್ ಗುರುವಾರ ಮಧ್ಯಾಹ್ನ ತೂ ಪೊತ್ತ್‌ದ್ಂಡ್. ಅತ್ತಂದೆ ಕೈತಲ್‌ದ ದೈಕ್‌ಲ ತೂ ಪತ್ತ್‌ದ್ಂಡ್. ನೆನ್ ತೂದು ಕೈತಲ್ ದಕುಲು ತೂ ತೆಕ್ಕಾದೆರ್. ಈ ಬಗೆಟ್ ಉಳ್ಳಾಲ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್. ತನಿಖೆ ನಡತೊಂದು ಉಂಡು.

Retired Judge D V Shailendra Kumar no more ದೇವೆರೆ ಪಾದೊ ಸೇರಿಯೆರ್ ಪುಗರ್ತೆದ ನಿವೃತ್ತ ನ್ಯಾಯಮೂರ್ತಿ ಡಿ.ವಿ ಶೈಲೇಂದ್ರ ಕುಮಾರ್

ರಾಜ್ಯ ಹೈಕೋರ್ಟ್ ಡ್ ಖಾಯಂ ನ್ಯಾಯಮೂರ್ತಿ ಆದ್ ಸೇವೆ ಸಂದಾವೊಂದು ಇತ್ತಿನ ನ್ಯಾ.ಡಿ.ವಿ ಶೈಲೇಂದ್ರ ಕುಮಾರ್ ಇನಿ ದೇವೆರೆ ಪಾದೊ ಸೇರಿಯೆರ್.

ಕಲ್ವ ತಾದಿಡ್ ಕೊನೊಂದು ಇತ್ತಿನ ಗಣಿಗಾರಿಕೆದ ವಿರುದ್ಧ ಮಹತ್ವದ ತೀರ್ಮಾನ ದೆತೊಂದು ಬಳ್ಳಾರಿರ್ದ್ ಅದಿರ್ ಕೊನೊವಾಂದಿಲೆಕ್ಕ ನಿರ್ದೇಶನ ಕೊರ್ತೆರ್. ಸುಪ್ರೀಂ ನ್ಯಾಯಮೂರ್ತಿ ಕೆ.ಜಿ. ಬಾಲಕೃಷ್ಣನ್, ಹೈಕೋರ್ಟ್ ಸಿಜೆ ಪಿಡಿ. ದಿನಕರ್ ಬೊಕ್ಕ ಸುಪ್ರೀಂ ಕೋರ್ಟ್ ದ ಕೊಲಿಜಿಯಂ ವಿರುದ್ಧ ಸ್ವರ ಲಕ್ಕದಿತ್ತೆರ್. ಅತೆ ಅತ್ತ್ ಆಸ್ತಿ ಘೋಷಣೆ ಮಲ್ತೊನ್ನ ಸುರುತ ನ್ಯಾಯಮೂರ್ತಿ ಪನ್ಪುನ ಪುದರ್ ಮೇರ್ ಗ್ ಉಂಡು.

Yantra India limited – Indian Ordnance factory calls for 5458 vacancies ಯಂತ್ರ ಇಂಡಿಯಾ ಲಿಮಿಟೆಡ್ ಇಂಡಿಯನ್ ಆರ್ಡಿನೆನ್ಸ್ ಫ್ಯಾಕ್ಟರಿಡ್ 5458 ಬೇಲೆ

ಯಂತ್ರ ಇಂಡಿಯಾ ಲಿಮಿಟೆಡ್ ಇಂಡಿಯನ್ ಆರ್ಡಿನೆನ್ಸ್ ಫ್ಯಾಕ್ಟರಿಡ್ ಟ್ರೇಡ್ ಅಪ್ರೆಂಟಿಸ್ ನೇಮಕಾತಿಗ್ ಖಾಲಿ ಇಪ್ಪುನ 5458 ಬೇಲೆಗ್ ಅರ್ಜಿನ್ ಸಂದಾವೊಲಿ.

ಈ ಬೇಲೆಗ್ ಅರ್ಜಿ ಸಂದಾವೊನಕುಲು 15 ರ್ದ್ 24 ವರ್ಷ ದಕುಲು ಆದಿಪ್ಪೊಡು. 10 ನೇ ಕ್ಲಾಸ್ ಪಾಸ್ ಆದಿಪ್ಪೊಡು. ಬೊಕ್ಕ ಐಟಿಐಡ್ ಉತ್ತೀರ್ಣ ಆದಿಪ್ಪೊಡು. ನೆತ್ತ ವೆಬ್ ಸೈಟ್: yantraindia.co.in

Yantra India limited – Indian Ordnance factory calls for 5458 vacancies

Yantra India limited calls application for trade apprentice vacancies 5458 posts.

For more information log on to:
yantra India.co.in.

Make up gone wrong-Wedding cancelled!! ಮೇಕಪ್ ಮಲ್ತಿನ ಮದಿಮಾಲೆನ ಮೋನೆ ವಿರೂಪ: ಮದಿಮೆ ಕ್ಯಾನ್ಸಲ್.!

ಹಾಸನ ಜಿಲ್ಲೆದ ಅರಸೀಕೆರೆ ಪೇಂಟೆಡ್ ಹರ್ಬಲ್ ಬ್ಯೂಟಿ ಪಾರ್ಲರ್ ಅಂಡ್ ಸ್ಪಾಡ್ ಮೇಕಪ್ ಮಲ್ತಿನ ಪೊಣ್ಣನ ಮೋನೆ ವಿರೂಪ ಆದ್ ಮದಿಮೆ ಕ್ಯಾನ್ಸಲ್ ಆಯಿನ ಘಟನೆ ನಡತ್ಂಡ್.

ಮದಿಮೆ ಆವೊಡಾಯಿನ ಮದಿಮಾಲ್ ದುರ್ಗತಿ ಪೊಸ ಮಾದರಿದ ಮೇಕಪ್ ಮಲ್ಪರೆ ಪೋದು ಎಡವಟ್ಟ್ ಮಲ್ತೊಂದೆರ್. ಮೇಕಪ್ ಮಲ್ಪುವೆ ಪಂದ್ ಸ್ಟೀಮ್ ದೆತೊನ್ನ ಬೊಕ್ಕ ಪೊಣ್ಣನ ಮೋನೆ ದಪ್ಪ ಆದ್ ಕರೆಂಚಿದ್ಂಡ್. ಮೋನೆ ತೂದು ಮದಿಮಾಯನ ಕುಟುಂಬದಕುಲು ಮದಿಮೆ ಕ್ಯಾನ್ಸಲ್ ಮಲ್ದೆರ್. ನೇರ್ದ್ ಪೊಣ್ಣನ ಕುಟುಂಬದಕುಲು ಬೇಜಾರಾದ್ ಅರಸೀಕೆರೆ ಪೇಂಟೆದ ಪೊಲೀಸೆರೆಗ್ ದೂರು ಕೊರ್ತೆರ್. ಬ್ಯೂಟಿಪಾರ್ಲರ್ ಮಾಲೀಕೆರೆನ್ ವಿಚಾರಣೆ ನಡಪಾದೆರ್.

Madal Virupakshappa BJP MLA resigns from the post of president of KSDL ಕೆಎಸ್ ಡಿಎಲ್ ಅಧ್ಯಕ್ಷ ತಾನಗ್ ಬಿಜೆಪಿ ಶಾಸಕೆ ಮಾಡಾಳ್ ವಿರೂಪಾಕ್ಷಪ್ಪ ರಾಜೀನಾಮೆ

ಲೋಕಾಯುಕ್ತ ದಾಳಿದ ಪೊರ್ತುಡು ರೆಡ್ ಹ್ಯಾಂಡ್ ಆದ್ ತಿಕ್ ದ್ ಬೂರಿನ ಶಾಸಕೆ ಮಾಡಾಳ್ ವಿರೂಪಾಕ್ಷಪ್ಪನ ಮಗೆ ಪ್ರಶಾಂತ್, ಅರೆಸ್ಟ್ ಆಯಿನ ಬಗೆಟ್, ಕರ್ನಾಟಕ ಸಾಬೂನ್ ಬೊಕ್ಕ ಮಾರ್ಜಕ ಕಾರ್ಖಾನೆ ಅಧ್ಯಕ್ಷ ತಾನಗ್ ರಾಜೀನಾಮೆ ಕೊರ್ತೆರ್.

ಸಿಎಂ ಸೂಚನೆದಂಚನೆ ಕೋಡೆ ರಾತ್ರೆನೇ ರಾಜೀನಾಮೆ ಕೊರ್ತೆರ್ ಪಂದ್ ಖಾಸಗಿ ಸುದ್ದಿ ವಾಹಿನಿ ವರದಿ ಮಲ್ದ್ಂಡ್. ಈ ಬಗೆಟ್ ಶಾಸಕೆರ್ ಮಾಡಾಳ್ ವಿರೂಪಾಕ್ಷಪ್ಪ ಮೆರೆನ ಇಲ್ಲದ ಮಿತ್ತ್ ಲ ಲೋಕಾಯುಕ್ತ ದಾಳಿ ನಡಪುನ ಸಾಧ್ಯತೆ ಉಂಡು ಪಂದ್ ವರದಿ ಆತ್ಂಡ್.

Madal Virupakshappa BJP MLA resigns from the post of president of KSDL

MLA Virupakshappa’s son Prashant was caught red handed by the lokayukta during a raid and has been arrested. In this connection Virupakshappa has resigned from the post of president of Karnataka Soaps and Detergents limited.

Patla foundation, Baharain conducts blood donation camp ಪಟ್ಲ ಫೌಂಡೇಶನ್ ಬಹರೈನ್ ಸೌದಿ ಘಟಕದ ವತಿರ್ದ್ ಯಶಸ್ವಿಯಾದ್ ನಡತ್ಂಡ್ ಸಾಮೂಹಿಕ ನೆತ್ತೆರೆ ಉಂಬೊಲಿ ಶಿಬಿರ

ಪಟ್ಲ ಫೌಂಡೇಶನ್ ಬಹರೈನ್ ಸೌದಿ ಘಟಕದ ವತಿರ್ದ್ ಸಲ್ಮಾನಿಯ ಆಸ್ಪತ್ರೆದ ನೆತ್ತೆರ್ ಕೇಂದ್ರಡ್ ಸಾಮೂಹಿಕ ನೆತ್ತೆರೆ ಉಂಬೊಲಿ ಶಿಬಿರ ಯಶಸ್ವಿಯಾದ್ ನಡತ್ಂಡ್.

ಈ ನೆತ್ತರ್ ಉಂಬೊಲಿ ಶಿಬಿರಡ್ ನೂದೆರ್ದ್ ಎಚ್ಚ ದಾನಿಲು ಪಾಲ್ ಪಡೆದ್, ದಾಖಲೆದ ಸಂಖ್ಯೆಡ್ ನೆತ್ತೆರ್ ದಾನ ಮಲ್ತೆರ್. ಪುಗರ್ತೆದ ಭಾಗವತೆರಾಯಿನ ಯಕ್ಷಧ್ರುವ ಪಟ್ಲ ಸತೀಶ್ ಶೆಟ್ಟಿ ಮೆರೆನ ಸಾರಥ್ಯಡ್ ಆಸಕ್ತ ಕಲಾವಿದೆರೆನ ಸಕಾಯಗಾದ್ ಅಸ್ತಿತ್ವಗ್ ಬತ್ತಿನ ಪಟ್ಲ ಫೌಂಡೇಶನ್ ದೇಶ ವಿದೇಶಲೆಡ್ ಸುಮಾರ್ 40 ರ್ದ್ ಎಚ್ಚ ಶಾಖೆನ್ ಉಂಡು. ಆಯಿಟ್ ಬಹರೈನ್ ಸೌದಿ ಘಟಕ ಒಂಜಿ.

ಈ ನೆತ್ತೆರ್ ಉಂಬೊಲಿ ಶಿಬಿರಗ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ದ ಗೌರವಾಧ್ಯಕ್ಷೆರ್ ಸುಭಾಸ್ ಚಂದ್ರ, ಅಧ್ಯಕ್ಷೆರ್ ರಾಜೇಶ್ ಶೆಟ್ಟಿ, ಉಪಾಧ್ಯಕ್ಷೆರ್ ನರೇಂದ್ರ ಶೆಟ್ಟಿ, ಪದಾಧಿಕಾರಿಲು, ಬೊಕ್ಕ ಬೇತೆ ಬೇತೆ ಸಂಘಟನೆದ ಪದಾಧಿಕಾರಿಲು ಭೇಟಿ ಕೊರ್ದು ಪಟ್ಲ ಫೌಂಡೇಶನ್ ದ ಈ ಸಮಾಜಮುಖಿ ಕಜ್ಜೋನ್ ಮೆಚ್ಚಿಯೆರ್. ಅಂಚನೆ ನೆತ್ತೆರ್ ದಾನಿಲೆಗ್ ಬೊಲ್ಪುದ ಉಪಹಾರ ಬೊಕ್ಕ, ಸರ್ಟಿಫಿಕೇಟ್ ಗ್ ಕೊರಿಯೆರ್.

Patla foundation, Baharain conducts blood donation camp

The Saudhi unit of Patla foundation successfully conducted a blood donation camp were more than 100 donors donated blood.
The Patla foundation founded under the leadership of noted Yakshagana Bhagavatar Yakshadruva Patla Satish Shetty to train and help intrested Yakshagana artists has more than 40 branches worldwide.